Google chuan Orkut chu September ni 30 ah a khar dawn. Tam tak chuan Orkut a awm tih pawh kan theihnghilh tawh ang chu. Orkut hriatreng nan mahni awm hmun ah minute khat ngawi rengin hun I hmang ang u 
Ten years ago, Orkut was Google’s first foray into social networking. Built as a “20 percent” project, Orkut communities started conversations, and forged connections, that had never existed before. Orkut helped shape life online before people really knew what “social networking” was.
(more…)
Thlangdar hian kawng chi hrang hrangin mihring nunphung a ti khaihlak ve thei a. An ninawmna ber chu huan thlai leh theite an tihchhiat thin vang a ni bawk. Entirnan, Mizoram angah chuan serthlum a rah a a hmin tak tak hmain a tui an zuk ta thin a, chutiang chuan serthlum rah tam tak a ti tawih a, ei tling lovin kung tam tak an chhuah thin a ni.
United States-ah hian Japan emaw China atang emawin bungraw lakluhna (packing crate) a lo awm palh ni ngei tur chu kum 1998 khan Allenton khua, Pennysylvania state-ah hmuh hmasak ber a ni. Chumi chu an hmuh hmasak a ni nangin chumi chinah chuan rannung ninawm tak US khawmual pumpui maiah anni ve ta a ni. Han sawi belh lawk ila USA ah hian Asia ram, Mizoram ang a kan thosi-ngalsang (Asian tiger mosquito) ang hi thlangdar ang tho va lak luh palh niin, kum 1980’s chhova rawn ken luh palh bawk a ni. Vanneih thlak takin malaria a awm lo hlauh thung.
Engpawh nise, thlangdar hian hmun lum an ngaina em em a, khawvawt zual erawh an tuar thei miah bik lo va an thihpui vat mai thin. Chutiang chuan khawlum lai, nipui lai chuhin (ti mai ang) nasa takin an inthlahpung thin a, thlasikah chuan hmun lum zawngin, “a lai lum lum tawnah,” tiin zah hre heklo, mi in chhungah luh phet an tum tawh mai thin a ni (US-ah).
(more…)
Khawvel thil chhui miten hun rei tak hlawhchham titih a an lo zawn reng thin, “Isua wine inna no,” an tih “Holy Grail” chu historian ten an hmuchhuak ta tih an puang heu mai!
Spanish ram pakhat, Leon an tihah chuan biakin lian zet mai, San Isidro Basilica an tih chu a awm a. Han sawi tel zuai ila, Catholic biakin-te hian kohdan hrang an nei nawk hlawm. Entirnan, Cathedral chu Bishop awp/thuthmun biakin sawina a nih laiin, Basilica erawh chu Kristian thilah engemaw tak pawimawhna lo nei tawh thin/nei mekte sawina a ni a, a hming hi thlak theih pawh a ni lo a ni. Engpawh nise, chumi San Isidro Basilica-ah chuan museum a awm reuh a. Chutah chuan mi tlawh tam em em loh mai wine inna no, rangkachak leh lungmawi (agate & onyx) a thuah chu a awm a. Historiante’n lehkha pawimawh hrang hrang kum tel an neih hnuah “Hei ngei hi Holy Grail chu a ni e,” tiin an puang ngam ta a ni.
Kar hmasa khan kan awmna Frederick, MD leh Washington metro area chu khua a nuam ngang mai. Nipui thlen hma chapchar hunlai ang boruak vel a ni hial awm e. January ni 5, 2014 khan a vawt tawh viau nangin lo thleng mek hmahruai lek ala ni. January 6, 2014 zan aṭang erawh kha chuan a dan a dang ta zar thung! “Polar vortex” an tih mai, polar hurricane an tih bawk, thli vawt tak mai chuan North America a rawn tuam chhuk ta ṭuam ṭuam mai a ni.
Motor kan han nei ve a, a upa ve dawn ṭan tihah “check engine” light a rawn eng phat mai hi chuan ngaihtuahna a tibuai ve thei ṭhin viau mai. Motor khawl engemaw ber fuh lo siamṭhat ngai a awm tih chu a chiang reng mai. Workshop lam han panpui ila, tunlai chhuak motor phei chu khawl hmang lovin han endik mai a harsa em em mai lehnghal si a. Chutah chuan mechanic-te khan endik manah ngawt pawh tam tak tak min chawi tir thei a, thlak ngai chauh an thlak em tih lah mi tam zawkin kan hre awm bawk si hek lo.
Chutiang a mechanic-te thuhnuai a awm lova, keimahniin kan chawi zat tur awm ang leh englai chiah nge felhlel emaw chhia emaw kan hriat theihna atan Tim Kelly hote chuan an company, Zobie an tih aṭang chuan khawl tetakte mai an duang chhuak ta a ni. He nawalh bawm tiat lek thil ṭha tak mai hi an mahni company subscriber-te tan an pe chhuak phawt dawn a nih hmel. Mizoram tan hian engtin emaw neih theih dante awm sela ka ti hle mai.
(more…)
India in hun rei tak atanga alo thlir tawh Thlawhna phurthei Indo lawnglian chu Russia kut atang a dawng tawh a, Tunah hian India ram lamah hawpui mek ani a.Tihian India chu khawvela Aircraft carrier a ruala pakhat aia tam service tir thei ram pathum zingah a tel ve ta(USA 10, Italy 2,India 2)INS Vikramaditya hian murmansk atang port hmingthang Gibraltar a pan mek a,INS Trikand multirole frigate leh INS Deepak tanker ten an escort ani. Gibraltar an thlen hian Delhi class destroyer INS Mysore pakhat leh Khukri class corvette(indolawng te) pahnih ten an lo hmuak leh ang. Ni 16 hnuah Oman thleng tura ngaih ani a, hetah hian kan aircraft carrier hlui zawk INS Viraat leh a thuihhruai lawng dang ten an lo hmuak leh anga, tichuan Arabian sea ah rawn tawlhchhuak in Cochin port(India) thleng an pahnihin(INS viraat leh Vikramaditya) an rawn tleh dun dawn a ni. (more…)
“Flying Coffin” tia sakhming an phuah el fo thin India in supersonic jet fighter a neih hmasak ber chu 12th December 2013 (thursday) khan ui tak chunga thlahliam ani ta. India hian he fighter hi vawilehkhata chawlhtir vek lo in a tahtawl a tihtlem hret hret a tum mek a, a hmasa ber turin FL variant(Type77) chu an chawlhtir ta phawt a ni. Tun atanga kum 4 velah hian M-variant leh Bison variant te nen avaiin chawlhtir vek hman tum a ni. Mig-21 hi a hun alo liam ve ta a, a vanglai leh a chhuahtirh te kha chuan khawthlang ram te hlauh rawn a tling ve tak zet anih kha. India hian kum 50 zet he fighter hi alo chulnel tawh ani. Mig-21 thlak tur hian India in a kutkawiha a siam LCA Tejas chu ruahman mek ani bawk. Tuna IAF hotu NAK Browne pawh hi tuna chawl ta Mig-21FL pilot hlui ani bawk.
Mizoram Election 2013 chu kan lo zo leh ta a. Prediction hrang hrang a awm a. CID/ SIB Report (an tih tei vet) te, Exit poll atang te chuan mipui chuan rindan kan nei ve fir fer hlawm a. ZNP lahin “NI a chhuak dawn e” tiin an lo au vei rawl nen. A tawpah chuan NLUP in vote a hmu hnem leh ta ber mai a. Seat 40 awmah INC (Congress) hian seat 33 an la a. Seat 7 MDA (MNF=6 + MPC=1) in an la thung a. ZNP erawh an NIL teh tlat a. Hetih lai hian MDA seat lak pakhat, Lawngtlai East erawh inthlan that leh tur a tih a ni avangin a chiang ta lo a ni. (MDA hian vote 83 in hnehna an chang). NOTA button hmet an thahnem hle a. Analysis kimchang erawh nakinah kan la chhunzawm turah ngai i la. A hnuai a mi hi kum 2013 atanga 2018 chhung a kan ram rorel khawl enkawltu te an ni dawn a ni. (Constituency wise a candidate ve vote hmuh zat en duh tan Election Commission of India website ah hian en theih in a awm)
|
Constituency |
Elected/ Winner | Party |
|
Aizawl East-I |
R. Lalrinawma | INC |
|
Aizawl East-II |
Lalsawta | INC |
|
Aizawl North-I |
R Romawia | INC |
|
Aizawl North-II |
Lalthanliana | MPC/ MDA |
|
Aizawl North-III |
Lal Thanzara | INC |
|
Aizawl South-I |
R Vanlalvena | INC |
|
Aizawl South-II |
Lt Col Sangzuala | INC |
|
Aizawl South-III |
KS Thanga | INC |
|
Aizawl West-I |
K Sangthuama | MNF/ MDA |
|
Aizawl West-II |
Lalruatkima | MNF/ MDA |
|
Aizawl West-III |
Vanlalzawma | MNF/ MDA |
|
Chalfilh |
Dr Ngurdingliana | INC |
|
Champhai North |
TT Zothansanga | INC |
|
Champhai South |
JH Rothuama | INC |
|
Dampa |
Lalrobiaka | INC |
|
East Tuipui |
T Sangkunga | INC |
|
Hachhek |
Lalrinmawia Ralte | INC |
|
Hrangturzo |
Lal Thanhawla | INC |
|
Kolasib |
PC Zoramsangliana | INC |
|
Lawngtlai East |
Vanupa Zathang | MNF/ MDA |
|
Lawngtlai West |
C Ngunlianchunga | INC |
|
Lengteng |
H Rohluna | INC |
|
Lunglei East |
Joseph Lalhimpuia | INC |
|
Lunglei North |
PC Lalthanliana | INC |
|
Lunglei South |
S Laldingliana | INC |
|
Lunglei West |
Chalrosanga Ralte | INC |
|
Mamit |
John Rotluangliana | INC |
|
Palak |
Hiphei | INC |
|
Saiha |
Dr K Beichhua | MNF/ MDA |
|
Serchhip |
Lal Thanhawla | INC |
|
Serlui |
K Lalrinthanga | INC |
|
South Tuipui |
John Siamkunga | INC |
|
Tawi |
R Lalzirliana | INC |
|
Thorang |
Zodintluanga Ralte | INC |
|
Tuichang |
Lalrinliana Sailo | INC |
|
Tuichawng |
Buddha Dhan Chakma | INC |
|
Tuikum |
Er. Lalrinawma | MNF/ MDA |
|
Tuirial |
Hmingdailova Khiangte | INC |
|
Tuivawl |
RL Pianmawia | INC |
|
West Tuipui |
Nihar Kanti Chakma | INC |
Kan admin Aduhi (C Lalduhzuali D/o C Chawngkunga) MCS (CCE2013) ah 6-na a ni e. Kan va han chhuang tak em!!!
Pakistan lam a an chhuimi-te chuan Al Qaeda-in DRONE an siam mek mai ni lovin, an hmang chhin thei tep tih an sawi.
Kashmir Housing Society a G-15 area an tihah chuan ralthuam tam tak man a ni a, a in neitu chu Professor Irtyaz Gilani niin, amah hi Ghulam Ishaq Khan (GIK) University atanga electronic engineer zir chhuak, Air Weapons Complex, Kamra, Pakistan a lo thawk reng thin tawh a ni nghe nghe. A in-ah hian al-Qaeda a wanted langsar tak Tanveer-a chu tunkum January atang tawh khan alo mikhual tawh tih an hre bawk.
Irtyaz Gilani hi al-Qaeda nen inthlunzawm tlat niin, a in-ah hian drone technology, khawi atang emaw a a neih thlengin an hmu ta zel a ni. An hmuh zingah hian drone siam mek-te leh a te (small) chi an lo test tawhte pawh an hmu nual bawk. Amah Giliani hi man lovin ala tlanchhe mek!
“Complete parts of a drone, including the airframe, wings and propelling motor, were also recovered which, if made operational, could carry a significant quantity of explosives to damage vital buildings and other sensitive installations,” people engaged in the investigation of the case revealed.
Chutiang chuan spy plane thlengin an lo test tawh a ni.
Chhiar zau duh tan:
suasnews.com
