mi(sual).com

I zar hnuaiah zaleng kan lawm,

Kar hla  thiante nen kan in kawm,

Thu leh hla tinreng kan sawikhawm;

Kan lovin fah liam e  ’thurawn’,

Hriatzauna tinreng in min chawm;

Suihlunglen hnemtu i ni  fawm.

Khuavel hmuntin maia lo awm,

Zohnahthlak te laihrui min zawm,

Min suihkhawm thin zofaleng zawng

Vul reng nang che Misual.com

A khi chhimtui raltiang pana pheikhai,
Hmartiang tha zopui val dawntuaite hi;
Tam,harsat kar’n ka rel law’ng e kirzai,
Thliah rel na’ng e, an par zemawi siau khi.

Tawn thil eng pawh kan zopui tan tiin,
Hnam changkangte hriam, hnam ber ka ni e;
Ka thlir kan zopui thar tur, kan nakin,
Kan thangchhuahpuan nen run kan lawi za e.

Mahse duhthusam leng mai lo ni maw,
Buhzute’n val chhangthem an chan zo ta;
Sahrang tlawm fo thin vala, tang rawh aw,
Kan nghak reng che, nang lal tha zopui fa.

Kan lungrual chuan kan hmachhawn zobawm par,
Rihlipui,run,buannel nen zopui thar.

Rose par pek min tiam a,
Min pek erawh hling mai maw!
Rimtui pek min tiam a,
Min pek erawh tawih rim mai maw!
Hlimna pek min tiam a,
Min pek erawh tahna mai maw!

Beiseina nen ka zui che a,
Beidawnna ruamah min hruai lut si.
Hlawntlin tumin ka zui che a,
Hlawhtlinna phena hlawhchhamna zawk min hlui si.
Engkim ka neih ringin ka zui che a,
Kut bengin ka awm ta zawk si.

(more…)