mi(sual).com

Mizote hi a tawng muang chi kan nih avangin kan thuziakah hian thlûkna hman a ngai nasa em em a. Thumal inang rau rauvah pawh thlûkna dah leh dah lohvin kawngro a su hle a ni. He’ng a hnuaia mite hi a lo hlawkpui in awm tâkin tiin ka rawn bun a ni e.®©¶™³º

Â=Alt+0194         Ã=Alt+0195         Á=Alt+0193         À=Alt+0192
Ê=Alt+0202         É=Alt+0201         È=Alt+0200         Î=Alt+0206
Í=Alt+0205          Ì=Alt+0204         Ô=Alt+0212        Õ=Alt+0213
Ó=Alt+0211        Ò=Alt+0210          Û=Alt+0219        Ú=Alt+0218
Ù=Alt+0217        â=Alt+0226          á=Alt+0225         à=Alt+0224
ã=Alt+0227         ê=Alt+0234         é=Alt+0233         è=Alt+0232
î=Alt+0238          í=Alt+0237          ì=Alt+0236          ô=Alt+0244
õ=Alt+0245         ó=Alt+0243         ò=Alt+0242         û=Alt+0251
ú=Alt+0250         ù=Alt+0249         ™=Alt+0153         ÷=Alt+0247
×=Alt+0215         ¾=Alt+0190       ½=Alt+0189        ¼=Alt+0188
º=Alt+0186          ¹=Alt+0185         ²=Alt+0178/Alt+02226

³=Alt+0179/Alt+02227        ¶=Alt+0182

®=Alt+0174         ©=Alt+0169  etc….etc….

Heti teh duah chuan chhinchhiah a har a. Hman than loh phei chuan theihnghilh a awl khawp mai a. He’ng shortcut key zawng zawngte hi microsoft word ->> Insert ->> Symbol  >>>>> Kha’ngah khan en mai theih a ni bawk.

A tam zawk chuan kan hriat hnu vek a ni ang a. Mahse, a lo hmang ṭangkai an lo awm mial tâkin…

1. Hei hi chu computer khawih ṭhang chuan an hre vek awm e. Mahse, web page-a thu copy la thiam lo hi a awm ve theih a. Chu’ng ho tan ni mai se. I thu copy duhna tir te-ah khan click la, i copy duh tawpah Shift nen click keuh la, a lo dum chin zawng kha i Ctrl+C mai dawn a nia. Rang lutuka mouse vawi hnih click hian thumal (word) khat a in-select a, vawi thum click erawh chuan a paragraph pum a in-select thung. I awih loh chuan han ti chhin la..

2. I web page zoom len/têt i duh chuan Ctrl hmet chungin i mouse button (vir pet thei kha) scroll mai rawh. A chung zawnga scroll chu a tih-lenna, hnuai lama scroll chu a tihtêtna. Hetiang lo pawhin Crtl+- (tihtêtna) leh Ctrl+= (tih-lenna) hmang pawhin a tih theih a ni. Hemi bik hi chu photoshop, pagemaker leh a dang dangah pawh a hman theih. I awih loh chuan han ti chhin la..

(more…)

Trick ho deuh mai, ṭha ve fu si ka han share mai mai ang che u. A ṭhen chuan in hre tawh ang a, a ṭhen chuan ho in ti ang a, a ṭhen chuan in la hre lo maithei bawk a. Mahse, a ṭha ve reuh lutuk asin.

Midangin i computer an hawn mai mai theih lohna tur thuruk a nia. Computer password siam kher lovin a tih theih a ni. A hmasa ber atan chuan desktop-a thil dang engmah i hawn hmain i keyboard-a ‘Print Screen’ kha hmet keuh la. Paint-ah Ctrl+V tawp la, JPEG file-ah save ang che.

Tichuan,  i desktop-a folder leh file awm zawng zawng kha folder khatah khungkhawm vek la. Chu folder chu rename click la, Alt+0160 hmet nghal keuh la, folder hming a blank ang. Tichuan, folder chu right click leh la, Properties -> Customize -> Change Icon. Change Icon-ah khan icon chi hrang hrang duhthlan tur a awm a, chu’ng zingah a blank awm kha i hmang ang a. OK -> Apply -> OK. I folder thuhruk awmna erawh i chhinchhiah kar a ngai.

I desktop thlalak i save tawha kha wallpaper-ah hmang la, a zo a ni mai!

Folder tam tak chu a lang tuarh ang a, mahse, kha’ng kha milem vek! Nang chu i folder thuhruk aṭangin My Computer te pawh awlsam takin i lut tawh mai dawn a nia.. Huisss..ha.

Sap tawng chuan ka post tawh lovang, admin te an buai phah emai.

TV nihphung kan sawi tawh a. Tun tum chu TV chihrang hrang lo en teh ang. Tunlai khawvel ah chuan CRT, LCD leh LED tih hi a lar viau tawh a, chutih laiin la hriatpawlh kan awm nawk mai.

TV bik ah chuan CRT anih chuan cathode ray tube tihna ani mai a. Kan hriat awlsam theih dan tur ber chuan TV hnung pawng pur ho hi CRT tv chu ani deuh mai, mahse LCD leh LED ah pawh a hnung pawng a awm thin tho a. CRT ang em em chuan a pawng lian lo thung.

LED anih chuan Light Emmitting Diode tihna ani leh mai a. Kan hriat awlsam theih nan khawchhak chhuak lighter, a mawng lama torch light a chhawm tel rawn êng lai tak hi LED chu ti mai ang. A shape leh size hi a danglam nual a, mobile phone keypad rawn ti êng tu pawh hi LED ani a.

(more…)

Mobile phone a mahni number chhinchhiah hi a harsa thin hle a.Tin, sim card thar lei hian a number inbelna tihbo palh a awm thei a. A number lo hriat chhinchhiah loh phei chuan a buaithlak thei hle thin. Mahse lungngai suh, awlsam te a hriat theih dan ka hrilh dawn che.

I phone number i hriat duh chuan a hnuaia number hi call emaw blank sms thawn mai tur ani e.
Airtel – 59103 ah blank sms thawn tur.
Aircel – *888#
Docomo – *1#
Idea – *789#
Reliance – *1#
Videocon – *1#
Virgin – *1#
Vodafone – *555*0#

(Thenkhat ah hian North East tana la tihnun loh an neih avangin hman theihloh a awm thin a. In ti dik theilo anih chuan i awmna huamchhung ah a la hman theih loh tih in lo hre mai dawn nia.)