(Medical Humour Facebook Group atanga ka rawn paste, adik/nuihzatthlak reuh lutuk a 
)
Our Phones ~ Wireless
Cooking ~ Fireless
Cars ~ Keyless
Food ~ Fatless
Dress ~ Sleeveless
Youth ~ Jobless
Leaders ~ Shameless
Relationships ~ Meaningless
Atitude ~ Careless
Wives ~ Fearless
Babies ~ Fatherless
Feelings ~ Heartless
Education ~ Valueless
Children ~ Mannerless
Women ~ Pantieless
Everything is becoming LESS but still our hopes are ~ Endless.
Infact i am ~ Speechless 
(Insit tak chungin post a tlem em aiah ka rawn vawm bei ve leh thuai 
)
He kan chenna khawvel thim tak mai eng deuh iau uauah hian mihringte hian harsatna leh hlimna, beidawnna leh beiseina, ngilneihna leh inpawngnekna leh nun dang tam tak kan tawk thin. Amaherawhchu, mihring pakhatin heng nun zawng zawngte hi tawh kim vek sen a ni lo. Chu tih lai chuan nun tamtak min hmuh thiamtirtu pakhat a awm a, a ni chuan -
1995 a Mizoram Liquor Prohibition Act puan a nih atang khan vawiin thlengin he dan hi kan la kalpui ta zel chu a ni a.
Zu khapna dan hlawhtling taka kalpui ngei tumin sorkar leh tlawmngai pawl, YMA pawhin tan an la a. Tactic hrang hrang lah an hmang hnem tawh e. Mahse Zu zuarte hian tlawm an tum tlat lo tih hi chu hai rual a ni lo. Zu zuar berh ve tak pawhin dante hi an hre em em zel a. Exise force lam pawhin ‘neitu awm lo zu’ mihring tel lovin an man ta reng mai a nih hi. Man an tawh pawhin aiawh tang thei tur an nei thei mai zel bawk. Tin, court-a an mahni dinsak tur ukil te lah an duh duh rawih tur an thlang thei bawksi nen. Zu hi kan buaipui tlang ta luih luih a nih tak ber hi.
Tin, Zu zuarte hi an inhlawm khawm tha em em mai bawk a. Chhiat, that pawh tawk se an inbuaipui tlang liam liam thin. Sumdawnna a inhlawm khawm that a tulzia hi an hrechiang hle a. Zu siam dan awlsam, zu tihtak dan, thuhruk dan etc te hi a tih dan thar an hmu chhuak zung zung mai bawk nen. Cell phone rawn chhuah hnu phei hi chuan information rang tak takin an inpe tawn zung zung thei ta a. Man har tak an nih zual phah ta a ni.
ZU FACTORY: Zu sakna factory hi economic term takin Private ownership factory a ni ber a! (more…)
Pathianin he khawvela awm tur hian a siam che a, chhan neiin a siam che a ni. Chu khawvela i hun hman dan a zirin i tan Chatuan hmun a siam leh zel bawk a, nangmah ngaihtuah reng reng hian a hun a hmang a ni.
Duhsak takin a Fapa mal neih chhun che pawh a pe phal che a, Chatuan hremhmun a i kal a hlauh em vang a ni.
Mahse, chu khawngaihna leh duhsakna zawng zawng chu i hnawl ta a nia! A rilru ava na dawn em!!!
Tichuan, i lo muhlum ta tho a. I thih tawh ber chuan awmzia a awm vak dawn lo ania, i chhungte leh thiante chuan an ngai ngei che anga, chu lah chu Pathianin a hnem phei chuan rei loteah an theihnghilh che anga, thenawm khawvengte phei chuan reiloteah i piangve tih pawh an hre tawh lo hial mai thei. Hria pawh ni se, i thih dan kha an ngaihtheih loh zawng tak anih avangin theihnghilh vat che an duh vek ang!
Chuvangin, Ka thian duhtak, I NUNNA kha a hlu asin! I duhthlanna hmang kha chuan titawp lul suh, i tihtawp nî la la i tan khawngaihna hun a tawp a, i hmabak chu Chatuana hremna a ni tawh dawn! A rapthlak asin! Intih pa na chi a ni lova, inlak baby na chi lah a ni nahek lo!!! A nghawng hi a na em asin…,,,
[Source :" Ka U Thlalian, min lo nghak rawh" by A.Thanglura}
Bungrua leh eitur chi hrang hrangte phur a, Sairang kai thlenga Maji lawngte an lo thlen chhoh theih hnu kha chuan, sairang Dawr Veng hi a lo pawimawhin, a lo lun ve ta em em mai a; Bengali dawrkai langsar zual deuh deuh te chu, Binod-a, Nogen-a, Gopi-a te kha an ni.
Sairang leh Aizawl inkarah Bawngtawlailir zawh theiha lamlian sial alo nih hnu khan, Aizawl pawh Sumdawnna hmun pawimawh tak a lo ni ve ta a. Bawngtawlailir pute chu Gorkhali vek an ni a, “Hmanlai Sairang Kawng” erawh kha chu a ralmuang lem lo khawp mai.
Kum 1890 September thla bul lamah khan Sairang leh Aizawl inkara Sipai Rawsawt inpe tur kal vel te chu Suakpuilala fapa Thanruma, Tanhril lal leh a khaw tlangval hovin an lo lambun thut mai a; an phek buai ta a ni.
Kawng kawi tak takte kha a la tamin, ngawpuite lah kha tukdarh miah lohin an la tlim hmur mai bawk a; chuvangin han inlambun nan chuan a remchang khawp mai. Ramsate lah chu awlsam taka hmuh theihin an la tam nangiang mai a; Zawng te, Ngau te, Hauhuk te chu sawi loh, Sakhi te, Saza te, Sazuk te Savawm te leh Sakei te pawh an la tam hle bawk a ni.
A kahpahin han sawi ta zel ila, hmanlai Sairang kawng khan chanchin rapthlak tak takte leh hlauhawm zet maite pawh lo zuk nei ve nawk a ! Tukkhat chu le kan Sairang inpui atangin ka pu Vanhlira leh ka nu leh ka nu huan enkawltu, Pu Taituka Ralte Siakeng te chu Aizawl panin an kal chhuak a.
Aizawl atanga mel 3-a hla chhinchhiahna lungphun an han thlen chuan, Ailawka Khiangte khan Sairang kawng mel 3 leh Vaivakawn inkarah a nupui a sahhlum ruang kha an han hmu phut ta mai a; a pang ala lum thet thetin an hria. Ailawka fapa erawh chu a pain a sahhlum ve hmain a tlanchhe hman a lo ni a. Ailawk a pawh chu hmuh phakin a awm tawh lo a ni. Kawng thlang lamah erawh chuan a ri deuh thep thep thung a; mi a rikrap thei hle ta ve ang.
Nikhat chu pafa hian sabengtung kaiin khawpuiah chiseh lam turin an kal a. Chutia an kal mek lai chuan an thenawm pa an tawk a. Ani chuan, ‘In va a tak em! kan khaw bus-a, a savawm bawmah hlang mai ula?’ a ti a. Anni chuan, ‘A thawnthuah khan bus-ah an phur si lova, Esopa’n FIR a thehlut palh ang’ tiin an chhang a. An thenawm pa chuan, ‘A lo ni maw! Sabengtung te chu chuan nana siam alawm chuang mai ula niang chu maw le. Taka, Bazara Korean serial Mizo tawnga lehlin leh puitling film CD kha rawn lei theihnghilh suh u aw’ a ti leh a. Anni chuan, ‘Tehreng mai. Pu Thena pawh kan rawn biak dawn che a nia’ tiin an kalpel a.Tichuan, pa chuan a fapa chu sabengtung chungah chuan a chuan tir ta a.
Rei lo te hnuah chuan politician rual hi an tawk leh a. An zinga pakhat chuan, ‘Pute u, Min vote phawt chuan a thlawnin sabengtung kum nga chhung installment a pek in ni ang’ a ti a. Pafa te chuan, ‘Kan lo inngaihtuah dawn nia, thawh hah ngai lova a thlawna dawn te chu ka’n duh ve tho a lawm’ tiin an chhang a. Chu pa vek chuan, ‘A hrim hrimin, pa zawk ke a kal a, fapa zawk chuan te chu mi hmuhah pawh a mawi lo. I fapa kha local chhe chi rui e maw an ti anga, duty ten an vaw hrep anga, camp-ah an dahlut daih mai tur a sin’ a ti leh a.
Tichuan, vuak leh kum khat dawn camp-a indah luih an hlauh em avang chuan, pa chuan a fapa chu chhuk tirin amah chu sabengtung chungah chuan a chuang ta a. Thui vak lo an kal hnu chuan nu pahnih bag puar tak ak hi an tawk leh a. Nu pahnih chuan, ‘Kha inhralh tur em ni, a tlin that chuan to deuha leiduh kan hria a nia, eng zat nge inhauh dawn, phone no te inpe ila?’ an lo ti nghal zawt zawt a. Pa chuan, ‘A man a zir a ni mai a lawm, mahse a hmel en aiin a buk a zang tlat a’ tiin a lo chhang a. Nu chuan, ‘Chuti, a tling lovang. Tihralna chu inzawn chawp mai ru. A hrim hrimin pa zawk a chunga chuan a, fapa zawk kea kal tir reng reng. Tunlaiah fate kein an kal tir vak vak tawh ngai lo, khawngaih hle tur’ an ti leh a. Pa chuan, ‘Ka fapa hi Kohhran, tlawmngai pawl leh party unit-ah a inhmang kual vek! Hna chu kan thawhtir ngai lo ve bawk e’ tiin a chhang ve leh a.
Hmanlai tunlai vel hian pa pakhat ve te pawh kha a awm a. Han sawi ngaihna vak pawh ka hre lo. Hetah hian thawnthu chu ti tawp leh mai ang aw, pakak!
A thawnthu sawi chu tihtawp a tum ta chuang lo a, luhlul tih lah a duh bawk hek lo a, lol.
Taktaklehlo lehloah, nuih hunah pawh nui duh lova ek rim nam hria ang hrim a ner nuk nuk ho kha kan kap hlek anghe nghe nghe te ti vel 
Fiamthawnthu chhiar awlna: Pa Pakhat’a is ekual tu Kuduks’a, Pa pakhat leh anau’a chu Kulehduks’a.
Pa pakhat an tih ve mai pawh kha a ek a khal lutuk a, a ek an operation chhuak ta vel mai mai anih kha!
“Keini zawng thil kan hmuh leh kan hriatte kha sawi lovin kan awm thei lo” an ti a.(Tirhkohte 4:20)
Helai Bible thu hi ka rilru ah tunlai chu a awm reng mai a, a rawn luhna chhantak chu kan tunlai khawvel nun kan thlir thin a, kan hriat theuh angin thangtharnun a pawlawh takzia te, kan sukthlek dan zawng zawng te pawh sawitam ngai lovin kan hre theuh awm e…a tenawma,a bawlhlawh a,a rapthlak a..chhe lam hlir chhe lam hlir… He tiang tehnuai kan nih avang hian ngaihtuahna theih ang tawk tawk in ka seng ve thin a, he Bible chang hian mi rawn chenchilh ta ani..
Tirhkohte thiltih 4 a kan hmuh ang in, Petera leh Johana te kha mi mawl tak anni, mahsela “an thiltih avang khan mi zawng zawng in Pathian an chawimawi si” tih ani tlat… Tin, khang mi mawl a an ngai pahnihte khan “kan hmu leh kan hriat te kha sawi lovin kan awm thei lo” an hanti leh chiah bawk a..
Vanduai taka hmelchhe pa pakhat hian ka hmelchhe tuk a, tiin a trap a, a aia hmelthra patitol hnenah.
Tin, hmelthra patitol chuan, ‘Hmelin engmah omzia nei lo, thinlung ani poimoh,’ ati vei rok ale, thinlung awmdan tur hrilhthiam der si lovin.
Vanduaiiiiii taka hmelchhe pa chuan, ‘Anih zawng hmel in inthlak roh, PiP!’ atia le, doi alo thiam zek bok zia. Hmelthra patitol pa chuan a zawng hmel put chu duh lo nasa mai!
Savom ho kha an hlau lo mai mai, ‘Vom thengthung, thungtheng vom,’ te ti vel. ‘I mong leh ka mong in thleng ang,’ ava ti thrin. An duh lo tih a hria a, ‘I mong leh ka mong in seh siak ang vom patheng,’ te ti vel.
Savom a thinrim, VanduaiTakaHmelchhePa chu va beih a tum, VanduaiTakaHmelchhepa chuan a lo beng stok, na atia a trap vel.
VanduaiTakaHmelchhePa’a chuan ava thlem, ‘nau vom..’ ati dek dek a.
Vom thengthung’a chuan, ‘engetinge I mong leh ka mong in thleng ang I tih?’ ati.
VanduaiTakaHmelchhePa’a lah chuan, ‘khuaihli ka nei tlem deuh mahna ka tia lom.’ ati.
Vom thengthung’a chuan, ‘I ho, bleah, oh fik ah,’ te ti vel.
VanduaiTakaHmelchhePa’a chuan a bana tlu hnap hnenah chuan! hikhik, ‘Vomte, vompate, bleah tih I in hmeh e han ti leh teh a,’ te ti vel.
Vompate’a lah chu luhlul ve, a ding zot a, a mong a siksoi kual vel a, ‘Chikchaichik, chiki chai chik, chik cha chik chai chik,’ ti daih.
(A chanchin ziah tur dang ka hrelo, mahse hei te tal hi…)
Saikuti Hall khat tlata sikul naupang pungkhawm te chuan beisei nei takin Stage lam chu an melh thupa. Thenkhat zauthau leh hawklak zual te chu an te ring hlawm hle. Aizawl lam atangin zaithiam lar intelkhawm ‘Tripwire Entertainment (TE)’ tih hmingpua an lo kal vang a ni. Chhun pachang mah nise Hall chu a thim deuh thuapa, stage erawh a eng tha hle thung. Tunge zai hmasa ber ang tih chu mitin rilru luahtu anih hmel hle.
Ka thiante nen kan thutnaa hlim taka kan lo nuih vel lai chuan kut beng ri a rawn ri ta hluah hluah mai. Kan la hriat than vakloh tleirawl chhelo tak hi nuisangin a rawn pen chhuaka. A zahzum hmel tehlul nen a hawiher chu a confi bakah a chezei riaua. A la zaithiam reuh em em zui. A hnua a hming kan han hriatchian chuan ‘Mimi Renthlei’ alo nia. Mimal rokhawlhna adt avangin TE member te chu an lo kal kim thei lova. Mahse kan lo nghahhlelh em em Gnat leh a nupui (hlui) an rawn penchhuah meuh chuan kan lawm a kim tho mai.
A hleitlin zia an lo sawi thin Gnat chu a takah chuan mit ti tlai tham a ni. Ka hmuh vawikhatna mah nise a huhang nat zia chu ralkhat atang pawh chuan hre theiin ka inhria. A nupui Florence lah chu a hmelthain a duhawm hle maia. A zaithiam ve a ni tih pawh kan lo hriat loh lai chuan aw ngaihnobei leh ngaihla tak mai hian….
You can unsubscribe anytime!
Duhthlanna leh rinna chungchanga TMEF Zirtirna: A chinchhuaka chhuina leh thudik zawk kawhhmuhna.
Click here