Archive for the ‘Whatever’ Category

When Gnat Proposed…

Wednesday, January 16th, 2013

(A chanchin ziah tur dang ka hrelo, mahse hei te tal hi…)

 

Saikuti Hall khat tlata sikul naupang pungkhawm te chuan beisei nei takin Stage lam chu an melh thupa. Thenkhat zauthau leh hawklak zual te chu an te ring hlawm hle. Aizawl lam atangin zaithiam lar intelkhawm ‘Tripwire Entertainment (TE)’ tih hmingpua an lo kal vang a ni. Chhun pachang mah nise Hall chu a thim deuh thuapa, stage erawh a eng tha hle thung. Tunge zai hmasa ber ang tih chu mitin rilru luahtu anih hmel hle.

Ka thiante nen kan thutnaa  hlim taka kan lo nuih vel lai chuan kut beng ri a rawn ri ta hluah hluah mai. Kan la hriat than vakloh tleirawl chhelo tak hi nuisangin a rawn pen chhuaka. A zahzum hmel tehlul nen a hawiher chu a confi bakah a chezei riaua. A la zaithiam reuh em em zui. A hnua a hming kan han hriatchian chuan ‘Mimi Renthlei’ alo nia. Mimal rokhawlhna adt avangin TE member te chu an lo kal kim thei lova. Mahse kan lo nghahhlelh em em Gnat leh a nupui (hlui) an rawn penchhuah meuh chuan kan lawm a kim tho mai.

A hleitlin zia an lo sawi thin Gnat chu a takah chuan mit ti tlai tham a ni. Ka hmuh vawikhatna mah nise a huhang nat zia chu ralkhat atang pawh chuan hre theiin ka inhria.  A nupui Florence lah chu a hmelthain a duhawm hle maia. A zaithiam ve a ni tih pawh kan lo hriat loh lai chuan aw ngaihnobei leh ngaihla tak mai hian….

(more…)

Posted in More than words, Obituary, Whatever | 23 Comments »

Saizahawla-6

Wednesday, January 16th, 2013

Saizahawla-5 chhunzawmna…

A mize pui pathum kan sawi thawi tawh a. A ngaihzawngte a tawh chang apianga a puanven serh lang ngoha inlukhup nana a hmang ta tlat roh thin thu te, Puithiam e ti lovin naupangte chauhvina an koh kal theih Puithiam a nih chungchang leh Thirdeng a han ni pah fawm te chuan sawi a hlawh hle a ni kan tih kha. Heng baka a mak dangdai pahnih khat lek han tarlang leh zawk ila. Tun hma atang tawha Khawruhlian Zawlbuk kawtkaia Chawilung inhung ruau thin, tumahin chawi enah pawh an en ngai loh chu le, zan khat chu a zu nam tha tho ni ngei tur hian mut zan rehah chuan inlungden nan a hmag ta pek a! Chu Chawilung tlakna hnuhma chu kheimit pil pil hian leichar chu a khuar dem dum mai a. Chutiang chuan chu Chawilung chu zan thum ngawt a deng ta mai a. A tuk thum tuk chuan a dengtu chu an hre chhuak ta ngei a. Tlangval upa lam ve tawh tak pakhat chuan, “Saizahawl, inlungden nana i hman kha Chawilung asin maw le,” a tuka a han tih chuan Saizahawla chuan, “E khai, a lo ni maw! Ka lo hre ve reng reng hleinem. Rual u zawkte inlungdensiakna ni awm tak hian…” tiin a han chawi leh dawn a, mahse, lu sai ngar ngar chunga a han chawi leh dawn pawh chuan a zo ta reng reng lo mai a. A den hnuhnun ber tlakna tawpah chuan a inhung ta reng mai a ni. ‘Chawilung’ a ni miau a, pi leh pute danah Chawilung chu an lo inzahsak em em mai thin kha a lo ni si a.

Kum 1876-1888 chhung zawnga an indo chungchang thu-ah chhak leh thlang an lo inrem takah chuan an lo ralmuang ve tan ta deuh va. Hmana Khawruhlian khaw chak Vungtawia nena an intihthangtlawm tuma, “Vungtawia tel lovin,” tia amah chauhva a khaw va rûn Hmawngkawn piah lawk Chawilung-ah amah chauhvin a va zin pek a. Chawilung Zawlbuk kawta lung lian zet mai lo inhung chu a la lawk a, a han deng leh ta fur fur mai pek a! Tlangval thenkhatte chuan hmuhnawm an tih em avangin chuan, “Saizahawl, i va han deng thui em em ve le! Han deng leh teh khai. Keini chuan khup thleng pawhin kan chawi zo hleinem maw! Kha kha kan khaw Chawilung a nih kha le!” an lo ti a. Saizahawla chuan Khawruhlian khaw Chawilung a chawi zawh loh tak ang bawk khan lu sai ngar ngar chunga han chawi kan leh a tum pawh chuan a chawi zo leh ta hauh lo mai pek a nih chu! Duhtawkin a vawrh nek a, Chawilung a ni tih mite’n an hrilh veleh a chawi zo ta ngai si lo. Saizahawla chuan rual u zawkte a lo zah der thiam hle e. Mahse, an Chawilung chu lungden atan a hmansak lawi si a ni.

(more…)

Posted in Mizo Society & Culture, Whatever | 9 Comments »

Century, Not Out!

Thursday, January 10th, 2013

Thenawm pa paw’n a ngeih!
Khawtlang nunphung leh nitin khawsak dan, kan ram dinhmun aia a san viau laiin, kan ngaih erawh a la sam viau. Thenawm pa damdawi ngeih a nih tawh phawt chuan eng natna nge a vei tih hrechiang tura doctor rawn aiin; an natna tawrh dan rin zawna an han sawi hnuah, thenawm pa paw’n chumi hawng/hnah chhum tui chu a ngeih a sin, tiin rin thuin an han ei/in ngawt a. Vanneihthlak taka dampui te pawh an awm mahna!

Hei erawh sawi ka tum lo. Ignatia’n mi(sual) run chhuahsan zai min rel san a, K’u Chhingtea (Chhingdailova) lah Krismas leh kumthar a hmang bik nge ni, a reh vang vang bawk si. Thriket hrethiam map lo hian an tawngkam ka hriatthiam chhun ka hawh ve ta mai. ;-)

Mi(sual).com-ah hian thuziak ningnel leh fahrah tak tak te tlangzarh ve thinin, mite fakna leh fuihna awka te chu, vawksa leh antam chum pawlh iangin, ka lem duak duak a nih ber hi maw. Hei, a hming chuan mi(sual).com-a ka post 100-na a ni ve ta reng mai. Pathian zara ka dam chuan, out mai ka tum lo, in nghaktute’n (admin) min hnawtchhuak a nih ngawt loh chuan. A nih loh vek leh K’u aduhi tal ka uire-pui tho ang, ka sazu mei dawh dawn reng reng lo.. :-D

Mi(sual).com hi
Kum 2006(?) vel a ni ta em aw? Aizawl kartin chanchinbu pakhaktah Mi(sual).com leh a neitu kawrthah tlangval Benjamin Rualthanzauva chungchang hi ka chhiar liam puat a. Ka ngaihven zui lem lo. Tin, hunawl apiang nula ka rim thin avang te pawh a ni mahna! :-P

(more…)

Posted in Luangliam, Whatever | 12 Comments »

MIHRING A

Tuesday, January 8th, 2013

He mihring hi ava han mak em em ve, ka hriat tawh ah chuan ala mak ber…….

Power thil tih theih na lam nilo in, he province ah na na na hi chuan hospital lian leh tha ber ti a sawi leh hriat  kan ni ve  a doctor thiam leh experience ngah tak tak office a an thut mai mai  lai in. Eng vang in nge?   patient reng reng hian an koh a an zawn nasat theih em em ti a  ka zawh chuan ‘ka hna in ahuam chin bak thiam leh hriat tum a hna ka thawh thin vang leh peih lo chung chung pawh a hlim hmel deuh a ka nuih sang thin vang a niang’ ti in min chhang tlat a nih chu mawle…

‘Ka hna in a huam chin chiah hi thawk in hriat tum ila ka hlawh hmuh tur ang chu ka hmu tho ang mahse, phut let neilo leh mahni chhiat na tur thleng phalo tawk chiah chiah a hna ka thawh a midang te ka tan pui avang hian, ka inchhir ngailo taksa hah deuh thin mahse ka hlawh phutawk in hna ka thawh angai tih hi ka rilru ah ka vawng reng a, ka  chakna thahrui KA HLAWH PHU TAWK IN HNA KA THAWH ANGAI tih hi ka vawng reng a, ka kal na apiang ah ka keng tel zel  thin’

Posted in Whatever | 10 Comments »

DAWITHIAM PITAR KA HMU!!! (Horror + Humour + Moral) :

Saturday, January 5th, 2013

Zan khat chu tui deuhva ka mut laiin chhan leh vang pawh awm hauh lovin ka harh zawk mai a. Ka room banga sana in tarah chuan a ban tawi zawk chuan pathum(3) lo kawk tawh in, a ban sei zawk  pawh chuan pariat (8) hi alo kawk tawh a. Nidang ang lo takin hnathawk tura min kaitho thin arpa te ai pawhin ka harh hma zawk daih mai a, a inthlahrunawm mah mah zawk in ka hria.

KA MUMANG CHU A NI SI LO……
Mut leh nghal mai tumin ka blangket leng thlak chu phun bul bul chung chuan kan phih chho sawk a. Chuta ka hawichhuak leh chiah chu ka bul lawkah chuan kawr dum vek a inthuam, tiang sei tak keng pitar pakhat hi alo ding chhur mai a. An sawi thin Dawithiam pitar ngei mai chu a ni tih chu hrilh kher ka ngai awm lo ve. Ka lei chuan thu reng reng a sawichhuak thei hauh lova, a mit sen duk rum mai te leh a bahsam ngaihnobei lo zet mai te chuan ka ti ril hi a fan nghal zawr zawr mai a.

Sekhen khat lek chhung chuan ka pindan chhunga boruak tha ka neih ve chhun zawng zawngte chu a rawn hip ral vek ta vek emaw tih mai turin boruak tha hip tum ni awm tak chuan ka thaw hrawp hrawp mai a. Ka mitah chuan duh nei niawm tak mai hian min rawn en kul mai a.

Vengthlang tlangval luhlul ho zingah pawh a kuttum inti nei ber mai pawh  chu a hmaah chuan ka zam chhe chiang kher mai.

A vun chu a chuar nge a tial zawk tih pawh hriat hran hleih theih tawhloh khawpin amah chu a tarchhe ve hle mai a, mahse a mit mengah chuan pitar mitmeng awm pawh chu a pu bawk silo. Thuilohkawrfual an tih ang deuh chi (‘tlem-lai-thui kawr’  te pawh chu a ni mahna, thui loh tawp chu ni hek lo) kha a ha hnup mai a, a nghawngah chuan thi thahnem tak a awrh chhuai bawk a. A banrekah te chuan hruihrual dum hlui tawh zet te chu awmze nei lo tak hian a in vial nuai mai a. Han en ringawt chuan thahrui chu a ngah lem loh hmel khop mai. Mahse, a kuta a ken, tiang seipui mai hmawr a lungmantam niawm tak, kuttum tiah vel a lian, lung hring mawi tak eng phut bawk si chu engdang nilovin a thiltihtheihna thahrui chu a ni tih chu kei mimawl ber tan pawh hian hai rual a ni awm lo ve.
(more…)

Posted in Whatever | 9 Comments »

Hringnun Hi

Saturday, January 5th, 2013

Ka va reh vang vang ve aw. Ka post hnuhnung ber pawh nikum June thla ami daih kha a ni tawh mai a. Englekhawle, in ngaihawm e mai a, post tur lah k hre mang bawk si lova, hei hi ka rawn hlui mai ang che u. A sei in tih leh chhiar zo lo mai ula, hehe

Hringnun hi kan ngaihtuah chiang ngai em? Enge a nih a, enge a tum? He khawvela kan lo pianchhuah hian enge kan beisei thin? He zawhna hi mi tamtakin lo zawt tawhin, mi tamtakin chhan tumin an ka an ang tawh thin. Mahse, hmeichhe hrin zingah hian chhanna famkim pe thei kan la awm lo a ni chek aniang chu tun thlenga zawhna langsar tak pakhat chu ‘Nun hi enge ni a, hringnun hian enge a tum?’ tih hi a la ni reng mai a ni.

He khawvela kan lo awm hian kan nun chu duh leh chak neiin a awm a. Nu pum chhung atanga kan chhuah phat atangin duh leh mamawh kan nei nghal a, kan duh leh mamawh chi hrang hrang te chu a phuhrukna zawngin damchhungin kan hmanhlel a, thlan khura zalh kan nih hma loh zawng chu kan zawng a nih hi! Chu hringnun – duh leh mamawh tinrenga khat chu thenkhat chuan zahawm leh hriatreng tlakin an hmang a, thenkhat erawh chuan khawi maw laia hauhuk leh kawlhawk thi ai pawha hriat hlawh lo nun naran an hmang liam ve mek thung a.

Engatinge thenkhatin hlim leh lawm taka hringnun an hman liam a; thenkhat erawh an lungngaih thin? Engatinge thenkhat an nuih a,; thenkhat an tah? Engatinge thenkhat an lungawi a; thenkhat an lunghnur? Hringnun chungchang thlirna chi hnih chauh I han en teh ang u.
(more…)

Posted in More than words, Whatever | 6 Comments »

Million Dollar Mary

Saturday, December 29th, 2012

With pride, privilege and immense pleasure we announce Yahoo! India’s first-ever Person of the Year 2012. MANGTE CHUNGNEIJANG MARY KOM, Olympic boxer, five-time world champion, model Indian woman, ambassador of the northeast, mother, daughter, wife, friend, teacher, muse… it was not a difficult choice to pick the one Indian whose life story begs to be told. Editor BIJOY VENUGOPAL and photographer HARI ADIVAREKAR travelled to India’s far-flung, forgotten, troubled northeastern state of Manipur to discover the Mary behind the publicity photographs, the video grabs, the adulation and the awards. They came back with one verdict: she’s a champion you’ll love.

Details Hetah

Posted in Sports & Games, Whatever | 16 Comments »

NULA BIKE-A KA’N PHURH TAK CHU

Friday, December 21st, 2012

Rawn hruai ve rawh a ti miau si a, hruai loh ngam rual a ni lo. Chaw ei khawm tur kan ni a, chu nula chu a hun leh nite ka ruat felpui vek tawh a, min sawmna lama kal tur chuan thu kan titlu dun ta a. Zana ka’n mute chu nghilh deuh dup hian ka inhria a, ani nena han chhuahdun pawh chu Bike nen lehnghal kan thianpa pakhatin ‘nula nena Bike-a inphurh fo hi a tha lo chetsual a awl’ a tihte kha ka bengah a la cham reng a, kan chesual a nih vaih chuan a na zawk tur lah ka ni pang mai si a. Mahse thu ka tiam tawh chu sut si se tulin ka hre lo va, thah thiang lo that tur ang hrim chuan ngaihtha chiah si lo chuan ka muhil ve mai bawk a.

Helhhawlh an tih ang deuh hi ka ni nge ka hre lo, kan hun tiam aia hma feah chuan kan innghahna tur lam chu ka pan a, ani chu mi dangin chumi hmunah chuan an rawn thlah dawn a ni. An inah pawh ka va lam ngam lo a chha chu a ni a, mi dang nena kan han inhlanchhawng turte chu ka rilru hian a ngaihtuah ru neuh neuh va..Bike a lo tlan a, ‘khi khi an ni tawh ngei ang’ ka tih rilruk laiin an ni hlei thei si lo. Min phatsan ta em ni ka ti vawng vawng mai. A rei lu ta, ka phone mai dawn em ni ang aw, ka tih rilruk lai chuan an lo thleng ta, ka nghak chhuak ta ngei e…kan hotunu Aduhi chu a rawn paw thla vo vo mai a, khi ngei khi a nih khi, la intawng lo mahila a thuziak ka chhiar fo va, a thuziak atang ringawt pawhin khi lo khi chu ni tur dang an awm lo, ka ti rilru a, a lo ni ngei bawk a..ka lai tan.

Chaw ei tura min sawmtu hi tu dang a ni lo, kan hotu pakhat Chemtatrawta pa Maisek a ni tlat. Maisek zet zawng sawrkar hna pawh thawk lo mahse ‘pu’ tham a lo ni a, a hma ni pawhin an inah chaw ka ei tawh a, ka la ei leh chak pheng khan ‘Aduhi rawn ei ve se’ ka ti a, Aduhi kha amahin a kal thiam dawn lova ka hruai a ngai a, hruai chuan ei ve leh mai kha a chawh ru riau va…a nihna takah chuan chaw eia a sawm duh lo ru chung chu ka sawm luihtir ni ber hian ka hria…an hre lo kha ka vannei ber mai.
(more…)

Posted in HAHAHA, Whatever | 26 Comments »

Run 50, not out

Friday, December 21st, 2012

Misual.com ah hian run rate chhe ber pawl ka nih ka ring. Kum 2010 June Ni 29 khan kan naupan laia World Cup kan en ve thin chanchin “Well Cup” tih hmang in Misual.com ah hian bul ka rawn tan ve a. Muangchanga kal bek bek in, thu post sawmngana chu kum hnih hnuah ka puitlin ve hram a, hetiang ti thei tura min hruaitu, Pathian hnenah ka lawm tak zet zet a ni. Ka thuziak phawkphawhraw tak tak min lo chhiar sak a, ka thuziak spelling mistake te min lo sipel sak a, min fuihphur thin tute chungah pawh ka lawm hle bawk a ni. Vaivawm tawngkam takin run 50 ka siam a, ka la out lo zui a nih hi maw….

Ka thu ziah ve thin: Vaivawm leh Ram fan chanchin
Mizo blog lamah pawh Misual.com tluk a vaivawm in hmuna chan tamna hi a awm kher awm love. A dik tak chuan vaivawm lam a khelh dan leh technical deuh deuh rawn comment a, rawn sawi peih te awm mahse la, a hranpa a rawn kur pui peih awm ta lo chu Vaivawm hi min papek deuh chawt ni ber hian ka hria a, ka ta neih ve ta ngawt reng a ni. Vaivawm lam hi tui leh tui lo hian kan in barh nawk nawk a, tuna chuan misualah chuan vaivawm chu a mikhual ta bik lo.

Zin chanchin ngaihnawm deuh a ziak thiam te hi an fakawm ka ti. Ka zin tam lo teh lul nen hian ka zin chanchin hi ziah ve leh khauh hi ka hrat khawp mai a. Hyderabad a Food World vel a thosi hlo leh pheikhawk hrukna ka lei chanchin te, Bareilly a kan thianpa motor ruang kan han hlawm chanchin te, Reng ram ( Tripura) a ka zin chanchin te, ka fu her chanchin leh Kanghmuna ka zin leh lo chanchin thlengin ka ziah ve vak tawh khaw mawle…Travelogue hi chu vaivawm ang chuan ka hnehsawh hauh lova, mi pawh hian min phur pui nep deuh emaw ni ka ti. Mahse, ka zin tam lo na in ka zin chhun chhun chu rawn bel kai zel chu ka tum ang e.

Ka blog ve a nih hi:
Thu hi ka ziak ve zau zauh a, min rawn sawm tawk te pawh an awm ve ta zauh zauh a, mahse ziaktu tia in chhal tak tak tur chuan lehkhabu pawh lungthu kim ka la chhuah miau loh avang hian lehkhaziakmi han in tih ngam chu a har deuh ka ti. Mi thenkhat chuan an thuziak te pholanna bik blog te an nei fir fer a, keima pual hian blog ka nei ve miah lo na in misual.com hi kei chuan ka blog pakhat ah ka ngai a. A tlawhtu pawh an tam zawk in ka hria. In ti thu takin ka thuziak an lo tanbung ziah pawh ka hau ka hau thin a, an tan bung ngam ta vak lova ka lawm hle mai.
(more…)

Posted in Luangliam, Whatever | 12 Comments »

IN TI HUAISENA TE

Tuesday, December 18th, 2012

Kan hmuhsit VAI leh hnam dang ten an chhiar ve thiam lo bawk ah!!, … Mizo kan huaisen/kan huaisen tak tak lo tih vel hi tam thei hle mai.

Mi hmuh choh a in ti huaisen a, mi hriat theih chin choh a in ti huaisen a pawr ve vak vak te, amah hre chiang lo tute bul a inti changkang tak te, a pawn chhuah dawn piang leh thil tih dawn hlek a achhung te pawisa dil zel thin thawh chhuah neilo a in ti pawr ve tak te,  thian te nen chuan tu pawh cho((ngam) vek a mahni choh a inti pa leh ngam vak silo te, mahni veng a hnam dang  hmusit ve ri ngawt te, mahni aia chan chhe zawk te hmuhsit ve ri ngawt te, mahni thawmhnaw aia changkang lo zawk in bel te ngai hniam ve em em tute,  mahni mamawh in phuhru zolo pawh nilo in chang kan na a an ngaih vang zawk nge hna thawh tum miah lo, nu leh pa unau te vin khur khur a kawtlai a fel ber ni awm ang a nun hmang leh thiam(ka tha bik e tih na nilo in) MIZO thalai tam tak hriat ve reng hi chuan rilru tak tak a HNAM HUAISEN LEH TAIMA  kan ni tih chu harsa ve deuh hlek thin…

Hnam huaisen leh taima tlawmngai, kan nih na lampost tam tak han hmuh hi chuan chhiar anuam thin, mahse atak tak a dik tak a huaisen a tlawmngai thei mi kan tam lutuk lo tih hi chu, kan nitin nun dan ah hian hai rual loh zuk ni ve tlat…

Posted in Whatever | 15 Comments »

« Older Entries
Newer Entries »