UN Oil-Food thubuaia hmingchhia leh mawhphurtu bera ngaih, External Affairs Minister hlui, K. Natwar Singh chu Congress Party chuan an party atangin an hnawtchhuak a, nimina party Disciplinary Committee thukhawm chuan Justice RS Pathak report atanga thiam loh chang, Natwar Singh chu party atanga hnawhchhuah chu lungrual takin an titlu a ni. Congress hruaitute hian Natwar Singh an ban chhan hi phek nga-a chhah an buatsaih a, Congress hruaitute chuan Pathak thil hmuh ringawt atanga Natwar Singh chu ban an nih loh thu sawiin, Party dan kalha a chet vang leh Party do zawnga a chet vanga ban an nih thu an sawi.
Natwar Singha chhuitu Pathak Commission Report hi Parliament-a pharh a nih hma hauhin thuthar thehdarhtute chuan an hria a, eptu pawlte leh Natwar Singh chuan Pathak report puhruk chungchangah Prime Minister chu mawhphurtu-a puhin, Natwar Singh chuan Rajya Sabha-ah Prime Minister lakah priviledge motion a pulut a, hei hi Congress party chuan ngaithiam lovin, Pathak report-ah thiam loh a chang bawk nen Party atangin an hnawtchhuak ta a ni. Congress hruaituten Natwar Singh an hnawtchhuak tih an sawi rual hian Natwar Singh chuan Congress chu bei nghalin, ramin Prime Minister 11 a neih tawh zinga 10-te chu mipui duhdana thlan lal an nih thu leh, Manmohan Singh chu mipui thlan pawh nilovin Rajya Sabha member ve mai a nih thu leh, ama thu pawha ram hruai ngai lo a nih thu a sawi.
Congress hian Natwar Singh hi ban mah se, ban a nih rual khan thian thar nei nghalin, NDA leh Samajwadi Party hruaitu, Amar Singh, Digvijay Singh leh Yashwant Sinha-te chuan Natwar Singh chu an tan thu an sawi a. Samajwadi Party hruaitu Amar Singh chuan Natwar Singh chungchang chu ramin a ngaihven thu leh Rajya Sabha-ah phei chuan tantu a ngaih zawk thu a sawi a, Party hrang hrangte chuan an party-a lut turin an sawm nasa hle a ni.
Similar Posts:
- CBI koh luh an ti maw?
- PM Dr. Singh lo kal dawn
- India’s ‘Sulabh Sauchalaya’ going global
- UK General Election 2010 Results
- Cong. Minister hluiin MNF a zawm
August 9th, 2006 at 6:16 pm
Ban ta nge nge maw. A hmel hi pk hmel ka lo ti hrim hrim
October 22nd, 2009 at 9:45 pm
hat-trick ka siam e
October 22nd, 2009 at 9:46 pm
U singha chu khongaihthlak roh ve, hei
October 22nd, 2009 at 9:47 pm
a rei toh sia. an la lalut leh toh ngem o
October 22nd, 2009 at 9:47 pm
lo ngaihven la
October 22nd, 2009 at 9:51 pm
o le, lo ngaihven ang
October 22nd, 2009 at 9:51 pm
tuma om lai hian ti vak teh ang
October 22nd, 2009 at 9:51 pm
inthlahrung suh
October 22nd, 2009 at 9:52 pm
a karah Monarch a lo lang
October 22nd, 2009 at 9:53 pm
October 22nd, 2009 at 9:56 pm
ka peih toh lo, a reh em mai, ka tea set la ang a haw daih don
October 22nd, 2009 at 10:04 pm
Oooo…la awm ve mai mai la mawle…reh lai lai hian kan bengchheng dawn alwm……