mi(sual).com

Vawiinah Wai Wai Cup Final khel dawn ta : Aizawl East II Vs. Lunglei ‘S’ : Tunge Champion dawn ?
Kan sawi Wai Wai Cup chu vawiinah a tawp dawn ta a, Mizoram chhim pasaltha leh Aizawl pasal\haten final an khel dawn a. Nimina semi final hmuhnawm takah Lunglei South leh Aizawl East II ten an khingpui hneh ve vein Wai Wai champion hemite pahnih hian an zawng dawn ta a ni.
Ni 10 chhunga khelh Wai Wai Runing Cup 2006-ah hian team 31 lutin Mizoram chhim leh hmar, chhak leh thlang atanga kei ka ni intite Aizawl khawpuiah an fuankhawm a, ropui tak a ni. Champion hian Rs. 40000/- leh Trophy an dawng dawn a, pahnihnain Rs. 20000/- leh Trophy an dawng dawn tih pawh sawi nawn leh ang. Fair Play trophy, Best player leh position tina thiam thlan chhuah tan lawmman an siam bawk.
Nimin Semi Final :
Semi Final match hmasa zawkah Hnahthial leh Aizawl East II innuaiin Football hmuhnawm tak kan en a, kan sawi mek East II game a tha tawlh tawlh zel tih chu kan sawisual lo ve. 1st half-ah goal 1 a lut a, East II tan H.Lalnunzira chuan mawi zetin hmahruaina goal minute 15-ah thunin siphur Hnahthial hian an siphurh sut tum hle mahse sut lovin 1st half an khel zova. Second half-ah East II lam bawk hian an goal 2-na thunlehin PC Lalrinkima chuan mawi zetin East II mipuite tan lawmna a siamsak leh ta a ni. Hun a tlem tawha, East II hi 2-0-a chak tur riakah kan ngai tawh mai thei. Mahse hun tawp dawn tepah Hnahthial tan Lalchhanhima chuan goal 1 thun vein hun a tawp zui ta.
Semi final match hnuhnung zawk Lunglei South leh Aizawl West II inkhel a hmuhnawm tak zet a, an inhnehtawk kher mai. Inchhuang bik tur awm lo ve veah Lunglei South vanneiin second half minute 72-ah Joseph Zodingliana chuan West II defender-te nalh taka thlimin a petlut mawi hle a, hei hi goal awmchhun a ni ta. West II hian an siphurh sutna remchang neiin freekick an hmuh atanga an goal thun chu referee chuan goal-ah a pawmsak loh a vangin West II hi an phunchiar zui hle.Hemi hnu pawh hian clear chance an hmu nual na a, an vanduai ai a ni ngei ang goal-ah an chantir thei ta chuang lo a ni. Tichuan Final ropui chu vawiinah Lunglei South leh Aizawl East II ten an khel dawn ta. Final khelh hun tur hi chawhnu dar 1:30-ah a ni dawn a, football hmuhnawm ti zawng Lammualah liam vek mai tur a nih chu.
Wai Wai Cup-a Cup-a goal lut tawh zat kan hre thei mai lo nachungin mimala goal la thun hnem ber erawh Mizo Aw Sports chuan a hria a, kan beisei Liantlluanga, Lunglei South Striker chuan goal 6 thun tawhin Lalremruata, Hnahthial chuan goal 4 thun tawh bawkin Hnahthial hi an tlak tawh a vangin Liantluanga hian chance a nei tha hle a ni.

Similar Posts:

• U-21 National-ah Mizoram in final lut
• Mizo Aw Sports :: 25 Aug
• Mizoram in Final an lut
• MzSports :: Aug.31
• 2nd Wai Wai Cup a hnuhnawm zel!

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Saturday, September 2nd, 2006 at 1:03 pm and is filed under Whatever. You can follow any responses to this entry through the RSS 2.0 feed. You can leave a response, or trackback from your own site.