mi(sual).com

Ka naupan lai a ka lehkhabu ngainat em em chu Pi Zaithanchhung’in a a ziah “Ka Zinna Ram ” tih kha a ni thin a ,kha tiang ang lehkhabu ziak ve thei khawp a hausak leh ability neih hi ka tum ve nasa thei khawp a, mahse America lam em chu thleng pha lo in kei mahni ram ngei Khawvel ram hrang hrang atang harsa leh hlau chung chung pawh a an rawn tlawh ve nal nal kan ram Hindustan ngei mai chu kan fang kual ve ta a, ka van hlim tak emmm

Ka u nen , kan misual pui Tiger poh an khua atang in a bedding nen a ron in pu ve vang vang a.
Kan backpack nen chuan kan pen chhuak ta a. Ka zinna ram hi Bangalore, Mumbai, Chennai, New delhi ,metropolitan tih lam reng a nilo a hindustan raih don a nia. ka u phei chuan lehkhabu hi europe lam a chhuah tur in “Backpacking in India” tih hi chhuah i la kan hlawk phian ang a , a ti fiam thu thin a.

First destination…………Varanasi

Varanasi nge ka tih don Banares a train atangin kan han pen chhuak chiah chu, a boruak hi a lo Shiva and Parvati raih mai a ni. The holycity, khawvel ah pawh lar tham khawp a khaw mak dangdai, Lonely planet ah pawh Must Visit city chu kan thleng ve ta raih mai a. kan hmel a danglam em avang in Tourist Police te chuan min lo ngaiven ta vat a ( tourist police hi a exist tih poh kan la hre ngai lo)
chuan an lo fel khop a, indian kan ni a ti in kan passport te kan hmuh a chu ti chung poh chuan Mizo an lo la hre lo chek a ni ang chu, min register ta tlap a,, kan pic te la in kan telephone number thleng in min dil a, Rikshaw min lak sak a, a number an chhinchhiah thlap bok a, hahdam thlak in a lungmuanthlak, chuan kan pathum chuan Komika Guest House, lonely planet lehkhabu kolkatta a kan lei atanga kan hriat pan chuan kan tlan ta nal nal a, chu Komiko guest house chu Old Varanasi chhim lam Ganga river border a om hi a ni a, a nei tu pa chu Brahmin (dublicate) a nupui chu Japanese a ni a.

kan passport te scan vek in,, Mizoram hi anni tan chuan a exist lo ni ang hrim in an la hre ngai lo reng reng. Zan lam a varanasi ui zan khua thak a u chuan muthilh a ti bahlah deuh a ni ang a tuk zing dar sarih a kan Yoga lesson hmasa ber once in a life time a kan han neih ve chu nuih pawh a za rum rum a lom.

Yoga lesson kan nei zo kan room zau nuam ve tak agarbati rim nam cham cham foreigners ho tan chuan exotic perfume an ti teh chek ang chu, mahse keinni mizo tan chuan chu rim zet chu a van vai rim tak em!!

Dhashaswameth Ghat ah tlai dar 6 hma a thleng ngei tur in kan kal a , he ghat ah hian tlai tin kum sangtam tak puja an nei ziah a, Brahmin puithiam ho in a Ganga purify nan a an tawngtai vel lai chu Boat 20 rupees per hour kan hire ve atang chuan kan thlir ve ran a,

Khua a lum em avang in ka kut chu tui ah ka chiah veng veng a, savawm hit bok nen chuan an music play nen chhas sexy lam ka ngaihtuah veng veng lai chuan . ka kut chu thil ennge mo ni hian a rawn khak dawt mai a, tui atang chuan rang tawk in ka la chhuak a, tui ah chuan hmeichhe rai puar sari tet phung a in tuam a lu vel chu skeleton hlang vek ni toh hi kan lawng si chuan a lo lang lung lung mai a. Ka chi ai nasa teh asin, a ni teh reng a Ganga lui a ka vawikhat kal na a ni ve miau mai si a,.chi-ai pawh a awm viau e. Zan thla eng hnuai ah chuan Ganga lui chu a paw phut mai a, chu mi zan chuan ka muhil ngam lo reng ren

Kan hotel nei tupa chuan kar khat Varanasi a I om chuan mitthi tih ang reng chu I hlau tawh reng reng lo ang min ti a. A sawi lai chuan awi om loh zawk a mahse a sawi dik khawp mai. Raipuar, sadhu, naupang kum tling lo, Vun phar, Ransa, heng ho hi Hal an thhiang ve lo in Ganga ah chuan an paih thin a.Hmu ngai lo tan chuan rap om duh tak anni. Anni ho chuan nga tan mah an ngai lo ,Mother Ganga the Protector tih lam kha kan believe ve mang si loa

Ni thum hnu ah chuan Mithi lo lang te chu kan pet per nawlh nawlh mai a lom . Tak tak in ngai a neih chu har ka ti khawp mai , mitthi ruang an ten miah lo kha, monsoon season ah phei chuan tui a rawn sang nasa a, mitthi ruang hi waves hian lui kamsir ah hian a rawn hnawl nasa thin lutuk an la ti zui.
a tui te hi an in khawlh khawlh a , sap ho pawh an bang chuang lo Ganga lui te kan tlawh kual a , an Mitthi hal na hmun te, thlalak chak om viau mahse chu mi hmun a thlalak chu zah lo entir na ang a an ngaih miau avang in thlapawh kan la ta lo a. Hmuh nawm ve tak ani .

Restaurant kal na apiang ah Bhang Lasi duh em? Min lo ti reng bawk nen thil sual lam hi chu thlemna a sang duh bawk a, in ti chin ve teh reng ang u tiin kan han in ve ta chhak anih kha . Zu ang in ruih ve nghal mai theih si lo, dar kar khat hnu vel ah kan han hot ve ta a, ganga lui kam ah Street naupang ho ball kan lei sak a, cricket kan han khel tak tak anih kha, once in a life time a Lady Tendulkar ang a han in feel ve chu nuam ve khawp mai. Hotel atang a kan pen chhuah rual a nileng thak a kan thil ngaihthlak chu

Flower I lei duh em? No
Boat duh em? No
Change money ? No
Bhang duh em? No
Hashish duh em? No

Ghat ah chuan , bawng ,ui , Sadhu , fake sadhu, Hindu pilgrim ho , Bhudist pilgrimage , mithhi ruang nen , ransa ruang chi hrang hrang , Israel hippie , sap , vai , mithhi ruang hal tur nen. Kan nileng thak thak zel a. Zan lam ah chuan kan hotel chung ah hian kan zai thin a, Tabla student hnam hrang hrang an tam bok a, nuam thei khop mai, Banares silk a lar bawk a, western lam whole saler pawh an tam khop mai . Hotel tam tak ah No Israel Allowed tih hmuh tur a om chawk bawk a. Western lam Spinsters ho lakah Varanasi tlangval ho chu to vet vet tak an ni . Vawi khat pawh vai tlangval pakhat sunglass bun ra mai kekawr kap chhing ah ,yellow tees te nen a in thhuam ah mai hi sap nula senior tawk mai hian zan a kan zai khawm na ah a rawn hruai a, inneih kan tum a. Nuih za thlak duh khawp mai. Misual.com nula ho pawh kha Varanasi ah vai tlangval an chhe lo khawp mai , in lo hre tawh dawn nia.

Ni ennge mo zat kan cham hnu chuan kham lo tak in train lam pan in kan kal leh ta a,
T shirt thar ka lei a , a hma ah chuan

No Flower
No Boat
No Change Money
No Bhang
No Hashish
No Money, No Problem!

Tih in chuang kalh ha chung chuan Varanasi chu kan bye bye ta a. Kan next destination ,Dharamshala, MC Leod Ganj lam ah Dhalai Lama hmuh in beisei in Little Tibet lam chu kan pan ta vang vang a.

Similar Posts:

• Khawvela Hmarcha Thak Ber?
• Lianuma tlâwmngaihna
• A ruk a sipai zu lei hi
• Mang nung
• Zu! Zu! Zu!

Recent Posts:

• The Alaskan serial killer
• Thanglian, Aw…… Thanglian !
• CFL Hmingthanga Thihcham Vawikhatna Pualin
• NGAIHNAWM KAWLEKSAWN – 2 :
• Pathian Kut Dinglam {Sunday Pual}

This entry was posted on Wednesday, November 29th, 2006 at 8:56 am and is filed under More than words. You can follow any responses to this entry through the RSS 2.0 feed. You can leave a response, or trackback from your own site.