He khawvela kan cham chhunga mihringte tawha rapthlak ber chu THIHNA hi a ni ngei ang. Khawvel huapa lar, ram hruaitu, infiammi leh zaithiamte emaw an boral a, kan ui-a kan lo tuar ve a nih chuan tuktin zan tina dawhkan pakhat kan kilpui ten min kalsan ta se a nat dan tur chu suangtuah thiam phak a ni lo. Hun rei lo-te chhung zin bo tur mah kan ngai a nih chuan, haw leh tawh lo tura min kalsantu te ngaih chu engti ang taka na nge ni ang le? A tuar ve lo-te tan chuan hriatthiam phak rual a ni lo a, a tuartute tan lah han sawifiah thiam chi a ni hek lo. A NA a ni tawp mai. Pa kalsan, pianpui unau dang nei lo hmeichhe naupang kum 12 mi lek tan phei chuan a na ngawt ang. Lei danin a lo thanglian zel anga a na telh telh bawk ang!!
Ni, nikhua a lo hre chho tana hriatthiam har, tawrhthiam har a ti telh telh. Thenrual kawmin hlim takin awm thin mah se, in chhung a luhin ‘Pa’ tia koh tur a nei lo chuan hrehawm a tihtir a. A lungngaih ni-ah a ngaih a zual a, a hlim ni-ah pawh mittui titamtu mai a ni. Mahse, he thil hi indelh beh hlen tir mai a tum lo, paper leh pen a la a..
“Tet te atanga min enkawl seiliana nunna min petu Zuapa. He khawvelah hian ka bulah awm tawh lo mahla hei, ka rawn hlan ka thiam ang tawk Pa….Ka hmangaihna ka lantir hman lo che hi a na ka ti. Tin, ka duat hman ve lo che hi a pawi ka ti bawk. I anka nema ‘Mambawih’ min tih thin kha ka bengah a la cham reng thin asin..” tiin bul a tan ta!!A pa a hmangaihna pawh lantir hman lo khawpa fahrah hma, chu hmeichhe naupang nun chu engti ang takin ruak ang maw?!
A ziak zel a….”Theih ni se maw Pa, koh kir leh nan che chuan ka tlin phak bak bak pawh ka tum tur. Mahse, min chawlhsan zai i rel ta si maw…Ka thiante chuan maw Pa, an zuapa te tang belin ngaihngam takin laitual an leng asin. Kei zawng zuapa ngaia luaithlipui nul a tul leh thin. An hrethiam ve lo…….” Pawm thiam har viau mah se, Pathian rem ruat a nih miau avangin koh kir leh theih a ni tawh lo tih a hria. Mahse, Pa ber awpna hnuaia leng a thiante a ngaihtuah chang chuan a mittui a dang zo mawlh si lo.
Hrehawm tih em avanga Pathian hnena vui chang pawh a nei thin asin…”Heti hian Lalpa hnenah ka tawngtai thin – He khawvela pa tam tak zingah engati nge ka zuapa kher min lak bo sak?” tiin. He khawvelah chuan a lo kir tawh dawn lo tih a hrechiang a, bang laia thlalak tar chu a chan chhun a ni tih a chiang…Mahse, a hma lam hun tur a han thlirin Pa tel lo-a hmachhawn a zuam mawlh si lo. A lei taksa chu ko kir thei lo mah se, a aw rawl tal a beisei a, chu chuan chakna a pek a beisei tlat a ni…
“I hlimthla chauh maw ka chan tak! I tel lo-a ka nunkawng la zawh tur hi en teh..I kal hma lutuk a ni Pa!! Vawikhat chauh tal min chhawn leh ta che…” Mi tam tak chuan nu leh pa an la nei hi an vanneihzia an hre lo. Nu emaw, pa emaw nei tawh lo-te bawk hian he thil hi an hria.”Daddy, I miss you…oh! so much. Daddy, I long to feel your touch. Daddy..oh! Daddy..Daddy, I wish I knew you better. Oh! Daddy, Be my Angel…”
Eng mihring pawh ni se la rila rah fate chu nu leh pate tan an hlu. Kan thiltih ve chhun, mi ngaiha chhuanawm lem lo pawh ni se an ni chuan min chhuang thin. Kan tana tha tur leh mite anga kan nun khaw chhuah ve theihnan theihtawp an chhuah thin. Chutih rualin kan laka an beisei erawh a sang. Hmangaih let ve an phut a, chu chu kan tih tur reng a ni. Thihna kut vawtin a hrual hrep he hmeichhia hian he khawvelah hun a hmang rei tulh tulha a Pa a ngaih a zual thin. A ‘hmangaihna’ a lantir hman lo chu na a ti!! A pa a chhuanzia a hriattir hman lo chu pawi a ti takzet asin…”I fanu hi min han en teh, ka thang lian ve tawh asin. Mite ngaihsan em em ni lo mah ila Pa, nag chuan min chhuanzia thu ka hlimnan tal i sawi leh dawn tih ka hria. Min ngaih vanga lenrualte zingah pawh mittui titla ngamtu, kei chuan ka chhuang che asin. Mahse, ka hriattir hman ta si lo che…”
Hun rei tak chhung damlohna avanga kan lo enkawl tawh, kan dawm hlum ngeite ngaih pawh a na a, kan hrilh a hai a nih chuan…”I aw ri ka hriat hnuhnun ber, ‘Mambawih, Mambawih’ i tih ri kha kei chuan nghilhni reng ka nei tawh lo’ng. Pa, hostel-a ka awm hlan kherin ‘ngatinge min kalsan? Hmeichhe naupang kum 12 mi tana hriatthiam a har dan tur leh a hrilhhai dan tur chu tunge hriatthiampui ang le? Chuan i hnen ka rawn thlen meuh chuan koh eih zawh i ni tawh si lo a maw Pa…” titu tana tawrhna chu engti ang tak ni ang maw?
“Khatih lai khan ka la naupang em a ni, min ngaidam rawh aw. Kum 12 chhung chauh chu a rei lo em a ni. Theih se hriatchian lehzual che ka va chak em!! Pa, ka thiam ang tawka thlum hmangaihna biahthu ka hlan ve tur che“. Engatinge ngaihdam a dil le?? Kum 12 chhung chauh a ni a, a rei si lo. Mahse….thinlung chhungril bera hmangaihna atang chuan a rei em alawm!! Amah hmangaihtu a Pa a hmangaih let ve hun chhung kha rei lo a ti a, harsa leh hrehawm zawng zawng pal tlanga lo chawi liantu a Pa hnenah RD-i hian ngaihdam a dil a, koh kir leha HMANGAIH let ve a duh a ni.
He hla hi vawikhat ka ngaithla a, ka duhtawk mai lo. Ka ngaithla nawn leh thin. Lusun tawhte tan mittui ko chhuaktu a ni a, kum 40 ral kai pasal sun tawh, he hla avanga mittui seng pawh ka hria asin!! Lusun tawhte tan mai a ni lo, tun thlenga nu leh pa HMANGAIH tur la neite tan pawh he hla hi a pawimawh asin. An tan lungngaihna thlentu kan ni dawn nge lawmna thlentu kan ni dawn? A tlai hnu-ah chuan inchhir a sawt tawh lo. A va pawi em! tih mai loh chu sawi tur kan nei lo tawp ang le.
Kum 12 mi a nih laia Pa boralsan, harsatna tam tak paltlang ‘Zoram Hip-Hop Lalnu’ RD-i hnenah he hla thu hi ka dil a, phal takin min pe a ka lawm. ‘Hmangaihna Chhinchhiahna’ KV Paradise-ah ngei min pe hi a ropui dangdai ka ti a, he hmun tlawhtuten an hming an ziahna lehkhabu-a mi pawt thla a, ama ziak ngei min pe hi a hlu ka ti a, ka vawng tha reng ang.
———————————————————
[Tlem kan belh ve lawks, he hla hi ka ngaithla a, nalh ka ti a, ka ngaithla nawn leh a, nalh ka ti tawlh tawlh mai a. Midang kan zawt vel a, nalh tilo an awm lo reng reng, chu mai chu sawi lo, an hnuk a tih ulh thu te an sawi thup mai. A kum phu lova hetiang hla thu tha a phuahchhuak thei hi mi tam takin an ngaihsan chhan a ni. Sawi hmaih phal chi loh, zanin (Feb 3, Saturday) Zonet Top 20 countdown a number 1 hauhtu a ni a, Interviewer Zonuni’n a interview leh a, a ngaihnawm e. ZONET T-shirt present a ni a, Sandman a’n Jenny a interview tuma pangpar nalh a tih leh tihloh thu a zawh sawi chhuak pahin, Zonuni chuan RD-i chu pangpar nalh a tih leh tihloh thu a zawt ve a. Nalh a ti thu a sawi. Bawkbawn bai a thiam thu a sawi bawk a, a fans te, amah vote tute hnenah lawmthu a sawi mawlh mawlh bawk a ni. – Father Sphinx]
Similar Posts:
- RDi – Daddy (music video)
- The Best Chrismas Present
- An zalh ta!
- Letter to Daddy (Pa hnena Lehkhathawn ama hnen thleng ngailo tur si chu)
- The last letter
February 3rd, 2007 at 10:30 pm
Nia, thihna hi chu tute tan pawh tuar thiam a har, eng anga pa chak pawhin an tuar dam zo lo. Thihna sawi hi chuan a bak engmah a awm tawh lo a TAWP a ni tawh mai si a le….. Tuna RD-i hla pawh hi a nalhin rilru a khawih tak zet a, a nun kalphung zawng zawng thlirin amah RD-i ngei pawh pa tel lova hmeichhe naupang hetiang thleng thei khawp a a tumruhna hi a naupan lai a trang pawh a naupang ti mai mai lo a ni tih a chiang a, i cn say ur one of a kind, believe in urself, do what u want to do, but don’t u ever forget who ur maker is!!!! Hetiang hmun i in hlang thleng thei hi ka lawmpui tak zet che a, tluang taka i kal zel theihnan duhsakna sang ber ka hlan nghal bawk a che.
Thlir dan dang han belh jok ila, a video a mawi a, tin andrew a nen a an duet pawh kha a nalh in en a nuam ka ti, hip hop ngaina ltk si lovah chuan ka hla nalh tih jong a ni ve tlat!!!! Keep It Up, Ladylicious…… U Rockkkk…..
\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/\o/
Report this comment
February 3rd, 2007 at 11:08 pm
@father_sphinx- lo upload la a video cu. . .
Report this comment
February 3rd, 2007 at 11:23 pm
Nia…rawn upload teh u…ka hrethiam ve re re lo ania… taka pic khi tute nge..an va chhe lo reuh ve.
Report this comment
February 4th, 2007 at 12:05 am
PA tello a nun hi thil hreawm tak ani a, keipoh hi a tuar mek tu zingah ka tel a, min hmangaihtu te an kal chiah hi chuan khawvel hi a thim tha duh mep2 khawp mai RD-i hi a tuar nat dan tur poh ka tuar thiampui khawp mai… hreom tak hi a ni tawpp!!!
Report this comment
February 4th, 2007 at 1:27 am
song please…
Report this comment
February 4th, 2007 at 1:37 am
A ni ngawt a sin. Keipawh kum 5 lek ka nih laiin kan pan min boral san a, hmana chhungkaw pangngai tak kha, hun a lo kal zela, Hmeithai kan ni tih ka han hre tan chho phei chu rilru hi a na telh telh a, miin an pa te an bawr a, khawlai an han vahchhuah ni khua phei chuan rilru na lutuk hi awm ngaihna pawh ka hre ngailo. Tin, fahrah lo ni ta chu, hmana min hmusit ngai hauh lo te khan tawngkam eng emaw a min auh nawmnah chang ka han tawng chiah phei chu ka mittui hi a tla zawih zawih thin.
Vawikhat chu class 3 ka nih laiin ka rualpui pakhat hian min cho tlat pek a, tumah ka sual duhlo ka nun a phallo va ka tih pawhin miin an fuihpawrh avangin min cho lui tlat mai si. Nang, pa pawh nei tawh hleilo, min han ti chiah chu..rilruah a cham rei duh ngei mai.
Chutah Mizoram’in Independent a hmu ta chuang si lo lehnghal phei chu nunna kha ti zozai thaptute kha ka ui thin hle mai. Mahse hnam tana a nunna hlantu a nihna erawh engtiklai mahin ka ngainep ngailo thung.
Report this comment
February 4th, 2007 at 2:03 am
I lost my Dad 12 years ago which left my heart broken into bits.It took me about a year to even talk about him.Then I reached a point where I realised it was pointless to be so miserable cause that is not going to bring him back.So I learnt to thank God for giving me a Dad for some years of my life and for the happy memories.I can now smile when I think of my Dad…
When it comes to grieve,the best thing is to learn not to look back,but move on.
Report this comment
February 4th, 2007 at 3:29 am
Thal Romei a lo zam leh ta, tuahpui vau ten vul zal an rel. Tur ni lo chhuak te chuan lenkawl a chhun eng paw riai a, mahse nang emaw chuan hnutiang min chhawn ta si. I hrai leng te ar-ang kan vaihna a sei dawn ma nge. Mahriakten e, kan run belin, chhungkim dar ang lenlaini te ka dawn changin, suihlung a va leng em.. Aw, theih nise, neihlungkhawngin i dam nan sen kan huam a sin..Lo kir leh rawh Zuapa…tia muttui tla zawih zawiha thenrual kan kawm chang te kha a tam zawk hial awm e.
A bik takin, Pa-te Ni(Father Day)ah Biak In hmaah mite chuan an pate present eng eng maw an pek bakah Parthi te an awrh tir laiin kei erawh awrh tir ve tur nei ta lo chu, mittui tla zawih zawihin bang kan thlir vawng vawng thin.. Chhungkaw pa ber tello chuan hringnun hi a kim mawh ngawt mai.
Report this comment
February 4th, 2007 at 8:18 am
A hla hi ka nei lo, mahse TV ah erawh ka en zing. tunlai chu thlan a hlawh bawk a, Tv en chuan a lo zai ngei ngei…
Thlalak ami te khi ka hriat sual loh chuan Ruatsaka, Zonuni, RD-i leh Mapuia te an ni….
Report this comment
February 4th, 2007 at 9:22 am
hla thu chu a nalh hle mai, rem khawm pawh a mawi in, rawn tuihnih thra dap dap hle mai Pu-a chu.. a thluk pawh a mawi ang tih ka ring..
nia thil re re hi mahni chunga a thlen loh hi chuan tawrh dan hi thiam pawh a har ngei ang.. tin hla te hi life experince ti mai ila, rilru chhungril tak atranga lo piang chhuak te hian mite rilru a hnehin ngaih hlut a hlawh thrin reng a ni.
Satu hi em ni a phuahtu??
Report this comment
February 4th, 2007 at 11:54 am
Zonet t-shirt chu a va mawi ve. Kawr sen ha kha Zonuni a mi?
Report this comment
February 4th, 2007 at 1:28 pm
plizzz…lo upload hram teh uuuuk ngaithla chak ve bon top2
Report this comment
February 4th, 2007 at 10:53 pm
A ty virz chu’ni’maw
Report this comment
February 5th, 2007 at 8:36 am
A khai!!! VA tha dup dup ve
Report this comment
February 5th, 2007 at 8:46 am
Photo ( ZONET T-shirt ha tlangval 2 leh nula 2)) leh article (thihna lam) a inzawmna in hria em ?
Report this comment
February 5th, 2007 at 1:07 pm
Lazydog,
Inzawmna nei hran lo. Mahse, hemi ni hian hla thu hi min pe a, thlalak dang ka nei si lo. Dah ve ngei ka duh si a (Ka thiam thar a!!), ka dah tawps mai. He hla ka ngaihthlak apiang hian ka hnuk a la ulh thin nia!!
Report this comment
February 5th, 2007 at 1:30 pm
Sang Mahal kawta nia chuvangin inzawm ve tho alom
Report this comment
February 5th, 2007 at 1:35 pm
Ben..keimah ngei ka ni e…tunah chuan Kima leh Ben-a ah ka chiang toh bok e
T-shirt hi ka haktok a om ve lo a. he rap/hla ka ngaihthlak hian ka rilru a khoih takzet a…ka mittui a tla vel a nih chu!…Pathianin Pa min dampui a min hmangaih ngoih ngoih tu min pek hi ka hrechhuak thar a..Pathian hnenah lomthu min soi tir nghal nia!
Report this comment
February 5th, 2007 at 1:47 pm
Z_Jones i va lang dang ve a tahkhian nangmah in nih chuan
Report this comment
February 5th, 2007 at 1:48 pm
Lazydog i kaw lo. i mawl tu lian.verh kuak i ngai. thlalak ami 1 khi a satu rd-i a nih khi
Report this comment
February 5th, 2007 at 2:10 pm
video in duh chuan ka nei maw le ooooo..mahse..kei mimawl hian hrilhfiah fe loh chuan ka dah thiam leh si lo. father_sphinx rawn che leh mai teh….lawls
Report this comment
February 5th, 2007 at 5:08 pm
@father_sphinx- ron upload vat la mole
Report this comment
February 6th, 2007 at 9:30 pm
nia en ava chakawm ve a…
Report this comment
February 7th, 2007 at 8:19 pm
Min tawrhpui na thu tam tak ka hmuh avangin ka lawm takzet..Nia mole..Hrangkekuala te khan lo upload sak vat vat ula.. DaggyLoFrmLocoTribeZ ten an en chak toh e mai..Taka,i thiante ho pon video an zo trep toh e o Jon. Lastly,he site hi a thra bon top!
Report this comment
February 7th, 2007 at 9:46 pm
@Rdi: Thanks for coming over. Pic ka en chianga hi i lo tel ve reng alom.
Report this comment
February 8th, 2007 at 4:06 pm
upload tur ka nei lo…a mp3 chiah ka nei…
Report this comment
February 13th, 2007 at 7:24 am
[…] Cover Story Daddy […]
Report this comment