mi(sual).com

We have no way to verify this news. ne0n, if you represent some printed media or bring this story from some source, do mention the source or the media you represent.

-benjamin

Update:

Benjamin, I am the news editor of Zoen Daily News paper sorry for not mentning the source.

-ne0n

Lunglei Civil Hospital a thawk Doctor pakhat James RE. Mawia’n Nau nei tur a Civil Hospital pantu Pi.Vanlallawmi(22) W/O Sangliana Ramthar Lunglei chu Hospital atang a hnawt chhuakin Nurse Pahnih Doctor hian a beng bawk.

Inrinni kalta zan khan Lunglei Ramtharvenga naupai, Pi.Vanlallawmi(22) chu Civil Hospital Lungleiah nau nei turin a pasal a nu Pi. Lalthansangi’n a hruai a, Hospital an thlen hian nauneihna roomah nau nei tur dang an lo awm a,Dr. James- a hian Serkawn ah kal mai rawh u a lo ti a, chumi hnu ah Nurse an bula awm chuan Nurse dang puitu tur ava koh pawh pui lo turin Dr.James a hian hrilhin a kal a phal lo chu damlo nau nei tur hian a va thinchhia e fiamthu a alo ti chu Dr.James a hian a lo ngaithiam lo viau a niang, ka ward ah hian min ring lo chu ka admid dawn lo tiin haw nghal turin a ti a, chumi hnuah nau nei tur Pi.Vani hi a la awm a hmu chu Dr. James a hian “a la thu fo ka ti, haw rawh ka ti che a ni lawm ni, i haw duh lo a, i la awm a nih chuan i chhungte bulah a tha e kan ti ang a, i thih thleng kan eng reng mai ang che” tiin damlo hi a vau zui a ni.

Hetia thil a kal takah chuan damlo hruaitu nu Pi. Lalthansangi chuan thil an lo ti sual palh a nih chuan tiin ngaihdam turin a dil a. Doctor hian ngaihdam ngaihdam sawi a ngai lo tiin chhuak turin a ti ta a ni. Damlo hruaitu hian an khum tura Thuamhnaw an dah te a va lak chhung hian Dr. James a hian Damlo nau vei hi Step thleng a lo va nam chhuak a, hemi hnu ah hian damlo hruaitu Pi. Lalthansangi pawh hi a nam chhuak leh a ni. Hemi hnu hian Damlo nauvei chu an inlam ah hruai hawngin Nau hi inlamah zan dar 10 leh 10:30 inkar khan a nei a, nau a neih dawn hian nau chhar thiam Nurse an koh chhung hian a lo nei hman a, nau chhar thiam pawh awm loin a theih ang angin a chhungte hian lo buaipuiin vanneihthlak takin nau hi tha takin a nei thei ta a ni.

He thil an tawn chungchangah hian Damlo chhungte hi an lungawi loin an rilru a na hle a, a theih ang anga hmalak zel pawh an tum a ni. He thil thleng chanchin hriat a nih velah chanchinbu mite inkokhawmin a hmunah an kal nghal a , Civil Hospitala he thil thlen dante te enfiahin Medical Superintendent leh Doctor senior te nen inkawmna an nei nghal bawk.Hospitala thil thleng chung changah hian Lunglei a zirlai Pawl MZP leh MSU te pawhin Hospital thuneitute hmu nghalin he thil thleng chung chang hi an dem tak zet thu an sawi.

Nau nei tur hnawh chhuah chungchang hian Ministry beng pawh a thleng nghal nia thu dawn a ni.Dr James hian hemi zan vek hian Nurse duty pahnih pawh a beng nia thu dawn a ni a, engvanga kut thlak nge a nih erawh Nurse lam hian an sawi duh lo thung. Dr.James hian hun kalta ah pawh chanchin tha lo tak tak damlo te lakah alo nei fo tawh nia sawi a ni.

Similar Posts:

• MHIP Sub-Hqrs. in Doctor Chetdan Duh Loh Vangin Thuchhuah Siam
• Lunglei Civil Hospital-a thil thleng
• Tunge Zawhte chu thi awrh tir ang le
• Doctor hmeichhia aiin doctor mipa
• Doctor, Nurse leh a chhehvel

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Monday, February 12th, 2007 at 9:21 pm and is filed under News. You can follow any responses to this entry through the RSS 2.0 feed. You can leave a response, or trackback from your own site.