Evening Post, Aizawl 6th March: Hmar National Army (HNA) member nia hriat mi paruk ruang chu Pathianni khan Tinghmum atanga 10 kms vela hla, Tuiruang kamah chhar a ni a, a thattu nia rin te sawi dan a inang lo.
Kan thudawnna chuan mitthi ruangte hi Pathianni khan Tuiruang kama mau sat vaihoin an chhar a, posmortem turin Sakawrdai PHC panpui nghal an ni a, vawiin lam hian an khua lam theuh panpui an ni. Mitthi te hi
1. Huanthangvunga (27) s/o Kaikhuma, Sesawng, Mizoram
2. Nangmawia, Khawlian, Mizoram
3. Rohmingliana s/o Hmangkhuma, Sihpuikawn, Manipur
4. Lalduhsaka (20) s/o Saibuana, Parbung, Manipur
5. Lalngaisanga (32) s/o Rammawia, Parbung, Manipur leh
6. Songneihthuama (31) s/o Pawlsiamliana
te niin an hria.
Kan thudawnna pakhat chuan heng mite hi sipai (Indian army) te thah, silai nen ramhnuaiah an hmuh avanga an kahhlum nia a sawi laiin HNA hotute chuan Hmar Peoles’ Convention – Democratic (HPC-D) ho thahah an puh ve thung.
Sakawrdai VCP Pu Malsawma’n Evening Post a hrilh dan chuan HNA mi parukte hi ralthuam keng lovin Dolakhal (Cachar chhung)-ah an leng a, HPC(D) nia hriatten lo manin Tinghmun daiah an kaphlum a, ruangte hi inhnaih tak hmun hnihah pathum ve ve-in hmuh chhuah a ni a, ruangte hi mau sat Vai thenkhatin an hmu niin thudawnna chuan a sawi. Ruang bulah hian AK silai mu panga vel chhar a ni bawk.
Ruangte hi nizan khan Sakawrdai YMA hall-ah tlaivarpui a ni a, chanchin buatsaih lai hian ruang la tur khuate chu nghah mek an ni.
Similar Posts:
- B.Lalhlimpuia, Zobawk ruang hmuh a ni
- Mizo hmeichhe ruang chhar!
- Ruang chhar ani
- HPC (D) Combo post
- Pu H. Rotluanga ruang chhar a ni.
March 6th, 2007 at 4:36 pm
Khawvelah hian ralthuam leh khandaih hian engtikahmah remna thu a thlen hlei lawng e…..mahse chumi chu lek loh theih lova siam kanni fo thin…..a va harsa em……
Report this comment
March 6th, 2007 at 5:27 pm
He thi tura siam mihring nunna hi, khandaih emaw, hri emaw hmangin a la thi dawn a ni. Thih hnua han reh vang vang tur chu a huphurhawm ang reng. Vanneih thil thuah Vanram pawh lo kai ve mah ila, tirhkoh Paula’n Korinth khuaa mite hnena a sawi kha a lo thlen dik vaih chuan Lei taksa ni lovin Van taksa kan lo ni tawh dawn si a.Van taksa chu a ropui zualzel dawn avangin he leia duhber te leh thian leh rual te pawh kan inngaina tawh kher lo a nih chuan, Vanram han kai ve pawh a chakawm lo rum rum thei dawn a lawm maw le. Hee hee
Report this comment
March 6th, 2007 at 7:05 pm
misual ho thah a nih dawn khi, kan adminte ho kha rin hlel thuah an rawn man mai thei che ua ni lo inring ru.
Report this comment
March 6th, 2007 at 7:40 pm
An va kawlh ve aw ! An chhungte (khawhar chhungte) Lalpa’n awmpui rawh se. An tan a na dawn em mai. An fapa, unau, pasal (mebbe), u, pa, uncle te anni hlawm dawn si a. Engvanga HPC(D) heti em em a rawng nge annih chu aw ! Zoram lam thleng thlengin an rawn che ang tih a va hlauhawm em. Cheif Minister ni ila chuan emergency cabinet meeting ka ko nghal ang. Police hna a rip dawn khawp mai.
Report this comment
March 6th, 2007 at 9:59 pm
E nge dik leh tha hi hre reng chung poh hian a chhia leh poi lam ho chu kan la zoh lui zel chu a ni c ah! Ram changkanna in a ken tel te poh hi a tih theih deuh ang chu, ” it makes the nation rise” a tih kha kan Pathian hla ngei pon, kong 2 in a lak theih a, a dik ve2 bokin ka hria. Remna leh muanna a om don chuan hnam lah hnam indo a inkah hial te a ngai thin c a, naupang poh t tleina tur chuan duh toka trah tir mai tur tihte, dam nan te chuan thih leh thih tih te nen a in ang rerng in ka hria.
Report this comment
March 6th, 2007 at 10:17 pm
a va poi thin ve aw
Report this comment
March 6th, 2007 at 10:50 pm
oi awww…a va han zia lo thin em aww
an chhungte tan a va han hrilh hai thlak don ve le
Report this comment
March 7th, 2007 at 10:52 am
Lungrual taka chen za hi he Khawvel ram zauah hian hringmite zingah hian theih ni se ka ti thin
Report this comment
March 7th, 2007 at 6:57 pm
a va zialo v aww
Report this comment