Tunlaiah hian thalia tam takin lehkhabu chhiar an peih lo hlein a lang a . A tam zawk chuan TV leh a nei chuan internet hi thil hriatzau nan leh min tihlimtu ah kan hmang thin a .
Chutih karah thil chhiar thin zawng kan awm e . Nu leh pate u , enge in faten an chhiar thin hi han bihchiang teh ang u aw!
1.Magazine : Kartin chhuak Mizo magazine hi sawi hmasa i la .Hralh tlak nan a kawmah nula thlalak-chhelo leh seksi tak hi hman kher a ngai ta em ni? Tin, a chhung thuah pawh sap ho nun ho lai(thalaite hriat duh si) leh mirethei tak tak (kawr hak tur pawh nei mang lo)thlalak a chuang fur a . Kimchang lo tak leh mithiamte ziah pawh ni lo tih hriat reng reng sex education article tih hi kan thalai te’n an hlawkpui ka ring lo .
Sap magazine en ve leh i la. Cosmopolitan, Seventeen, Crime and Detective etc. sitting room dawhkan a kan dah ngam chin chauh hi han bih chiang teh ang u .
I) Tleirawlte zingah rual awhna a tuh – thuamhnaw, tlereuh leh incheina dang dang te awhna leh itna a thlen.
II) Nupa lo kara mipat-hmeichhiatna (premarital leh extra-marital sex) hman hi nunphung kal dan pangngai tura hriatna a neihtir .Nu leh pate u, heng magazine te hi tleirawlte hun awl hmanna atan chuan a rura deuh e , pakhat hi han chhiar chhuak ve chhin u la chuan i fanu pawl 8 zirlai mi tan a tha em tih ngaihtuah rawh u.
III) Sap ho nuna an thawhrimna leh taihmakna te , an tum ruh ziate min hriattir si lovin an nawm chenna lai chauh min barh a , kan pai zo lo a ,kan hak leh thin.
2. Thawnthu bu(Novels) – Thawnthu bu chi tam tak a awm a ,tunah hi chuan hmangaihna lam bik(romantic novels) an tih ang chi hi Kristianna tehfungin han teh i la .
Heng novel te hian tleirawl hmeichhe rilru (la no leh nem)-ah chuan thinlairil (emotion) chakna/awhna/itna a tuh thei a ni . A keng kung lam chi in mipa rilrua tisa chakna a tichhuak thei ang bawk khan rilru chakna a tichhuak thei a ni . Mipa in tisa chakna in a ngaihtuahnaah a uire laiin hmeichhia chuan a thinlungah a rilru in a uire a ni.
Kristian hmeichhe ziaktu pakhat chuan “Pornography of the emotions” (thinlung blue film) ti hialin a lo sawi tawh a ni .
Heng thilte hi a ngial a ngan a thil tha lo ang a lang lem lo , mahse kan nun kawng diklo lama zawi zawia min hruaitu an ni thei .
Naupawng chu a kalna awm kawngah chuan zirtir u la , a upat hun pawhin a thlah dawn lo ani tih kan hriat kha . A tha lo lam zawng pawhin a dik tho .
Aw Lalpa , kan thil tihdanglam theihlohte pawm thiam theihna leh ,
Kan tihdanglam theihte tidanglam ngam tura huaisenna leh
Chung thilte chu thliar hrang thei tura finna thinlung min pe ang che
Amen
I ziak thra hle mai. Magazine chungchang khi ka support lutuk che. Ni e, tunlai kan Zoram atanga magazine chhuak thar zawng zawngah hian sex education emaw a kaihhnawih emaw hi chu chhiar tur a awm ngei ngei emaw tih tur a ni a. An ziak rura thei ang reng sia, hei hi chu ngaihtuah tham fe a ni. Hlawkpui lam aiin ngaihnawm chhiara chhiar emaw eng emaw vanga chhiar an tam ber zawk ka ring – father_sphinx
Similar Posts:
- JS Vanglai
- Zo chhuak Magazine te ka hmuh dan
- Eng vangin nge Bible hi kan chhiar ang?
- Chemtatrawta
- Nu hmangaihna. A va mak em!!
April 3rd, 2007 at 1:46 pm
Ni e
Report this comment
April 3rd, 2007 at 1:59 pm
Sap tawng (English) magazine ah chuan sap chanchin kher I hmuh I tum a mi?
Sap ho lo pawh thawkrim an tam. Mizo pawh an tam. Kan hmuh phak ngei, kan Mizopui te thawkrim te hriat hian min motivate zawk.
Report this comment
April 3rd, 2007 at 2:36 pm
Ziak tha kher mai.. zau taka chhiar chi a ni e..
Report this comment
April 3rd, 2007 at 3:12 pm
THRA LUTUKS…. I ti thra hle mai,Hetiang hi kan ZORAM hian a mamawh lutuk tawh in ka hria.Thu Thralo,Naupang deuh zawkten an chhiar chak,Sex lam thil. A thra zawng a hmangthiam mang silo hian a sual zawng hian an hmang leh hlauh thung sia, chuvang chuan he tiang lam hi chu kan Chanchin Bu hian ti tam vak tawhlose kei pawhin ka duh ve ngawt mai………ka ngaihve dan mai mai anih chu….
Report this comment
April 3rd, 2007 at 5:20 pm
keichu kan ram hian a mamawh ai tam magazine hi a nei tawh in ka hria..an in tihhmuhthar deuh ten ka hria.. a kawm mawi leh ti deuh keng kung hi chuan hralh a tla tih alang reng mai.kan lawmzawng ani miau alawm.chuan a cover nalh leh mawi ang hu in a chhung chhiar tlak a tam tehchiam leh mang si lo..
Report this comment
April 3rd, 2007 at 5:44 pm
hmmm…. ”buh tuh zinga hnim” …..
ka soi kual vak peih lau….
Report this comment
April 3rd, 2007 at 11:57 pm
a writter hian sawisel tur a nghah hmel nun ah hian, thil reng reng hi a that na lam zawk hi thir hmasa fo i la….
Report this comment
April 4th, 2007 at 12:20 am
“The man who does not read good books has no advantage over the man who can’t read them” – Mark Twain
Report this comment
April 4th, 2007 at 1:42 am
“There is no satisfaction in hanging a man who does not object”
– Mark Twain
Mark Twain hi chu a rum ve lom
A sawi zawng zawng hi khukpui vak chi a ni lo 
Report this comment
April 4th, 2007 at 1:07 pm
Kan magazine hi tlemin a SEXY lam deuh em ni? Nge Mizo mipui zingah hian SEX lam chauh hi hralh a kal, mipui mil tawk zelin thil a awm em? Zawhna a va tam em…
Report this comment
April 4th, 2007 at 8:54 pm
Hei pawh ka lo hmu leh pek lo va, ziak tha leh mai. Ka rilrem zawng tak a ni. Kan thil hmuh leh chhiar te hian kan nunah thu a sawi thin avangin thalaite hmakhua ngaia thuziak chhiar tur hi tam se a duhawm khawp mai. Entirnan; in elna thil lam pang leh mi hlawhtling te chanchin leh an nunkawng te, mi eizawnna te leh sumdawnna kawnga rual awhna lam te hi a tam thei ang ber chhiar tur awm se la. A theuleu zawng leh a ho lam zawng ringawt thil chhiar hian kan rilru a ti khawlo ve thei tlat a ni.
Tin, infiamna ngaina mi te tana rilru leh kawng hrang hranga hmasawn phah theihna tur thil te, Zaimi te tana awmze nei zawka sum hai luh theihna kawng te, Central emaw State emaw a hna thawh dan kalphung leh luhdan te, Tin sakhuana tel kher lo va, thianghlim taka nunkawng hmandan lam hawia interest taka thuziak te hi chhiar tam ila. Heng te hian a dik zawngin rualawhna min pe ang a, kan dinhmunah lungawi tawk lohna min pe ngei ngei ang. Chu chuan eng emaw tala tal chhuah dan rilru min pe ang a. Ka Tum nge Ruh Saruh tih ang deuhin taimakna te, rumruhna te min neih tir ka ring tlat a ni. Thalaite hi ram future an ni si a.
Report this comment