Aizawl a an rawn concert tur kan hriat atang khan en ve a chakawm thu kan sawi kan sawi thin a. Thianho a en ve chu a tha ang a, tiin kan inrawnkhawm a. Mahse, a hun a lo thlen leh tak tak chuan thianpa Maia (aka ghostly_sphinx) nen chiah kan en ta a nih kha. Kan hlawkpui leh hlawkpui loh lam ka sawi dawn lova, a hmuna hun kan hman dan kan rawn ziak ve mai mai teh ang. Kalpui tur kan neih loh avangin kan pahnih chuan AR Ground lam pan chuan kan kal ve a, dar 7 a tan tur an tih avangin dar 6:50 velah kan thleng a, lammual kan han lut chu mi an la tam lo hle mai. An lo la inbuatsaih chuk chuk a ni.
Dar 7 a ri tawh, engmah an la ti lo. An la inbuatsaih char char a ni. Stage hma kha kan dinna tur tia min kawhhmuh avang khan kan ding reng a, a hnu deuhah duty thenkhat khan kan ticket min en sak a. Rs. 100 man lei ho chu khitah khian thut tur a ti a, kan chho a, dar 7:20 ah programme an tan ta. Minister Pu Thangtea chu khuallian niin thu a sawi a, a thu sawi lai chuan duty pakhat hi a rawn kal leh a, ticket min rawn dil leh a, Rs. 100 man lei chu stage hmaah awm tur alawm a rawn ti leh a. Kei chuan, “Nichinah khu ta tang chuan min hnawt chho tawh a, a va mak ve,” kan ti a, ani chuan, “Kan tihsual palh anih kha”, a ti mai a. An va inhrilh chiang awm love aw..ka ti mai mai a. Pu Thangtea’n thu a sawi zawhah Magdalene te an rawn zai.
Magdalene hian hla 5 an sa a, an hla sak hnuhnung ber Open Your Heart an sak lai hian sound a chiangkuang lo leh a. Mahse, an sa tlang hram. Magdalene zai zawh hian Pu Miller-a (Shillong atanga DU rawn hruai chho tu) chuan report tawi a pe a. Chutah, kan nghahhleh ber Difference United chu an rawn lang ta, an rawn lan meuh chuan dar 8 a ri tawh. A tir atangin sound lamah an buai leh nghal char char a, ‘check…check…check…’ tih ringawt kan han ngaithla leh rih a. Kan nghah fe hnu chuan an rawn zai ta le. An hla chu kan thiam zawng awm mah suh se, an music a tang tha a, lam a rem a, a nuam phian. An zaitunu Sara kha mipui lamin kan lawm ber a ni. A zai paha a han lam vel te kha a inhmeh riau. Hla hrang hrang an rawn sa a, chung zingah chuan Raindrops, Dream Again, Be The One leh More Than Ever kha mipuite lawm hlawh ber an ni. An han zai char char a, sound chhiat lai a rawn awm leh zeuh zeuh. An zai zel a, an zai tawp dawn lama ‘prayer song’ an nei te kha a turu a ni. Thingthi chungin an zai ta a nih kha, a dangdai khawp mai. ‘We Love Jesus’ tia kan han au rual dual dual mai te kha, a pui lutuk. An zai zo a, stage atangin an chhuk, drummer a la chhuk ve lo. Mipui lamin ‘We want more, we want more…..’ tiin an lo ngen leh. Chutah, mipui lam ngenna ngai pawimawhin hla 3 an rawn sa leh a, ui tak chungin dar 10:20 velah chuan kan haw ta a ni.
Inbuatsaihna lam kha…
Anmahni sum senga rawn kal an nih avangin bungrua pawh an rawn in keng lo a ang hle. Studio Grace lampang sound leh instrument vel an hmang niin ka lo hria a, a zahpui awm hran loh. Petra concert a thil thleng ang deuh khan tun tumah pawh hian hla 3 vel an sak hnu ah Rs. 50 man ticket lei ho dinna tur daidanna kha an su chim leh a, an rawn tleh phei leh huk. Petra concert pawh khan Rs. 300 man lei ho khan Rs. 500 man lei ho kha an pawh huk tawh bawk. Ticket to lei man a awm lo, tiin thenkhat chuan an sawi.
Mipui lam….
Mizo te kan changkang tawh hle in ka hria. Rui buai hmuh tur an awm lo, rui lo hai lova kal deuh vek kan niin ka hria a. A rui kha chu tlemte bak an nih ka ring lo. A tirah chuan mipui kan tam lo, Vanapa Hall lamah Hmingsanga’n cassette a release zan a ni bawk si. Mahse a mawi tawk chu kan awm tho in ka hria, 700 chuang chu kan nih kan ring ve ngawt a.
Security lam….
Duty chu an tam ang reng. Mahse thu an inhrilh chiang lo nge, a tir lama min tirh kual dan vel kan hriat tawh kha. Tin, stage atanga Sara-in security pakhat ka va be duh ve a tih te khan kal tur an awm mai lo. Vawi hnih vawi thum a sawi hnuah an kal choh anih kha.
Rin loh a ui buk sa….(ziah lan a tul kher em, ka hre lova… 
)
Kal lama pahnih te lek kha haw lamah chuan pali kan ni ta. DPVT nula pahnih (unau) te, in fel si, in hmel a tha, in bula awm a nuam, nangmahni vangin concert pawh hlim takin kan en ve thei a. He thuziak hi in lo chhiar ve anih chuan in lo in hre dawn nia… en tawh pawha en nawn leh vawng vawng ngai kan kalpui che u kha kan intithei teh mai ania…
Similar Posts:
- Iron Maiden Concert Review
- In tanpui mawihnai
- Smokie concert chu….
- Concert seat arrangement
- Delhi ah Metallica an “Nothing Else Matters” dawn ta lo
April 4th, 2007 at 10:23 am
Concert pawh ministerin a hawng deuh ngat ni mo?
Chhangkhhang hle mai
Report this comment
April 4th, 2007 at 10:48 am
Ziak tha hle mai. A ngaihnawm khop.
Report this comment
April 4th, 2007 at 11:09 am
ee an rawn kal ta der ani maw..nawm hmel khop mai haha ground a concert neih chuan secuirity pawimawh alawm..mahse eng ang pawh hian han cuirity mahse mipui phurna a san ltk hi chuan ticket to leh tlawm a hrang thei lo..a nawm chuan a thra e!!
Report this comment
April 4th, 2007 at 11:30 am
Thiana i kal hma em a nih kha, dar 7 tan tur tih chu Mizo stadard time-ah chuan dar 8 vel a lawm. Kei pawh ka kal a, dar 8 velah… DU zai en tawk vel chiah turin… ticket Rs.100 man 10 vel ka hum a, luhpui tur ka hre si lova, ka hawn leh ringawt.. han sem kual vel kha ka zak deuh a.. vei che hian… min tih ka hlau deuh bawk a lawm le.. Tak taka, a buatsaihtu lam atangin ticket ka dawng nual a, ka chak vang chiah pawh ni lo. hawkdak vang chiah pawh ni chuang lo, tum lo puia kal poh ni chiah lo hian ka tei phei ve rawih ringotin ka hria. An hla sak zawmpui theih ka nei lem lo, mipui lam pawh khan han zawmpui dual dual theih kan nei mang lo bawk. an music erawh a hot tha viau thung a, lu lam leh mawng lam hre lo lek khawpa han lam vir pui mai pawh a mawh lo ve. An guiterist kha thiam ka tikhawp mai. keyboardist pawh kha a thiam khawp mai.
Entu mipui tlemna chhan ni bera ka hriat chu publicity lam a chaurau em a tin ni. LPS-ah chuan an fak ve bawk a, print media lamah an che nep deuh a ni. Khatiang tiang ruang lokal press conference pawh neihpui lova concert an neihpui ngawt mai kha mak ka ti deuh a. kan chanchinbu hi based deuhah an rawn hmang a, pawn lama tanga puih chu a dan a dang tlat. an chanchin tlema zawng chu internet atangin ka download-a ka ngamtlak threnkhat hnenah ka pechhawng a, chutiang vel chu a ni mai. Tin, a buatsaihtute pawh NGO lian tak emaw, pawl hlun tak emaw an ni lem lova, an phuahchawp(a mawi chiah lo mai thei) ve deuh bawk a ni. An inpekna a thuk hrim a, mipuiten kan hmu thei hram chu a ni. Tihleh hunah chuan tihdan an thiam tawh mahna. Mahse, ka ti…. enchhinna hi hetiangah chuan tih chi a ni lova, tuilet hnuaa an rawn kal vawikhatnaah hian thatawk tak, tihsak theih chu nise a tha tur a nia, La Isua lokal leh hma hian Mizoram an rawn tlawh tawh kher lo mai thei lehnghal. Tukin khan DU ho hi ka hmu a, Chaltlang Tourist Lodge-ah an thleng a, a fel hlawm ka ti kher mai.
Report this comment
April 4th, 2007 at 1:03 pm
@ father_sphinx i report hi AZ Pst-ah tihchhuah min phalsak thei em? misual.com source-in
Report this comment
April 4th, 2007 at 1:11 pm
Rin loh a ui buk sa….(ziah lan a tul kher em, ka hre lova… )
Kal lama pahnih te lek kha haw lamah chuan pali kan ni ta. DPVT nula pahnih (unau) te, in fel si, in hmel a tha, in bula awm a nuam, nangmahni vangin concert pawh hlim takin kan en ve thei a. He thuziak hi in lo chhiar ve anih chuan in lo in hre dawn nia… en tawh pawha en nawn leh vawng vawng ngai kan kalpui che u kha kan intithei teh mai ania
Tu te tak ni ang mo??ka va hre chak reuh e..hihi
Report this comment
April 4th, 2007 at 2:51 pm
ka nau te hi chu an luck ania…
Report this comment
April 4th, 2007 at 2:58 pm
@ ZOaTlau : Phal tehreng mai, mizo trong diklo vel khi siam thra la…chhiar ti nuam deuh turin.
@ DaGGyLo : Sawi chi lauh…
@ virgochhas : Luck pawh kan inti vak hlei nem…akekeke
Report this comment
April 4th, 2007 at 3:24 pm
@ father, in U virgochhas in chhun a nih kha
Report this comment
April 4th, 2007 at 3:39 pm
report thiam khop a lom..kim chang tha, toi si. tu te maw angin a velah i tham ral lo, soi tel tho siin.
ka kal ve chak reuh kher mai
Report this comment
April 4th, 2007 at 4:06 pm
hahahhaa ka kallo kha chu ka vannei khop mai..vaivakawnah bike leh bike an in face2 face a, pakhat zawk phei kha chu a thi zur zur mai mule..ana vak lo aniang a tho trek trek mai
Report this comment
April 4th, 2007 at 4:31 pm
accident teuh deuh deuh chu ka hmu nual mai kei pawh… pakhat chu pleasure khalh an rawn zir a, kawngpuiah an rawn tlan kawi zawk zawk a, e e e e e an ti thla char char a… kkk. chuan bike trawng tawkah chak deuhin an rawn in triple bawk kha, a laiah hmeichhia la thru kuk zui..
…. tenawm beh beh…
Report this comment
April 4th, 2007 at 4:36 pm
@ superstarring… ti lawmawm hle mai. Ziah sei dawn chuan ziah tur ka la ngah ltk. mahse net ah hi chuan thui deuh chhiar peih hi chu tlem te an ni sia..chuvang mai mai mawle. An performance hrim hrim pawh ziah ka duh asin aw…. guitar works an ngaisang te kha an fakawm. tin, an keyboardist a thiam ltk (Michael W. Smith-a keyboardist hlui)…. vocalist Sara pawh a thiam, mahse, mic thrat loh vang nge..duh angin a tliang thra lo.
Report this comment
April 4th, 2007 at 4:48 pm
Hawn tur hi an duh hlawm hem huam a nia, nakinah chuan Second Hand Bale te pawh hi an la hawng ang ti nia
Report this comment
April 4th, 2007 at 5:40 pm
father, did u get what keyboard he was playin?
Report this comment
April 4th, 2007 at 6:06 pm
father jan in chu concert om toh lo bokaaa…ramhlunah ju va inang ooo..:)) nuam don mangeee
Report this comment
April 4th, 2007 at 7:17 pm
Sound bok hi buaina alo ni ve jiah.
‘Petra concert a thil thleng ang deuh khan tun tumah pawh hian hla 3 vel an sak hnu ah Rs. 50 man ticket lei ho dinna tur daidanna kha an su chim leh a, an rawn tleh phei leh huk….’
Iron Maiden Concert ah poh khan ni tho. 900 ho khan 1500 ah an ron phei huk a, 9:30 vel a ri toh ang. Keini 3:00 atanga lo ding toh tan kha chuan kan per boih2 mai lom.
Report this comment
April 4th, 2007 at 11:16 pm
en ve a vahan chak awm ve oo
Report this comment