Tam tak te chuan kan chhut ngailo a ni mai thei, mahse engzat fakau nge Mipui te hian kan fate lehkha zirtir nan a kan ram a pawisa te hi kan hman tih kan hriat a hun in ka hria, he subject hi a ngial a ngan in in chhut dawn teh ang.
Tun hma College kan kal ve lai te kha chuan thlakhat ah cheng sanghnih te hian kan in tla ve em em thin kha a nia, College hostel a kan awm vang te pawh a nia nge, a tlem in lo ti mai thei 1995 lai vel kha chuan. Tun ah zawng khawvel pawh a changkang tawh a, tun hma Shillong pel ngai vak lo khan tun ah chuan kan zirlai tam zawk te chuan North and South India lam ah bukan khuar ta fur hlawm mai. Heng Delhi, Chandigarh, Bangalore, Hyderabad, Mumbai, Culcutta, Chennai ets ah te hian mizo zirlai chhiar tham fe an awm ta fur mai.
Engvang a Mizoram a lehkha kan fate kan zitir lohna chhan, ram pawn a kan kal tir na chhan tih zawhna hi ka rilru ah a lian hle. Lehkhathiam tam lam ah chuan India ram ah pahnihna kan ni ngei mai. MA, BA rual val pawh kan tam, mahse kan fate rampawn ah kan dah tlat si. A dik a dik chuan kan zoram Educational facilities leh infrastructure neih te hi thiamna tak tak neih nan chuan an la hman tlak loh tih chu a chiang reng mai zawm e. Plus two zirlai, a bik in sorkar school a kal ho te hi an khawngaihthlak ngawt in ka hria. Plus two zirtirtu te kan sorkar in an lak hlim khan a tam zawk tih theih deuhthaw te chu, induhsak na vang a lut, thiam reng vang a lut an ni lo tih hi han en hian a hriat ngawih ngawih mai a ni. Net pawh paltlang theilo, an subject pawh zirlai te hnen a sawifiah tha thiam hleilo ho hnuai a zir te tan hi chuan khua hi a var har ve viau ta ve ang. Nawrh te hi an la hrat phian leh nghal a.
A tam zawk contract a thawk a ni a, hlawh pun in sorkar an han kar thin te phei hi chu mi ram sorkar ang nei ve ila chuan an bang phiar tawh ang, an vannei a sorkar dawihzep lutuk ho hnuai a kan ram a la kun mai mai vang hian an la vannei a nih hi. Chu tih rual erawh chuan (heng plus 2 chauh ka ti a ni lo), kan ram pum zirtirtu rual ho hi a ni ka tih ni zing ah hian mithiam tam tak, tih tak zet a zirlai te hamthatna ngaihtuah leh thawk erawh an awm ve tih erawh kan pha theilo ang, mahse mi tlem te vang hian mi tam tak hi kan hmingchhe thin si a, zia lo ngawt mai.
Chuan engvangin nge kan fate phai a lehkha zir tur a kan tir liam chhan. Mi nu leh pa ten an tih vang mai a ti nge, thiamna tak tak pawchhuak tur a beisei chung a kal tir kan ni nge, kan faten an ngen vang a kal tir tih erawh hi chu nu leh pa te chhan ah I dah the ang. Duh ai in ka pengkual thui dawn tlat, duhthawh a na ve deuh a ni e. India ram hmun hrang hrang mizo zirlai tamzawk te awm na ah hian ka lo tei kual ve tawh a, heng ka kal na hmun hrang hrang atang a ka tawn hriat leh hmuh te atang a he thu hi ka rilru a lo awm pawh a ni reng a ni. Indian ram khawpui ber Delhi han en ila.
Hnathawk a awm awm nual mahse a tam zawk te chu zirlai an ni fur. Heng zirlai ho te hian in an luah fur a, an in luah ah te chuan television, fridge, computer ets tih vel an nei fur mai. Tin ka hriat an tlem nge chu ka hre lo mahseizo tam zawk te khian bike zu han nei fur a! Kan Manipur mizopui zirlai ten a an sawi pakhat ka la hriat reng chu, nangni mizo zing a inkhawm chu a hreawm em mai, fashion show neihna emaw tih mai tur in in inchei nalh thei ropui si a, in class a sang em a, kan rawn inkhawm ve ngamlo a lawm ti in min han hrilh chu! Delhi chauh a ni lo, hmun dang ah pawh hetiang hi thil awmdan a ni ve tho. Bangalore hi hmun dang nen a khaikhin chuan khawsak man san na ber pawl a ni awm e. In luah dawn pawn in zimte one bathroom, sitting room, kitchen leh bed room awmna ringawt luah tur pawn deposite cheng singhnih singthum sen a ngai a, thlatin in luah man ah pawh cheng 2500 atang 7000 chuang pek ngai an ni fur mai. Chuvang reng chuan zirlai tam zawk te chuan kan mizo pui te ngei siam PG emaw hostel ah emaw an awm fur ni. Mahse zirlai inluah tam tak an awm ve tho bawk. Heng PG ah hian thlatin fee ah mipa tan sangthum, hmeichhe tan sanghnih zasarih emaw zanga emaw te a nia. Chuan an school kal na man tur nen a han chhut chuan ( hei hian India rampum ang in lo ngai tai la) a lo ber ah cheng sangsarih atang a sangriat vel chu thlatin thawn an ngai dawn ang a chhut theih ani, india ram pum huap in ka tih khi aw. Hmun then khat ah te chuan sangthum atang a sangnga pawn an in daih thei lutuk ang, mahse a average a lak ang in ka,n chhut a ni e.
Thenkhat te hi chuan in inluah tawm a awm in pawisa pawh an inchawi sem thin. Chuti a lo nih chuan rampawn a lehkhazir a awm te zat dik tak chu hriat theih chiah ni lo mahse khawi khawi maw source atang a han en a han chhut chuan a lo ber ah pawh rampawn a kan fate lehkhazir a awm te hi a lo ber ah pawh mi singkhat dawn kan tling ang in a chhut theih awm e, a chhan chu register loh a awm tam tak an awm ve a vang hian.
Mahse kan zirlai thenkhat te hi chuan an lehkha mai ni lo hian fiamthu a pawn science an tih ang zir hi tam tak an awm tlat! An zirlai ai a, thildang intihhlimna hmun a hmuh tur tam zawk an awm tlat.Thenkhat tawngkam phei chuan min ti sa zak mai. Mizo mipate bul a awm ai te chuan hnamdang bul awm a nuam zawk ti a, mizo thiltihpui nikhua a an hmel rawn lan ngai reng renglo an awm te hi a pawi a sin. Hnathawk ho zingah pawh a ni tho. Zirlai tam zawk te thil neih han en hian e, thlakhat a nu leh pa te pawisa rawn thawn awmzat hi chu a hriat theih mai awm e.Tunlai thil changkang ber ber nen an awm a. Cell phone ni se a sing chuang man lo chu hmang duhlo, GPRS leh internet connection nei chuang lo a Laptop leh desktop nei, an zirlai puitu a tan a tangkai na nei miahlo tam tak an awm te hi aw tih mai loh chu han tih vak ngaihna pawh a awmlo a ni ber e. Mipa bike nei lah hi an awm fur zel leh nghal khawi state lian deuh deuh ah emaw hi chuan. Nu leh pa te hi in van fel in in fate hi in va han duat thiam thin tak em! Tiang kawng ah chuan khawvel ah hian a ber in ni mai long maw aw tih theih tur in ni. In lam leh kal lam ah lah hian Air a kal tir theuh in tum emaw ni aw tih theih tur hian in fate hi in han in duat rawn hlawm chu a nia, kan sumdawng mihausa fate hi chu ka hrethiam lutuk, mahse A tam zawk te hi chu kan sorkar officer hnathawk lian fate an ni tlat hian a ni rilru kap chu ni! Kan zoram budget pharh tak a engzat tak kha maw ram pawn ah a lo thlawn in kan hmanral leh ang aw?
A ruhlang rawt a sawi chuan heng zirlai ho zing atang hian kan ram hian enge hlawkna kan hmuh let ang le tih in chhut ngai em? Za a sawmhnih ( Kei phei chuan sawm pawh ka ringlo ) vel ho bak hi chu lak tlak tak hi vang tak an ni. Ni lo se kum tin in chu mi kha mi chuan campus selection a tlingin hna a hmu emaw, UPSC exam ah interview ah a tling tih emaw Net a pass thar tih emaw Dotorate degree a hmu thar tih emaw hriat tur hmun tin atang in hriat tur a awm fur ang chu! Mahse kan va hre si lo em! Chu mi kha mi chu a pass a tih vel bak hriat tur a awm hlawllo chu a nih hi. Pass ringawt hi chu kan tam lutuk, Mizoram ah phei chuan pawl indin tham khawp a pass tam leh employment register a a in ziak lut an pun kumtin hi! Mizoram pawisa hmuhna hnar ber chu Central sorkar atangin a ni tih kan hre theuh awm e.
He sanction hi han tawp thut mai se chuan aw, I ngaihtuah ngai em, puanthuah tel a mahni ram lam pan a haw tur kan tam ngawt ang chu, then te phei chu haw theilo pawh an awm mai thei a ni! In fate pawisa in rawn thawn zat hi e, duh ai chuan a tam deuh chu a ni e. Engtin nge ka hriat, in thawnna ka hre tlat a, thla tawp lampang a in pawisa rawn thawn te hi khawi lai dept pawisa pawh pen atang a lo kal te a nih ngawt loh chuan Savings in thiam hle tihna ni tur a ni, tam thei em mai. In thlakhat rawn thawn kan chhut hian thlakhat chhung zawng a nun phung pangngai leh engmah ngheilo leh nei lo a in awm thei si a ni chuan in hlawh hi a va han tam dawn rem rem ve ka ti thin. First class officer ho te hlawh zat kan hria a, kha kan DGP lalber basic pawh kan hriat kha. Mahse in thil rawn thawn en hi chuan DGP hlawh te chu nepte hi a ni ringawt a lawm le! Hlawh nei ve tho kan nia, nun phung khawsak harsat zia te hi kan hre ve tho a sin! Impossible hian in nun ah awmzia a nei ve vak lo a nih dawn hi! In possible tiah tiah hlawm em mai. Hetiang a in nei rau rau a nih si hi chuan Sapram lam ah te hian in fate hi tirliam ula, thiam na tak tak pawh an rawn pawchhuak ve mah na le.
Tin nu leh pa thekhat hi chuan mahni fate lehkhazirlai ngaihtuah pui lem hlei lo a awm mai mai in tam ngawt in ka ring. Ka thian pakhat hausa deuh fa pakhat hian ti hian a ti npewk a lawm le, ka nu te chu enge ka zir a ka tih that leh that loh pawh min zawt ngai lo a a tih kha ka la hre reng, tiang ang nu leh pa te hi in awm fur in nia ka rin. Kuhva ei sen tuam tuam pah a ka fa pa fanu chu chu mi college chu mi state ah chuan a awm a chumi kha mi chu a zir ve a ti tulh tulh duh hmel in tam ngawt in nia ka rin ni. Ni lo se warden a in faten a in hman te nen hian kartin in be awm a mawi in ni, chu tih a hnek in warden ten College Pricipal te hnen a explanation pek ngai fo thin te hi a awmlo tur. Attendence a tla te hi an kuh tunlo tur, thenkhat nu leh pa te phei chuan result sum a lei emaw thamna pek hnial lo pawh in awm chek a niang I sawi thuilo mai teh ang, chuti lo zawng min vawhlum duh an lo awm palh a nge.
Tichuan mi singkhat tlinglo hlek a chawhrual in cheng sangruk ah lo chhut ta I la, ( a tlem chu ka ti viau, a pawisa hi! ) thlakhat a ram pawn a kan sum senral chu cheng vaibelchheli (Rs/- 40000000) ang lo ni ta se, a tam ti in lo awm a nih pawn in ngaih dan ah dah ta mai ila, kumkhat ah chuan cheng vaibelchhe sawmnga (Rs/- 500000000) ang vel in seng ang kan nih chu! Vaibelchhekhat hi cheng sawm nawt hian nitin chhiar ta la thla engzat ah nge I chhiar zawh ang ? Rei viau ang, mahse kan Politician te hi chuan an sawi chhuah thiam khawp hi he lam ah chuan a chhiar lam ah chuan buailo phot mai teh ang. Heti hi a nih si chuan heng kan pawisa senral atang hian kan ram ah cheng engzat nge lo lut ve ta ang le? Hmun sawm a then a hmunhnih pawh hi kan hmuh let ka ring lo, chu ti a nih si chuan a lo thlawn in pawisa kan sengral ta tih na em ni ? Nge kan fate educated an nih nan a kan insengral a ni ve a kan ti dawn? Educated ringawt ni tur chuan phai a ngailo, mahni ram ah University meuh pawh nei ve tawh chuan khitiang zat khi kan senral a ngailo ang. Student te pawh kan harh chhuah a ngai, hetiang ringawt a in kal a nih chuan in tan khawvel ah hmun a awmlo. Khawvel hi chu e Survival of the Fittest a ni tak meuh tawh zia in hriat a hun ta e.
Keini mi tlemte zirlai kan awmlai hian vai ho pawh hian lehkha an zir ve a ni tih hi kan hriat a hun lutuk tawh. An ni zawng an theihpatawp bak in an zir a, an zing ah phei chuan kan ram a mipui te hi buai lai a an sawi ang deuh a tlemte te a state hrang hrang a dah darh a chimral mai tham lek kan ni tih hre reng chung a, kan ram tan a tangkai tur leh nu leh pa te DUHTHUSAM tih puitlin ngei tum in tan kan lak a hun tak zet ta e, nu leh pa te duhthusam tih hlawhtlinsak theih loh tluk a hreawm ka tih ka la hre lo, zak in ka,n kun tlawk tlawk mai ani. Engmah a tih theih tawh si loh, a tih theih awmchhun chu tun a mahni responsibility a hlawhtlin chauh mai hi ani ta.
Lalremliana Pachuau
Infosys Campus, Bangalore
Similar Posts:
- Pawisa hman dan leh kan rilru
- Mizorama BA (Arts) zirlai tam chhan
- Naya pawisa
- Cheng 400 (500?) luanral thu…
- Mental Accounting
April 10th, 2007 at 1:41 pm
Thla khata Rs 6000 chu a dik tawk vel viau maithei. Chutih rualin kum 3 vel liam ta pawh khan college hostela awm te pawh hi thla khata sing chuang hmang te kha an awm thin a.
Report this comment
April 10th, 2007 at 1:47 pm
Chutia thla tawp lama an hlawh aia tam an fate an thawn theih chuan pawisa khawl an thiam awm hle mai. Chutiang hrepa chawm fate chu an hlawhtlin chhuah a rinmawm loh.
Report this comment
April 10th, 2007 at 1:49 pm
A poisa lam hi chu thu hran nise, kan kal chhan ber zirna aia changkanna(lem) zir chhuak a, nun hloh vek si hi engzat tak om ang mo!!!
Kan lo chet san lakloh toh avangin tamtak chuan mizoram poh nuam kan ti toh si lo, chutah mahni inchomna thamin kan inzir chhuak si lo, tam tak tan chuan phaia an awm chiah hian nun beidawnna a intan a ni mai lo maw?
Report this comment
April 10th, 2007 at 1:54 pm
An hmelthat hlawm nen, lam an thiam si, a va pawi awm ve !
Report this comment
April 10th, 2007 at 2:00 pm
Nupa nun zir nan hian an hmang berin ka hria
Report this comment
April 10th, 2007 at 2:03 pm
SiLent_Man- NIA…HIHI
Report this comment
April 10th, 2007 at 2:05 pm
Zirlai kan nih lai hi kan zirlaibu ngawr ngawr ni lo, nunphung pangngai leh khawsak chhohdan zir tel tur kan ni a. Intodelh dan te, hna hmuh dan te leh mahnia sum thawhchhuah dan thlenga kan inzir a ngai thin a ni. Mahse kan Mizo Thalai tamtak erawh zirlai kan nih lai hi kan hau tak lai ber a ni chuang lo va, kan zir zawh hnuah pawh kan hautak thin angin kan hautak chho zel tho hi a pawi ber chu a ni.
Zirlai kan nih lai chuan kan sum hman ral pawh a lo tam deuh a ni thei e. Mahse zir zawh hnu thleng thleng pawha chhungte thawhchhuah sa ring ringawta hna kan thawklo thin hi chu a pawi ngawt hian ka hre thin. Mite chu zirlai an nih lai atangin an inchawm a, an intodelh daih tawh a ni thin si a. Kan inang lo thin teh e. Phaia fate lehkha zira dah nu leh pa tam tak chuan an fate an retheih hlauhvin an duh tawk tawk pawisa an thawn hmiah hmiah mai a. An pawisa hman dan an hriatpui chuang lem si lo. Hei hi fate hmangaihna dik a ni lo va, fate tihno-na mai a ni zawkin ka hria. Zirlai an nih lai atangin tumruhna leh thahnemngaihna an zir tel tur a ni. Taimakna nen. Tin, a inren thei ang bera khawsak an zir tel hi a pawimawh hle bawkin ka hria.
Pa berin thla khatah cheng singhnih emaw awrh a hlawh a, a fa 2/3/4 vel phaiah thlatin sing 2 dawn dawn a han thawh zar zar mai thei te hi a thla hlawh ngawt chuan a dawl zo awm si lo va, a tuar tur chu sawrkar sum a nih leh mai hmel si a, kan khawsak lo sang chho nen, thawh chhuah a ho bawk si hi a pawiber chu a ni.
Report this comment
April 10th, 2007 at 2:53 pm
Pawisa te lek lek, Aizawlah a tam em mai. Pawi ti suh u. Chawmhlawm hnam min ti ta sa sa bawk a, chen hem hem mai ang.
Report this comment
April 10th, 2007 at 4:31 pm
Mizoramah pawisa a tlem bon… 2007-08 budget 2,252.67 crore a nih laiin Mizoramin central sum a bat zet chu 2792.75 crore a ni, kan budget aiin kan bat a tam zawk.. harh a hun!
Report this comment
April 10th, 2007 at 8:21 pm
i ziak that ka ring ka en thuak thuak khan…a thui em a ka chhiart tak tak peih lo bawk a… Mahse Phaia lehkha zir khan chhiar ila that phah nan hman i tum teh ang u.
UI ka hah e Ba tam lutuk khi….
Report this comment
April 10th, 2007 at 8:35 pm
Rs.2792.75 crore kan ba a maw, min thring thut se vawksa rep leina tur kan va nei awm lo ve.
Report this comment
April 10th, 2007 at 9:47 pm
Marem your topic is like this, Chhiar don chuan thui si, chhiar loh phal chi ni silo…
i va vang ve… ofce ngai lo mi a… park V 2nd floor.
Report this comment
April 10th, 2007 at 11:56 pm
bubbly, it seems like u know me, sorry to say i didnt know u, can i see you, can you tell me u r contact no. Yeah i was on training in Canada cause i move out from US as we are outsourcing others programme to Manila so have to make choice and chose Canada.
Report this comment
April 11th, 2007 at 3:36 pm
delhi-ah fashion a sang hi ka awih chiah looo…keipn del-a ka om hma cuan he thu hi an sawi fo ka hre thrin aa, mhse hei tunah kum 6 chuang ka awm hnu ph hian a sanna ka hre bikkk vak lo…biak inah a thren an inchei nalh deuh a, mhse a tam zokk hian incheina lam kn uar hmelin a lang lo..aizawlah a sang feeeee!!!
Report this comment
April 11th, 2007 at 11:17 pm
Nia kan in hre thinlo. Mahse kan unau Manipur a tang leh hmun dang a tang a lo kal tan chuan kan incheinna hi a lo sang lutuk a niang nge, nge an retheih vang zawk? Hei erawh ka hriatpui lemlo thung a!
Report this comment
April 12th, 2007 at 5:37 am
Kei chu hei kher hi chu Mizo inkhawmnaa inkhom duh loh/peih loh chhuanlam mai mai niin ka hria. Hmun danga kalin an incheina a hniam hranpa vak pawh ka lo hre chuang lo.
Report this comment
April 12th, 2007 at 7:48 am
Thinknice, IsAiLO leh Val_brosky, comment in post khi “Sandman’s Code for Church Dress Code” ami tur nge “Ram pawna zirlaite pawisa hmanral hi” tih atan zawk le ? Zoram pawna thalaite pawisa hman zat leh Sandman’s Code hi a lo inmil riau nge ni.
Report this comment
April 12th, 2007 at 8:23 pm
Rampawn a ni e! Val mi sawi leh kei ma hmuh ka hriat ve mai a nia ?
Report this comment
April 13th, 2007 at 11:04 pm
Kan Ram zirna siamtha tur chuan neghi kan rawt teh ang:
1)Mizoram Education Service siam ni sela. BA 50% chin chunglam hmuten Competitive in exam sela, chung ho chu training tha pe ila an trainzxawhah zirtirtu leh zirlai te hmasawn dan tur ISO Standard in monitor sela. Science Teacher performance monitor tur chuan kha zirtirtu aia thiam khan a zirtirlai leh zritirna a kalpui dan te kha endik sela.
2) Tuna zirtirtu te zawng khi VRS turin exam tir ila a thiamlo ho zawng2 khi thlifim turin.
3)Aizawla Govt School 50% khi privatise ila, thangthar school din rur intiamrual (company mumal din) ho in hmang sela
4)Tertiary education ngawt nilo ITI zirna te ti changtlung ila, henga zirchhuak te hi Global Job Banka a thawk tlak turin infrastructure leh facility pek nise
5)Education deaprtment a mi an recruit reng2 Transaprent takin tih ni sela an Direcvtorate te pawh hi file ti um um lovin Paper-less work environment a thawk thei chauh ruai sela a bakah file an la tibo thei lo anih pawhin Single file system ti sela khawi level atang poha an performance en theih turin
6)Web site interactive Zirlai leh Zirtirtu te log in na hran an mamawh tur browse chhuah or download mai theih turin siam ni sela e-library or e-help ni sela
7) Syllabus eng pawh follow ila “hei chu drop mai ang kan zirlai te’n an tlin lo ang Question ah set lo mai ang” tih ang culture hi paihbo nise. Taimak inzirtir nasa sela.
8)Etc a sei lutuk dawn han thawh ve zel teh u, Thangthar te hian kan ram hi kan la hruai dawn tun atrang hian idea i form chho zel ang u kan pumpui politician te’n kan ram leh hnam min hruaibo mek …..
Report this comment
April 14th, 2007 at 1:21 pm
In va han ziak tha em…mahse han sawi dawt ila…. duh aiin a thui lu hret hlawm……lolz mahse in ngaihdan hi a tha hlawm ka ti.
Report this comment
April 15th, 2007 at 12:40 am
@ SiLent_Man: Nupa nun zir nan hian an hmang berin ka hria
nih duh hmel e ka ti dawn nge a dik ang reng e ka ti zawk law law dawn..hehehe
Report this comment
April 17th, 2007 at 4:41 pm
Come on rawtna han thawh teh un, kan ram kalsiamnan chuan HR thru a Service Industry tluk tur hi a awm lo. Chutatan chuan kan education system hi Siamthat (Recharge/Revolutionise) a ngai. Zofate hian phai mai lo ah zirlai intirh a poilo, mahse kan ram chhung ngeia zirna hian Global (ram changkang) a compete zo tur a ni, tuna kan dinhmun hi chuan Tripura te Manipur te poh a pha lo a ni si, kan CK lo tolh tolh
Report this comment
April 17th, 2007 at 8:14 pm
Zirlaite atranga siam that theih ani lo, an nu leh pate lam atrang zawkin ani a kal sual der tawh ni. Sorkar leh Pathian (in that order, please) dan ang thlapin Hnahlan grape thur lo in ve lo sela chuan an fate ha a trim lo tur. Shillong leh phai lama irlaite’n an pate sum dik taka lakluh, ren taka an hman lai kha chuan mi hlawhtling an chhuak zut zut. Tun laiah pawh, hman laiah pawh, an hman tam leh tam loh lam ani lo, an pawisa hman kha a lakluhna a dik em tih zawk ani. Diklo taka lakluh Rs. 100,000 aiin dik taka lakluh Rs. 5000 a hlu zawk. He thu hi kan awih hma chuan Missionary 10,000,000 pawh thawn chhuak ila, dar ben thek ri ang mai kan la ni ang.
Report this comment
April 19th, 2007 at 11:45 am
Vladimir kan hnial lok teh ang che huat awih loh ah. Bangalore ah hian maw thawhlawm ip lo lut zing ah hian zirlai te hnen atang a lo lut a awm tlat nia ! An nu leh pa ten an pawisa rawn thawn zinga sawm a pakhat pe an awm nual a sin! Mi hi kan in ang veklo chu a ni ber e ti raw u.
Report this comment
April 19th, 2007 at 12:04 pm
I dik a alawm. Zirlai zingah pawh nu leh pate thawhrim zara urhsun tak zir chu an la awm treuh tih chu a hriat; Ka lo rin dan ve mai mai chuan Bangalore lama zirte chu Delhi lama awmte nena tehkhinin an felfai deuh kan ring ngawt a. In zirlaipawl magazine (leh website) pawh Delhi lama mi ai chuan thupui a fun deuh niin ka hria, Delhi lamah pawh mi fel leh taima tak tak an tam, mahse a percentage in Bangalore chu an tluk hmel loh. Ka tehna ber chu hna (job) an hmuh that leh that loh lamah ani. Mizoram politician chhungte nih vanga hna “tha” hmu tiam lovin.
Report this comment
April 19th, 2007 at 8:27 pm
Delhi lam pawh an felfai tawh khawp in ka hria. Thil pakhat, Delhi ah chuan Life begins at 10:00 PM a nih lai in Bangalore lam ah ve thung hi chuan zan dar 11 a rik chuan Pub leh dawr pawh an khar vek tawh thin. Tin Delhi ah chuan Mizo siam PG emaw Hostel emaw a awm lo a, chuvang chuan i thlahdah a awl deuh thin a lawm maw le! Bak ah Delhi chu a lian em a, Helam te ang te in in hlawm that a har ve bawk a tin ni. Hna lam ah chuan ka hrelo le. I ti lawm awm reng reng, Delhi em te chu kan tluk dawn em maw ni hrih le? Helam ah kan hruaitu te hian an zir em a tin ni. BMA leh BMCF hian min khaikhawm that em vang hian ani pakhat e.
Report this comment
April 19th, 2007 at 8:30 pm
Zirna tha for Mizo -> Chennai. Bangalore would have been quite tough for me with the limited budget I had as a student.
It’s THE PLACE stay once your start earning.
Report this comment
April 19th, 2007 at 8:41 pm
I quess u r right. Whenever they mentioned a good colleges in India, i never heard any colleges from Bangalore in top ten in any stream, correct me if i am wrong. Yes its very expensive here asstaying with student and even earning 5 figures its still very difficult to manage your account.
Report this comment
April 20th, 2007 at 5:45 am
I never and will never tell my friends or relatives to send their children or join secular colleges in Bangalore. But I may tell them to search a job here coz there are lots of opportunities here… from rather lower jobs to the highest.
I tried not to spend more than Rs. 5000 a month (including all expenditure), its really difficult. By the last week of the month either my mobile currency got over or I have to go reduce my daily cigarette dose by half!!!
Report this comment
April 20th, 2007 at 8:50 am
Secular college in B’lore ? I thought all colleges are secular ?
Val_brosky, Rs. 5000 chu a ve tlem deuh ve ? Hostel fee ringawt pawh chutiang zat thuak ani lo maw ?
Thinknice, India Today a best colleges list ka hmih tawh ah chuan Bangalore chu a tel ngei mai a. Zirlai pawl ten a hre lom ni ?
Report this comment
April 21st, 2007 at 12:48 am
Zirna lama kan hmsawnna a ZUAN a ZUAN tirtur hian tunge poimoh ber ang le?? ZIRLAI/Nu leh Pa/YMA/Kohran?Sawrkar hnathawk/Zirtirtu/Sawrkar/Politician
Kei ka chhanna chu Sawrkar hian Zirtirtu tha te facility tha te inelna thianghlim te, opportunity tha a zirlai te hruailuh etcetc te a tithei a dawtah chuan Zirlai a pthumna ah chuan Nu leh Pa te hian fate zu duat piangsual zela (heihi zirtham a ni a dawt leh ah chuan Kohran a bikin Pulpit a thusawi pha ho hian Thlarau Thianghlim nu deuh an vei ai hian Zirna hi vei sela
Report this comment
April 21st, 2007 at 1:57 am
Ka hriat dan leh ka experience atang a ka chhut ve mai mai chu, a hmasa ber ah chuan Nu leh Pa te an pawimawh ber. Naupang kan nihlai atang in enge fate tui zawng leh nuam an tih zawng tih te hriat a chu mi umzui tur a fate an enkawl phawt chuan a dik thlup mai a ni.He thu hi chu article puitling pawn ka ziak tawh nghe2 a. Nu leh Pa te hian duhthawh leh rualawhna lam ah hian mahni fate rilru hre leklo hian an fate an mahni dream tih puitlin tir an tum thin hi a pawi a ni.
Report this comment
April 21st, 2007 at 2:01 am
Carrie hriat ka mamawh khawp mai, han share ve ta mai mai i la kan te ber in class 10 kha distinction ah a pass ve sia, a u te min khum hmel ranking ah phei chuan.IIT a luh a chak ve a, mahse Banglore ah hi chuan zirna tha tawk entrance luhna tur khawp a awm ka ringlo deuh a, hmun dang kan dap vel maw le
Report this comment
April 21st, 2007 at 4:01 am
Well Carrie, I stopped studying coz i’m not interested in study anymore. I got a job, and I live in ‘without food PG/hostel,’ and the fee quite less compared to other PG/hostel or Mizo Hostels. I’m not a spendthrift… During my five years in Bangalore, I’ve watched movies in theater 2 times, never been to pub/club, and spend as little as possible in clothing. I drink beer socially but smokes a lot. So, with great difficulty I can manage….heheh.
Report this comment
April 21st, 2007 at 10:35 am
Val_brosky, I think you are a rich boy. Wealth is not how much you have, but how you spend what you have. To enjoy a nice lifestyle with $120 (yes, that is what Rs. 5000 means these days) a month is what many people, young or old, rich or poor, pretty or ugly, prince or pauper must learn. Too many of us pend $100 in one shopping trip. Hats of to you.
Thinkince, you are getting serious, are you ? Getting into IIT is not easy at all. But encourage young younger bro.I am sure other members could help you better.
Report this comment
April 23rd, 2007 at 11:28 am
Yes Carrie i am really serious. Its his wish so i want to make ia wish possible as he is my Baby boy. Yeah anyone who can show my lights, you are most welcome to do so
Report this comment
September 11th, 2007 at 5:49 pm
Zirna lama kan hmasawnna a zuana zuang tur chuan keimahni zirlaite hi kan pawimawh ber. eng anga Institution tha leh zirtirtu tha pawh nei ila keimahniin kan zir loh chuan engah awmzia a awm dawn chuang lo, dik tak chuan kan mithiam hmasa te kha aizawl pel lova inzir chhuak hi tam tak an awm ve tho asin. India ram zirna tha berah kal thei ila kan mamawh zawng2 nei vekin awm mah ila a zirtuin a zir that peih loh chuan enge awmzia awm chuang anga, eg mi pakhat chuan MBA India rama zirna tha berah a zir a, chu a zirnaah chuan facilities engkim a awm vek a company placement pawh duhthusam a ni mahse a zirtu khan a zir tha leh chuang lova engmah awmzia a awm chuang lo
Report this comment