mi(sual).com

He khawvel intlansiakna ramah hian, hmasawn tur chuan a ram mite kan in tluktlan a kan in zahthiam mai bakah khawtlang inrel bawlna tha tawk a awm loh chuan, hmasawnna thatak a awm tak tak thei lo tih kan hre theuh awm e.

Rambuai a lo reh a, India ram’a State ralmuang ber ti a vuah theih hial kan lo ni ta mai hi engvangnge kan tih chuan, kan ram duhtak Mizoram-ah hian chi inthliarna awm lova, Mipuite lungrual taka kan awm theih vang kan ti lo thei lo ang. A nih India ram’a State ral muangber ti a vuah chu tunah hian engang dinhmun chiah ah nge a din reng reng le. Engvangin nge mipuite hi thil sawi ring ngam lova.. kan phun ruk ser ser tak mai, pawnlam inhnaih fu si hian chhungril lamah hian kan lo inralpui phiar ta mai em ni, hengte thleng lo tur hian tan lak tlan dan hi a awm lom ni?

Tun-a YMA in ‘Ruihhlo do’ kum a puan hnu hian eng thilte nge kan ramah lo thleng a, a tha zawng leh a chhe zawngin eng ang chiahin nge nghawng a la neih zel dawn tih hi, tumah hian a nihna diktak kan sawi theilo anga rinna ah innghah phawt a ngai a nih hi. ‘Ringla I nung ang’ a tih ang deuh khan.

Kan ramah hian YMA in ‘Ruihhlo Do’ kum a puan hnu hian, kan ram a mi challang leh mi hausa deuh te hian thawk leh khatah zu hi an ngheiin an in ta ngailo tih na em ni le!! SRS ten mi an man thawm han hriat hian mi hausa leh challang hi tumah an la lan ve miah loh le, nghei thutte lo nita se engtiang chiahin nge an nghei thut, an tihdan te hi mipui vantlang hriatah inhrilh hriat a in zirtir a va han tha dawn em!!. Mahse… kum tamtak zu lo in thawklehkhat a nghei thut an awm thu hi mi tawngkamah leh ka mit ngei a ka hmuh atang pawhin ka la hre silo.

Nge ni YMA hian ‘Ruihhlo Do’ kum a puan hi mi rethei leh ngam zawngte lakah chauh a do em ni, kan officer leh milian tamtak te hian Zu hi YMA(SRS) ten an do hnu atang pawh hian an nghei thu em kan hre silo, an man sak thu pawh vawi 1 mah a la chuang silo… an mi man te hi han en chiang ta ila, mi rethei te te an ni tlangpui/deuh vek si a.

Hetiang a nih dawn chuan Kum puan thupui hi thlak se ‘Mi Retheite Tanna Ruihhlo Do Kum’ ti te talin emaw thlak law law se a va han tha dawn em… chuan mirethei te tan pawh loin hmakhua dan a awm mial mahna le.., tuna an puanah hi chuan a thu (theory) in Mihausa leh Rethei te min huap vek mahse, a takah (practical) erawh zawng rethei leh hausate inthliarna awm kum puan a nih hi maw le. YMA kan sawi chhiatna lam nilovin an kum puan kal hmang hi ka ngaihdan leh duhdan ka sawi ve mai chauh zawk a ni.

‘Ruihhlo Do’ kum a puan avang hian thalai tamtak te chu ruihhlo bawi a ta chhanchhuahin an awm a, Overdose a thi pawh kum dang ai chuan kan tlem phah ta, zu hmuhtur a vanga, a awmchhun pawh a tha leh tha lo thliar hran a ni lem lo hmuh hmuh a ni tawp mai. A van avangin duh duh a tha leh a chhia thlan tur a awm chuan miau loh avangin, chu tihlai karah Grape Wine chu Class hrang hrang duh thlantur a tam hle lawi thung si, Local zu aia chak zawkte pawh, a va han hlu tak em, mahse a to deuh mai pawh a.

Chu a chhapah YMA kumpun tlawh chhan hian a inti thu fal deuh ten kan ti dawn nge lo inti kumpuan lutuk ho kan ti zawk dawn, ten MTV te an la rawn ti ta deuh deuh… an ni hi zawng an va han kum puan em em ve awww…. Hremhmun kawnglam-ah an tir liam thul, mi ke/ban an tih chhiatsak thul. An Open letter-a a inziah danin.

Engang chiahin nge an ni hian Mihringte chungah hian NUN LEH DAM CHUNGCHANGAH hian thu neihna an neih reng reng le. Ka lo ngaihdan mai mai chuan Ram changkang a GANG an tih ang deuh hi niberin ka hria. ‘Nunna hlut lo mihring chu an thih dawnah pawh nuamsain an thi ngai love’ Upa ten an lo tih kha maw, chu chu anmahni ah a in nghat thui hle ang.

A hun lai a nuam leh tha ni a kan hriat kan ngaih tam tak te hi a lo tha vek kher lo thei nakin hnuah kan nun ti hrehawmtu leh inchhirna zakhua thlentu-ah an changchawk a nia. Khawvel ah hian tumah hi kan inthup tak tak theih lo, hriatchhuah hun a la awm tho tho thin, mi vannei fal deuhte chu an thihhnu ah hriat chhuahin an awm a rorelna vawi khat an tawnga, a vanduai deuhte chu an damlai ngei a hriatchhuah in an awm a hremna thuah hnih damlaia hremna leh thihhnu hremna an tawng a ni mai.

Kan sorkar hian eng a tan nge Excise deptt. hi a din reng reng le, hna an thawklo a nih chuan ban vek se, an hlawh hi Central’a kan bat zozaite khu rulhnan te hmang zawkse, Chutianga ngaihdan rawn siam chu, a va han mawl em em, Sumo-in a la su ngei ngei ang. Hna thawklo se engtiangin nge sorkar hian Excise hi a la din reng angni LELLUL.

Chutia han thawk si chu kan thalai pawl lianber YMA in engvanga ‘Ruihhlo Do’ kumpuan puan leh kher ngai nge a nih. YMA hi a hming thlakila Excise hming hi pu zawk law law rawhse Hetiang lamah hian an thawknasa a lawm le. hlawh pawh sorkarlam hian pe se. Excise Deptt. aiin YMA in an man tam zawk a, Ruihhlo Do kumpuan hnu ringawt pawhin.

Khawtlang nun ah hian engang chiahin nge mimal tin te hian RIGHTS kan neih, mahse kan RIGHTS hi hmang tur pawhin nek chep a tunah kan awm tak!!!. engvangin nge, chhiarpah a I ngaihtuah chut chut… sawi lang pawp pawp rawh I ngaihdan kha.. a ruk a midang bula sawi leh sep sep khan ram a siam tha lovang… ram leh hnam tha tur chuan pawp pawp nun a ngai a nia… khatia I sawi sep sep chuan I piah a mi khan rel emaw a in ti a nge, in in hmu sakhi palh ang.

Zu rim I nam ngawt avang khan Kutthlak theina Right an nei che em? I In thiah theina Right an nei em? A nih kan Minister te ho leh YMA a in hmangtak tamtak hi ruai thehni khua (mipui vantlang leh chekhnawk nazawng telve mai mai theih loh sawm bikte tan chauh a tel theih) hian an nam lo bik em ni? Eng vang a, an in thiah sak lo nge an nih a engvanga kut thlaklo nge an nih? Awww I mawl lutuk Tunlai chhan ah In tlawn nun a nih hi Politician hoin tlawn lungawiloh an hlau a, A lehlam in Tlawn lungawi loh an hlau ve tho bawk a lom.

A nih In vau-na lam pang ah hian nga ti nge Vauna rawn siam tute hi kan Police te hian man leh rinhlelh an la neih miah loh, Kum engemawzat kal ta atang khan kan ram a Case tamtak te hi an zuzi ral mai mai a, a lang a pau chuan mahse mahni rilru theuh ah kan pai reng hlawm si a. Sawi mahila awm zia a awm chuanglo tih kan hre vek.

Engvangin nge MTV ho te hi Police hian an la hriat lohva. ‘Mi Thah Duhlo Pawl’ ten an rawn hriat thei mai le. Kan Police te hian hna an thawk ta ngailo em ni? nge hnathawhna tur DALTU LIANPUI a awm zawk. FIR thehluh pawh ngailo Open letter TV(Local channel) ah leh chanchinbu lam ah a chhuak chuai chuai a, an thu ziah ah Hremhmun lam ah tirhliam an neih tawh thu (Tual an thah thu) a chuang a, chu mai bakah Michungah kut thlakna an neih thu a chuang bawk a, engtiang chiahin nge Pathian tlukpui a an lo awm theih tak le?

He khawvel a thil ti theiber leh Ropuiber a kan ngaih America President meuh pawh khuan Mi tihhlum theihna khawp thuneihna a nei miah lo. Mahse, ngaihdam theihna chu a nei leh lawi si, He khawvel danah MI THIHNA thleng a rorel thei awm chhun chu Court chiah hi a ni. Chutih lai kar ah kan ram chhung a tualthattu ni a insawi mahni inpuang ngei pawh kan la zawnghmu thei lo chu a nia leh!!!

Engvangin nge Congress Kawng zawh khan hemi chungchang (SRS, MTV, Ruihhlo Do Kumpuan) hi vawi khatmah an sawi loh. Chu pawh a la ni nem, kan sawrkar dinglai ngei pawh hian engvangin nge hemi chungchangah hian a inrawlh ngam loh!!! A chhan chu e, Vote zawng sorkar a lawm Mizoram-ah awm,.term leh a tlinloh hlau, vote zawng kan nih avangin a lawm engmah an sawi ngamloh ni.

Mi kut an thlak chungchang-ah leh Mi an kut a an tualthih chungchangah pawh police/sorkar in case pawh an siam ngam loh ni. Chutiang chiah chuan Conress kawng zawh pawhkhan an tlin ve hunah engmah an tih ngam dawn chuang loh avangin engmah sawi ri lo an nih ka ring.

Zoram kal siam hi kan in ennawn vat loh chuan rei kan daih lo ang, Underground hi a. awm leh lo ang tih a sawi theih loh, mipui hian a rukin nin kan nei theuh a, Sawi chhuah pawh kan chak, mahse sawi chhuahin awm zia a nei chuang lo tih kan hre vek. A rukin kan hel theuh a mahse kan dawi em a, a hu ho chauh a mizote hi huai kan nih avangin mahni chuan engmah kan ti ngam lo a ni. Hawh U Hnamdang kan en tawh a nih rau rau chuan a tha zawngin en taw hang u.

Mi dang RIGHTS te hi in zah sakin, Mi RIGHTS tih buaisak tu chu police te pawh hian I man ngam ang u. Tunlai kumpuan den chhen a lo che uchuak chungah pawh action I la ngam ang u.

Kan police leh SRS te kha mirethei chauh man lovin milian te pawh hi man ngam dan i zir ve tawh ang u, ti chuan kan lo intluktlan zawk a kan lo in pawh mai bakah kan lo inthlawp that zawk theih nan.

Similar Posts:

• Engtin Nge An Fihlim Theih Ang?
• Ruihhlo do… Heti zawng hian…
• SRS tih tawp a ni ta
• Ruihhlo
• Ruihhlo hâlral

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Tuesday, April 10th, 2007 at 12:59 am and is filed under More than words. You can follow any responses to this entry through the RSS 2.0 feed. You can leave a response, or trackback from your own site.