mi(sual).com

Top 5

Sairengpuii, Miss Mizoram contest hlui

Irene Zodinsangi

Barbara (to 5 ami a vei lama hmasa ber khi)

I pawm emaw i pawm lo emaw pawh nise a ni tho tho. Irene Zodinsangi, Tlangnuam chu mite mit lakna tur leh mite entawn tlak nitura thlan tlin a ni a, hmeichhe nalh rual 180 chuang inlan zingah ber nihna pek a ni ta.

Nizan khan Vana Pa Hall-ah hmeichhe 30 te chevel entura kal an \hahnem hle a, hall chhung mai bakah hall chhung a leng lo leh luh pawh tum lem chuang lova a a kawt vela lo thep kual vel pawh an tam hle. Heng hmeichhe intheh\hil kual vel hi mipa aimahin an hmeichhiatpui ten an lawm zawk emaw tih mai turin thawm pawh a \ha thei ham ham hle. He show hi Skylinks chuan Live a an pekchhuah avangin a hmuna awm te aiin In lum a\anga entu hi an tam hle zawk tura ngaih a ni. Skylinks, man chawia pawt tu mai bakah a ruka lo la te nen phei chuan he show hi mi sing telin an en ngei tura chhut a ni. Skylinks pawt lem lo mahni \henawm te Ina en te ne phei chuan he show hi engzatin nge en ang tih erawh chhut thiam a har hle ang.

Nizana hmeichhe nalh rual 30 te chu mipui hma a an intheh kual hnuah top 20 thlanchhuah a ni a, chumi hnuah 10 thlanchhuah leh niin top 5 an thlang chhuak leh a, top 5 zingah hian Barbara Lalremsangi (49), Miriam Zothanpuii (74), Velossa Lal\hazuali (24), Elizabeth Vanlalmawii (66) leh Irene Zodinsangi (51) te chu thlanchhuah an ni a, heta \ang hian Tlangnuam tleirawl duhawm Irene Zodinsangi chu Mizoram Super Model zinga chungungber niturin chu thlan a ni ta a ni. Pakhatna hian tangka fai buatsaihtu ten an pek cheng sing nga bakah lawmman neuh neuh a dawng nual a a ni.

Irene hi tunah hian pawl 12 zirlai niin niminpiah lam te pawh khan exam te a la bei zak zak a, exam hi zo tawhin tunah hian result a nghak mek a ni. Irene tan hian modelling hi thil thar va ni hran lova, tunhma lam pawhin Zofest, Peace Fest Youth Festival leh fashion Show hrang hrangah te a lo inlan tawh a ni.

Tun dinhmuna a ding chu ka lawm khawp mai tih bak sawi tur a hre hran lo tiin Thalaite Huang zawhna a chhang a, a vanneih vang liau liau a he dinhmun hi thleng anih thu a sawi bawk. Mi tam takin modelling lam an ngaihdan chu thil dik lo a ti a, sms leh mipui aw lamah te sawiselna an tawh nasat zia leh hetiang ngawt a ngaih an ni mai chu thil dik lo anih thu a sawi. Modelling lam chu lerh deuh tih tur alawm an tihchang chuan a rilru te pawh a nat ve \hin thu sawiin chu chuan a thinlung erawh a tihhnual ngai loh thu a sawi a, model \ha tak nih a tum thu leh hetiang tur hian a fimkhur \hin hle nia sawiin mi invawng fel tak nih a tum thu leh a theih tawpa hetiang tura \an a lak \hin thu a sawi a, model anih ang ngeia mite entawn nih chu a tum ber thu |halaite Huang a hrilh bawk.

(Written by Fela Fanai for Evening Post Thalaite Huang)

Similar Posts:

• Mizoram Super Model thlan a ni dawn
• Model of the Models – IRENE ZODINSANGI
• Goodnight, Irene
• Lynn – cover girl for ZOlife June issue
• ‘Miss North East’ a Mizoram aiawh tur tichiang ta

Recent Posts:

• Engtin nge niang?
• SIH HUAI NEI (True Story)
• TLEIRAWL HMANGAIHNA
• January 2017, Mizo(ram) Diary
• ZOLÛTI LEH PÛK HUÂI

This entry was posted on Sunday, May 6th, 2007 at 10:02 pm and is filed under News. You can follow any responses to this entry through the RSS 2.0 feed. You can leave a response, or trackback from your own site.