Hun rei tak Mizoram chhungah an lo cheng ve tawh a, an ram a nih miau avangin an thla pawh a muang. Bangladesh ram langa renga cheng ni mah se, an tan chu ram chu a ngaihawm kher loh. Engtikniah emaw chuan an chenna chu India sawrkarin dai a rawn theu hnan dawn tih reng an hre si lo.
Zoram News Service (ZNS) chuan tun hnai mai khan India leh Bangladesh indaidanna pal chu documentary siamin an tlawh a, Mizoramin ram thahnem tawk tak leh lui, balu thatna em em a chan mek uiawm zia hahipin an sawi a, chumai chu ni lovin fencing pawna awmte channa nasatzia an hmuhin an khawngaihthlak hle tih an sawi.
India sawrkar laipui hmalaknaa Border Fencing neih mek chu chak taka kalpui a ni a, he fencing atan hian thirhlingnei hraw tak tak hman niin Mizoram chhungah he dai hi theu a ni a. Dai pawnah hian Mizoram ram thahnem tawk tak chu Bangladesh ram atana dah a ni.
“Mizoram leh Bangladesh inrina lui atanga Mizoram lama meter tam takahfencing hi siam a ni a, Mizoram chuan ram meter 250 atanga 50 vel zel Bangladesh ram atan kan pe a ni ta ngawt mai,” tiin a hmuna kal pakhat chuan The Aizawl Post a hrilh.
Border Fencing tlawhtute hian luiah hian balu tha tak tak a awm a, chu chu Mizoram lam atang chuan lak theih a ni ve dawn loh thu an sawi a, a uiawm an ti hle.
He’ng channa zawng zawng aia pawi nia lang chu Mizoram mi leh sa lo ni thin, lui hnaiha chengte hian an in leh lo an chan nasa hle tih an sawi bawk.
“A tlangpuiin Chakma an ni a, amaherawhchu Mizo hnahthlak pawh an awm nual. He’ng mi thahnem tawk takte hian an in leh lo an chan a, fencing hian ram pawnah a dah daih ta si a, an tan chuan tihngaihna a awm ve ta lo, an chan a ngai dawn ta hlawm a ni,” tiin ZNS neitupa chuan a sawi bawk.
Border fencing avang hian Mizoram hian ram leilung hausakna thahnem tawk tak a chan mek a, fencing hi thirhlingnei hraw tak taka siam niin a phui tha hle a, “Sava pawh thlawk lut se a chhuak leh thei tawh lovang,” tia a hmuna hmutute sawi hian a nihna a phawkzo hlein a lang.
Indo-Bangla Border Security Fencing hi uluk taka ven a ni bawk a, heti a nih chuan a nazawngin India leh Bangladesh hi a kalpawh theih dawn tawh lo a, dan lova pemlutte danna thatak erawh a nih a beiseiawm thung.
Hetihlai hian India leh Mizoram (Myanmar a ni zawk lo maw 
-benjamin) inrina thui tak chu tunah hian daidan leh tum mek a ni a, Indo-Myanmar Border Security Fencing hi tihpuitlin anih chuan Mizoram hian Tiau lui balu lem ram thahnem tawk tak a chan leh dawn niin a lang, nungchate inkalpawhna thlengin a nghawng dawn niin a lang.
“Mizoram leh Bangladesh-a chengkawp ramsate hian border an nei ve lo a, hetianga ramria dai kan theu tak chiam avang hian anni tualchaina kan tibuai hle dawn a, Phawngpui Sanctuary-a ramsate hi Bangladesh rama kal reng an ni a, hei hi chu nungchate tan vanduaina lian tak thlentu a ni ngei ang,” tiin nungchate hmangaihtu pakhat chuan a sawi bawk.
Bangladesh dai theu hna hi chak taka thawh a ni a, BSF lamin uluk takin ramri hi an veng bawk.
Similar Posts:
- Indo-Bangla border fencing
- Bangladesh Ramri
- NLFT hel in an mi man pathumte chhuah – NEWS
- 10000 illegal migrants in Mizoram
- 600 houses submerged
June 19th, 2007 at 5:18 pm
thatna lai a awm a that lohna lai a awm a, ngaihdan pawh ka la siam thiam lo
Report this comment
June 20th, 2007 at 12:19 pm
Dai theu hi tul ka ti lo hle a ni. Bangladesh a ni emaw, Myanmar pawh ni se, Border fencing hi chu tihtawp a, duh loh zawk hi Mizoram hian kan duh lo zawk tur a ni. Kan state huamchinah chuan. Central-in an tum a nih pawhin kan DODAL tur a ni.
Myanmar border fencing tum pawh hi a tha lo.
Tiau lui dungah khian km 14 vel zet chu ka kal tawh a, Hnahlan atangin. Khawchhak tlangdung khua hoin Tiau lui an hman tangkai zia khi mit ngeiin ka han hmu a, ka han hre bawk. Khing ho han hung hnana, an pi leh pu atanga chhungkaw ro, an eibel ber chu kan tih bo sak dawn tihna a ni.
Khawpui atang chuan thil rel hi a harsa lo. Mahse a michengte tawrh dan tur hi ngaihtuah pui thin ni thei se a va lawmawm dawn em.
Chumai a ni lo, kan unau te Myanmar-a la chambang te khi kan enhrang thei lovang. Tuna kan kal anga kan kal zel chuan, Mizoram chhunga mi te hi raltlana kal duh hun kan nei dawn. Chu hun chu a hla lo a, Thisena inzawm kan nihna hi engmahin dal tir lo ang u. Chu chu Zofate Jerusalem-a cheng mekte hian i hre reng ang u
Greater Mizoram kan thinlunga a thih hun hun chu Mizo hnam boral hun tur a ni ve bawk ang.
Report this comment