mi(sual).com

(He thu hi Hmingsânga, Zozâm Weekley Jt. Editors ziah a ni)

“Provide me with a synthetic surface. I will train my boys and I am confident that they will produce better results. If I fail to produce better results please put me in jail” tiin Mizoram Hockey coach Pu Thlenga chuan TOI a hrilh.

Thlenga chuan India rama chanchinbu semchhuah tam ber Times of India palai hnenah ” Hockey khelhna tur synthetic surface min pe ula, ka nau te ho hi ka chher hriam ang a, result tha tak neih ka tiam ngam a. Kan nei lo a nih chu jail ah min khung dawn nia ” tiin a sawi chhuak. Hetiang khawp a coach rual awt leh thahnem ngai Mizoram in a nei hi a vanneihthlak ngawt mai.

Kan hriat theuh angin Mizoram ah Hockey ground mumal pakhat pawh kan la nei lo a. Chuti chuan ram pum huap inelna ah Mizoram hi quater final lut thei zingah a tel ve thei hi thil lawmawm tak a ni. National Junior Hockey Championship ah hian team 30 chuang atanga team tha pariat zinga a lang thei a ni.Mizoram hian Maharastra chu 7 – 0, Madhya Pradesh 5 – 0, Hyderabad 4 – 1 a hnehin point 12 hmuin an group atangin quater final an lut a. Quater final ah Tamil Nadu chuan fair lo takin Mizoram chu 4 – 1 in a hneh a ni.

Quater final ah kan naute pahnih card an hmuh avangin an khel thei lo a. Hei mai a nilo, ball in side line a pelh hnuah pawh referee in a ham duh loh a, chu ball hmang chuan an vaw goal leh a. Kan naute thin a rim lutuk a, kan buai hman thelh a. An moral a down vek tawh hnuah an thun leh a. Inkhel zawhah pawh state dang coach pawhin a fair lo an tih thu an sawi hlawm a. Mizoram min tan vek tiin Mizoram coach K. Lalthlengliana chuan a sawi.
National Junior Hockey Championship ah hian Mizoram team chu fak an hlawh hle a. AK Bansal, Orissa Steelers coach leh National selector ni bawk chuan Mizo tlangval te chu fakin ‘ European player ang maiin an khel a, ball an chang rei lo a, an khelh a nung tha in an chak em em a ni” a ti. Hetiang deuh bawk hian Punjab & Sind Bank coach pawh ‘ Mizo tlangval te chuan passing tihsual an nei mang lo a, an chakin an skill a tha a. Hmabak eng tak an nei a ni a ti bawk.

Hockey hi India ramah game nung tak a ni a, Mizoram ah chuan a khelhna tur hmun mumal kan neih loh avangin a khel pawh an tam lem lo. Chuti chung chuan a khel peih mi tlemte te hian Mizoram hming an ti tha thin hle. Sawrkar hian hockey khelhna puitling astro turf hi a siam thei a nih chuan siam se. India ramah hian a tha pawl chu kan nih ngei a beisei awm.

Tunhnaia Mizoram hminga feh chhuak te hi Astro turf awmna hmunah training an nei thin a. Sum leh pai pawh an seng hnem ang. Mizoram ah hetiang hi kan la nei lo miau mai si a. Mahse hetiang hmuna training an neih avang hian Mizoram chu India ram pawh a zahpuiawm awm loh pawl kan ni thei tlat. National Junior Hockey Championship a Mizoram hminga khel player pahnih chu October thla a 8th Nations Tournament a India aiawh tur a player thlan chhin mi 40 zingah an ko tel ve dawn a, Chu mai a nilo, India ram Hockey team tha BSF te chuan Mizo tlangval pathum chu BSF a khel turin an sawm bawk niin Pu Thlenga chuan a sawi bawk.

Similar Posts:

• Basil Khuma National School Games Tennis Champion
• Chak De India(2007)
• Santosh Trophy 2009 Ah Mizoram Vannei Mai Thei
• “62nd National Basketball Championship for Boys & Girls 2011 (Level-II)”:CHAMPION!!!
• Mizo Aw Sports : Northeast News 18.Sept.

Recent Posts:

• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.
• MIN PHATSAN SI!
• Misual Apps
• MNF LEH CHAKMA POLITICS; TU NGE A KAIKUANG CHHUI A NGAI E !!!
• Android Games

This entry was posted on Thursday, June 28th, 2007 at 2:55 pm and is filed under More than words, Sports & Games. You can follow any responses to this entry through the RSS 2.0 feed. You can leave a response, or trackback from your own site.