An zalh ta!

August 7th, 2007 5:33 pm by ZOaTlau

kuang

August ni 4, 2007 khan ka nupui pa(puzawn) chuan cancer natna avangin he khawvel hi a chhuahsan ta. A fate hi hnem thiam ila ka van ti tak em!

Bawihi,

Mahni hringtu pa sun tur hian naupang luat a awm thei lo a, chutiang bawkin upat luat a awm thei lo bawk. Mahse nang chuan he thil rapthlak tak hi i hmachhawn a ngai ta a, hmangaih leh duat taka i enkawl thin, a ei chak apiang pe thei tura theihtawp i lo chhuah thin chu tunah chuan i sun ve ta si a.

I pa i hmangaihna hi kei chuan ropui ka ti asin, nang ang mi tawng tlem leh rilru chhungrila awm pawh sawi chhuak ngam ngailo hian i pa i hmangaih dan tur leh i lak nat dan tur hi kei chuan hmu ve phain ka in hria.

Hmanni lawk khan kan khum lukham hnuaia tuma hmuh tura i beisei loh, “Lehkhathawn” kha ka lo chhiar fuh palh a, kha lehkhathawn kha a hmutu turin a hmu ngai tawh dawn lo tih pawh ka hriat tlukin i hria ang. Thichhawnga natna khuma a mut reng laiin nang chuan i pa i hmangaih zia kha ziakin i lo dah a, ka chhiar chhuak chu, min khawih khawp mai. Mahse khang thilte kha eng vangin nge a damlaiin i hrilh loh le?

“Ka nu aia ka ngainat ka pa hi ka duat hman loa a pawi ka ti a ni,” tia natna khuma a awm hnua i sawi kha kei chuan ka la theihnghilh ngai lo ang. Nang chu unau hmeichhia vek in nih avangin i rilru a ‘pa’ riau a, i ngainat zawng leh duh zawng i sawi lem lo, thinlungah i khawl a, i pai dai thin…

Bawihi,

I pa ruang chunga i mittui tla zawih zawiha i tap kha khawvela ka thil mak tih ber pawl a ni, i tap ngai lo a, i ngawi a, i tuar mai thin, mahse i hmangaih i sun nan chuan i mittui chu i lo ui si lo.

I pa kuang lei thuahthip hnuaia kan dah thlaka pangpar mal khat chauh thehthlak paha aw fiah leh felfai taka midang awm thuap laia, “Pa mangtha aw…” i tih khan i kianga awmte chuan mak tiin an thlir che. I tap lo a, ngaihtuah ngaiin i awm lo a, i bula mite hrilhhaina khawpin i awm lo bawk, mahse nang chuan i hmangaihna kha thiam takin i lantir a, ka lo chhuang ve che asin.

Khawvela kan awm chhung chuan ‘thihna’ hi kan kianga awm reng a ni a, engtik niah emaw chuan nang leh kei pawh hian khawvel hi kan la chhuahsan ngei ang. Chutih hunah chuan a kal hnuhnung zawk tan tawrh ava har dawn em! Pathian rorel dan hi kan hriatthiam zel a ngai a, chu chu kan inhnemna ber a ni ta mai a nih hi.

6 Responses to “An zalh ta!”

1
cedric Says:
August 7th, 2007 at 5:46 pm
Tha hle mai, pawi ka ti khop mai, kei poh nikum khan ka puzon a thi a, i hah tur zia poh ka hriatpui a che. marohchu, kan nupuite chu an chhungte lakah ni toh lovin keimahni an pasal te lakah engkim an innghat vek toh tih hi hria ila. PASAL te hi kan poimoh ber ENGPOH LO THLENG SENG.
Report this comment
2
Gerrarda-pa Says:
August 7th, 2007 at 5:58 pm
Ka tawrhpui khawp mai che u. Thihna hi mitin tawrh tur chu a ni tak si a leh!!! Mahse in nu tana i ziah khi chu ka chhiar dawn lo. Hnuk a khawih dawn tlat, min hrethiam teh. Hmalam thlir a, chhungkaw tana pa chan chang zel turin duhsakna ka hlan a che.
Report this comment
3
JamTart Says:
August 8th, 2007 at 3:55 pm
RIP
Report this comment
4
sakhmela Says:
October 19th, 2010 at 2:44 pm
hehe jg
Report this comment
5
sakhmela Says:
October 19th, 2010 at 2:46 pm
he0hd< alt="he h"
Report this comment
6
zodaifim Says:
November 11th, 2010 at 4:49 am
Thihna hi sual tlen faina pakhat an ti a.THihna chu na em em mahse rei lutuk sun loh tur ani a.Mahni nun chhiat rak thleng phei chuan sun phal ani lovin a tha lo zawk ani.Thihna hi a thim in ana em em mahse a engzawnga kan thlir thiam angai hetiang in in chhung zau taka eng a awma mei alh teng teng a awm chuan eng chu thim ai chuan atha in eng chuan chu in chhung chu a thim chu luahkhatin enna a rawn pe chhuak nge nge thin ang chiah hian he thimna/thihna poh hi kan tana tha tur zoka khuarel a lo nih zia leh a engzonga kan thlir thiam hi a poimoh ani.
Report this comment