New York’s Fashion Week khâr nan kar kalta Zirtâwpni zân khan New York-a Radio City Music Hall-ah a kum li nan Fashion Rocks chu an hmang zo ta a; October 18 khian UK lamah Swarovski Fashion Rocks 2007 hman a ni ve leh ang. Hetih lai hian Mizoramah pawh “…Engah nge kan tih ve theih loh bik ang…?” tiin Mizo thalai mi thahnemngai thenkhat chuan October ni 6 (Inrinni) zân khian Aizawl Vanapa Hall-ah ropui takin ‘Fashion Rocks’ buatsaih a tum a; chak takin hma an la mêk.
Pragati Valley (Zawlbuk Real Estate)Fashion Rocks : Mizo rock band tha ber berte hian mipui hmaa inpho chhuahna hun remchâng an nei tlem, mahnia one night show buatsaih a hautak si—tanpui an ngai. Kan fashion designer-te pawh hi mipuiin an hre lo lutuk—mipui hriattir an ngai. Kan model-te pawh hi, mipui hmaah an inlâr khât—pho chhuah an ngai. Heng zawng zawng ngaihtuah chung leh fashion leh music inlaichînna thûk tak mipui hriata pho chhuah a nih theih nan Pragati Valley (Zawlbuk Real Estate)Fashion Rocks chu buatsaih a ni dawn ta.
AIDS vei naupangte’n an ‘au’ che! : An nu leh paten AIDS/HIV hrik an pai avangin Mizo naupang sawm dawn chu Gan Sabra-ah enkawl mêk an ni; a hranpa-in tanpuina (fund) an dawng ngai lo—i tanpuina an nghâk a, an ngai che. Heng naupangte lo tuamhlâwmtu, Gan Sabra tanpui i duh chuan Rs 200/- in Fashion Rocks ticket lo lei la, heng naupang lainatawm tak takte hi i tanpui thei nghal dawn a ni.
Mizorama Red Carpet hmasa ber… : Mizo thalaite hian khawthlang lama event lian ber ber kan kan hmu zing ta malh malh hle mai—hei vang hian Mizo thalaite tan chuan ‘red carpet’ hi thil thar a ni tawh hauh lo ang; mahse, kan la hmang ve lo! Fashion Rocks buatsaihtute chuan Mizorama a vawikhat nan Vanapa Hall-ah red carpet phah ngei an tum. Show tan hma darkar khat (7:00 – 8:00pm) chhung Fashion Rocks-a zai tur te, designer te, model-te, kawng hrang hranga mi hlawhtling tak takte leh mi lâr fâl, sâwm bikte chu red carpet-ah hian an inlan ve tawh dawn a ni. Thla i lâksak duh a nih chuan an thla i lâksak theihna tur ‘hmun’ remchâng siam an tum lehzel. Sponsorship tiduh tan telephone 9436142788-ah zawhfiah theih reng a ni a— mi lârte kawmna leh thlalâkna ‘hmun’ an siam hnungah sponsorship titu zawng zawngte firm hming hi tarlan a ni ang.
Sawi thui deuh ang—Vanapa Hall hmun a tâwt; a remchang thei ang berin ‘hmun bik’ hi siam a ni dawn a; mi zawng zawng an kal thei dawn lo. Mahse, AIDS/HIV hrik pai, hnuchham naupangte tanpuina ni pahfâwma Rs 200-a ticket i lei a nih chuan red carpet-a mi lâr ‘inlár’ lai hi Vanapa Hall chhung atanga i hmuh theih turin (big screen) ruahman a ni dawn. I duh a nih chuan i mi ngaihsan zaithiam/mi lâr thla i laksak thei; mahse, i lâkpui thei dawn lo thung.
Inlan turte : Mizo rock band tha ber ber, band pali an inlan dawn… tih kan sawi tawh—Tribal Power an che leh thei dawn a, chuai thei lo Forever Young (feat. Tetei Ralte) te bakah Hard Ray-te chu tel thei tura biakfel an ni tawh a; tun hnaia India rama Rock Festival ropui ber leh up-coming rock band-te intihsiakna sâng ber (the Woodstock of India an tih hial) a band tha bera thlan BOOMARANG te pawn tour an neih loh lai a nih chuan tel ngei an tum thu an sawi tawh bawk. Hemi zân hian band la lâr chhuak lo, band tha si (upcoming band)te tan hun remchâng siam tum a ni a — Fashion Rocks-a inlan duh, band 10 vêl chuan hming pe lût tawhin heng band te hian audition an nei ang a, Fashion Rocks-a zai tur band 2/3 thlan chhuah an ni bawk ang. Band bakah hmeichhe pakhat, rock taka a incheia inhmeh em em, nû taka a inchei pawha nalh tho si… a inlan bawk ang.
Live music vekin zaithiam leh band an zai dawn—hei ringawt pawh hi kal chhan tham a tling. An zai laiin Mizoram top models 12 te chuan Mizo designer tha leh thiam ber berte thawmhnaw thui ha-in ramp-an rawn zawh zai zai thin ang… tih thleng chauh sawi rih ila… Tûn atang hian lo ‘inkau’ lâwk rawh; ‘a dawn hnaiha tihchûk ching hnam’ kan nihna hi kan paih a hun tawh e…
Similar Posts:
- Hei red carpet chu
- Lungpui nupa
- Fashion Rocks ’07 Vids
- Thansanga & Sons Scavenger Rock Idol
- Band a tel duh ka rawn tih kha
September 13th, 2007 at 5:08 am
A thra, exposure atan chuan a thra mahse stick to the original cause for the AIDS victims…dont say our celebrities, singers or models etc haven’t have the chance to show themselves, nuih a ti za lek lek a chhan chu kan celebrity te bak a in show ngun hi ka hre lo. Engpohchunise, red carpet te buaitsaih dawn chuan thra alom, khoilai tak atang nge red carpet in tran dawn a? tiang chang hi chuan kawngpui han khar rup te hi a ngai a, tlai ninem hun a tran anih dawn chuan khar a har reuh awm kawng chu, nih loh chuan zanah anih dawn chuan lighting vel thra a ngai viau ang a..hihihi ka lo ngaihtuah ve mai mai kei ve reuh hian hihihihi
Report this comment
September 13th, 2007 at 7:32 am
Zirzangzela chu Zoram thalaite tan rual awh dan i hre hle mai. Ka ngaisang khawp mai che. Nangni ang hi alawm Aizawl thalaite tih tur hre lo ten an mamawh chu. Lo tang fan fan la, i la hlawhtling em em ang. I duh aia tha pawn kan la awm ang. Tunah tak chuan chenna in chim tur atanga kan tlanchhiat loh vek pawn buhfai, petrol leg LPG zawgin kan buai a, concert ticket lei hman kan ni rih lo.
Report this comment
September 13th, 2007 at 8:59 am
Engtik kum Lengzem chhuak nge ka hre thei ta mai lo.’Ang em’ tih column ah khan heti hian an rawn ziak pek a.Mizoram hi United State border a awm ni ta se kan hnam hi kan ral thrak tawh ang ngem?? TV ah Hollywood star te leh celebrities ropui tak tak te kan hmu thin ngei mai, an thawmhnaw man to tak tak te, an Cribs leh car tha ber mai top of the line te hian Mizo chang nilovin khawvel mi tinreng min influence a.Hlawhtling tura an beih dante hmuh thelhin an in cheina te leh an pawisa hman dante hian kan beng a verh zawk a.
Mizoramah ……. sawrkar zemzen thei chin leh eiru thei ten mirethei thisen-a in zuk puarin hleih an len a…Assembly house ah ring takin ram an hmangaihzia an au chhuahpui a..Kohhran Upa leh Pathian thu awih inti thenkhatten Vanram nawm turzia uar taka sawiin lei lam LSC leh concrete in bakah hmingthanna an buaipui nasa lawi si…Department te ber atranga a lian ber thleng-in lungawi tihni nei lovin thiante kuta chaw tlang hmuhlen avangin an in nuar chhawk a..khua in that lam pan lovin ruah a sur reng a..mirethei, awmna hul har tha nei lo..lo lama feh lo chu ei zawnna dang nei silo, chaw nghei mai hma baka an thut laiin an paten eiruk sum atranga an leisak an fanu fapa ten pheikhawk Rs.3000 man chuang bunin tui hawk luankawr an zuan khum ang zuk zuk a….
Kan thalai lehkhathiam leh thiamlo pawh hna thawh tur awmloh avangin an thu tlar ngek nguk a, miretheite tranpui thei tu awm chhun nia ngaih YMA lah a trihin an trih tawh bawk si…SRS an ti..MTV an ti..Pu Zoramthanga ui bo leh P avanga tlangval ban bul lian satliahte kan len ho chhung hi chuan RED CARPET…Mizo Celebrity..etc tih ang duang lo tih rik ve chhen hi a tul ber em aw?? A zahthlak deuh hlek lo maw?? Hetiangthil tawng tur hian kan ram rethei lutuk hi a in ready chiah tawh em?? nakinah ram thang zelin a la ken chhoh tur tho a ni a, kan politician te ram siam tha turin kan rin zawh tawh loh zia kan au chhuahpui dum dum a,a siam tha theitu tur ber keinin hetiang hlimhlawp lam kan buaipui tlat chuan engtikah nge ram a lo din chhuah tak ang le??
Report this comment
September 13th, 2007 at 9:28 am
L.M.Ralte, “All work and no play makes Lawma a dull boy”
Report this comment
September 13th, 2007 at 10:20 am
@Putin, he topic ziak tu hi Zirsangzela nilovin Zirsangkima a ni e. I typing mistake-ah ka ngaidam a che….akekekeke.
@LM RALTE, i thuziak a tha ngei mai, kawng tam takah i ngaihdan ka tawmpui a che. Mahse, heti zawng hian ngaihtuah ta ila: Kan vai vaia thil pakhat chauh ngaituah lovin in sem rual ta ila. Thenkhatin ram siamthatna lam ngaihtuah se, thenkhatin kan zaithiam leh celebrity-te chawisanna lam ngaihtuah se a tha mai law’ng maw? Kan thalai pui, ka celebrity-te hi keini’n kan chawisan loh chuan tuman an ron chawisang dawn lo.
Report this comment
September 13th, 2007 at 11:11 am
Zawlbuk Real Estate.. ho intih larna ah ka ngai… hmani khan an hawng a.. an ofis poh a nawm hmel e.. I celeb?? ngaihsan tak tak te kha.. car nalh tak tak..oh.. taxi atrangin lo chhuak zan zan ta se…i sawisel/nuihsawh leh viau lo’ng maw?? nge i ngaisang sawt ang?? Mizorama Celeb kan tih te hi an hausa vek bik lo. Motor poh an nei vek bik lovang. Zawlbuk Real Estate hian an chuanna tur car te hi an ngaihtuah sak dawn em le?? a tam mai.. mi tih ang tih kan tum a.. kan ti leh thei tak taksi lovang tih a hlauhawm mange aw…. *fingercross*
Report this comment
September 13th, 2007 at 3:25 pm
one man band ‘ inti thin kha a tel ve dawn em?
darling, i want to promise you
in the hotel room
tih vel a thlawh nalh theih viau kha maw le
Report this comment
September 13th, 2007 at 3:53 pm
@roniez, “Mizorama Celeb kan tih te hi…” Mizoramah hian celeb kan neih ka lo hre hlei nem!!! I hriat chuan min hrilh hram teh… Kum hei leh chen zaithiam leh mizo mi lar chanchin ziakin ni tin hun ka lo hmang ve tawh thin a… vawiin thleng hian Mizo zingah celebrity ka la hmu lo! Tin, ka thuziakah khi chhiar chiang la, ‘celebrity’ tih thu mal i hmuh ka ring lo…!
Report this comment
September 13th, 2007 at 3:58 pm
Khawngaihin misualho khan ka thuziakah hian ‘Mizo celebrity’ tih ka hmang lo tih minj hriatsak hram t’u…!
Report this comment
September 13th, 2007 at 4:26 pm
@zira- i hmang ka ti lo..infact celebrity tih hi ka hmang bik lo, celeb ka ti ve mai ani.hehe. Red carpet tih chuan celebrity ho rilruah a lo lang. Celebrity hlirin ani red carpet ah hi chuan chuang thin ni…
Mizoramah hian celebrity kan tih ang hi kan nei em??? ka hre bik lo…a teh tu teh dan a ni mai.. a then chuan kan celeb an ti tho.. ka ngaihdan leh i ngaihdan a nih leh nih loh vang pawh nilovin.. a duh chuan lo ti se, lo tilo se.. kan celeb tih hian a sawi tumte chu a hriat theih thovin ka hria.
PS: i hope u notice the DOUBLE QUESTION MARK after the celeb.
Report this comment
September 13th, 2007 at 4:28 pm
aaahhhh…
emz tih hi a pw ka hre toh lova.. roniez in ka in reg tha leh a. chuan ka comp hman laiah hian a lo la in save a nih hi.. Sorry :(.
emz=roniez
Report this comment
September 13th, 2007 at 5:01 pm
@zirsangkima
“A celebrity is a widely-recognized or famous person who commands a high degree of public and media attention.”
https://en.wikipedia.org/wiki/Celebrity
“celebrity
• noun (pl. celebrities) 1 a famous person. 2 the state of being famous.”
https://www.askoxford.com/conci.....ty?view=uk
Kan Mizoram-a mi lar te khi ‘celebrity’ kan tih mai loh cuan enge kan tih ang le! Though they might not be world famous, they do get a lot of attention in Mizoram & other NE states. And they should be called ‘celebs/celebrity/celebrities’ unless you want to invent some new word to call them
Report this comment
September 14th, 2007 at 4:18 am
“Mizo Celebrity” tih phu chin an awmin kei chuan ka hria a, Ainawn Parmawii rawn sawi hi ka thlawp khawp mai. Cable TV vela hla pahnih pathum vel rawn thun ve a, mizingah ka lar ta ber emaw rawn inti ho zingah hian hriat loh ka va ngah tak em!! Celebrity ti a chhiar theih chu kan ngah tawh mai Mizo te hian.
A enga pawh chu nise, Red Carpet chungchangah hian tlem a zawng sawi ve deuh ka chak a, mi ram a an tih te uluk taka in en a, in zir chiang a nih loh chuan Vanapa Hall kawt a puan sen va phah ve satliah ringawt khan awmzia a nei lovang. In tih mualphona leh midang mit ti kham tu mai mai a ni ang tih ka hlauhpui khawp mai che u!! A show organiser te an tling dawn lo e ka tihna lam ni lo se, Mizote hian tlin si lova miin an ti e tih vang ringawt a hma han lak leh ringawt hi kan ching khawp mai!! Chu chu organiser te he thu chhiar ve kan awm a nih chuan in lo hre ve mai mai dawn nia, E! channel hi en ula, Red Carpet Moments tam tak an rawn tih lan hi in hre ve tho chuan ka ring nangin kan remind ve leh mai mai che u anih chu!!
Heta sawi lan anihna china ka duhthusam lo tlem :
Zana Red Carpet @ Vanapa Hall Kawt
Vanapa Hall kawt zim lutuk
Red Carpet chu miin an ti a, enge kan tih theih loh bik ang tih aiin hmasawnna a ni e tih ni zawk ta se… an tih ang chuan tun din hmunah chuan Mizoram chuan a phak in ka ring lo….
::Ka thusawiah hian huat tur a awm em lovang chu, huat lamah la lo in ka thra hnem ngaih ve naah min lo ngaihsak ula ka lawm khawp ang…
Neway!! Wish you all the best, and its good to know dat We Help Each Other!! NO NEED FOR MONEY!! Just Give Them Your Love!! Money will come easily, but LOVE is far more important for a people like them!!
Report this comment
September 14th, 2007 at 7:19 am
Ka thian, kan milarte (zaithiam emaw thiam lem lo pawh) ‘celebrity’ tia koh chu i hreh emni? Hreh reng reng suh, anni bak celebrities kan nei hleinem. Amaherawhchu, @spide sawi ang deuhin ‘celebrity’ tih phu chin chu an awmin ka hria.
Red Carpet chungchangah pawh @spide ngaihdan hi ka thlawp khawp mai. A flop palh hlauh mai ang tih ka hlau khawp mai.
Thil pakhat, a hmuna awmchilh lo ta chu hriat loh kan lo ngah duh khawp mai a. Naupang AIDS/HIV veite enkawltu “Gan Sabra” hi ka lo la hre ngai miah lova, a/an chanchin chiang zawkin sawi thei in awm em aw?
Report this comment
September 14th, 2007 at 4:09 pm
thanks to spide. We’ll try our best… Red carpet phahna tur : Vanapa Hall chhung si, a luhna kawngka kiangah. Mipui erawh, luh chiaha step ah an chhuk ang a, celebrities in tihho chu red carpet phahna lamah an kal hrang ang…
Report this comment
September 18th, 2007 at 9:06 pm
fashion 4 a cause ni mo, that chu chu tiang te nih chuan.
Report this comment
October 19th, 2007 at 8:11 am
[…] Related: Aizawlah Fashion Rocks […]
Report this comment