January 2008.
Ka nu hi cancer avangin Guwahati ah in enkawlin a awm a, zu awmpui turin Aizawl lam panin ka chhuak phei ve a, Thlawhna ticket te la in Lengpui Airport lam chu ka pan thla ve hna hna a..Sang takah mu anga thlawkin Guwahati lam kan pan ta vuah vuah mai, ka ngaituahna te chu nunhlui lam ah kir in 1991 kuma Calcutta a College kal tur kan chhuk thin lai kha chuan Tuirial airfield (airport nilovin) atang Vayudoot in kan thlawk thla ve thin kha ania, a chuan man pawh ka thlawh hmasak berin Rs.810/- ani…
Calcutta Airport kan zu thleng a kan chuanna kan han zahpui te kha a awm ve viau in ka hria, thlawhna dang lian pui pui kar a tang khan petrol rim nam chem chem in kan chhuak phei ve thin te kha kan insit ve ngawi ngawih zel mawle. Lei atang ngawtin min siamtu hi ka be thin a tun tum erawh chu vansang atang ngei hian kan be teh ang tiin kan tawngtai a, tluang takin Guwahati chu kan thleng thla a, Mizoram house ah ka nu te lo awm na room ah chuan ka in nghat ve nghal a…
Karkhat dawn ka awm hman tawh ang… Zankhat chu Mizoram house ep chiah a wine-shop kawt ah khan savawm dawm chungin ka Sony Ericsson k750i tawng ve tawh tak chuan misual dot com a post te ka chhiar vel mai mai a, Zan a lo tlai ta deuh a mu turin ka phei ta a. Zinglam 1:45am vel a ni.. mumang ah kan lo indo nasa, ka LMG a Pakistan commando ho ka hawl kual lai takin ka tawm na bunker a rawn ri ta dawt dawt a..
Ka harh hlawl mai a, “Min pui ru, khawngaihtakin” ti ri ka hre nghal, hmeichhe mangang aw rawl ani chiang, ka Mizo pui leh nghal vairamah mangangin kan room a lo kik dawt dawt chu lo niin. Kawngkhar chu rang lutuk in ka han hawng nghal a, Mizo hmeichhe tleirawl hmelchhe lo zet hi hlauh avanga khur zawih zawih in kawngkhar pawn lamah chuan a lo ding a, pheikhawk / slipper pawh a bun lo. Khum ah ka thut hahdam tir a, enge a chhan te ka han zawt dawn a mahse a hlauh em avangin a sawi lawk thei lo.
Kei chuan theihtawpin kan thlamuan ve a, hahdam rawh engmah hlau suh te kan han in ti ve lawm lawm a, Minute 10 vel hnu ah chuan a a sawi thei ta hram a. Delhi ah Nurse hna thawkin a awm thin a, Krismas chawlh hmangin in an khua Aizawl ah a haw a, hemi ni hian a hna zawm turin Aizawl to Guwahati Sumo ah a lo chuang thla a, Shillong atang Sumo driver nen chauh an lo tlang kha alo nia… “Zu a rawn in thla reng a, Shillong atang khan ka chuanpui pui midang tumah an awm tawh silova hma deuh a thleng thei reng kha eng eng emaw chhuanlam siamin a khawtlai lui zel a, kei lah vawiin zing 3:00am ah Train a kal tur ka ni bawk si, ka tur ngial pawhin min khawtlai pui tlat bawk sia.
Mizoram House kan rawn thlen meuh chuan a lo thim vek tawh a, tumah meng pawh in lo awm tawh lo, mahse a awm dan ah ka ngaih a ngam lo em avangin ka kai tho chawp mai ang tia rilru ka neih tho avangin thawmhnaw min lak thlak sak turin ka ti a, ani chuan House chu tun ang hunah an kaihthawh theih ngai loh thu min hrilh a, Sumo ah chuan mu ve mai turin min ti a. Mahse a awmdan kha ka ngaih a that loh avangin chhuk ka tum a, chutia chhuk ka tum chu min chelh bet a, a ni chu kekawr a lo phelh vek tawh a.
A seat ah min tih a tum a, theihtawpin min vau pah in min chelhbet a, ka kekawr min hlihsak a tum a. Mahse ka tal chhuak thei hram a ka rawn tlan lut tawp anih hi”, tap chungin a ti ta a.. Ka thin a sa ta zak mai, Mizo mipa ngeiin vai ramah lehnghal a hnampui Mizo pawngsual (risk) a lo tum a nih chu! Ka va han dim dawn lo chiang eeem tiin ka in ha sawk sawk a, “Khawnge a awm, a la awm em? Lo kal rawh tumah hlau suh” ti pah chuan Mizoram House gate lam ka pan phei a.
Guwahati Mizoram house chu ka hre theuh in ka ring a, Gate pui chu a lo in khar a, mihring luhna gate te kha alo in kalh lo hlauh hi a lo ni a. Kha kha lo in kalh phei se chuan a lo lut thei hauh lovang a, a chan tur chu rapthlak tak a ni! Gate kan han chhuak a, Sumo driver chu a lo la awm ngei mai.Ka rilru ah chuan Bruce Lee, Enter the Dragon, Snake in the monkey shadow, Return of Dragon, Disco dancer a Mithun a che bonra lai te kha a rawn lang chuai chuai mai! Kungfu shoe nen boruaka vawithum vir theih ka va han chak tak em!!
Ka kap ri tuarh khawp chuan a khabe ah tak mai kan sidekick ta anih kha! Ke van vawr suau a in vawrh in leichar ah a zangthal tawp mai. Enter the Dragon a Bruce Lee ah a han tum a a chiau vawng vawng lai te kha mitthla ah a lo lang zuai zuai mawle.
Ka han kungfu hrep hnu ah, kan nauvi thawmhnaw te tifelin room ah ka mut tir a, Aizawl a an chhungte be pawp nghal in thil awm dan te kan han in hrilh fel a, a tukah Guwahati Mizo Welfare te pawh chu ka han hrilh a. He post a ka sawi tum tak zawk chu, Vairam ah Mizo hmeichhia an chuti khati kan ti kan ti a, Mizo hmeichhia ropui tak tak hi an lo awm nual anih hi tih te leh kha Sumo driver khan vawi engzat nge khatianga mahni hnampui hmeichhia a lo risk tawh anga vawi engzat nge a lo hlawhtlin tawh ang tih te ka ngaihtuah mai mai. Enge in ngaihdan le?
Similar Posts:
- Aizawl leh Shillong/Guwahati inkara Maxi Cab Service chungchanga Joint Statement
- Nikum MI leh ka Mizoram zin experience a chhia leh thra zawngin
- Teihawi @ Guwahati
- Aizawl-Lunglei Sumo Accident ah 2 thi
- Thu ho mai mai
January 22nd, 2012 at 11:10 pm
Self control neihloh hi the root of all chet uihna
Report this comment
January 22nd, 2012 at 11:20 pm
bmw sawi hi ka ngaihdan chhah.
Report this comment
January 22nd, 2012 at 11:39 pm
Che tha hle mai feeder chu, I mumang pawh chu a pui rem rem hle mai. Keipawh bmw sawi khi a dik ta ti thlawt.
Report this comment
January 23rd, 2012 at 12:45 am
Ngaidan i zawh taka chuan keia thingtlangpa ngaidan ve mai mai chuan fel tak tak an awm lai hian sual tak tak pawh an ve tho tih hi a ni e.
Report this comment
January 23rd, 2012 at 1:09 am
hmanni kan in vulunteer na thilah mizo conducter hian vai nula lo zen ve ringatwa, ka thianten an sawisa hrep…huhu…prouind of u my frens…respect
Report this comment
January 23rd, 2012 at 4:40 am
Mizo zia chuan hetiang ang crime rapthlak a thlen pawn “Mizo kan nih hi, Police a in report mualpho a tullo, ti hian Upa ho hian zilh sela, Pathian hmingin in ngaihdam tur” te an ti leh daih ang chu!
Mizo pakhat ka hmelhriat, australia a awm vetho chhungte Mizoram ami pawh hmeichhe naupang kum 7 vel hi an cousin kum 15 mi velin alo khuaikhem thin a, an hriatchhuah chuan hmeichhe naupang chhungten Police ah an report nghal a, mahse a mipa chhungte leh an Pu te chuan a hmeichhe chhungte chu chhungkaw timualpho tu ti in in atangin an hnawtchhuak vek ani awm e! An veng kohhran Upa te chuan hetiang thil (sexual assault/rape/abuse of children) te chu in sawirem mai mai tur a lawm te an la ti ta deuh deuh. He case hi bawhzui duh (chanchinbumi) te tan detail in ka hria.
Report this comment
January 23rd, 2012 at 5:13 am
He post hi fictitious nge? A behbawm chutney leh condiment tam lutuk hian ka ngaih a ti tha lo zawk. Sumo driver chu engnge a an tak zel, thubuai hlabuai Mizo Welfare-te rem dan te, nula chu a connecting train nang turin dar 3 hmain tunge va thlah ta le?
Report this comment
January 23rd, 2012 at 10:00 am
57 # Nia hriatzui a chak-awm e.
Shillong leh Guwahati kawng inkar hi a tawi lem lova, kawnglakah pawh hian, Driver hian Chance chu a ngah hmel riau va…..ngaihtuah chhunzawm ve mai mai..Guwahati Mizoram house bul thlen veleh a che ta chauh em ni le?
Engpawhnise, hmeichhia hi a khawngaihthlak hle in ka hria.
Report this comment
January 23rd, 2012 at 10:40 am
ka sawi fo tawh thin khaaa… lehkha kan zir ve laiin night bus chauh a la service thin a, mahnia veivah chang a tam a, kalpui neih loh hian Mizo mipa hian mi risk an tum ringawt zel..ka tawng nual tawh…vai an fel bik e ka tihna a ni lo, vai hlang ngat,hmeichhia pawh keimah chauh awm hian vawi thum vel ka zin tawh bawk a, min tibuai an awm ngai lo…ngaihtha deuh a MIZO MIPA ka thutpui tum hian ka tawng deuh ziah….
Report this comment
January 23rd, 2012 at 11:00 am
1991 ??? … Insum rei thei hle mai.
Hetiang hi chu a zau thei ang bera puanchhuah thuai thuai a thain ka hria, hetia puanzar hian midang tam tak i chhanchhuak pah thei daih a ni. Good job….
Report this comment
January 23rd, 2012 at 11:20 am
Hmanah mi ka back kick ve tawh, mahse a kawngah ka backkick a ka ke alo man chat. hihi
Report this comment
January 23rd, 2012 at 11:28 am
Engtinnge ni ta zel…tih lai tak kha hriat a chakawm hle tak mai!!
Engpawhnise, driver hi a che ṭhing hrim hrim. Feeder-an ke pali vawr ṭhuauva a han vawrh vêl pawh chu a phu hle mai!
Report this comment
January 23rd, 2012 at 11:37 am
Chu pa kap chu zal hlen raih turin i tlawhsak lo a nih chu mawle…lo tive tlai khawhnu ila.
Report this comment
January 23rd, 2012 at 12:05 pm
Chhantu mizo tlangval a tawng che chu a va lawmawm em.
Report this comment
January 23rd, 2012 at 1:01 pm
first comment. post tupa iva han ti tha ve le. Chuk nek ava chakawm ve.
Report this comment
January 23rd, 2012 at 1:07 pm
A hnuah number te in inpek ngei a rinawm a, tichuan, in inbe zeuh zeuh ngei bawk anga. I sawi ang a niha a chhiat loh viau phei chuan.. eh!!
Tak taka, i ti ropui hle mai.
Report this comment
January 23rd, 2012 at 1:10 pm
Kekawr (trouser) chu a lo tangkai hle a ni maw? He nula hian Mizo puan chauh lo bih ta se … Sawi chhumzawl lo mai nag.
Report this comment
January 23rd, 2012 at 6:46 pm
A va han chhepawng ve mawle.
Report this comment
January 23rd, 2012 at 8:13 pm
ka tan lutuk che post tupa….
Report this comment
January 23rd, 2012 at 8:18 pm
chu nula chu khawngaihthlak hle mai,i lo chhan hlauh chu a va lawmawm em.chu driver chu han kick ve mai a chakawm mai a lawm.
Report this comment
January 23rd, 2012 at 8:32 pm
Tlai khaw hnuah detective in kan in rawlh a tul tlat mai. GHY to Delhi thlengtur hian zing dar 3 a chhuak eng train nge awm aw..chu chuan ngaihtuahna min neih thui tir khawp mai. Rajdhani hi zing dar 6, NE express hi zing dar 8:30 bawr vel, Chuan avadh Assam hi chhun lam chhuak bawk..Kei detective hi ka bo ta riau mai.. Brahmaputra mail chu kan dah nil sa nen..hnuchui theihna hnu hma a va tlem ta sawt ve..nge he thu hi chhui zui lem lovin fiction ah kan dah mai dawn em ni..
Report this comment
January 24th, 2012 at 9:23 am
@doc_lic : keichuan train chhuah hun chungchang chu ka hrethiam hauh lo, mahse khanu kha Delhi Apollo Hospital a thawk ani..
Report this comment