Mizoram ah Pu Zorama a lal ber a, Traffic police an thu ber em?
Trafic police te an intih thu dan leh man tur ringawt zawng hi chu ka kham tawh khop mai. Motor pawh kan khalh tha ngam dawn hlei nem maw le. Mi man loh hlauin an phe suau suau va, han tih sual palh deuh ah man min tum nghal ringawt a, kan mizo nihna in hriat thiam tawnnate, in unauna te kha a ti bo tu pakhat an ni in ka hria. khawl thil a nia, han tih palh leh tih sual palh te chu a awm tur a ni.
Motor an hun san leh an ti chhe ziah bawk a, hnu man chawi ngai bawk, siam man ngai leh bawk si. Motor parkna tur hi a awm thlawt toh si lo, kawng sir hi motor parkna tur a ni ngai lo a, mahse loh thei loh in kan park a ngai si chutah parkna tur dang awm si lo parking fee an lo khawn ve chhen nen. Engtin nge kan siam that ang. mi man tur zawng ri ngawt hi chuan engtin mah kan siam tha dawn lo tih hi lo hria se. chhiar tu te enge in ngaih dan.
Similar Posts:
- Motor neiten dahna neih tel ngai tawh
- Aizawl traffic speeding fine leh a kaihhnawih
- Hamara Rajdoot…!
- CM fanu man
- T.Romana College leh Two wheeler Parking chungchang
November 5th, 2007 at 4:44 pm
keichu ka ngaih ve dan cuan an intih thu kha chu a thra viau zok lo mo a chhan chu dan an keng koh loh cuan nakinah keimah ni tan a hrehom telh2 ang. Kan inhriat thiam kan inhriat thiam vangin Mizoram poh kan chhiat tolh2 phah hi. Traffic police an hlauhom loh phei2 cuan tun ai khian a hahthlak zok lo ang mo?
Mi mantur an zong te kha a thra phian alom (trafik dan bohchhe an man tak2 te anih chuan). Parking fee kha khoi khuah park man te chu an la zel a, soisel vak chi poh ani in ka hrelo.
A tih theih dan ber om chhun chu motor kenchhuah lo a, bus a chuan ani mai taxi man a to si. Kong khi siam thrat vak ngaihna om bok silo a.
Report this comment
November 5th, 2007 at 4:52 pm
Ainawn, i ti dik chiah. police lam thilah hi chuan in hriatthiamna hi a tha ber lo. Parking fee khawn hi ka dem hran lo. mahse kan park duration a zir hian min khawn se chuan ka duh khawp mai. 2 mins leh 1 hr park man a in ang hi chu buaithlak. chuan, a fee khawntu ho hian kan park dawn/ lak chhuah dawn in min assist ziah bok se, fee khawn pop ringawt lovin. Min park thrat pui duh si lo, tlan chhuah dawna rawn in lar leh si hi an tam khawp mai.
Report this comment
November 5th, 2007 at 4:56 pm
niaa… a time te hi ziak thlap se.. park hma in a thra khop ang (tunah hian azl ah an ti nge tilo chu ka selo a)
Report this comment
November 5th, 2007 at 5:18 pm
Kei chu hetiang lampang hi chu ka til then zawng a ni lo tawp mai
Report this comment
November 5th, 2007 at 5:28 pm
Mizoram lirthei khalh tu te hi kan fimkhur lo in traffic law kan zahlo fo. Chutianga dan ang taka an hna an kengkawh a nih chuan Aizawl kawng chep takah ngat phei chuan a tha lutuk tlat in ka hria. Mahse, motor an tow (laksawn) a an ti chhia a nih chuan an tih chhiat man chu an chawi tur ah ka ngai thung.
USA angah te hian an strict mai mai teh mai ania. Entirnan, Motor dang pakhat mah a awmlo tih pawh hmu thei reng mahla, STOP sign a awm a nih chuan, i ding anga, vei lam ding lam i hawi kual phawt anga chumi hnu ah i kal leh chauh tur a ni. An dan te hi mipuiin an zawm tha tlangpui a, chuvang chuan a ni heti khawp a lirthei tamna ram ah hian accident a tlem zawk ni….USA a car ringawt hian khawvel hi vawi hnih chuang a vet kual thei tih a ni. Motor khalh chak vang ringawt te hian $120 plus point a ni tlangpui. Point i ngah chuan motor i khalh pawh an phal lo hial ang.
Report this comment
November 5th, 2007 at 5:42 pm
Rules a awm anih chuan ‘uniform’ tak in enforce mai se la a tha ber mai awm e. Chutah mipui lam in , a khirh lutuk anga hriat chuan a ‘rules’ zawk kha tlem a her rem leh hret mai in a tha zawk in ka ring. Rules implementing agency kut a ‘discretionary power’ dah tam lutuk chuan , thil hi a kal dik har zawk awm e.
‘Rule of law is better than rule of man’ an ti ani lawm ni??
(thuziak leh comments te chhiar chuan, kei nin motor kan neih ve meuh chuan , mi in ‘ke’ a kal an uar leh tawh zawk dawn tihna ava ni awm em
Report this comment
November 5th, 2007 at 6:35 pm
Fair taka dan an lehkawh chuana tha. Aizawl hi a tawt tawh em hi.
Report this comment
November 5th, 2007 at 7:27 pm
Hei hi alawm DAN famkim lohna.
mahse a trul tlat ani he khawvelah hi chuan…
Report this comment
November 5th, 2007 at 8:45 pm
Kei chu strict em em ringawt maise ka lo ti ve ringawt mai a sin. An intih thu peih ah an strict peih chhung chu han ti se a tha ngawt ang chu.. tichuan kawng a chep ti a phun phun a zia deuh lo maw. Bangalore style hian park lohna hmun a park ho hi chu engmah sawi set set lo hian thiar zung zung mai se ka lo ti mai a sin….
Report this comment
November 5th, 2007 at 9:11 pm
helmet an lo lak ringawt thing hi dan in a phal em? Hmanah pawh two wheeler parking tih in tar dinglamah ka park a, helmet an lo la.
Arrow pawh a in kawh tir miah lo. Public notice a nia hrait tur alom a lo ti traffic constable ka helmet lo la tu chuan. Chu
heta ka sawi Vanlalnghaka hi a nia.
https://misual.life/2007/11/04/o.....am-police/
hetih lai chuan boralta Jimmy a kha 800 hian a lo tlan a, ti nge hi a rawn tia. Chu 800 number bu 9898 a ni nge nge.
Report this comment
November 6th, 2007 at 12:00 am
Ekhai, kei chu Mizoram trafic police ho nem lutuk khi a zin ka vei zawk ni. Dawrpui pheia park thin ho phei khi chu sut tlang hmiah hmiah tur vek an ni. Insutpelna awm lo dawn dawnin an rawn park chhuak alom le.
DAN a awm chuan DAN chu kan himna a ni. DAN kengkawhlo Police an nih chuan an hna an zolo va, ban tlak an ni ang. Chuvangin DAN an zam a nih chuan an kengkawh ang a, kan zawmlo a nih chuan min hrem tur a ni. Ram changkangah phei chuan kawng pemthuam tinah leh mipui kawngkanna cross-line bulah te hian Camera an dah vek a. Speech limit ah te phei chuan Camera tha ber ber an dah a. Min hmu miah lo emaw tih pawh hian bill a rawn kal a, insawi fiah tumin han tang teh mah ila, camera record ah kan car number leh speech engkim a chuang vek si a. DAN ang thlapa chawisa chawi a ngai tho tho. Chu chu mi tihdan a ni.
Mizoramah te chuan inhriatthiamna hi a la nasa em em zawka, an chawi tir tak tak chin te hi chu awmlo ve tak thin chu niin ka hria. Kei chu tun ai khian a let 5 velin khirh zawk se, DAN zawmlo chu pawisa chawitir hmiah miah se, tul vaklo va motor hawl chhuak fo leh park tha mumal lo ho te khi an tim phah ang a, kawng tawt lutuk pawh a ziaawm phah viau ka ring. Sawrkar sum hmuhna tha tak a ni thei bawk ang.
Report this comment
November 6th, 2007 at 1:30 am
ngaihdan maw…a chep leh lutuka ngaihtuah chhuah leh tur remchang dang pawh ka hre tawh lo….free vehicle cityah siam ila a hahdam thlak ber awm e.
New Aizawl din a ngai ani…chuti anih loh chuan a ngaihna reng ka hre ta lo veee…
Hospital, bazar pui/lian, sorkar office-mipuiin kan dawr nasat bikhote,etc veng hrang2ah nei thluah thei ila mipui insulpel tam lutuk chu a zia mahna
Lirthei kal vel tihtlem a ngai; parking fee chu sang hlee rawh se, chu chuan khawpui chhunga lirthei veivak a ti tlem ngei ang, mahse town bus leh taxi fare sorkarin khauh takin vawng thung se.
City ring road siam ni thei se, chu chuan lirthei kal dan thunun a tinuam sawt ngei ang.
Report this comment
November 6th, 2007 at 1:45 am
Kei chu a thu hrim in thil reng reng ah Mizo in unau na te, in hmelhriat na te hi a tul hun ah chuan dah bo a tha ka ti, hemi topic ngawr ngawr ah lo pawh thil dang reng2 ah pawh, mi in thil a tih sual a, dan a bawh chhiat chuan a thil tih sual mah chu a chawi tur a ni lawm ni, chutiang ni lo a, in hmelhriat na te, unau na te leh in lai chhin na te kan dah hmasak zel a,an thil tih sual ang ang kan thupui emaw, kan ngaihdam emaw a lehlam ah mi in thil a tih sual tho si chaun “Dan” neih hi eng nge awm zia awm ang?hetiang a kan in hriat thiam zel dawn chuan Mizoram ah hian hmasawn na a awm lovang ka ti lo mahse hma kan sawn tur ang in kan sawn thei lo ang.
Report this comment
November 6th, 2007 at 1:59 am
Zorun Speech limit ni lo in Speed limit a ni zawk lo maw?
Report this comment
November 6th, 2007 at 2:18 am
Mizoram police chu an hna thawk tha dawn mahse, sawrkar hnathawk/an fate emaw an nih chuan transfer hi alang nghal ngawt zel bawk si a ni. Mizo mipui te hian dan kengkawh tu te kan thlawp a ni tih lan nan hian kawng te hi an hming hian zawh ve thin ila ka ti. Kawng zawh kan uar bawk a, police hna thawh that ( dan chhungah) vanga transfer te an awm a nih chuan. Mipui in kan support na kan tih lan fo chuan sawrkar milian eiru ho transfer pawh an hlau lo anga dan dik takin an kengkawh thei zawk ang tih rinna sang tak ka nei a ni.
Report this comment
November 6th, 2007 at 2:23 am
@keimahvemaimai; aw, ni chiang e, ka type sual a ni. (Sorry)
Khawpui tawt lutuk hi chu rikrum thil thuah kan la him lo chiang viau dawn a ni. TLemin lir han nghingin bulding panga vel a rualin han chim phei se chu, phung zinga biring vawrh.. an sawi ang deuhvin kan ri nuaih nuaih ang a, chhantu pawl chet ngaihna awmlo khawpin kan tawt tawh ang mawle. Hnam fing zawkte chuan rikrum thila inven nan engkim felfai takin an ruahman lawk a ni ngai a, keini erawh kan duh duhna hmunah building lian pui pui kan sa a, kawng kam hnaih te te ah motor kan sil a, kan duh dan danin kan awm mai a. Zalenna pawh hi limit a awm loh chuan hun lo kal zel atan a tlo reng thin lo.
Khit khawpa khawpui tawt ni tawh si khi, Milenium Center kan la sa luah mai a, market te chu indawrna a nih avangin Car emaw lirthei emaw ken ngei ngei a lo ngai a. Parking lam ngaihtuah tel a ni lo nge maw ni aw ka ti thin. Khawpui tawt tawh lutuk titawt lehzualtu tur a la ni ang.
Tin, Lammual pawh Indoor Stadium atan ruahmanna an siam mek niin ka hria a. A pawi ngawt dawn a ni. Tunah pawh kawng tawt lutuk leh trafic jamah kal ngaihna kan hre tawhlo a ni si a, chutih laia Stadium puitlinga siam a han nih leh phei chuan parking sawi loh trafic jam avangin kan la buai ang a, eng emaw rikrum han awm palh phei se chu chet ngaihna a awm dawnlo tihna a ni. Heng Stadium puitlingah ngat phei chuan intihbuai a awm lo thei lo va, kan hmahun hi a englo. Ngaihtuah chian a ngai khawpin ka hria.
Heng ai chuan, aizawl khawpui hi zauh a hun tak zet. Lengpui thleng khian Aizawl khawpuiah chan tir a hun tawh. Lengpui leh aizawl inkarah hian tuna khawpui chhunga office pawimawh tak tak leh zirna hmun pawimawh tak tak te hi kan sawn chhuah a hun tawh. Secretariat tam zawk khi khawpui pawn deuh hleka awm tur an awm nual. Chutianga khawpui pawna building pawimawh tak tak leh office lian tak tak sawnchhuah a nih chuan reilo teah khawpui tawt lutuk chhung atangin mi tam tak kan pem chhuak chum chum duh ang. Bus service a tha lehzual ang a, Kawng pawh tun ai hian a letin a tha ang. Quater leh office a awm dawn avangin reilo teah dawr leh workshop a awm ang a, khawpui chhungril atangin mi tam tak chuan kan pan ang a, reilo teah khawpui chhung tlukin a inzawm vek mai dawn a ni. Chu chu Zoram hmangaihtu leh Zoram hmakhua ngaitute hmalakna dik tak tur niin ka hria. Chutiang a nih loh chuan rikrum sawi loh aizawl khawpuiah hian kumtin mi tam tak an pem lut a, pem chhuak sawi tham an awm tawh si lo va, kan la in ekchhe beng zel dawn te pawh niin alang zawk.
Ka han ngaihtuah a, ka ngaihtuah nawn leh thin hian, Pu Thena plan kha a lo ropuiin a lo hmu thui ma nge aw ka ti vawng vawng thin. Aizawl khawpui tana a plan leh Zoram tana a lo plan ho kha lo zir chiang ve teh u. A thlir thui zia leh a hmuh thui zia in hrethiam thei ang.
Report this comment
November 6th, 2007 at 5:40 am
han ziak ve leh tawp phawt mai ang aw…
@lalrem i thu rawn ziah hi a tha khawp mai, mahse mizo kan nihna anga kan in ngaihnathiam zel dawn anih chuan Zoram tha hi kan din lul in ka ring lo. Dan chu dan anih angin kaltlangpui ngam ila, zawm tur anih chuan zawm mai ila.
Mizo te hi hnam ngaihsam mi kan ni a, mahni ngaihdan anga midangte an awm loh chuan “ka ngaih ang a lo ni lo reng reng” kan ti sam et a, chu ai chuan dan tha te mi ram te pawhin an tih theih ang a tha lai hi entawn zel zawk ila a tha zawkin ka ring.
Report this comment
November 6th, 2007 at 6:04 am
@zorun – “Pu Thena plan kha a lo ropuiin a lo hmu thui ma nge aw ka ti vawng vawng thin. Aizawl khawpui tana a plan leh Zoram tana a lo plan ho kha lo zir chiang ve teh u.”
Rawn post la, lo thlir tlang ang u, nuam viau ang! >:)
Chuan, nuihzathlak mai mai chu, traffic police chu strict thokhat ah lo dah ta ila, a mipui te hi kan luhlul nge mawl muk lutuk, chuti khawp a strict kar ah khiti khawp kan kawng a order awm thei si lo khi mak. Hnawk buai nuaih, traffic jam, etc etc – …a kawng in a zir loh chu thudang ah lo dah ila..
Report this comment
November 6th, 2007 at 9:05 am
commets a tha hlom hle mai!! kan tuihnih ve hlak! New Zealand hi % a chhut chuan private car nei tam ber pawl ram a nia. Wellington city-ah chuan super markets, malls, stores lian deuh, universities, colleges, hospitals, office buildings,etc.. ah reng2 a building awmna hmun ai a zau hi motor park-na tur a awm vek a free vek a nia. City centre chuan public parking-na tur building chhawng -5 te an sa tawp a, kawng sir public parking-na ah pawh khawlah coin[pawisa] an thlak a an parking hun dar kar a zirin cheng an thlak a coupon rawn chhuak kha an motor chhung hmalamah an zep a, traffic polices ten an rawn en a an park hun darkar a pelh chuan an chhinchiah a an fine zattur lehkha an motor hmaah an lo thiat a. A fine hun diktak a an fine loh chuan an chawi belh tir thin. Parking phal lohnaah an parking chuan traffic polices in an rawn hmuh veih chuan towaway[an hnung sawn] hmiah2 a $250 ni ta in ka hria an chawi tir thin. Chuan parking man hi a to ve em a vang in car nei tam tak pon a tul hle loh chua car an khalh chhuak mai2 lo. Bus chuan mai hi a awlsam in a save zawk a, hnasang tak2 thawk ho pon an car hi bus stand kiang a thlawn a parking theihnaah an car an park a bus an chuang deih zel.
Thiang deuh hian izl poh hi felfai tak leh dan khoh takin ti vese. Chuan parking man hi han ti sang em2 bok sela, bus fare erawh tlawm thung se chuan traffic problem hi chu a zia deuh a rinawm.
Chuan ke a kalte, bus chuante hi zahtlakah ngai lo bawk i la. Ram changkang chuan ke a kalte hi hriselna ngaipawimawh m i a ang ngai a an in tithei let ling zawk a. Keinive kan neihin tlin tak2 silo engamah hma a in lak lian kan tum a, kan chenna hmunhma dinhmun ngaihtuah lek lo in kan khawsa thin hi chu a changkan lo tlak deuh in ka hria.
Report this comment
November 6th, 2007 at 1:31 pm
@Maimawm; tunah mai chuan post tur ka nei mai lo. Mahse, ka chhiar tawh. Hetiang deuh hi a ni.
Mizoram tan hun lo kal zel tur ngaihtuahin Power changtlung kan neih a la ngai dawn. Hmasawn tak tak tur chuan power tha kan mamawh a ni… a ti a. Bairabi khuah te a duh a. Mahse, hun a duh rei dawn avangin mipuiin ‘ a dam rei nghah thil em mai’ an ti a. Tunah kum 20 vel a liam tawh a, power kan la nei tha chuang si lo? thingtlangah phei chuan power an nei ve lo hrim2 zawk a ni.
Inkalpawhna tha kan neih thuai loh chuan nakinah kan la buai dawn a ni, rethei leh hausa kar a zau ang a, thingtlang mi leh khawpui a chengte dinhmun a inthlau dawn lutuk a ti a. Kawng tha tluantling sawi tur erawh tunthlengin kan la nei chuang si lo.
Lengpui Airport pawh hi a plan sa vek a ni a. Hei erawh Pu hawla khan a rawn chhunzawm a, engti khawpa tangkai nge a nih? kan hre mai ang a. Kan inchhir lo hle lom ni?
Aizawl tawt lutuk tur a hmu lawka, nakinah chuan kan la buai dawn, khawpuiah mihring an tlem tulh tulh ngai lo, kan tam tulh tulh dawn, aizawl hi lengpui thlengin i zau ang u, tiin plan a siam vek a. Mahse, an zauh duh lo va, kan tawt dan chu kan hretlang ngei ang a. Rikruk lian tak awm se chu, kan buai zia mai tur chu.
A tawp nan: Mizoten eizawnna kan neih a ngai. Intodelh kan tum tur a ni, a ti a. Buh leh Thlai bakah theirah chinna tur hmun hrang hrangte a ngaihtuah a, kuthnathawka eizawng turin mi tam tak a fuih a, plan a siam a. Mahse, sawrkar lo awm leh ten an um zui lo va, Kuthnathawktute chuan nawrh mai loh chu tih theih nei tawh hek lo. An thawhchhuah a tlem si a, sawrkar sum hmuh ve tlat an phut si a, an intodelh lo chiang khawp mai.
Report this comment
November 6th, 2007 at 2:11 pm
off topic deuh tawh na in, tha hnem kan ngaitlang ani ange
mizoram a buh thar tu te hian an buh thar zawng zawng hi, fair price shop a buhfai man ang a chhut in , a pawisa in han chhut ta se la Rs 50,000/- thar chhuak phak eng zah tak awm ang maw??
chutah, hralh chhuak duh ta se la, khar chhawng/middleman hnen a hralh mai anih loh chuan, transportation cost a awm ve leh ang.
mizoram tlangram kawng chhia nen , fur apiang a khaw nal nen transportation lam tur in lu a ti hai!
ka ru ei zawn na tur dang ngaihtuah ila, kut hnathawk tu te hian kan sum lak luh chuan buh chu kan lei mai anga, saving kan nei thei zawk lovang maw
NB: Brig T Sailo , chu pa fel tak ani ang, mahse a hlawh chham na lian deuh mai pakhat chu, civil administration kha military administration anga kaih hruai atum a, military ah chuan ‘chain of command’ an tih ang kha chak deuh mai a awm a, civil administration ah chuan alo ni si lova, kha tak mai kha a tih dik loh leh a tlak na chhan pakhat ani lo maw?
Report this comment
November 6th, 2007 at 2:21 pm
Pu Thena hunlai kha hun khirh tak mai a ni a. Kum 4 lek sawrkarna chelhah chuan ram tana a thawh ho hi chhut ngat ula, chawimawi a phu zia kan hre thei ang. Kum 10 dawn ve ve Cong leh MNF te thawh hi han ngaihtuah ula, kum 4 chhung leka thawh nen a danglam tamlo a sin.
Tin, a hunlai kha MNF ramhnuai boruak san lai tak a ni a. Chutah dawt hlang hlaka hek a ni a, jail bang pawh a zut phah hial kha. A nihna takah MNF hruaitute nen inbia in, in in pe dawn a nih pawhin silai tung hmasa suh ang che u, in in biak rem vek tawh hnuah in tung chauh dawn nia, chuti lo chu an zuam lutuk ang che u, a ti a. An inrem siam diam tawh hnuah CID in he an in biakna hi an lo hre ru thei tlat. Tunge hek ta ang? Laldenga? or Midang?
Mizote hian, dik chu dik, tha chu tha, fel chu fel leh thawk mawp mawp mai chi aiin, tawngkam thiam tak, dawt pawh mam taka sawi thiam, a thawh aia a theory lama mithiam, central dawr thiam leh chawmhlawm pawi ti hauh lo hruaitu kan ngai sang zawk a ni ber lovang maw?
Report this comment
November 6th, 2007 at 2:38 pm
1984 assembly election ah khan buhfai van em em lai pawh in PC minister vawk vulh chuan ‘fine rice’ lo chu an ei ngai lo, ti tu te kha eng party nge maw ni ta le
tin, a plan and vision an tih teh chawk hi sawi ringawt ani nge, record a hma lak na tlem tal a awm em tih hi hriat ka chak ve thin
pu Thena chu amah mimal chu pa fel tak ani ang, mahse political/administrative system thaw rawng ve ang reng tak mai a rochun a. mimal chuan tih theih chin anei anga, mahse thil daih rei a tha tak tak tur chuan ‘institution’ bak in a tih ngaihna a awm lo e, hetiang lam ah chuan contribution a nei tam vak bik lo e, kan ti ve duh lawk ani e
district council/UT hun lai atanga chhungte leh vua leh vang,party mi leh sa, in duh sak na kha pu thena hun lai in danglam viau na a awm em? a hun lai in system in thlak a awm em?
an campaign hla te kha ‘PC sawrkar chu PC tan’ tih te ani lawm ni? upa ho ka atanga kan hriat chu!!
Report this comment
November 6th, 2007 at 3:23 pm
Hehe, ni e, a vision hi a nia ka han sawi ber chu. Power, Intodelh, Kawng, Kuthnathawh etc.. bakah Aizawl khawpui tawt lutuk hi a hmuh lawk avangin khawpui zauh dan tur a lo ruahman vek tawh a, an chhunzawm duh loh avangin tun dinhmun hi kan thleng ta a ni a. Power kan nei tha lo va, Kawng a tha chuang lo va, Aizawl khawpui a tawt tualh tualh tak siah chuan Pu Thena vision kha a lo tha ngawt mai, party dang hian chhunzawm se, Zoram hmasawnna tur dik tak a ni awm si a, kan han ti a ni.
Politician thenkhat ka kawm ve zeuh zeuh a, Congress MLA zingah pawh Pu Thena hi chu la naupang deuh se chu ka zui ngei ang ti an awm nual.(Mimal takin) a eiruk cheng khat pawh sawi tur hria an la awm lo. Loan pakhat mah la ve lo MLA awmchhun a ni record ah. i sawi zel ang..:)
Report this comment
November 6th, 2007 at 3:41 pm
Aizawl Traffic hi chu soisel tur ka nei ve tlat mai, voi hnih lai min man toh lehngalh, a chhanchu bazar phei ah khian dropping zone tih khi an tar si lo a, motor a in park thup a, kan park ve lok a, fee khontu nu hnenah “kan PArk don” kan ti a, “park rawh u ” a ti a, parking tkt lah chu min pe mang si lo a, kan dilin nakin ah ati mai a, dropping zone chu lo niin an lo tow daih a, Rs 450 kan han choi phot a, dropping zone a lom an ti a, dropping zone tih kan hre hlei nem, in ziak si lo, keini mikhal tan e nge kan hriat ang, motor dang poh a in park tuar si a, kan ti a, a..reilo te din , thil han lei lok chauh a lom kan phal an ti a, a zialo khop mai, khoiah mah chutiang ziak a om si lo. Apek bank kawtah inthlahrung deuhin kan park a, kan chhuahdawn chauh a, tkt min pe a, parking fee an la khon zui. Motor kan park luh veleh khan tkt min pe tur a ni a, mawh an phur tawh tur ani, fee la ho hian, engkim afel vek hnuah , mawhphurna la duh miah si lo a, Fee an khon hi chu ka ngaihdan ani miah lo. Tin, kawng achep an ti a, an phun luai luai, motor park dan te khi dik hek lo, thawl deuh deuhin an pawrk a, kan fee khon ho lah khain han sizing chu soi loh, motor an khal thiam mang si lo a. Dawrpui phei privet motor ho lah hi an ram area ah poh ni lo, parmanent deuhin motor na park reng bok si, hengte hi kawnchep an ngaipoimawh a nih chuan khap ve se, Aizawl zawng chet sual a awl em mai, an practice hriat ve kil kel loh chuan. Tin secretariat Traffic a motor hel dan leh State bank hlui bula trafiic hel dan rule khi a dang leh daih bok si a, mikhual an beisei em em loh vang a ni ta ve ang.
Report this comment
November 6th, 2007 at 3:53 pm
Kei chu Mizoram Politic soi hi ka peih lo, Zoram hian thil tha kan duh lo a, chuvang chuan , kan phutawk zel Lal Pathianin min pe,
Pu Hawla pawh, Pu Zorama pawh Pathian in Zofate kan duh taka kan thlan lal an nih hi. Engang pawisa tam pawh Delhi tlangin min pe mahse, Zoram mipuite hian thil tha duhna thinlung kan neih hma loh chuan engmah a sawt don lo. Esopa thawnthufinga, chungu ho LAl dil ang vel kha kan ni e
Report this comment
November 6th, 2007 at 5:33 pm
Zorun hi Switzerland of the West atangin Mizoram ah politik khelh i tum chiang lmao:) fiamthu:) huat awih loh
Engpawh nise, politics khel hrim hrim ho hi ka hlau tlangpui. Tawngkam an thiam a ( an eizawnna ania:)) an sawi mam thiam ropui hlawm si a thu reng reng hi, an han tlak duah tawh hi chuan a awm ang zo vek zel mai. Hnaih loh an him ber mi pangngai tan chuan.
Politics awm lovin a dik nang, ram rorel tur kan mamawh alawm kan tih chuan, mi le lo ho…thutak nunpui ang a lang thiam ( the great pretenders) ho in khel rawh se ka ti mai.
Report this comment
February 7th, 2010 at 10:27 am
Inkhom lo in va tam ve
Report this comment
December 13th, 2011 at 4:07 am
faustus eberle…
[…]Traffic police an thu ber? | mi(sual).com[…]…
Report this comment