Kum 15 chin hnuai lam tana buatsaih Manchester United leh Nike company te tang tlangin Manchester Premier Cup 2008 chu khawvel hmun hrang hrangah qualifying round khelh chhoh mek a ni a. India ramah pawh Manchester Premier Cup qualifying round hi khelh chhoh mek niin Nike company leh All India Football Federation te tang tlangin he tournament hi an buatsaih a ni.
North and East Zone qualifier ah Mizoram aiawhin Sarva Shisha Abhiyan Football Academy te an tel a. Mizoram aiawh a tel SSA Football Academy te chuan ni 14 Dec zing dar 8 khan JCT Pagwara Football Academy, Punjab nen inkhelin 2 – 0 in an chak a, hemi ni vek chawhnu dar 3 khan Chirag United, Kolkata nen in khel lehin 3 – 1 in an chak leh a.
Ni 15 dec hian Uttar Pradesh Football Academy nen zing dar 9 : 30 ah an inkhel ang a, chawhnu dar 2 :30 ah Chandigrah Football Academy nen an inkhel leh ang. Inkhelh hun chhung hi minute 20 + 20 chiah a ni a. SSA Football Academy naupang te hi semi final an lut a nih chuan India final an khel thei dawn a ni.
South and West Zone qualifier chu tunah hian khelh zawh a ni tawh a. Mahindra United, Salgoacar, Sporting Club de Goa, Cosmo Football Academy te chu India final khel tur hian an tling tawh a. North & East Zone lamah hian India ram a football club tha tak tak East Bengal, Mohun Bagan, JCT, etc te an awm a. Tute te nge East & North Zone aiawh a khel tur tih he chanchin ziah a nih lai hian a la hriat chian theih loh.
India rama qualifying round hi hmun hnihah khelh a ni a. Chennai ah North leh West Zone ten an khel a. North leh East zone ten Chandigarh ah an khel mek bawk . Heng zone pahnih a semi finalist chin te chuan India ram bikah final round kumthar 2008 january ni 20 hian Goa ah India final an khel leh ang. India rama champion te chuan South East Zone ah India aiawhin an khel leh ang a, chuta an la chak chho zel a nih chuan World final, Manchester United home ground Old Trafford ah ngei mai an khel dawn a ni.
Manchester Premier Cup World final ah hian nikum khan Mohun Bagan junior team te an khel tawh a. Mohun Bgan team ah hian Mizo naupang pawh pathum lai tel ve in an zinga a mi David Lalrinmuana phei kha chu India naupang zinga Old Trafford a goal thun awm chhun a nih mai bakah he tournament ah hian a chet that em vang pawh a ni ngei ang Nike hoin contract an ziah pui nghe nghe a nih kha.
Similar Posts:
- Final round khel turin Mizo naupang
- A vawi nga na atan Mizoram champion thei a ngem?
- SSA team hnawl an ni
- Combined Post: Website thar leh MZU Football team
- Mizo footballer ten India tan an thawhhlawk
December 14th, 2007 at 11:32 pm
han tang fan fan teh u, voiinah pawh khan kan en che u a, naktukah poh kan lo en leh ang che u. kawr hring vek kan lo ha leh dawn e
Report this comment
December 15th, 2007 at 6:36 am
Ni e, han tang fan fan teh u. India ram aiawha Old Trafford-a khel thei ngei turin duhsakna ka hlan a che u.
Chuan… in lo haw hunah Man Utd T-shirt min lo hawn dawn nia…. akekeke.
Report this comment
December 15th, 2007 at 9:08 am
He tournament Official name chu “Nike Manchester United Premier Cup 2008 India Chapter” a ni. An website (https://www.kolkatafootball.com....._2008.html) en chuan Sarva Shisha Abhiyan Football Academy leh Chirag United F.C kha nimin (December 14) khan inkhel tur anni a, Football Club Mizoram leh JCT nimin tho khan inkhel turin a inziak.
Vawiin hian Sarva Shiksha Abhiyan FA Vs U.P Football Academy match leh Sarva Shiksha Abhiyan FA Vs Chandighar Football Academy match awm turin an ziak a, Football Club Mizoram chu a lang zui tawh lo.
Report this comment