He khawvelah hian hmangaih takin min enkawl a, ka hlim loh hlauvin ka duh zawng tinreng (a theih ang tawkin) min pe ve a, a tana hrehawm pawh pawisa lovin leh mite selna pawh zah zo lovin min enkawl a, ka tana tha turah erawh chuan na deuh tak pawhin min ti deuh hrawk hrawk thin mahse, a mi hmangaihna a ni tih ka hrethiam khawp mai.
Mite angin nei lo mah ila, rual awt lutuk erawh kan ni bik lo, a mi hmangaihna min hmuhtir a, ka tan engkima engkim a ni. Ka thlarau nun a hmu chiang em em a, min siamtu hnen ka thlen loh hlauvin Pathian thu nen uluk takin min enkawl a, zirna lamah lah thehnemngai takin, zan tai rek rek thlenga ka zirnaah min thutpui a, ka tan hian engkima engkim a ni awm e. Zirna lamah ka tluang viau a, vantlang chunglam ni lo mah ila, eizawnna khawp hna erawh ka hmu ve angreng viau a, hei hi min enkawlna avang liau liau a ni.
Min hmangaihtu leh ka hmangaih em em ‘KA NU’ chuan chatuan ram min pan san ta a, he khawvel hi a ruak chiang kher mai. Nitinin a mi hmangaihna ka hre thar zel a, a mi hmangaihna hlut zia tak kha aw….ka tan hian he leia Rangkachak zawng zawng ai pawh hian a hlu a, ni e… he khawvela pawisa zawng zawng pawh hian a lei zo lo tih ka hrechiang a ni.
Ka nu duh tak min hmangaihna kha nitin hian ka hre thar leh thin a, amah anga min hmangaihtu kha he leiah hian ka tawng leh tawh lovang.
Ka nu mangtha le, i mutna lei daiah chuan hahdam takin chawl la, i hnenah, min hmangaihtu Pathian i sawi fo thin hnenah khan min lo hmuak ang che…
Similar Posts:
- Ka hrai duhlai
- Hmangaihna hi enge a awmzia?
- Min hmangaihtu vs Kan hmangaih
- Hmangaihna – Naupang ah
- Ram Mamawh Hmangaihtu Dik
February 11th, 2008 at 2:48 pm
”ka tan hian he leia Rangkachak zawng zawng ai pawh hian a hlu a, ni e… he khawvela pawisa zawng zawng pawh hian a lei zo lo tih ka hrechiang a ni”
He lai tak hi nu/pa la chan lo te chuan a hre thiam kher lo mai thei. Mahse kei chuan ka hriat thiam pui ngawih ngawih che. May your mother’s soul rest in peace.
Report this comment
February 11th, 2008 at 5:09 pm
Hman lo teh mah i la, hetah hian comment pe tur niah ka inngai ve tlat mai. Keipawh ka nu thih atang khan nu hlutzia hi ka hrethiam ve dawn chauh niin ka hria.
Englai pawha min tawngtaisaktu pakhata a han kiam ta te, Ina haw nikhua a kawta min lo hmuaka, mittui nena min thlahliam leh thin tu mi pakhat a awm ta lo te, damloh nikhua a ka tuar ai tuar duh ngawih ngawih khawpa min lainata min enkawl thin tu a han thi ta ringawt mai hi chu tuar thiam mai zawng a har dawn a lo nih hi. Ka tana a rilru leh ngaihtuahna zawng zawng seng thin tu, thawhrim vanga a kum aia lang tar, ka nu ngei mai kha a mar ka deh reng lai khan a tawp tawp mai kha a ni a, engtinnnge ka awm tih kha ka sawifiah thiam lo.
Ka tana a hlutzia ka ngaihtuah a, a nih tur anga ka ngaihsak let ve loh thinna te, ka hmangaihzia ka lan chhuahtir tawk lo te khan ka rilru a tina thar leh thin. Danga, keipawhin ka hriatthiampui che. Tih theih a awm tawh lo va. An hniakhnung zui a, thu tha min lo hrilh thin te rinawm taka zawm zel hi kan hmangaih let ve theihna chu a lo ni ta. Muang takin an chawl ta a ni tih hi i hre reng phawt mai ang.
“Ka nu hi zah ber tur a lo ni, ka Nu ka Nu duhtak chu…”
Report this comment
February 11th, 2008 at 6:51 pm
Hetiang tawng tawh ka thianpa pakhat pawh he dinhmuna ding tawh hi a ni a, hetiang mi te hi ka hrethiam khawp mai. He khawvela misual ber pawh hi a tawpkhawkah chuan an nute an au ruai ruai thin a nia aw. Nute hmangaihna tluka hlu hi he khawvelah hian awm tak ang maw?….
Report this comment
February 11th, 2008 at 8:31 pm
Mizo tawng website ah hian thu ziak thiam tehchiam lo tena essay emaw article (an thiamlo tih inhre map lovi) an ziak thin a. “Vanglaini” ah a lang zing viau. Mahse ‘danga” article khi chu a ‘flow’ dan a mar nalh in a thu chhehrem dan a nalh khawp mai.
Report this comment
February 12th, 2008 at 2:27 pm
Thank you very much, Vladimir Putin.
Report this comment