Mizote hi kan lo dai zau ve tain India ram mai ni lo rampawn lam thlengin kan inbengbel a, thiam hrang hrang kan zir ve ta nuk mai. Ram dang leh ramchhung hmun danga khawsak leh zir hi changkanna chikhat chu a ni ngei mai. Thalai tam zawk duhthusamah pawh ram pawna zira thiamna sang tak nen eng company-ah emaw thawha hlawh tha tak neih a ni ngei ang.
A tha e. Mahse, heti zawng hian i han ngaihtuah teh ang. Kan thiamna leh finnate rampawna kan hmanral daih hian mahni leh chhungte tan chuan a tha ngei ang. Amaherawh chu mi zawng zawng kan kal chhuak vek thei si lo. Chumi atang chuan kan ram riangte hian engnge a lo hlawkpui ve tak ang? Ram danga kan thiamna sang zirte kan Zoramah hian luhpui lehin kan ram tan kan chhawrnahawm thei viau dawn a ni.
Sorkar hna lam ka sawi lova,kan thiamna leh finna hmangin Mizoram a lo changkan zawkna tur kawng dapin hmalak a theih a ni. Midang kal chhuak ve thei lo tan thiamna kan pein eizawnna pawh kan siamsak thei asin. Tichuan kan ram tan contribution hlu tak kan siam don a lo ni. Pu VNT of Lengzem pawh hian helam kawng, midangte eizawn ve na tur siamsak lam hi a tuipuiin sawi pawh a sawi ngun narawh e. Kan ram kan ta tan hian bat kan nei a ni lawm ni?
Engtinnge kan rulh let ve tak ang le?
Similar Posts:
- Mizoram ei-da tu Sawrkar hnathawk te
- Ram danga pem (Immigration)
- IT lam mithiamte chhawr tangkai dan a awm em??
- Ram hmangaihtute tan
- Siamtu i fak ang u
a tha khawp mai
February 12th, 2008 at 12:22 am
Topic tha tak a ni.
* Ram leh midang chu thuhran nise, a hmasa berah chuan chhungte tan pawh ni lo, mahni tan lekha kan zir, hna kan thawk. Midang atang a tangkai tur chuan mahni ke ding hmasak a ngai. Chumi hnu ah a dang chu.
Steven Covey an “Seven Habbits of Higly effective People” ah khan “Interdependent” hma in “Independent” a ngai a tih kha. Mizo te hi tam tak hi
ka independent mang lo a nia. Mahni nupui te stay free leina tur pawh nu leh pa sum ring turing nupui te kan la nei a.
* A ram pum zawng pawn “Brain Drain” in kal liam zel tih kha a nia. Hei India ram economy a tha, hmunpui lamah experience rawn nei tha tak tawh te pawh an rawn leh ve zel bawk a. Chutiang chuan mi experience tak tak te hi nakinah chuan an Mizoram lam an pam ve lovang ti a sawi theih loh. Nakinah kan economy ten zir ve se la.
* Ram pawnah tha takah kan thaw hian thil tha tam tak kan ti thei. Kan thawhna reputation tha tak ka siam thei te anih phei chuan, kan Mizopui te tan kawng kan hawn sak thei.
A dang chu sawi hrih lo mai ang. Chuan
weekend a tlem lem tur hi dang bawhchhe kher lo hian tih dan awm ve se
Report this comment
February 12th, 2008 at 8:37 am
Mizo lehkhathiam Zoram tana tangkai tur chuan kan inrelbawl dan leh sum luh leh chhuah danin a zir a ngai phawt. Tunlai Zimbabwe, Myanmar leh Iraq te hi an mi lehkhathiamte siam that theih ani lo. Anni ang emin kan dinmhmun a chhe lo. Mahse Mizoram ah private sector dinhmun a chhe lutuk. Sorkar thu, sorkar sum, sorkar contract, sorkar subsidy, sorkar grant, sorkar vohbik, sorkar motor, sorkar tui, sorkar kawng, sorkar damdawiin, sorkar damlohna in a ni vek. LPS leh Zonet te anga private sector hlawhtling hi a tam lo.
Kan ramah hian sokar hnathawk hlawh leh private sector hlawh a inthlau lutuk a, ram dangah chuan sorkar hnathawk hlawh hi private sector hlawh aiin a tlem thin ani a, kan ramah ve chuan a letling hu mai. India ram pumah hian sorkar sum khawn leh senso hi GDP atanga 15-20 percent lek ani a, Mizoram ah hian chuan 80 percent vel lai anih hmel. Heti anih vang hi ania sorkar tel lova chet a harsat em em ni. Thalaite hnena “sorkar hna chauh um suh u”, tih ngawt pawh hi a dik chiah lo. Private sector ah an hlawh ang hi hlawh sela chuan sawi pawh ngai lovin sorkar hna atchilh an bansan mai ang. In awih loh chuan Vanglaini a Lal Rawngbawla ziak “Information technology leh Mizote (link: https://vanglaini.org/index.php.....038;pid=41 ) lo chhiar ve teh u. He article tawp lama tanga chhiarin para 7 na ah heti hian a ziak: “SWAN Project thawhna tur sum cheng vaibelchhe za tel central atanga lo kal tur hian a kawng ngai zawhin a tum ram a thlen hma in Mizoram sawrkar official rual society din chawp sum bawmah a lut leh hmasa mai ang em?”
Khawi ramah mah (Zimbabwe, Myanmar, Iraq tiam lovin) sorkar hna thawk laiin NGO an siam thei lo, Rs. crore tam tak dawng thei lehnghalin. Heng thil tenawm avang hian Mizorama thawh leh Mizoram tana thahnemngaih a harsa em em ani.
Report this comment
February 12th, 2008 at 12:04 pm
Brain drain nge poi, Brain in the Drain…!!! Mizorama enterprenuers rilru pu a hnathawh tum chu hahthlak hle mai. Broadband nei tha si lo, electrict nei tha si lo, kawngtha bok si lo. project engkimah sawrkhar leh a hnathawk ten ei ber tumin an ka an ang hiau reng bok si. PVt LTD, leh Ltd ho tan chuan phur om loh deuh mai a nia, an in entertain na tur leh an nupui fanau te han in tih hlimna tur lah, khap deuh vek ani bok si. Brain Drain hi han tam phot se, infrastucture a lo that hunah kan ti HUK don nia.
Report this comment
February 12th, 2008 at 12:09 pm
===
Mizorama website lian ber te zinga mi https://www.izawl.com chu tih chhiat (hacked) a ni, a neitute chuan rang takin a titu awmna an chhui zui a, an hre ta. An khawl tichhe tute address (IP Address) chu Mizoram sawrkara IT lam buaipuitute office address (IP Address) nen a inmil thlap mai.
===
https://vanglaini.org/index.php.....038;pid=41
hei hi chu izawl.com lun em em tawh loh hnu zawk kha a nia.
Report this comment
February 12th, 2008 at 2:40 pm
Hei hi topic pawimawh tak a va ni ve. Amaherawhchu, ka hmaa sawitute sawi bak hi sawi belh em em tur ka hre bik lo khawp mai, Mizoramah hi chuan sawrkar hna thawk lo tan chuan eizawnna ngialnghet din hi a har a nih hi. Ram danga kan thiamna zir chhuahte leh kan hna thawh mek ang te hi Mizoramah chuan a ngaihna a awm hrih lo a nih ber hi a…Nakinah kum 20 -30 vel han liam leh phawt se la kan ziaawm chho ve deuh tawh mahna!
Report this comment
February 12th, 2008 at 4:54 pm
no comment
Report this comment
February 12th, 2008 at 5:07 pm
Thalai lehkhathiam kan tam ta a ni lawm ni,buan a hma a kherh ang zia zanga a ngaihna awm lova kan hriat tlat le!Thalai thiamna hrang hrang nei hian huaisen takin hma kan la ngam lo em ni?’phawt se’ tia phut kan neih hmasak hi a dik ber em?Kan economy that phawt emaw infrastructure that phawt hun kan nghah chuan engtia rei nge kan nghah ngai ang le?Economy thatna tur chuan private sector-te hian role an nei pawimawh viau asin.Foreign lam thiamna hnuk lut ngam khawpa kan tan a tul a ni.Sorkar nawr che a khalh fing thei tur hian thalai mithiamte hi kan chet hmasak zawk a tulin ka hre ve tlat. Engnge Pu Zorun,H.Vangchhia in ngaih dan? Shahnaz Kimi hi a va reh ta ve!
Report this comment
February 12th, 2008 at 5:19 pm
“Thalai lehkhathiam kan tam ta a ni lawm ni”
- tam lo a niang. bangalore leh a bul velah hian Mizo BE zir hi an tam em em khawp.
BE zir lai heti zat:
https://www.bangaloremizo.info/.....202007.jpg
Arts Zir heti zat lek:
https://www.bangaloremizo.info/.....202007.jpg
heti chhung hian campus recruitment-a placement hmu chu an awm pheuh pheuh.
offer reject te kan awm fer fur te anih loh chuan entreprenuer chu chhuak tam vak hmel loh.
Report this comment
February 12th, 2008 at 5:37 pm
Quality aiin quantity lamah kan tlan chak zawk a. Hei hi Mizo education system a ni rih tlat a. Zirtituten zirlaite mark tha an hmuh nan, exama lo chhuak tur an rin zawng zawng an by-heart tir chiam chiam thin phei hi chu hnuchhawn mak a hun tawh a ni.
@muantea, thil buaithlak tak chu Mizoramah chuan Thalaite hian hmun pawimawh an la luah thei meuhlo niin alang a. Entirnan, MZP emaw MSU emawah lo chuan bul tan ngaihna a awm meuh lo. YMA tak ngial pawh seniority hian kan kal tlat a. MI thiam leh hawiher zau tak nia kan hriat te pawh rahbeh tlawk tlawh kan duh tlat thin a. Politician atan ngat phei chuan Rambuai laia hreawm tuar pha chin leh UT hunlai sermon thei chin lo phei chu an tla nak vak thei rihlo a nih hi mawle. MNF ah lah Vangvat kai chin lo tan phei chuan hruaitu nihna kawng a ping khawp rih ang. Heitang hi kan party system a ni tlat a. A dik chiah chuan tuna kan politician zingah hian kum 60 chin chu bang hmiah se, kum 30-50 inkar ho kutah ram khi dah ta zawk se, enkawl pui ta zawk se, kan thatpui ngei ang. Central laka kan beisei leh hmasawnna nia kan hriat te hi mahni intodelh lam a lang teh chiam lo niin alang.
Intodelh policy ai chuan central sum a tam thei ang ber sihchhuah leh nuam sa ve taka khawsak hi kan hruaitute leh mipui duhaisam a ni rih niin a lang.
Report this comment
February 12th, 2008 at 6:41 pm
Ka ngaih ve dan chuan mizoram a awm kher hi mizoram thatna atan a tul ka ti kher lo. Thalai lehkha zir chhuak tam tak te hi foreign ah te thawk sup sup zawk se la..mizo kan nihna humhim tlatin..(mizo hmeichhia te pawhin hnam dang va neih phah lo se..:) he he
Kan ram chhengchhe ve te khi chu tunah chuan sorkar hna um bak chu tih vak ngaihna a awm lo tih kan hre tlang si a. Hetiang lam zir chiang ho chuan ram dang a mi an va thawh hian anmahni ram zawk in a tangkaipui phian duh an ti. Entirnan, india pawh hian doctors,engineers ho heta zir chhuak ho te hi ram danga hnathawh a phalsak vek. A chhan chu india hian a hlawkna a tel ve tho e an ti..Vai pakhat IIT atanga engineer zir chhuak pawh US ah a kal a, alo hausa ta viau a..india ramah donation a rawn pe chur chur mai ani an ti..a lo thanlenna thingtlang khaw te tak te pawh a changkan phah viau thu newspaper ah ka chhiar tawh tlat..
Report this comment
February 12th, 2008 at 9:49 pm
Heti zawng hian kan sawi ve daih teh ang, a thei zawng zawng chu ram pawnah kal in hna thawk chur chur ila. Kan hlawh chhuah te chu kan chhungte, kan ram lamah kal char char mai se. Production lam kan nei si lo, vai ho thil siam kan lei char char bawk si. Heti zawng tal hian tan ila ila.
Report this comment
February 13th, 2008 at 12:45 am
Kan insem zai a, kan tlan darh ve sang sang tan taa hei hi thil tha tak ani kan tun din hmunah hian. Ram danga hnathawk ho pawhin ram dang atangin Mizoramah sum an vawmluta, an chhungte an lo hmasawn phaha. A mipui mimir hi kan in-develop hmasak a ngai a, ram danga thawh theih ang leh thawh thiam ang mizoramah tih ngaihna emaw hlawk tham emaw a la awm bawk si loh chuan ram dang atang lo inchhek muk hmasak pawh hi thil tang tha tak leh ram tan tho a ni e.
Report this comment
February 13th, 2008 at 12:00 pm
Ih mo Pu muantea buai vak tur a om lo, sawrkhar hian, power tam tawk han generate se, kawng han ti tha em em mai se, sawrkhar hi 50% in an currption hi han sim se, awlsam deuh in registration system te hi han ti open deuh se, thluak nei ho chu koh koh an ngai lo a. Developement tih rual a, mahni hlawkna tur zawng theuh mihring chu kan nih hi, sawrkhar hian policy a siamfel a, infrastucture a te a siam loh chuan iak iak mah i la, Brain in the Drain ai chuan Brain Drain a tha zawk.
Report this comment
February 13th, 2008 at 1:15 pm
Tlinglo takin han sawi ve leh ila, kotlang atang chuan kan hmuh fiah theih em hi maw.:) kan hruaitute hian tuna kan kaldan hi an dik tawk rih em mai a, thalaite tana kawng hawn sak leh sum lakluhna lam hi an ngaihtuah vak lo. Chu ai chuan, engtinge Central sum atangin kan in develop ve ang a? engtinge sum tam zawk kan dil chhuah theih ang? tih te hi an thupui chu a ni mai a. Hei hian thalaite finna leh thiamna a hupbet zel ang a, mahni ram chhunga thawh tur hrelovin ram dang leh state dangah in thawn chhuah zel chu a hlawk zawk dawn a ni.
Hetiang lo hian, kan ram hruaitute hian intodelh policy hmangin central sum hmang reng ringawta khawsak tumna hi bansan in, central lama sum chhunluh tum ve tawh zawk se, rethei deuh mah ila, kan moral lamah erawh kan hlawkpui zawk fe ang a. Thalaite leh mipuite thinlungah taimakna min tuhsak ang a, hun lo kal zel atan pawh kan thatpui ngei ang.
Entirnan: Kan awmna hmun hi import leh export ramchanna hmun tak mai a ni a. Hei hian Phai ram leh Bangaladesh, Burma leh China thlengin insumdawn tawnna hmun remchang a ni. Chutiang atana pawimawh hmasa tur chu Kawng tha neih a ni ang a. Lawng chawlhna leh by road lamah theih tawp kan chhuah hmasak a ngai ngei ang. Lengpui pawh international airport hawlh phaa kan siam a tul ang. Tin, zirna lamah tun aia a let tam taka kan tih changtlun a, india rama zirna tha pawl pakhat khat kan neih phawt chuan state pawn leh ram dang atanga zirlaite sum chu keini tan investment tha tak a ni thuai ang. CHutiang zirna pawimawh bik erawh kan hruaitute hian an beisei lo nge, an dil ve lo? pakhatmah kan la nei lo.
Tin, product kan lo neih tam nan Industry leh factory kan neih thluah a hun, he mi tur hian sawrkarin mimal kutah phalna thui tak a pe tur a ni a, tax leh a product erawh a enpui ngun hle tur a ni ang a. private sector kan lo ngah chuan employment a lo sang ang a. Hnathawklo a awm mai mai ten nitin darkar 9 hna an thawk ang a. Sawrkar sum leh tanpuina beisei lovin kan intodelh thuai dawn a ni.
Sawi zel ila..
Report this comment
February 14th, 2008 at 5:29 pm
Lehkha thiam emaw thiam lo emaw ram dang a hna thawk te hi keia ngaih ve dan chuan Mizoram tan a thawk tho ah mi tam tak te hi chu ka ngai.
Ramdang ah hna theih ang leh phak tawk te te thawk tam tak kan awm tawh a, hemi te tam tak hian Mizoram a an chhungte in sak sak emaw thlatin a nih loh pawn pawisa hi an thawn tam ve em em a ni. Mizoram eiruk na hmun a, pawisa tualleng awm mang loh na hmun tur ah hian pawisa tualleng tam tak pawh ram pawn a hna thawk te avang hian a awm phah ngei in ka hmu a ni.
Report this comment
February 15th, 2008 at 1:35 am
Zorun : a dik nge dik lo ( i awpinian?)
Report this comment
February 15th, 2008 at 2:04 am
Aw, hotupa berin a dik nia i rin kha chu keini ang chuan lungkim tamin ‘amen’ kan pe mai ang chu..:)
Report this comment
February 15th, 2008 at 10:09 am
BE leh ME zir zawha khawi private school emawa maths teacher hna han thawh ringawt kha chu a ni thei si lo a lawm. Thil han ti dawn tak tak ila, Mizoramah min finance tu tur an awm bawk si lo, kawng a te chhe si, resources a awm si lo, labour man a to si, Elect.Power awm bawk si lo, ram a rualrem bawk si lo, tui a vang si, kuhva kan heh si!! si hlir sing sawm sawi tur a awm ang!!! A thim zawnga thlirin.
A eng zawngin: ___________________________________________
Report this comment