Vawiin khan Aizawl Press Club ah Mizo thalai intelkhawmin pawl an din ta tih an puang. Hun rei tak chhung heng thalai rualte hian hma an lo la tawh a, TV lamah talkshpw te an nei a, hmun hrang hrangah an zin kual a, ZKP leh PEISM hruaitute nen pawh an lo inkawmho tawh a. An thawm hrim hrim hi chu mipui pawhin an hre viau tawh a ni.
Vawiin a inhmuhkhawmah hian Aizawl a thalai thahnem tak an fuankhawm a, Press Club ah an leng lo a, a chhehvel hmun hrang hrangah pawh an awm fur a ni. Lo kalkhawmte hmaah hian YMM hruaitu lai lawkte chuan Mizoram a rorelna dik leh tha (Good Governance) a awm theihna tura hmalak an inhuam thu an puang chhuak a, kan ram dinhmun han thlir hian a lungawithlak lo hle a, a siam tha turin Mizo thalaiten mawh kan phur a ni, tiin an sawi.
Youth Movement for Mizoram (YMM) ah hian ram siamthat duh leh chumi atana inhuam apiang tel theih a ni a. Vawiin a hming pe lut nghal pawh mi 200 vel zet an tling a a ni. Lunglei leh Champhai lama thalai pawl lo ding tawh hruaitu thenkhat pawhin he hunah hian thu an sawi bawk.
YMM hruaitute hian tlai lamah thuthar lakhawmtute an kawm nghal a, press mite bakah mi thahnem tak an kal a ni. YMM hruaitu lailawk te chu :
Chaiman:
R.K. Ramherliana
Vice Chairmen:
Dr. Chawnglungmuana
(ii) Lalthlamuana Ralte
Secretary:
H. Laldinmawia
Jt. Secretary:
K. Ramsangzuala
Treasurer:
Malsawmdawngzela Khiangte
Anni bakah hian convener mi 30 vel an awm bawk. YMM hruaitu lailawk te hi mi chi hrang hrang – zirtirtu, sumdawng, lecturer, social worker, media person, etc.. an ni hlawm
Thalai pawl thar hian tum bulpui bera a neih tur chu Ram Inrelbawlna tha/Sorkar tha (Good Governance) hi a ni. A meizang hlaptute tawngkam takin rorel dik leh fel hi tunlai Mizoramin a mamawh ber a ni a, kan ram chhe mek tung ding tur hian hei lo hi chu thlan tur dang reng a awm lo. An hmalakna tur leh pawl inkaihhruaina atan hian Bible a innghah an tum thu an sawi.
‘Lehkha thiam Generation’ ang hiala sawi theih thangtharte hian eizawnna/hna chungchangah te, ruihhloah te, nawmchenna leh infiamna lamah te harsatna an tawk mek a. Tunlai thalaite hi an hawiharh a, media & IT hmasawnna vangin khawvel tukverhah an dak chhuak a, ram hrang hrang dinhmun an thlir a. Chutah pipu chena an chenna ram an thlir leh a, an lungawi zo ta lo a ni ber.
Politics kaihhnawih tur thalai pawl thar lo piang ta hi political party thenkhat chuan an ngaihven viau nia sawi a ni bawk.
DECLARATION
YOUTH MOVEMENT FOR MIZORAM
Keini Thalai kalkhawm te hian kan ram hun tawn mek leh a la tawn chhoh zel turah kan ramin hma a sawn theih na’n ram inrelbawlna tha neih hi pawimawh kan ti ber a, thalaite’n kan thinlung zawng zawng leh kan thiltihin kan ram leh hnam tan thiltha kan duh a ni tih tilang turin a hnuaia tarlante hi innghah na’n kan pawm.
DECLARATION
(Mizo Version)
Democracy kalphung tha chawi nun leh dik taka inenkawl hi kan ram leh a chhunga cheng te’n hun lo kal zel turah hma kan sawn theuhna tur a nih kan ring.
Inthlanna dik leh felfai hi democracy innghahna lungphum a ni a, chutiang chu kan rama a thlen theihna turin theihtawp chhuah kan huam.
Hlemhletna leh eirukna hi kan ram hmelma, hun lo la kal zel tura kan ram leh hnam chhiatna tur a ni tih kan hria a, Dan rorelna tichhetu a ni tih kan pawm. Hlemhletna hian mihring dikna leh chanvo a palzut a, a ram mipuite’n kan tuar zel bawk. Kan ramah hian mi zawng zawngin kan chanvo dik tak kan hmuh theihna tur; rorelna dik a awm theih na’n hlemhletna leh eirukna sual thleng thin hi ti tawp turin theihtawp kan chhuah ang.
Rorelna dik leh tha tungding tur hian thalai te hian mawhphurhna kan nei tih kan pawm a, kan thalaipuite pawh ram rorelna dik leh tha a thlen theih na’n ke pen theuh turin infuihtawn a tul tih kan pawm.
Kan ramah eirukna leh hlemhletna te, induhsakbikna te, chanvo inchhuhsakna te, innekchepna te, rorelna diklo te leh kan ram tana thil thalo lo thleng te siamtha turin thalai zawng zawng te kan ngen a, ram rorelna tha a awm theihna tura theihtawp chhuah theuh turin kan sawm bawk.
Heng kan thilduh te hi a thlen theih na’n Pathianin ram inrelbawl dan min zirtir ang ngeia min hruai thei tur, mi dik, mi rinawm, Pathian tih mi kan duh a. Chutiang mi chuan kan ram an hruai ngei theih na’n hma lak kan inpeih.
(English Version)
We firmly believe that democracy’s real value needs to be uplifted for the betterment of the state as will as the citizens; which in turn we believe in future will yield better developments.
Free and fair election is the foundation of democracy, we declare that we are willing to participate and strive for the utmost highest to achieve the same.
Corruption and other vices are the enemies of the state, we congruently feels that such evils will ultimately lead to the fall of the state for the time to come, consequently bringing the whole system to a dysfunctional level. The vices of man bring about the violation of human rights, trampling humanity, forcing passive allegiance to live in a degenerated state. In order to restore one’s right to share; there is a need to create good governance. To achieve such set of circumstances, we proclaim we will fight vigorously to subdue corruption and other vices.
To create good governance, the congress of youth accepts commit ourselves to the same. We hereby commit ourselves to motivate our fellow youths to step forward for good governance.
We invite all our fellow youths to take part to suppress corruption, favoritism, nepotism, inequity and miss-governances, which harbor the behavior that is considered morally unacceptable.
In order to achieve such goal in compliance with the principles of religion, we declare that we are in dire need for God-fearing persons with ultimate sense of responsibility, morality along with honorability. We declare that we genuinely commit ourselves to persons with such qualities to govern our motherland.
Similar Posts:
- Youth Movement for Mizoram (YMM) piang ta kha
- Thalai Movement Leh Kei
- Prism leh thalai pawl thawkho dawn
- Sorkar tha a din hma chuan MTP a chawl dawn lo
- MPF-in thuchhuah siam
February 20th, 2008 at 6:00 pm
Aw… YMM…. i thluak i hman a va ngai dawn tak em!! fing taka thil i tih a ngai ang, kan ram hruaitute hian ‘dawihlo’ an nei ania, an lo dawi ve palh ang che u tih a hlauhawm.
Report this comment
February 20th, 2008 at 7:36 pm
Hopefully, it’s not just another political setup….:D MZP leh YMA a awm a, a lo rei deuh a an hruaitu te chu pawlitic ah an lut zel a….tih ang hi a ni em lovang chu maw….
Report this comment
February 20th, 2008 at 9:30 pm
Kei chu heng pawl hrang hrang te hian tum thu hmun,hming hrang si an ni in ka hria.A tum ber chu sawrkarna vawn fung chelh hi a ni tlangpui mai.Mizo te hi kan lo la retheih zia a lang,a chhan chu engkim hi politics zawnga thlir vek hi a ni mai a.A zia lo ngawt mai.
MDM poh hi a tum ber chu political gain engemaw neih tum, an ni chiang ka ti.Heng hi ka mimal ngaih dan mai mai a ni e.Thalai tamtak,ram rorelna sawi chhe em em te poh hian chance an neih phawt chuan dik lo taka sawrkar hna an hmuh dawn chuan poi an ti lo ang,entirnan,merit a tling hauh si lo a thilti thei zawkte sawipui vanga tlin ang te hi.
Keini ang ak zat hnih hnuai lam leh mi rethei ke khi vawih uih tan chuan retheih bak hi kan hmabak a ni lo anih hi.Hui ham..
Report this comment
February 20th, 2008 at 9:33 pm
Leh lawk..Dr.Chawnglungmuana khi ka hriat mi a ni.Ka thianpa anih khi.
Report this comment
February 20th, 2008 at 10:10 pm
Pawl din ringawt hi thil harsa a ni lova..Thalai pawl phei chu YMA,MZP,MSU..etc tam lutuk sawi sen poh a ni lo. Ramsiam siam that duh pawl pawh kut hna thawk thlengin an in din tawh a..mahse sawrkar hian chaw tak khukin an khuk pui chiah lo niin a lang. Kawng te zawhin thu deng khawng pui pui te chhuahin CBI koh luhah hialte pawh vau mahse eiruk an bansan chuang lova…an thawm te chu sawrkar tan chuan vut laka vawih ang lek chauh a ni e.
Mizoram Politic thlirin siamthat theih a ni tawh lo. Kohhran poh nise, YMA pawh ni raw sek sek, engtikawng mahin Mizoram Politic hi siam that theih a ni tawh lo. Inbumna leh tualthahna te, eirukna,mirethei chanai chhuhsakna..zung a kai nghet lutuk tawh a, eng ang thalai pawl lian poh nise heng pawl nem leh duap tak tak ho hian engtikawngmahin an siam tha tawh dawn lo.
Siam that dan kawng khat chiah a awm…Chu chu a ruka(secret Agent) pawl nghet bur leh mi rinawm tlut ram leh hnam tana lu chhum ban chhum huam tak tak te awmna pawl hi mawle…Politician,Dept Officer,Board Chairperson, Contractors,Vohbik etc ..Mizoram tana hnawksak leh ei ral thak pawh duh ho kan hriat chian te hi Kidnap tu pawl an awm a ngai. An thah em loh pawhin an kut or an ke te tan sak se….a trul angin khaihlum tho bawk se..mi pahnih pathum an ti hman lo reng reng ang…Mizo hi hnam huai tak kan nilova..a reh mai ang. Hetianga kan che ngamlo a nih chuan phur hlut changa pawl din leh ringawt hian ram a siam that ka va ring chiah lo deuh em….Enge i ngaihdan H.vangchhia??
Report this comment
February 20th, 2008 at 10:28 pm
@FBI chu i duh rum hle mai. mahse a dik hmel viau si!! Hman a MTV an awm a, Drugs zuar ho an kidnap/ hrawk pawh kha a thrat vaiu kha, a rei lem hlei lova!!! Overground atanga tih theih in beisei phawt ila…Mizo Thalai Pawl hian Back to Work thupuiah neih ila, kan ram chu kan chhanchhuak leh ngei ang.
Report this comment
February 20th, 2008 at 10:31 pm
Mizoram mihring hum tham lek awmna ah hian pawl leh kohran chi hrang tam dan em em hi..kan chiang chiahlo ni berin ka hria…kan pawr viau a eng kan su kaw ngailo tih a hriat.
YMA lah chuan Mizoram buai lai pawh a raltlan min lo buaipui tu/min lo duat tu… kan unau ngei ngei te Burma ram a awm te hmelma ang hrim in en an tum ta te hi mak ka ti bawk….Kei ni Mizoram a mi te kha fawreiner min ti miah lo ral tlan lai khan…kei ni chuan, Mizo2 Nghapih etc tiin kan lo ko duh dah….an awm na ram a tla chhia a min rawn pur ve ah kan ngai theilo a mi. An sual kan tih dawn leh khawi ah pawh misual an awm, mi tha an awm tih hriat a tha bawk ang….tih tur an hrelo a nih hi….hna thawk vak hlawm se a ni mai.
Report this comment
February 20th, 2008 at 11:14 pm
h.vangchhia i thaw dik lutuk,tun trum chu,ka ngaigdan chiah a ni
Report this comment
February 20th, 2008 at 11:54 pm
e an hruaitu te ho hi ka hmelhriat an om ve anih hi…. R.K Ramherliana Ma-Hera khi kan veng ania chuan Chawnglungmuana (U lu-lunga kan thianpa U) khi helama a ron om ve zok lai khan kan inkom ve thin bok…
Eng tak chu ang ang mo????
Report this comment
February 21st, 2008 at 12:08 am
Burma mi an ni emaw, vai ngalsin ho pawh ni se dan dik taka Mizoram an awm duh phawt chuan awm ang hmiang. Mizo tlangval(An pa te eiruk atranga an lei Tennis Shoe cheng sang nga man chuang buna kawnglaia tui hawk luankawr zuan khum zuk zuk te) ho te thawh peih loh thawktu an ni tlat ah. YMA ten an ngaipawimawh ta viau a nih chuan duh leh lo in veh kual mai mai ang hmiang..!!!! Heng foreiner kan tih ho hian Mizoram Politik siam that chungchangah emaw, ram leh hnam humhalh pawh nise ram hnuk tak tak an pawh phak tlat loh avangin.
Pa in fa a hmangaih chu a vaw thin a ni lawm ni??? Zoram hi ka hmangaih a ni kan ti ve ngai a nih chuan Zoram ei dak thrak pawh pawiti lo, miretheite chanai chhuhsaka lian thur thur ho hi hrem an hun ta. CBI hi eng sawrkar mahin an ko lut duh dawnlo tih chu rul hi sai ah a chang ngailo tih kan hriat chiang ang bawkin nang leh kei hian ka hre chiang a ni lawm ni?? Enge i la nghah cheu le?
Sawrkar laipuia pawisa sawi chhuak thiam ber, Minister chuam leh chhuan vawr upa Thangtea cribs/mansion(whatever!!) leh thlam hi enteh….Khai aw..Tualbung te, Lungpher te, Cherhlun, rulpuihlim khua etc te khi han zin teh..a thlam anga thra teuh ber i hmu em?? vanram an suangtuah thin aiin Upa Thangtea in hi a nuam zawk mai thei a ni. A thawk a phita pawl din leh ringawt hian ram leh hnam a siam tha lo. Eiru thei chinte an pawngpawrh tulh tulh ang hian keini pawh kan chet chhuah a hun ve ta…Enge i ngaihdan H.Vangchhia?
Report this comment
February 21st, 2008 at 12:50 am
FBI leh vangchhia te in sawi thra khop mai,mahse chet chhuah a ngaih chuan pawl din chu ngai phot a,hei mi thahnem ngai ten an rawn siam a,hetah hian sawisel mai lovin i lo encourage zawk ila,nangni poh in chet chhuah tak2 in tum chuan in sawi pawr ringot lo in thil tih a ngai a ni,nangmah ang hian anni poh in ngaihdan an nei a,an rawn chet chhuahpui tak hi,thil thra duh chuan sawi2 lovin tih mai tur,tin a discourage zawng a thil lo sawi/ziah hi anni aiia thra kan hria a nih loh chuan sim a hun,omhmuna mi sawisel a,kawng thra kawh hmuh tur neih chuan si loh hi mizo te than mawh bawk a ni,rilru a ti down thei bawk,a thra lo .
Report this comment
February 21st, 2008 at 12:54 am
Kei chuan Mizoram mai nilo, Mizo hrim hrim hi ka hmangaih takzet in ka in hria a…ka thisen hi luangral thak tur pawn ka phal….Heng vang hi a nia, mi diklo te an rilru ngaihtuah lek lova ka tawng thin ni….ka Mizo pui huat thu sawi ka duh lova mahse, rilru hnawh nat tawh luat avang hian…ram ti chhe tu te ho hi ka han dem thin a ni…ka in chhir ngai bawk hek lovang.
Mahni in en hmasa lova midang kan dem emaw an chungthu kan rel thin hi YMA member nih ti zahthlak tu a ni ta…kan hunlai (tleirawllai) a la rei loh teh lul nen…..tun nen hian a in ang lovin, kan va han phakar in kan va han sual tawh tak em…YMA member te hi…
Report this comment
February 21st, 2008 at 6:02 am
ka hlauhthawn chu an politics bul tanna/kai lawn atan an hmang ang tih mawlh hi a ni (MZP, YMA..!!), a tirah chuan ram hmangaihna leh thahnemngaihna nen an inpe ngei ang mahse nikhua a reiin an awndan an her danglam hret2 zel thin a nih kha…
Report this comment
February 21st, 2008 at 8:38 am
Sawrkar Officer Eiru, Eiruka In sang tak tak sa, Ei ruk atanga thawhlawm tam tak tak thawh thin, Kohhhran UPA a thlan tak te khian kan mit a ti kham love’m ni? ka ti thin.
Eng pawl pawh ding rawh se, Corruption Eirukna a lang a pauva sawisel ngam lo Presbyterian Kohhran, Baptist Kohhran etc. leh YMA ang te tho an nih chuan kei moral support ka pe thei lo hrim hrim… dek leh chiam thin…ka vei ve tlat si a…Fiamthu lo.
Report this comment
February 21st, 2008 at 9:35 am
a news report dan hi kan sawi daih a 1st para ah khian eng pawl nge an din a lang mai lova, a 2nd ah a rawn lang a, a lampum a la lang lo zui a…. te ka ti mai mai read more tih vel click kher a ngai a briefing ang chauh a chhiar duh tan a buaithlak
Report this comment
February 21st, 2008 at 12:36 pm
Political party pakhat ang chu a ni ve mai a lawm (mzp, yma nen a in ang lo), an duh ber leh tum pawh ram rorelna tha nei tura beih a ni a, ram hruaitutur mi fel leh tha an zinga a mi an vawrh chhuah mai lovin, tuna a awmsa politician-teah lungawi tawh lo na na na chu.
Heti hian an tih hi, “….Min hruai thei tur, mi dik, mi rinawm, Pathian tih mi kan duh a. Chutiang mi chuan kan ram an hruai ngei theih na’n hma lak kan inpeih.”
Report this comment
February 21st, 2008 at 12:53 pm
Chairman chu hmai va bal ve !!!! HEHEHE.
Report this comment
February 21st, 2008 at 4:42 pm
Misual ho hian Misual party a din ve chi mai loh maw
Report this comment
February 21st, 2008 at 5:14 pm
rka: i chik peih a atha lutuk….thlir thuak a hre thuak nih ai chuan chiang fek fawk hi a tha ber ngai e, tiraw…
Report this comment
February 22nd, 2008 at 1:26 am
Eng ang kawng zawngin nge hma an lak hmasak ber ang aw?
Ka rilru ah hetiang pawl din hi awm fo tawh thin a. Mahse, Pu Bena te,Pu Zoruna te, Sir H.Vangchhia te, Kanidari te, Grady,father_sphinx,Burbura,maimawm,sandman, rka_49er,veepee etc…te tel ve theihna pawl, misual ho zawng zawng huap pawl hi a ni deuh mah zawk awm e.
Misual reguler ho deuh tak tak comment ka chhiar thin hian Zoram din chhuah lehna tur chu kan sawi zo tawh in ka hria. Kan pawl hmingah pawh International Misual Organization tih nise a thra awm e.
Ram hrang hrang a awm kan ni deuh nuai dawn a. India, USA, Australia, New Zealand, Sweden, Switzerland, England, German, Canada, Finland, France etc atrang ten Mizo thalai ram leh hnam vei te in zawmkhawm kan nih dawn avangin kan Boss pawn min hlau khawp ang. A chhan chu ,chengkhatmah eiruk awm lova mahni thawh chhuah ring vek kan nih avangin.
Report this comment
February 22nd, 2008 at 4:09 pm
Nuthlawi bum fin lak lawh tawh ang deuhin kei chu eng pawl mah hi ka ring tak tak lo. Thuneihna an ban phak loh laia ram hmangaih tak, thuneihna an han chana mahni Private ram chauh hmangaih leh si ho hi kan lo hrawn hnem ve tawh em a ni!
Engpawhnise, kan naute ho chu Moral Support ka pe e…Best wishes boys!!
Report this comment
February 22nd, 2008 at 5:28 pm
Asawsiesawn tam lutuk hi a nuihzat thlak ka ti tlat nia mawle. Mi rinawm leh rintlak hruaitu awmna hmun ah pawl chi hrang hrang hi a awm ngai vak pawn ka hre lo. Pawl tam tak in din chhan ni a ka hmuh chu…sawrkar rin tawk loh vang te a ni hlawm in ka hria a….An in din chiah a, an mahni kha an rinawm leh chuang hlei lova….
Kan nep zia leh belhchian kan dawl loh zia, khawvel hriat ah kan pho lang zual tulh tulh hi a ni ber mai. YMA/VDP mob rule tiam hian….
Report this comment
February 22nd, 2008 at 5:30 pm
Hetiang hi a niin ka ring a. Mizoram politcal party hrang hrangah khian Thalaite tan ram rorelna kawngah dinhmun luah theihna kawng a awm lo tluk a ni. Entirnan: MNF ah emaw Congress ah emaw etc.. lut ta pawh ni se, mi fel tak leh fing tak pawh ni se, kum 45 vel a over phawt loh chuan Party Thalai Pawlah a awm reng phawt a ngai a. Hetah hian mi tam tak chu an beidawng hman thin a ni.
MNF ah phawt phei chuan vangvat kai pha chin ni lo tan phei chuan rorel khawla tel phak chu vana rah ang a ni rihin ka ring. Congress ah pawh pu hawla kid nih zet emaw a ngai ang a. Mahni aia upa leh senior zawk te an nih phawt chuan, an fing emaw an mawl emaw, an dik emaw diklo emaw an kid ah rei tak awm fe a ngai ang a. A tira mi fel tak leh dik tak rilru pu thin pawh kha a hnuah chuan an party mi leh sa te ang bawkin a rilru a lo danglam zo ta a. A hnuah beidawnna khurah pawh a tla lut leh ta thin a ni.
Ram changkangah chuan thalaite tana kawng an hawn sak a, minister emaw rorelkhawlah pawh thalaite huang leh thalaite view chu an ngaih pawimawh hmasak ber a ni fo thin a. Chutiang chuan kalhrang theilo khawpin thalaite dinhmun leh ngaihtuahna te chu an ram rorelkhawlte nen an kalkawp tir tlat thin a ni. Mahse, keini erawh minister chibai pha nih pawh a har em em a, minister kawm pha nih phei chu awllo tak a ni ringawt. TV leh Media vela interview pui emaw thu chhia leh thu tha zawh pawh tih hleitheih loh khawpa in la sang vah mai minister leh MLA te hi an thutthleng atanga lei chara insawn tir a hun tawh a. Thalai zawk te leh ngaihtuahna vengva zawkte tan dinhmun an ken a hun ve tawh a ni.
Chumi kawng awmchhun chu Thalai pawl (politcal party) a din a ngai ve tawh niin ka hria a. A dintute ka hre hauh lo na a, hei hi a awmlo lemlo a ni. DAn leh Dun felfai takin zam kilkelh se la, hruaitu dinhmun leh rorelkhawl thlengin, chutian kum dang lo awm leh turah chuan Thalaiten Zoram hi an hruai ve tawh mai thei a ni. Polictian un lutuk tawh ho ngaihdan leh hmasawn tumdan hi chu a tunlai tawh loh piah lamah Centrala an beisei Sum haichhuah ringawt policy hi chu ban san a hun tawhin ka hria.
Report this comment
February 22nd, 2008 at 5:38 pm
AN thatchhe khawp a, zir peih mang silo, engemaw nih duh ve bawk si, hna hram thawk peih bawk silo…easy money hmuh dan dap ve bawk si…pawlitic a luh theihna chance dap tel bawk nen…pawl an din sup sup te pawh a ni mahna…
Kan tet lai a (tleirawl lai) YMA ang kha awm leh se pawl dang hi kan mamawh lo reng reng tur hi ania….Ka thusawi hian eng a sawngsawhlawt chuang lovang e…sawi tha peih tawh lo….kan nghet in kan hahthlak hlawm em mai Mizo zawng.
Report this comment
February 22nd, 2008 at 5:49 pm
Misual thiante U YMM hian an tum ram thleng ngei se ka duh. Thalaite hi cho tho thei kan awm angai. Ram siamtu tur kan ni he kan ram hi a luah rei ber tur pawh kan ni. Diktak chuan tuna kan politiks luhchilh mek experience neiho kalphung hi CHANGE an duh avangin YMM hi a dinchhan pakhat chu a ni. Tunah hian kan ramah hian thalai vengva deuh ten kan THANMAWBAWK SOLVE dantur bengsika an ngaihtuah chhuah a ngai. Kan ram hruai mek leh lo hruai tawh thin te hi chuan an NGUMKHAK poh an hmuthei lo. Mahse …..
YMM unaute u ram tana inpek hi inpek lai tak chu a phurawm .. ??? DAWHTHEIHNA CHHELNA FEINA fight tang tang tura TUMRUHNA in mamawh ania. BEIDAWNG reng reng suh u. Nangni lo hi kan ram tam BEISEI tur an awm lo
THANG tamtak trick chi hrang hranga in awhna tur kan pamah chuan tuna kan politiks player ho hi an black belt zek tih hria ula FIMKHUR nachang hria ula. Chikin ngaihtuah in belchiang hmasa ula HUAISEN takin kal zel ang che u.
Report this comment
February 22nd, 2008 at 11:32 pm
Kna ram hi chu a buaithlak ani, thalai tan hmun a awmlo tluk ani, YMA pawh hi OMA(Old Mizo Association ) tih a thlak a ngai toh!
YMCA a member te hi Pu J Lalsangzuala te annia a ngaihna a awmlo, thalai tan hmun a awmlo, thalai ken an tum bawk silo.
Report this comment
February 22nd, 2008 at 11:35 pm
YMM chu a that hmel khawp mai mahse nihna duh leh tawngkam thiam ringawt hovain ro an rel leh chuan awmzia a nei tam vaklo ang, mi fing leh remhria te sawm belh se a tha ngawt ang…
Report this comment
February 23rd, 2008 at 5:11 am
ymm hruai tu te hi ka hre nual a,an ni tluk tur chu an om nual ang a,mahse khum tur chu an om bik chuang lo ang,enga mah hma a rin loh nghal ringot chu dik bik chuang lo ang,kei ka tran e.
Report this comment
February 23rd, 2008 at 8:04 pm
Hetia thalai pawl a han awm ta hi a lawmawm khawp mai. Mahse hmana thalai zinga pawr tak thin kha ruling lam chuan an lei niawm tak a ni a, chanchinbu atangin a chhuak a, a let leh tawh a ni awm e. Huaisen ngaih laia huaisen chauh hi MIHUAISEN dik tak chu a ni.
Report this comment
March 9th, 2008 at 2:22 am
[…] 10 aia tam mah a in up hnuah Feb.20, 2008 khan Youth Movement for Mizoram (YMM) a piang ta. April 2007 khan Aizawl ah ram vei thalai za rual zet an inhmu khawm a, kan ram dinhmun […]
Report this comment