mi(sual).com

Nasty khan phuah leh hunah chuan sei deuh in a ti bawk a, tun tum chu tlema sei deuh in aw. He thu hi a tak tak a nih leh nih loh chu a chhiartu te thu thu a ni e. Abak ka sawi dawn lo

Zan a thiang mawiin thlapawh a eng no ruih mai a. Titi malh malh chung in ngaihzawng an neih leh neih loh te an sawi dun mial mial a. A mipa zawk chuan amak ti raw,thla hnih kalta te kha chuan he khawvel ah hian i awm ve poh tih ka la hre miah lo kha a ni a. Mahse tunah chuan hei ka thian te thlauhthla meuh in weekend i bulah ka hmang ani ta mai chu a nia. Tu te emawni thin chu a rim viau maithei a ni. Nang zanin vang hian thian te i thlim ve em a ti a.

Nula zawk chuan, thiante chu thlim em em lo a, mahse keimah leh keimah ka in zawt ngun khawp mai chhuak tur hian, nuih pah chuan a ti a. An inkar ah nulat tlangval in ngaihzawnna lampang a awm lo naiin, thian in ngaina tak an ni tih chu an mahni leh an bul hnai a awm te tan chuan hai rual a ni lo. Hmun khat ah hna thawk in sakhua, hnam leh incheina te dang hle mahse an rilru in an in pawm ve ve a, hnam leh sakhuana in an inkar a thian that na a dal chuang lo.

Hindu tlangval,Pathian leh thih hnu nun awm ring miah lo chuan thiandun ti ti a zarah Pathian leh thihnu nun a awm te chu a ring ve ta hial a. Khawpui nula ni ta lo chu krismas chawlh hmang in a nula zawk chuan chu phai khawpui chu a liamsan ta vung vung mai a. mel za tam kar pawh nise, zanrei, zing darthum vel leh khawvawt pawh chuan an in biak a thrulhtir chuang lo.In hmuh leh thuai thuai chu phone a na sawi ngunber chu ani. Chu bakah chuan chu tlangval chuan nula chu hrilhduh a neih thu leh phone a sawi mai lo a, hmaichhan ngei a hrilh a duhthu a sawi thin bawk a ni.

Engkim mai, kawtthler, dawr, in te chu angai te te in a lo la awm thriap mai a. Mahse nidang ang in an pahnih chiah an ni ta lo. Nula dand chu an zingah chuan a tel ve tlat mai. Ahma ang bawrh bawrh in an pahnih chuan an tawng ngam lo ve ve tih an in hre dun a . Chutah tlangval chuan nula lo tel ve nu chu a bialnu nih thu chu a hrilh ta a.Nula i chuan i van inzep rei ve, phone ah khan min hrilh ve mai tur che a lawm tih pah chuan a ban ah a va sik hlak a, an nui ho dar dar a. Tin zai an rel a. In a thleng a, a khumah a bawk thlawp a,a mit sulh hian a in hria a,nula i chuan amah leh amah chu zawhna a in zawt ta mawlh mawlh a.”Ka thian tha a ni a, enga ti nge hengtiang rilru ka put.

Ani thei lo, ka hamhaih mai mai a ni”. Phone a rawn ri ral ral a. In i thleng toh em…enge a ang i tih ka thiannu chu..Ka chhung ten nupui nei turin min tur min tur thin ka tih kha i la hria em? kha kha ka nupui tur a min hmuh sak a nih kha.. Nula chuan chhan mai ngaihna pawh a hre lo a, sawi tur pawh a hre hek lo.Zawhna pakhat erawh azawt ve hram a.. Ihmangaih em?. Hmangaih lo tih chu a chhanna dawn a ni.Hun te an liam zel a, chu nula chuan harsa ti tak in a thiantha ber, hnamdang tlangval chu a hmangaih a ni tih a pawm a ngai miau si. Mahse tih theih a awm lo.Tlangval a pawh chuan harsa a tih zia leh, a nun a beidawn zia chu chu nula hnen ah bak thlenna tur a nei chuang lo.

Ahma anga an inkawm kha a rem lohna chin a om ta a, hun pawh an hmang dun tlem in phone a rei tak tak inbiak te poh a khat ta viau a ni. Engkim mai hian an lung len a,khawi ilo chhuak pawh ni se hmanna thiandun pahnih te sulhnu vek a ni si. Mahse chu nula chuan a hmangaih zia hmanah khan lo hrilh ni ta se la, a hnam leh a sakhua te phatsan hial duhna rilru a pu maithei a ni tih te an ngaihtuah chang chuan, harsa ti chung chung in Pathian remruat ah a pawm hram hram thin.Hmanah khan lo hrilh ta se la emgkim a danglam vek mai angem?.

Kum te a vei a, thiandun pahnih te chu in hmu zen zen lo in, in be reng lo mahse an in zawmna a la chat chuang lo. Hmanna thiantha kha an la ni reng tho a ni. Mi kan hmangaih chuan kan hmangaih ten an hriat hi an phu ve a ni tih vang chauh leh, rilru a thil in up zawng zawng te bunruak i la a zia deuh lo’ng maw, tih vang chauh in beisei let nei hauh lovin chu nula chuan a hmangaih zia chu tlangval hnen ah chuan a hrilh ta a. Tlangval mit a chuan a inrin hma hauh in mittui a lo hnam chhuak a. Ka thu khan kumkhat kalta ah khan min hrilh thei lo a mi?.

Enga tinge tunah chuah min hrilh a, tih chu tlangval tawngkam chhuak hmasa ber a ni.Nula chuan hmanah khan ka hmang ngaih che tih ka in hre ngai lo a sin, tiin tlanval hnenah chuan a thiantha a la nih zel reng tur thu a hrilh a.Tlangval chuan, Atir atang khan ka thiantha ber leh ka hmangaih ber i ni reng thin a sin. Mahse hei hi Pathian i tih thin khan kan tana aruat a niang tiin.

Hun te han liam duak duak mahse a reh thei lo an chhungril hmangaihna. Hun in a liampui ve mai ang tih chu an innghahna ni mahse eng hun nge a daih dawn tih chu an in zawhna lianber a ni nitin si. Thlithaw ringawt te pawn nunhlui a hriat chhuah tir thin a sin.Sakhua,hnam leh ram te hi hmanGaihna hmelma a ni mai em te an ti vawng vawng thin. Mi kan hmangaih tak tak a nih chuan kan hmangaih zia kha tun hun ah ngei hrilh i la.

A chhan chu keinin a hun a kan ngaih kha a lo tlailutuk palh a nge . Tu te pawh hi kan hmangaih thei a,kan hmangaih te hian kan hmangaih zia hi hriat an phu ve in ti ve em. Love is a force of Nature, you cant choose it, you cant force yourself to fall in love, you just have to accept it as it comes!!

Similar Posts:

• A ngai em em che a sin
• The poem which makes me cry
• Pui thei in awm em?
• Theih ni se..
• Ka hmangaih che

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Tuesday, March 11th, 2008 at 7:31 am and is filed under More than words. You can follow any responses to this entry through the RSS 2.0 feed. You can leave a response, or trackback from your own site.