«
»

Football for famine

March 19th, 2008 5:34 pm by TheHumanBot

football_famine_banner-small.jpg

Full size banner:
football_famine_banner.jpg

Football For Famine
Organised by Mizoram Football Association
PRESS HANDOUT

Mizoram sawrkarin zirlaite chawhnu chawlh puang

Aizawl 19, March: Directorate of School Education chuan vawiin chawhnu khan thuchhuah siamin Football for Famine 2008 AR Lammuala 20, March 2008 2 PM a khelh tura Mizoram Football Association in a ruahman chu thlirin sikul naupangte tan chawhnu lam chawlh a puang a, he football match en hman tur hian an chhuah a phalsak a ni.

TUAITEA LO THLENG

Aizawl 19, March: Mizo footballer zinga thleng sang berte zing ami PC Lalawmpuia, tuna Mohun Bagan a khel mek chuan vawiin khan Football for Famine charity football match khel turin Kolkata atangin Aizawl a rawn thleng.

PC Lalawmpuia, Tuaitea tia hriatlar hi a thiante chawlh tawh hnuah pawh ama khelhna club bikin match pawimawh an la neih avangin Aizawl a rawn thleng chho ve lawk thei lo. Mahse he football match hi a ngai pawimawh a, a ball pet avanga Mizoram hmun hrang hranga tam tuarte’n ei tur an neih theihna tur alo nih theih tak hlauhvin tiin Aizawl a rawn pan a ni.
Aizawl hospital inpekna

Aizawl 19, March: Aizawla private damdawi in tha berte zing ami Aizawl Hospital chuan Football for Famine tan an theih tawka tha thawh ve duhin he match khelh chhung hian medical team, emergency first aid pe thei tur an rawn thawh chhuak dawn a ni.

ZAITHIAM ZAI TURTE
Aizawl 19, March: Zaithiamte pawhin tam tuar tan chuan tiin an theih ang anga ke rawn pen chhuah an tum a, kan top artistes te’n kalkhawm mipuite football khelh hma leh chawlh lailawk laiin an awi dawn a ni.

Mizo Idol a che tha tak tak pahnih Mathlenga leh Alex-a te chuan an hla chuam an rawn vawrh chhuak dawn a, Youth Icon star Mimi Lalzamliani pawhin a hla hmanthiam rawn thlawhchhuah pui ngei a tum. Mimi hian he hun hmang tur liau liau hian a zinna hmun atangin Aizawl a rawn pan dawn a ni.
“Kan theihtawp chhuaha Pathianin aw min pek hi kan unau riltama awm mekte tan kan hman a ngai a, kan khawvel tawn mek hian min ko a ni,” tiin Mathlenga leh Alex-a hian a sawi.

Gnat Lalrinchhanna leh Gracy VL Pachuau te chuan he ni atan liau liau hian inkawpa zai an tum a, khawvel inpumkhatna hla lar “Hand in Hand” sak tumin an inpuahchah fel diam tawh a ni. “A thu nen a inmil hlein kan hria a, hun harsa ber kan tawh laia kut insuih a, rilru hmun khat pua hma kan lak tlan a ngai a ni tih thuchah hla hmanga puanna a ni a, he hla hi Sap hla ni mah se a thuchah ken hi mipuite’n a nihna ang taka an dawn ngei kan beisei tlat a ni,” tiin Gnat Lalrinchhana chuan a sawi.

Thanks to Sangzuala Hmar for the press handout and banner.

Similar Posts:

Recent Posts:

This entry was posted on Wednesday, March 19th, 2008 at 5:34 pm and is filed under News, Sports & Games. You can follow any responses to this entry through the RSS 2.0 feed. You can leave a response, or trackback from your own site.

12 Responses to “Football for famine”

  1. 1
    Awzzman Says:
    March 19th, 2008 at 5:40 pm

    ka van en ve chak reuh e…result tal chu kan hre ve em ang chu maw….

    Report this comment

  2. 2
    cbgr Says:
    March 19th, 2008 at 6:02 pm

    MZR pawn XI ah hian in enlist ve teh ang.

    Report this comment

  3. 3
    Huiva Says:
    March 19th, 2008 at 6:04 pm

    “Football for Famine” ah hian a man pe lova lut ru kan tam leh fu ange haha.

    Report this comment

  4. 4
    hp.swing Says:
    March 19th, 2008 at 8:00 pm

    Football tui ta sa sa, tiang bak a football ropui hi a awm chuang bik miah lo ang. Fak an va phu ve….Stadium poh hi tha deuh in

    Report this comment

  5. 5
    chhana Says:
    March 20th, 2008 at 12:44 am

    Tuaite, tha takin khel r’u aw. Staduim -ah in han inpal khu rum rum mai tur che u hi chu ka lainat ngawt mai che u. Kan beisei ber Lammuala staduim sak kan tum lah a pamtul hmel sia.

    Report this comment

  6. 6
    Burbura Says:
    March 20th, 2008 at 1:02 am

    A huaihawttute hian an ei ruk ve loh hram ka beisei

    Report this comment

  7. 7
    Thuhnudawnthiamdawngmawia Says:
    March 20th, 2008 at 10:08 am

    A huaihawttu te hi an fakawm hle mai. Mizoram pawn leh hmun danga cheng te he inkhel chhim pha ve lo tepawhin engtin emaw kan sumlehpai thawh ve dan hi i ngaihtuah teh ang u hmiang mawle. Tih dan tha deh hria in awm lo maw?

    Report this comment

  8. 8
    samuelapa Says:
    March 20th, 2008 at 11:16 am

    Aizawl thalaite chuan Mautam tam leh Entertainment hi inzawm tlatin an hre tawh maw le… Mautam Concert-ah te pawh tam tuarte ngaihtuah miah lovin an lam lawp2 zel mai… :)

    Report this comment

  9. 9
    ZerO Says:
    March 20th, 2008 at 8:45 pm

    Rin loh takin Mizoram XI 2:0 in an chak tlat.

    Report this comment

  10. 10
    Val_brosky Says:
    March 20th, 2008 at 8:54 pm

    Match review/report/analysis kimchang takin hriat a va chakawm ve a.

    Report this comment

  11. 11
    grady Says:
    March 21st, 2008 at 6:53 pm

    Buhfai eitur nei lo (tam) an tam ang bawk in pawisa nei lo/sum lam a tam kan tam si a. A huaihawttute pawh hi eng emaw ber a tam chu an ni ngei ang a. Pawisa hian a thlenna tur thleng tak maw le?

    Report this comment

  12. 12
    NaupangSual Says:
    March 22nd, 2008 at 3:45 am

    A va han lawmawm thin ve aw mi thahnemngaihna hi. Tlem tal lo ei then mai duh pawl an tam em lovang chu maw…

    Ka vei ve mai mai chu engatinge Pathian thu hi engkim mai ah kan hma theh le, ticket ah leh zel chuan a ti common mai mai lo maw? Tam kan tawh avanga mi tanpuina tur atan ani tih hriat sa tawh reng Bible chang rawn quote leh kher hi a tulna ka hre hran lo kei chu.

    Kohhran ho in ti ni se thu hran ania

    Report this comment

Leave a Reply

You must be logged in to post a comment.