London khawpui khawi atang pawhin kal la, Picadilly Circus-ah chhuak la, chulai hnaia Finchley Road-ah chuan kawng kamah Jimmy’s Thai Restaurant tih a lo awm ang a. A pawn atanga en pawhin changkang tak a ni ang a, a chhungah en la a chhuanawm lehzual ang.
A kawngkapuiah chuan Mizo nula, vakiria khim a, puanchei bih zaih, kawrchei ha thla a lo intar ang a, chuta tang chuan i tlangnel nghal vek ang. Hei hi a chhan chu he restaurant hi Mizo pa ta a nih vang a ni. A pawna a landan aiin a chhung chu rin aiin a ropui a. Han luh phat chuan dinglam leh veilamah thutna a lo awm a. Huat loh zawng takte nen pawn lam melh zauh zauh chunga han thutdun rek rek nan emaw, hmelhriat nei lo mi khawhar tan kawtthler lam melh reng chunga thut nan emaw a îtawm ngang mai. Chumi pelhah chuan dinglamah inthiarna pindan luhna, in hnuai lam chhuk tlang zelna ni nghal a awm a.
Veilamah thung chuan a nghâktu dinna a awm a. A nghâktu dinna chu Hotel nghâktu dawhkan ang deuh, sei tak, a kual a ni a. A nghâktu dinna hnungah chuan kan rama awm ve thiang lo bûr chi hrang hrang, a lan dan mai chuan hriselna atan a tha hial awm mang e tih tur zu ûm hi a tlar thup mai a. A fîr deuh duhtu tan fîr deuh, a nem deuh duh tan nem deuh te pawh awm vekin a rinawm. Antui dang nei ve ta lova thuchang an antui hâng ve ber a ni mai awm e.
Mi ramah chuan heti hi ni mahse Mizoram atan chuan Lalsangzuali Sailo tih dan takah ‘Sual tinreng bul zu’ ka ti tho tho.A chhan chu tuman hmang thiam hek lo. “Sil damdawiah a tha” kan tia, A tha viau take. Mahse sil damdawia hmang hote hian an sil loh hunah pawh an in a ngai tawh tlat thin. Tin, hetiang in ho hian an in hma aia an that phah sawt hi ka hre ngai lo. A in thin ho hi a tlangpuiin an in hma aiin an huaia, sap tawng an thiama, sawi tur an hriat belh tlangpui. Mihringin hma kan sawn loh chuan kan hnungtawlh kan ti thin. Hetiang a nih avang hian kan fel phah loh chuan kan sual phah tihna.Total Probihition Act hi tam tak chuan kan duh lo in “drugs a hluar phah” an ti thin. Zu hi khap lo pawh ni ila drugs hi chu a tlem phah chuangin a rinawm loh. Zu khap burna dan duh lo ho hian zu hi an in ve duh zauh zauh tihna a ni tlangpui.
“Zu hi amah mai chuan sual a ni hauh lo mai. Thil awm pakhat ve mai a ni. A intu mihring hian insumna nei lek lova a in thin avang leh thil sual tihna hmanrua atana a hman thin avang hian sual hmuhin kan hmu ta zawk thin a ni.” tiin mi tam tak chuan inhnem nan an hmang thin. Mahse a in tu zaa 95-te hian sual nan an hman tlat avangin zu si sual tinreng bul tih loh rual a ni lo. Zaa 5-te pawh khan an tawngtai taimak phah chuan a rinawm lo ngawt mai. Sualah kan ngai emaw, ngai lo emaw lam a ni lo. Sual nan kan hman miau avangin in loh hi a him ber. Hun leh sum a save bakah zu in avanga mi a nih kan pumpelh a ni.
“Lal Isua meuh paw’n Kana khuaa inneihnaah uaiin a tipung alawm,” an ti thin. Chhuanlam a tling lo. Bible chang tlawhchhan nan chuan a chi loh ber awm e.
Tin, mi tam takin “Zu hi a awm mai mai chu sual a ni lo,” an ti thin. A dik khawp mai.Mahse zu hi awm mai mai ngai hek lo.
Mizo IFS Officer ve meuh L.Keivom lah khan, “Zu khap hi at lai thil a ni,” a ti maia. A ti mak ngawt mai. Khap hlawhtling lovin inhre rih mah ila kan khap loh leh lek phei chuan a va rapthlak dawn em!! “Bar-te hawng leh ila, lei hun leh leini bikte siam ila, mi tamtak chuan kum hnih khat chua kan hmang thiam lovang, mahse chu mi hnu chuan kan hmangthiam tawh dawn alawm,” an ti thin. Mahse Israel ramah pawh kan Mizo pui tamtak an awm ve tawh. Zu a tam em avangin nunna chan hialte pawh an awm tawh a ni.Chuvangin bar chu a chi hian a chi loh reng reng.
“Bar kan siam chuan chutatang chuan chhiahte pawh a awm anga,” te an ti thin. Zu atanga chhiah lakte maw kan beisei tak? Zu atang chhiah lakna ramah hian rawngbawlna hi a sawt mawh viau.
America ramah khuan State pakhat chiah zu khap burna dan (Total Prohibition) dan hmang a awma. Abraham Lincoln-a State, Illinois a ni. He khuaa an Pastor pakhat chuan, “ Abraham Lincoln-a State, Dry State kan ni hi kan chhuang teh asin,” tiin Rev. Dr. CL Hminga USA-a 1988 kuma a kal tum khan an lo hrilh.
Vawikhat chu London khawpuia kan len tumin ka thian pakhat hian, “Sawta in lian pui saw I hmu em? Saw in saw hmanah chuan London-a zu dawr lian ber a ni. A neitupa a piangthara, a khar ta hmiah mai. A thiante’n, “I a em mai.Nangma’n in lovin zuar duh lo mah la, midang zawrhtirin sum I hmu reng dawn tho alawm,” an tia. A ni chuan, “Mi tamtak nun tichhetu niha sum hailuh ai chuan Midangin an zawrh pawh tha ka ti love,” tiin a titawp ta hmiah mai. Tunah chuan zu dawr a ni tawh lo,” tiin min hrilh.
Similar Posts:
- ‘Zu’ Zunzam
- Tu zawk nge kohhranin a phuar dawn?
- A sakhming kan sêl e
- Zu chungchang ka hmuh ve dan tlem:-)
- Kerh Kerh…
(Y)
April 17th, 2008 at 12:03 pm
Illinois ho pawh chu an hlawhtling lo nasa ve hle anih hmel – Google ah search ila results langsar zual te ”
Illinois – Alcohol Seller Course – Alcohol Awareness Training, Illinois Alcohol and Drug Treatment Center, Free Illinois Alcohol Expert Witness Directory – tih vel hlir ni mai a
Report this comment
April 17th, 2008 at 12:30 pm
“Lal Isua meuh paw’n Kana khuaa inneihnaah uaiin a tipung alawm,” an ti thin. Chhuanlam a tling lo. Bible chang tlawhchhan nan chuan a chi loh ber awm e.
………………………………………
Chhangper 5 leh sangha 2 hmanga mipui 5000 riltam hrai an nih khan, a bang bawmrang 12 khat tur a la awm a.
Kana khua a inneihna a uaiin tih pun anih erawh kha chuan , a bang eng mah sawi na a lang lo. An in zo vek tihna em ni??
Report this comment
April 17th, 2008 at 1:36 pm
In duh lo chuan in loh mai tur. Midang in tur lo do tum tlat, a ATTHLAK TAWPKHAWK.
Keipawn kuhvakhawr ka ei lova, sahdah leh tuibur ka hmuam hek lo. vawksa pawh ka ei lo;Mahse midang nghei turin ka tur vak vak lova, heng ho khap turin sorkar ka ‘blackmail’ bawk hek lo. Heng hi hriselna atan a tha bik em ni ? Anih corruption hi. Zu dona lama kan tha kan man nasat luat avangin kan do tak tak htei lo va. Nge corruption khuhbo nan zu khap hi remchang kan ti riau ?
Chhana hriat Illinois a zu khap tih hi a hresual ani lo maw ? Kansas state ah zawk hian 1997 thleng khan an khap titih. Illinois state a khaw lian ber Chicago hi US a khawpui lianber pathumna ani a (New York leh Los Angeles hnuah). Hetiang khua ah hian zu an khap anga maw ?
Mizoram angin an “pharisai’ ve lova. Prohibition an tih chuan prohibition ani mai a, TOTAL prohibition an ti ve lo.
Mizoramah hian zu khap hi a ‘fail’ letling der ani mai lova. Zu khapna dan hian mi lian leh mi rethei kar zauhna a ti official tlat, tih in hre ngai em ? Thlawhna a chuang an la check loh cheu a, hmanni lawka officer hnena zu zuartu an man khan eng vangin nge amah dawrute hming an puan chhuah loh. Mirethei ni sela an puang mai pawh ani lo, an vawhlum dawn thin si a. Vuak hlum loh pawn motor leh in hal sak emaw, khua atanga hnawhchhuah, tih vel an tawng si a.
Aizawlah hian a in duh chuan leina an hre vek. A man to avangin kei chuan phai lam ami la lei thin. Thlawhna a ka chuan thin avangin min check ve si lo. Aizawla sipai bang za tam fe hian man tlawm zawk fe in an lei thei. Mahse zu tha a awm meuh lo.
Heti chuanga zu khap la sawimawi tlat mai chu…
Report this comment
April 17th, 2008 at 2:22 pm
Hmana ka u te an VDP ve laia veng mawnga an zu check tumin…ka pi, in zu zawrh loh nan kan ti a, vawk vulh tur kan ngaihtuah sak che a, camp ah kan luhtir bawk che a, i van sim thei lo em em ve, khawnge Bible kan pek che kha i chhiar ngai em? an tia, khum hnuai ril tawk ami a zuk hai chhuak a, chukchu ek karah “kan vawkpui no neih ni….” tih hi a lo in ziak ve niah a, nuihza duh si, rual u an tum bawk si….Bible chu hman tangkai khat chuan an hmang tangkai e..:-)
Report this comment
April 17th, 2008 at 2:30 pm
Aizawl veng tlabirh deuhva zu zuar chhungkaw pakhat pawh hian an han thlawr dawn tak tak hi chuan “Chhung Inkhawm kan nei mek” tih hi an kawngka pawn lamah an tar chhuak ve ziah e, an tia lawm, kanidar!
Report this comment
April 17th, 2008 at 3:22 pm
Mizo-ah Zu inthiam an awm ka hre lo, chuvang chuan Zu hi chu in loh mai tur, Zu hi chu sawimawi vak ngaihna a vang a ni
Report this comment
April 17th, 2008 at 3:37 pm
Nia.
Report this comment
April 17th, 2008 at 4:08 pm
Inthiam aaa… ka hre treuh mai! mi inla hre tlem deuh anih chu
Zu sawi mawina lampang anilo..thil generalise vak2 hi a tha lo…
chuan zu in thatloh zia kan hria, kuhva ei that loh zia kan hre ang bawk in..a tawpah ah chuan personal choice a ni eee,mahse total prohibition hi chu bih chian a ngai!
Report this comment
April 17th, 2008 at 4:09 pm
Zu khap hi chu Synod leader ho in ramdang leh state dang an zin changa in tih theihna an neih ve chhun a lawm, 100 ah 100 kristian kan ni tih leh 2nf highest literacy kan nei tih nen. Highest drug addict tih leh among highest HIV infection tih vel chu an sawi tel duh thraks nang.
Report this comment
April 17th, 2008 at 4:28 pm
Synod hruaitu te hi ZU RUI dik tak zawk chu an nih hi.
Report this comment
April 17th, 2008 at 5:00 pm
Nia
Report this comment
April 17th, 2008 at 6:25 pm
Mizote hi zu khap tawk vela mawl kan la niin ka hria. Keini chu kan la insual phah tuk tuk a, chhungkua kan la vaw tuk tuk a, kan rilruin zuin a la pha chiah lo niin ka hria. Sorkar tha a awm phawt chuan zurui vengtu police an awm tha ang a, khawlaia mi tibuaite an man zung zung ang a, zu khap tlak kan la ni ve ang chu.
Anyway… youth movement for mizoram chuan website a nei ta. Visit. https://www.ymm.co.in
Report this comment
April 17th, 2008 at 7:01 pm
Zu hi chu tui ve deuh ania..
@Mizo Master;in website ka tlawh e.Pawl tha tak leh thiltum nei tha tak in ni.All the best.
But,one thing,Thiltum tha tak tak duan chhuah a, mite cho phur a movement siam mai hi chu a har lo,nimahse,Mizoraminkanmamawh chu,chung ai chuan,a tak thawk,tlo,rintlak hi ani kan mamawh ni.Kan ti ve mai mai nih chu !
Report this comment
April 17th, 2008 at 8:04 pm
Entik tak mo Hnalan Wine Shrop.com an hawn ang!!
Report this comment
April 17th, 2008 at 8:50 pm
ok
Report this comment
April 17th, 2008 at 10:59 pm
Naughty_but_nice, Mizo zinga zu in thiam ka hriat chu Pu J.Lalsangzuala a ni a, amah ang hi chu vang tak an ni…
Tin US chhim lam Bible belt(Pathian thu awih tamna) an tih ho state then khat ah khu chuan “Dry day” a awm ve tho, zu an hrlah chhuak miah lo chung ni chuan..tlat mai a!!!
Report this comment
April 18th, 2008 at 1:02 am
Zu hi ina ‘sual’thei a ni a,In a ‘sual’ loh theih ani bawk.In loh pohin a ‘sual’ theih tho
Report this comment
April 18th, 2008 at 1:24 am
zu zawng zawng zing a zing zu zet zawng hnar a ti bawr hlur zel
Report this comment
April 18th, 2008 at 9:58 am
Mizoramah chuan zu hi a in lo pawn kan rui chu a nih hi.
Report this comment
April 18th, 2008 at 4:37 pm
ZU HI HMANG THIAM KAN AWMLO A NI A?!!
ZU hi hmang thiamlo tak tak an awm pawh ka hrelo. A then in ruih nan an hmang duh a, an in teuh a an rui mai a. A then in chaw ei tui nan tem (sip) hnih khat lek an tem a ( keimah ang te :D) a tawk mai. A then in intih thupui fun nan hman an tum a, sawrkar hnen ah khap turin an nawr ta a, an khap ta reng a (an tawng theih luat ah). A then lah in sumdawn nan an hmang bawk a….atam ang. ZU HMANG THIAM KAN AWMLO tih hi chu dawt muhlum a ni in ka hria…hman duh dan a in anglo mai chauh ni berin kei mi mawl mang hi chuan ka hmu.
Report this comment
April 18th, 2008 at 5:31 pm
Zu hi eng ram mahin an khap puitlin thei lo a nih hi…kan Mizoram hian eng chen nge kan la khaptheih zel dawn? lo thir phawt i la…
Report this comment
April 18th, 2008 at 6:37 pm
Tunlaia ka vei zawk chu zu a zalen tih vel lam aiin in thin an awm ta rau rau, changkang zawkin in thiam tawh se ka ti khop mai. Drunken driving te leh ruih vanga mi tih buai ching (tunlai chho hian thalai hian an ching thar lehzual) poh hi police kher lo poh hian man ila zilh hrep mai ila, tih mualpho poh poisa vak lo ila hma an sawn phah mai lawng maw… te ka ti deuh rum rum!!
Report this comment
June 17th, 2010 at 11:22 am
Zu hi kan chhungkua leh khawtlangin kan chhiatpui em avangin ka HUA
Report this comment
August 16th, 2010 at 12:24 am
[…] https://misual.life/2008/04/.....uh-ve-dan/ […]
Report this comment