Mipui Tangrual Pawl (MTP) chuan vawiin (24 April) khan press release an siam tharah CBI kohluh chungchanga an ngaihdan an sawifiah a. Tun hnaiah chanchinbu lamah te comment hrang hrang “MTP in CBI koh luh an tum lo”, tih ang reng an chhuah fo avanga siam niin an lang.
An press release-a a lan dan chuan MTP te hian Mizoram Police te hi an ring tawk a. Anti-Corruption Branch (ACB) te pawh hi tih chak a, zalen taka hna an thawh theih chuan an rintlak a ni tih an tarlang bawk. Kan police te hi an hnung khirhsak lova, thuneihna sang tak pek an nih chuan kan rama law and order lama harsatna awm angte hi chu an chhuichhuah theih an ring. Chuti chung pawha harsatna lian tham chhui ngai, mipuite’n CBI ngei chhui tir tul an tih ang chi a thleng a nih chuan CBI koh luh ngei chu an duhdan anih thu an tarlang tel bawk a ni. (vanglaini.org ah a en theih ang)
Ka ngaihtuah mai mai chu Babutea hian CBI koh luh chuan chhuah tir leh mai theih an ni dawn lo tih ang reng thu kha a sawi a. Pu.S.L.Sailova (President, SOSA) article rawn ziah (tun hnaiah mai khan) ah kha chuan CBI hi an lo lut tawh a, chhuah tirna order hi amah Pu.Zorama ngei sign a nih thu leh chu order letter pawh chu SOSA in an kawl thu te kha a rawn ziak lang a. Chuti a nih chuan CBI kohluh hi MNF hian a hlau hle zawk a ni mai lo maw? Congress lam hian koh luh hi an sawi ve chhen a, CBI hi duh duha koh luh theih an ni tihna em ni?? A hre deuh chuan han ziak teh u a!
MTP ngaihdan hi kei ka thlawp zawng tak mai ani a. Kan ram police te hi hotu lam phuar vang mai zawkin an che thei lo anih rinna lian tak ka nei. Lawngtlai Bank rawk chungchangah pawh khan police lama ka hmelhriat pakhat chuan a titute kha an hre reng a, hotu lamin man phalna order an pe duh tlat lo niawmin a sawi ve tlat (a sawitu hi ka hriat chian mihring ani lehnghal a, dawt a sawi zawng ka ring lo khawp mai). Kan police te hi an hmingchhe ngun mawlh mawlh viau mai a, an hming tih that hi ram hruaitute mawhphurhna lian tak niah ka ngai.
Similar Posts:
- Aizawl-ah Hazare thlawpna inkhawm
- CBI leh Babutea
- Thamna hrim hrim
- Chanchinbua chhuah hi
- Hnungtawlh lo turin ‘Thingserh’an sat!
May 25th, 2008 at 3:56 am
Keima mimal ngaihdanah chuan Police te leh Mizo mipui hrim hrim te hi kan hnam a la naupan vang pawh a ni thei e, kan la in chhungkhat laina kual deuh thum hlawm a, thisen lama inhnai lutuk lo te pawh thenrual tha tutu te erawm thenawm khawveng tu tu te erawh atang te in kan la in laichin hnai viau zel a. Chuvangin Lalthanhawla’n a sawi fo thin ‘thil diklo titu kan hriat te pawh, hrem dawnin hotu lam tu emaw tak te chhungkhat hnai vai an nih loh pawhin thenrual tha an ni deuh zel a, action lak tak tak a har thin’ tih kha a dik hle hian ka hre thin a. Mahse chu chu society leh hnam hian khawvel eng a lo hmuh ve tak siah chuan kan mamawh hle tawh bawk si.
Chuvangin Police Officer ngei ngei te pawh CBI te chhui ngaia an chet chang te pawh a awm thei. Chutiang chu kan la tawng chho zel ang. Chutiang bawkin CBI ngei te pawh an chet dik tawk lohna a awm chuan Police ten an la chhui tur thil te pawh a awm ve thei tho bawk. Chuvangin tuna a landanah chuan Tual thi chhui chhuah loh tam ta lutuk leh misual tih tih hriat loh te chetna hnuhma chhui chhuah loh a nih fo avangin miin zalen takin engmah a sawi chhuak ngam lo mai ang tih a hlauhawm a. Pu Chanchinmawia case ah ngei pawh mi tam tak chu an thit phah viau thei. Chuvangin misual chhuichhuah loh leh tualthat man loh te hi kan Police ten an chhui chhuak ta lo ro ro chu CBI hian han chhui ve thin se la?
Tin, CBI koh luh leh hnawhchhuah chu State sawrkar thu thu a ni a. Hmani lawkah pawh Army Officer pakhatin Vairengte naupang phaia a hruai thlak a chinchang hriat zui loh pawh CBI kan chhui tir tho a ni lom ni? Engatinge Eirukna chhui tura kan duh leh si loh?
Tarlan tak te atang khian kan society a la tet avang leh hnam naupang tak kan la nih avangin keimahni leh keimahniah in zahtawnna te, in lainat tawnna te, in khawngaih tawnna te, in hmaizah tawnna te ala tam em avangin thil tisualtu leh hlepru te hi kan in man chhuah hreh hle rih niin alang zawk mah a. Eirukna atanga building lian pui pui leh khawsa sang em em te pawh a eirukna lam ngaihtuah sak aiin an thatna lai sawi sak chu kan Mizo zia a ni fo. Mahse, hei hian kan ram lo hmasawn chho zel tur leh inrelbawl zel dan turah min tithuamawptu a lo nih dawn tak avangin kan kaldan phung leh ngaihtuahdan pangngai te kha kan thlak ve a lo hun ta a. Hetiang tithei tur leh chhungkhat laina hnai leh thiantha te thliar hrang chuanglo Hnam dang emaw midang emaw, CBI emaw te chu kan mamawh ta a ni ber e.
Report this comment
May 25th, 2008 at 5:45 am
MTP an lo awm leh tawh a ni maw. YMA hian Mizo mipui zawng zawng a huam mai lawm ni. Hei hi khalh dik i tum ilang in…tichuan eiru te hi tawtawlik vek turin CBI chu ko lut ula aniang chu.
Pawl hming kher a koh luh an ngai a mi a….CBI te chuan Mizoram kawrap dan chu an hre chiang ngawt ang…kan ram thatna duhtu nise chuan koh luh ngai lovin an lo lut daih tawh in ka ring tlat. A thu hrim ah tinge pawl hminga koh luh kan tum kher thin hi…tu in emaw evidence (proof) na nei paper zuk thawn se…Vairampur ah chuan a tawk reng lawm ni. Pawlitikal party in vau nan/intih thianghlim tum na hmanrua a an hman reng mai hi a fel hlel ka ti tlat.
Engpawh nise, India sawrkar hian Mizoram hi min ngaisang lo em atin a ni…CBI pawh hi an lo luh miahloh chhan…ka ti ve tlat a ni. CBI te chu R.A.W. nen India in arukaral a mi chhui thiam (intelligence) a neih that ber te an ni si a…Mizoram kawrap te chu report ngai lovin an hre daih tawh ang. An hnar ti phit tham atan an ngailo a ni ber in ka hria.
Report this comment
May 25th, 2008 at 12:54 pm
kohluh hi a that leh thatloh kei mimawl hian ka ngaihtuah ve thiam lova. mi fing corruption a buai velo ram hmangaih tute sawi hi ka ring mai. political party ho sawi erawh rin miahloh tur.
congress ho te hian kohluh an chak ngawt ang MNF ho hek nan. an sawrkar laia an ngamloh tur mah nise, an sawrkar na a rei deuh tawh a, an mualpho ve phak an ringlo pawh anithei.
party in hekna leh party thatnatur ringawt ngaihtuah ho hian a that leh thatloh pawh an ngaihtuahin ka ringlo.
Report this comment
May 25th, 2008 at 6:37 pm
@H.Vangchhia:CBI koh luha thil chhui tir tur chuan State sorkarin consent a pek a ngaiin ka hria.Chuvangin eng pawl mah hian (MTPtelin) CBI hi an ko lut mai lovang a hman hman koh luh mai chi an ni lovin alang.Tin,sorkar apiang hian koh luh hi an hreh tlangpui niin a lang.Congress pawh hi sorkar se an duhin ka ring chuang lo.
Report this comment
May 26th, 2008 at 6:40 am
CBI hi Pathian tlukin kan ring mai dawn em ni? Vaiho an ni ve mai lawm ni? Mitin hian Pathian chhui ngam turin dikna leh rinawmna hi um tawh zawk ang u.
Report this comment
May 26th, 2008 at 6:51 am
muantea: a nih chuan…CBI hian thil felhlel an mahni in hriat tumin an chhui nghal mai lova, sawrkar (state ang te) in a hriattir te te loh chuan an hre lova an chhui ngailo tihna a mi. Ka man thiam chiah lo…
Report this comment
May 26th, 2008 at 7:07 am
CBI hi Pathian tlukin kan ring mai dawn em ni?
Pathian tluk thleh chu anni mai, kan kam police te hnung lama tawnbeh ai chuan.
Report this comment
May 26th, 2008 at 8:12 am
Mizoram ah chuan a thu hrim ah SIB kan nei ve reng alawm….central lam tho an nia lawm…students ho an nuarh tum vel chu an report thin kha :))
Report this comment
May 29th, 2010 at 4:51 pm
CBI te chu Mizoram ah an awm reng a lawm le,An Office poh Govt Complex ah a awm khu.Mizo te hian zirtur kan ngah khawp mai,Thil kan hre rei lo hle mai,CBI te hian CAPART Project,Pastor Chanchinmawia Case te an chhui tawh kha. Kan Pastor Case phei chu Court ah Report an theh lut daih tawh anih kha.Kan Police SIT(Special Investigation Team)leh CBI te chhui chhuah dan kha bak rin tur kei chuan ka hre lo.Kan Pastor Case chhui tur in CBI te chu an rawn lut ngei anih kha.
Report this comment