Pa ber tapchhakah thu in thingpui hang a inthlit a, a dawt ri khulh khulh a; nu ber chuan sumhmunah buh a dêng tlauh tlauh a, chutihlai chuan inchhung lama a bai chhuan chu a so barh barh a, aliam ta; tapchhaka thu Pa ber chuan chawh tum hlek lovin ‘Nu-i, i bai chhuan aliam’ ti in pawn lama an nu buh dêng lai chu a ko lung lung a, nu ber chu hmanhmawh êm êmin arawn tlan lut thuai a, arawn chawk rawk rawk a, a buh dên chhunzawm turin a tlanchhuak leh thuai a.
Hmanlai hmeichhiate dinhmun leh tunlai hmeichhiate dinhmun innawm hleihzia leh inthlauhna chu keini hmeichhiate bawk hi sawi nuamti leh hrechiangtu kan ni ngei ang. Tin, mipate lal zia leh inlulin thiam zia kha sawi nuam kan tihlai a ni fo mai. Mahse, ti hian thlirdan dang deuhin in thlir teh ang!
Tunlai mipa thenkhat nupuite ngamlo lek lek, mi zinga an nupui te’n an khak fak fak ngam kan tam sawt ta riau mai. Nupuite thawhchhuah ringa, mi zinga dak zuah zuah te pawh kan pung sawt ta. Nupui/Puzawn te rama in sa a, tlawma lak tum hauh lova, kei ber emaw ti a, mi lu chunga leng nia inhre ta riau te pawh an tam ta (hmusit lam ni lo se).
Tichuan, mipa te u, han ngaihtuah thui deuh ta ula; hmanlaipa, tapchhak atanga ‘Nu-i, i bai chhuan liam’ ti ngamtu kha chu a nupui thawhchhuah ringa khawsa a nih arinawmloh ti r’u. A nupui/puzawn ramah phei chuan in leh lo a dinin ka ring hauhlo, a ma thawhchhuah ngeia asak inah a eiin a in ngeiin a rinawm. Kawng engkimah ‘Nu-i,engtinnge niang’ ti duai reng mai lovin, nu leh pa te tan rintlak, a chhungkaw tan innghahna tlak ni turin ei azawngin, thawhchhuah lam a kuta dah ngama, in lama rawng bawl hna chu nu ber kutah dah thiam mi a ni ngei ang.
Mut hmunah pawh an nupa in ti ti phungleng sawiin an phun ve sep sep ngei in han ring leh phawt ila, nu ber chuan a pasal chhungte laka a lungawilohna te pawh a sawichhuak ve zauh ngei ang. Mahse, Mizo Pa a ni a, a nupui chu a pawng tawng tan hlur hauh lovang, a rûkin engtia thurem tur nge ti in thu lai lak dan tur a zir ru ngei ang. Tunlai Pa thenkhat an nupuite pawngtawng tan hlur mai, mut hmunah nupuite vui derna la thutak a, mahni nu leh pa te laka vuihmuipu chunga, indan pui ta luah luah sawi tur an awm ta zeuh zeuh. Hmeichhia hi kan sual viau reuh ania, kan vuivaina zawng zawng hi thu puitling ani kherlo fo thin.
Zirna leh eizawnna ah hmeichhia an san zawk hun lai kha a awm a, tunlaiah erawh mi pa an rawn lang tam tan ta a, ngaihsanawm tak tak an tam rualin hmasawn tum lemlo, nupui neih nachang erawh hre fu si, nu leh pa te chawm a tan nupui hawn zak lo an la awm fo mai. Tichuan, mipa te u, han insangmar lehzual ula, mi pa tak a mahni thawhchhuah ngeia nupui fanau chawm zo, a huna hmeichhiate dawm thiam, ‘Nu-i, i bai chhuan aliam’ ti ngam ngat khawpa mahni dinhmun vawnghim ngam mipa ni thei theuh turin Mizo Pa takin han in sangphek lehzual teh u.
Similar Posts:
- Rotuiburi..!!
- Thaibawih kan tih fo hi
- Tunlai Mizo Mipa leh Hmeichhe Dinhmun Hi
- Pastor atan Hmeichhia ?
- Nupui atan chuan virgin ngei
March 1st, 2014 at 6:45 pm
Ziak thiam bawksi ziak dik bawksi……mipa lam hian tan kan ngaita khawp mai….
Report this comment
March 1st, 2014 at 8:58 pm
ziak tha e
Report this comment
March 1st, 2014 at 9:10 pm
Pa mawhphurhna hlen thei turin tan i la thar ang u..
(sawi belh mai mai ..)
Ka chak zawk a, ka hman zawk a lawm tih vangin Pa in tui chawi ta se.. Nu a mualpho hle ang..
Nu bai liam Pa in a lo chawh ve ringawt khan.. Nu a ti mualpho a ni.
Feh kawng leh ramhnuaiah nu in rit phur luk luk mahse.. Pa chu ruak in a kal tur a ni. Sa leh ralah a nupui a chhanhim a ngaih avangin Chem tum bak a hum thiang lo… chutiang zelin…
Kan pi leh pu te kha… Tih tur leh tih loh tur fel ve angreng taka thliar fel vek a ni.
Report this comment
March 2nd, 2014 at 10:48 am
misual.com a ka thu post vawikhatna ania…in lo chhiar ve tih ka hmuhin ka lawm lutuk e….
Report this comment
March 2nd, 2014 at 2:09 pm
Hmeichhia hi kan sual ania tih khi
ka thlawp khawp mai. Nupui te vuivaina
zaeng zawng pasal ten ralah an lakpui
chuan pasal chhungte leh monu inkar
a khi zau duh khop mai. I ziak tha hle
mai.
Report this comment
March 2nd, 2014 at 3:42 pm
A tha hle mai. A vawikhatna tih pawh a hriat hleinem.
‘mahni nu leh pa te laka vuihmuipu chunga, indan pui ta luah luah sawi tur an awm ta zeuh zeuh.’ tih hi ka nihna.
Report this comment
March 2nd, 2014 at 11:49 pm
hahaha…….@Bialua……sual reuh tak kan ni tak2 lawm ti ro…….@chhana…….hehe…va zialo veee…haha
Report this comment
March 3rd, 2014 at 1:19 pm
Manuni Pachua, i bai chhuan a liam. Bai dang rawn chhuang leh rawh. Kan chhiar chak. (FB lama mi(suak) ho an pem zawh hma chuan hetianga social issue hi post ngaihnawm zet zet a awm thin a, tunah chuan post tu an tlem bakah comment tu kan tlem lehzual ta anih hi. Tun hma lam chu a ng thei tawh dawn lo.
Report this comment
March 3rd, 2014 at 1:56 pm
borat comment chu Like kan tum chu a.. like button ka zawngruai mai…haha..:-D
Report this comment
March 3rd, 2014 at 3:13 pm
I thuziak hi a dangdai ka ti. Ka thlawp ru riau bawk a. Mahse, ka aia hlawh tam (a let tam takin) nupui neih ka tum mek a, ka inthlahrun phah deuh duk bawk. Good post!
Report this comment
March 3rd, 2014 at 6:43 pm
Ziak thiam hle tak mai a….Hmanni chu nuho in kawng an zawh a Hmeichhe chawikan kumpuan a ngailo,kan kang sa an ti
Report this comment
March 4th, 2014 at 4:17 am
Ziak thiam reuh ve
Hairehai 
Report this comment
March 4th, 2014 at 1:18 pm
Post tha tak chu a va nih teh lul e.
Hnam hrang hrang a Hmeichhia te dinhmun hi ka ngaihven a, dan leh dun in humhalhna ah chuan Mizo dan hi Hmeichhia tetan hian a chhe ber pawl a niang tih theih deuh tho in a chhia a. Mahse Mizo Hmeichhia te hi “SELF-MADE’an ni chiang ngot mai. Kan customary law hian mipa te hi a dah chungnun lutuk vang nge,mipa tam tak hi an in thlahdahin an chan tur hre ran hian inchhung a awm an ching ta mai hi, ti a ngaituahna sen chan pawh a tam duh khawp mai.
Report this comment
March 5th, 2014 at 11:31 am
Tun ang lai ah chuan Pa ber in Gas stove bulah thingpui hang nilo in.. thildang a dawt ri khulh²a.. eirawng an bawl surh² zel
Report this comment
March 5th, 2014 at 11:42 am
Ngaihtuahna sen ngai ve deuh nia ka hriat erawhchu, “Hmeichhia-te hi an pawng (sual/luhlul) ta viau nge ni ang a, Mipa-te kan NEP ta viau zawk a (education/position/quality/income etc.), kan nih tur ang kan ni pha tawh lova, Hmeichhia-te zah hi kan kai tawh lo zawk emni ang?” tih hi ka lo ngaihtuah mek…
Report this comment
March 5th, 2014 at 2:19 pm
commentna ho khi like thlak chakawm thei khawp mai…kan chhiar nui thla vawr2 mai alawm lee…
Report this comment
March 5th, 2014 at 3:39 pm
Ka post hi comment min off sak tlat a, engati why?
Report this comment
March 5th, 2014 at 6:53 pm
Admin ho khan an chhan vat che ka beisei
Report this comment
March 6th, 2014 at 11:43 am
keipawh ka log in theilo zeuh2….
Report this comment
March 7th, 2014 at 12:43 am
Post tha tak a ni. Ni e, hmeichhe thu sawi thenkhat hi chu han lak vung sak viau dawn ila anmahni zawk hian chuti takin an lo la thutak leh lem hlei lo a, a buaithlak chang a awm thei reng a ni.
Thu dang alaiin, misual.com chu kan tui thar leh deuh dawn niin a lang a, a lawmawm hle mai.
Report this comment
March 8th, 2014 at 11:30 am
Ka va duh tak em!
Report this comment
March 8th, 2014 at 8:34 pm
a va sawi dik hlawm ve, a chang chuan pa ho hian nu ho hi min bawl thutak mah mah a muthmun a phun se se a vui vai ser ser hian, ‘i chhungte hi va hau hrep roh,indang nghal ang’ kan tihna a ni vek chiah lova kan double meaning ve hi pa ho hian an man theilo re re… ‘ka hahzia te ka felzia te,i chhungte/inchhungkhur tan a ka thawh nasatzia hi hrevela min duat deuh teh’ kan tihna mai te hi a nia
Report this comment
March 8th, 2014 at 9:21 pm
Dik chiah. Mipa thenkhat hi chu an inla ‘man’ mah mah alawm.
Badboy @14
Report this comment
March 9th, 2014 at 2:58 am
A va tha em hei chu. Mipa hi kan thatchhe ta deuh a, fuihna tha tak a ni e.
Report this comment
March 18th, 2014 at 2:46 pm
in lo chhiar hlawm chu ka lawm takzet ee…
Report this comment
March 20th, 2014 at 2:33 pm
#Jennifer Lo comment khi tha khat tlat. #Manuni Pachuau, i post tha hle mai. Silent rei tawh po’n kan comment leh duk duk mai a lom…
Report this comment
March 20th, 2014 at 10:09 pm
^ 26 Hairehai
Report this comment
March 26th, 2014 at 1:45 pm
Va ziak thiam ve.. Duat i chakawm hle mai
A thupui atang hian a Mizo raih mai a, chhiar a chakawm nghal…
Hetiang thutha i ziah leh dawn hunah min rawn tag tawh rawh aw :lol:
Report this comment
April 7th, 2014 at 1:18 pm
Tag chiang ang..haha…..commentna chhiar hian like thlak a chakawm thei khawp mai…..in zavai chungah ka lawm ee… ti daih ila…pp dah dan khi hriat ve a chakawm….ka dah thei der lo….
Report this comment
April 8th, 2014 at 8:38 am
#29 Manun, i number leh i fb name min lo hrilhla, a theih phei chuan password nen. Ka lo hrilh ang che. :lol:
Post hlui ah khan avatar dah dan tih a awm ang; han search chhin la, i thiam loh chuan ka idea khi kan apply dawn nia
Report this comment
April 9th, 2014 at 10:06 am
hahaha….Fb name ah chuan ‘Manuni Pachuau’ tih tho in ka awm….kan search ve chhin hrim2 ange…
Report this comment
June 26th, 2014 at 3:09 pm
# Tha ltk…
Report this comment
June 26th, 2014 at 4:10 pm
A van tha ve
hairehai 
Report this comment
June 26th, 2014 at 9:17 pm
# Pu Hv, ti em em a Misual hi areh tak mai le… A va lunglen thlak em!!!
Report this comment
June 27th, 2014 at 10:06 pm
kilung, reh suh se
admin-te an hmanhlel thin em a lawm mawle. Tunah chuan schedule lam titu tha tak mai a awm leh tawh a, kan kal eh zawt mahna! Hairehai 
Report this comment
July 16th, 2014 at 4:25 pm
misual.com luh ava khat thei ve oo…thla thum hnu ah chauh
Report this comment