BJP workers protesting against cross-voting by Bangalore North MP H.T. Sangliana. Photo via daijiworld.com
Kan India ram ro(pui) takah Mizo te hian Lok Sabha MP pahnih kan nei ve a. Pakhat chu Mizoram MP Vanlalzawma a ni a. A dang pakhat leh chu Bangalore North atanga thlantlin MP Dr. H. T. Sangliana (born 1 June 1942) a ni.
Kan ram ropui tak hian fiahna a hmachhawn zing hle a. Nimin mai 22nd July, 2008 pawh khan N-Deal vangin fiahna a hmachhawn leh a. NDA vs UPA a ni deuh ber mai.
MP rual chuan vote an han thlak ta a. UPA chuan hnehna an chang a. Mahse sawizui a hlawh hle. Hetih lai hian BJP MP pariat lai chuan an party thu lovin UPA lama an vote avangin an party atanga paih an ni a.
UPA lam hian hnehna chang mahse kan sorkar laipui chu a buai hle a ni. Lok Sabha Speaker Somnath Chatterjee pawh an party Communist Party of India (Marxist) chuan an ban nghal bawk a.
Hetiang teh nuaih a nih lai hian kan Mizo MP pahnih te hi sawizui an ngai hle a ni. Pakhat chuan an hotute thu lovin UPA a vote a, an ban phah! Pakhat ve thung chuan an hotute thu-in vote a hai (abstain) a, thalai te lamah chuan a tla-na lo nghal hle.
Mahse eng ti tih-a HT-a hian UPA lam hi vote ta mai nge a nih tih hi zawhna lian tak tling a ni. Mizoram lamah hian Sonia te nena tangdunin hmalak an tum em ni ang?
Pawisa tamtham tak (Nuaih 100) dawng MP zingah an awm tih te kha a dik a nih chuan a dawng zingah hian a tel ve a ni mai lo maw, tih pawh hi zawhna awm thei a ni ve tlat!
Kan Mizoram MP khan ‘North-East lam atanga thusawi tur in awm em?’ tia zawhna an zawh lai khan kan ram in-a a tawn mek Mautam chungchang te hi han sawi ve khauh khauh (tawngkam thiam vak lo chung paw’n) se chuan HERO a ni thei mai tur.
Mahse Pute thuawih vangin a ZERO a ni ta mai lo maw? Kan ram India ram-in min hriatchian lehzualna tur hun rangkachak kan MP in a hlauh niin i hre ve em? Kan ram hian hma a sawn dawn emaw kan tih lai tak hian politics diklo a awm vangin hma kanawn thei dawn ta lo chu a nih tak ber hi!!
Sawi zawm teh ang u..
Similar Posts:
- Vote thlak loh hi
- CNBC TV18 Opinion Poll for FM
- Pu zawma bak, pu HT-a mihring?
- NLUP dawng ve duh lo, kan khaw pa
- MP Zawma dem tur a ni em?
July 25th, 2008 at 3:52 am
Pu Zawma hi Bangalore-ah MP turin zu in candidate ta sela eng chen nge a thlen ang?
Pu Sangliana hi Mizoram MP atan in candidate ve ta sela eng chen nge a thlen ang?
He ti zawng hian an dinhmun chu thui tak a hriat theih mai lovang maw?
Report this comment
July 25th, 2008 at 6:26 am
Tuirial hi han khuap zo thuai thuai se, hmuifang tlang thleng hian tui han tling puau mai se speed boat a tlan vel a nuam viau long maw?
Hei chauh tal pawh hi MNF hian ti hlawhtling se chuan vote tling leh tlak ah ka ngai ang.
Report this comment
July 25th, 2008 at 7:17 am
Aryan:an khuap lovang an eizo tawh, tih leh vak ngaihna an hre tawhlo,Tuirial ka ngaihtuah hian ka thin hi ala rim ut ut,kan ram rohluve tur tiin kan lo nghakhlelve em em a,mi pamham tlemte avangin kan hluihlawn leh mai dawn a ang.Diklo tak a compansationla kan hriat chian em em pawh engtin mah kanti ngam hlawm bawk silo, hman ni lawk khan ahmunah ka kal a,rilru ana duh khawpmai.
Report this comment
July 25th, 2008 at 6:55 pm
Pu Zawma dem suh u. MNF Party, ram tana engmah tih tum lo dem zawk rawh u. An hnungkhirh tlat alawm. Pu Sangliana pawh Mizo MP a ni na a, Bangalore vaiho MP alawm. Please, misual.comers, Care about Mizoram.
Report this comment
August 1st, 2008 at 12:59 pm
Pu HT Sangliana hi a uih ka ti…amah thlangtu BJP te tan chuan tenawm a ni ngawt alawm le.A ni baka mi tenawm an awm dawn em ni.Party whip pawh ngai pawimawh lo a a ma duh thu thu a a kal hi a dik lo.Congress te hi a lo melh tai a ni lo maw…Mizoram thlir ranin….
Mawl taka ngaih dan ka neih ve mai mai chu MP Fund hi Serc Khamp sawi ang khian HT-a MP Fund hi siki pawh kan chhawr lo re re.
Mizoram MP tawh zawng zawng zingah leh Delhi tlanga MP/Minister lo ni tawh zingah Pu Zawma baka biak nuam,Mizoram tana hna thawk tha,Kristian chhungkua atanga sei lian leh Kristian chhungkua dik tak bakah engmah mipat hmeichhiat naa hming hliau na nei lo a ni.A ni hi Mizoramin kan nei chu vanneih tawpkhawk kan ni e.A hma lama MP te minister te kha Mipui te ban phak ah an awm lo a,mipuiten kan pawh ngam hek lo.
Ka ngaihdan ka rawn sawi ve deuh duah a nih hi.Duh duh in min chhang theih e….
Pu HT-a pawh zirlai ka nih laia ka zin tumin amah chiahin Mizo officer (IAS/IPS etcccccc) ho zinga min be lum lam peih ber a ni thung.A in duh lo a,amah a polite bawk.
Report this comment
August 1st, 2008 at 2:55 pm
Pu HT Sagnliana hi BJP vanga chak ani lo. Eng party hming pawn ding se a chak tho ang. A bial kha Congress family hlun chan thin reng ani a, BJP tan a harsa lutuk. Chubakah BJP in seat tam deuh an hloh tuma amah chak anih kha hre reng ila. Pu Zawa ang thova biak nuam ani. MP nih hi biak ringawta teh tur ani dawn em ni ?
Report this comment