All India Football Federation in Mizoram a recognised tournament a neih awmchhun Independence Cup chu aug ni 1 – 12 chhung hian AR ground ah khelh tan a ni ta. Tunhnaiah Mizoram Football Association chuan Mizoram a football hmasawnna turin theihtawpin tan a la chho mek a. Thla hmasa khan I Division League thawh khatna chu khelh zawh a ni tawh a. A thawh hnihna khelh chhunzawm leh a nih hmain Independece Cup hi khelh a ni ang.
Independence Cup 2008 ah hian I Div club pariat te chu champion ngei tumin tunlai hian ngawrh takin an inbuatsaih hlawm a. Kuminah hian heng team pariat te hi group hnihah thenin group khatah team pali ve ve an awm a. Group A ah nikum finalist Luangmual FC chu seeded niin MFA league thawh khatna a hmahruaitu ni mek Dinthar FC leh pahnihna hauh mektu FC Kulikawn leh tun season a I Div a inhlangkai thar SSA Football club te an awm a. Group B ah Police team pahnih Ist Bn MAP leh 3rd Bn MAP Zotlang FC leh College Veng FC te an awm bawk.
Independence Cup khel tur hian club hrang hrang te chuan theihtawp an chhuah mek laiin Referee lam pawh in tan an la nasa a. Independence Cup atan liau liau hian referee clinic pawh neih a ni tawh a. Mizoram a referee kan neih te hi a tha tlang hlawm hle a, chutih lai erawh chuan physical fitness lam hi an tlachham deuh nia hriat a ni a, an thlakchham hi hriain MFA hnuaia Referee Board chuan theihtawpin tan a la chho mek a ni.
Group pahnih te han thlir vang vang hian Group A lamah MFA League kal laia pakhatna Dinthar FC, pahnihna FC Kulikawn, pangana SSA Football club leh pasarihna leh nikum independence cup a runners up Luangmual FC te an awm a. Group B ah MFA league thawh khatna a pathumna 1st MAP, palina 3rd MAP, parukna Zotlang FC leh pariatna College veng FC te an awm thung. Hetia han en mai chuan Group A atang hian tute club in nge semi final lut ang tih chu sawi thiam har tak a ni a. Group B lamah chuan Police team pahnih te hi an dinhmun tha deuh tur a rin an nih laiin, Zotlang leh College Veng te pawh hi tunah chuan inbuatsaihna tha zawk nen an rawn thawk chhuak ang a. Team thar tha tak an rawn din mai thei asin tunge nge hria? Police team pahnih te pawh fimkhur taka an khelh ve ngei chu a ngai ang. Group A lam hi sawi lawk thiam a har viau a, player an nei tha hlawm a. League table a hniam lama awm Luangmual FC hi player reinforced in team tha tak din an tum a. foreigner te hial an inchah lut a. Hetiang a nih chuan an khingpui te tan thawh an khirh tawh viau mai thei. Hetih lai hian club dang pathum te pawh MFA league ai chuan an inbuatsaihna a that zawk hlawm vek avangin league ai chuan player te pawh an fit in an in man tawh zawk ngei ang. Tunge semi final lut dawn sawi thiam a har khawp mai.
Independence Cup khelh phung tur hi duan fel ni tawhin group league khelh a nih hnuah group khat a point hmu sang pahnih ten semi final an khel ang a. A chak pahnih ten august ni 12 hian final an khel ang.Kuminah hian Chief Minister Pu Zoramthanga thahnem ngaihna zarah kum dang zawng aiin pawisa fai hlawh tur pawh a tam tham dawn a. MFA hnen a cheng nuai hnih a pek chu lawmman atan sem ral a ni vek dawn. Champion team chuan Rs 60000 an hlawh ang a, runners up in Rs 40000, semi finalist team pahnih ten Rs 25000, team tel ten Rs 15000 theuh an dawng bawk ang.
Ni 1 aug khan match hnih khelh a ni a, SSA Football Club chuan an khingpui Lungmual FC chu 4 – 0 in an hneh a, Lungmual FC hian foreigner pahnih an neih chu an chak pui zo ta lo a ni. SSA tan hian Laltlantluanga leh Racy Lalremmawia te chuan goal hnih ve ve an thun a, inkhelh vawi hnihna ah Dinthar FC chuan 2 -1 in FC Kulikawn an hneh a. FC Kulikawn hian Luangmual FC ang bawkin Foreigner nei
Similar Posts:
- Independence Day Celebration Football Tournament
- A vawi nga na atan Mizoram champion thei a ngem?
- Mizo club tel lohna 2nd-division I-league final round
- U-21 National-ah Mizoram in final lut
- Football fan-te tan!
August 2nd, 2008 at 4:43 pm
Sport Article ang chi-ah hian match hrang hrang sawi zauna bakah kan first division team-a telte han sawi zau deuh zauh thin bawk se… Hmingsanga hi a ziak tha theiin, a ngaihnawm thei khawp mai a. Independence Cup 2008 sawihawnna a rawn ziak pawh hi a ngaihnawm khawp mai… Match pahnih awm tawh chipchiar deuh hlekin rawn ziak thei phei se chu a ngaihnawm leh zual ang…
Kan Match Official te tan a la ngai nasa khawp mai… Kan phak tawkah chuan tha viau tawh mah ila…
Report this comment
August 2nd, 2008 at 4:48 pm
“Khelmual tha… khelmual tha” ti in lungrual taka AU leh mai mai chi… Lammual kokual “A” team tan..
Babute-a thu sawi laiin “Khelmual tha .. kan duh , Khelmual tha kan duh…..” tih in au leh ila a tha ang.
Report this comment
August 2nd, 2008 at 5:09 pm
Mamuana sawi ang deuhin kut ka ken hnan tawh dawn lo!
Hmai sunburn khawpin inkhel hi ka en ve thin a, a tir lamah kha chuan match comment pwah hi ka rawn ziak ve thin. mahse ka en hman ta lo em a ni, ka CL in mi daih lo. Semi-final vel atangin ka en tan ang.
Report this comment
August 2nd, 2008 at 5:30 pm
A tawp dan chu a va chhumbung ve….kan hmupha ve si lo a, a hmuna awm ho khan han sawi zel teh u!
Election awm loh kumah pawh khitiang zat lawmman khi ni thei reng se chuan Mizoram football chuan hma a sawn zual ngei ang le!!
Report this comment
August 2nd, 2008 at 6:09 pm
Week end hman nuam vek u leeeeeeeeee
Report this comment
August 2nd, 2008 at 6:53 pm
Luangmual FC leh Kulikawn FC te hian Foreigner pahnih ve ve an nei a. Engual erawh an nih pui hrih lem lo a nih hi…
Dinthar FC leh Kulikawn FC-ah Match official an fimkhur tawk lo deuh.. tan lam nei deuh an awm emaw ni chu aw a tih theih… Dinthar FC pet Goal, fawl an pe te, awfsai en uluk tawk lo te kha. Official te’n tan lak a ngai khawp mai…
SSA leh Luangmual FC inkhel kha chu an inkhan lo deuh hrim hrim a ni. SSA kha an khawng tlat mai a. Kulikawn leh Dinthar kha chu an inbei tawk ta deuh, Dinthar FC striker that zia kha.. No. 15 kha match dang en leh tur in awm chuan lo enchik chi a ni…
Kan Negro chah chhuah te pawh an khel chhe lem lo ve… An lawr zuah bik hlawm a….
Report this comment
August 2nd, 2008 at 7:28 pm
Weekend kan lo hmangzo trep tawh a, mirage The Bank Job tih film kan ena a hmuhnawm khawp mai. A tantir atanga a tawp rat thlengin ahmuh nawm
Report this comment
August 2nd, 2008 at 9:12 pm
Foreigner te hi an that leh thatloh poh en uluk hranlo a, midum an nih vang hrim2 a lak deuh chawt kha an nia…chakpui nachhan tur a awmlo aniang e…
Report this comment
August 2nd, 2008 at 9:18 pm
Chirh diakah kan inkhela nuam kan tive em em a!
Report this comment
August 2nd, 2008 at 9:53 pm
Week end hi a lo va nuam emmmm!! Kanidari pawh eng mah soi lo in a reh hmak hi!!
Mahse sakei monday hi ka huphurh ltk!!
Report this comment
August 2nd, 2008 at 10:01 pm
ehe!!!!!!!!! aryan (chick?) bank job kha ka en ve chak ka la en lo a.. movie hi ka atchilh lutuk a buai thlak, tunhnai ka en ah chuan the awake leh the eye a hmuhnawm
Report this comment
August 3rd, 2008 at 12:18 am
Kan foreigner unaute hian engzatnge an hlawh ve ang le!!!? tih leh engtia hriatchianloh la ve ngawt maw an nih lee??!!!!!!!!!!!
Report this comment
August 3rd, 2008 at 7:59 am
Lammual inkhel en hi kei chu movie en i chuan nuam ka ti fe zawk.
Report this comment
August 3rd, 2008 at 9:15 pm
wonderboy, hman nawm vang pawh a ni lo, kar tluana thu dukdak lo rak pui tluan thak hnua Sunday lehzela han chhunzawm kha em em a ka ti deuh
Football hi kei pawh hmuhnawm ka ti, an pet goal vel te hi
Report this comment
August 4th, 2008 at 4:31 am
SSA striker Racy-a khi ka nau ania ka lompui khop mai aaaaa……… keep it up bro….
Report this comment