Tunlai chu Pherh a lar riau mai a, demna tawngkam te,diriam taka a pherh te tawngkhum na han chhiar hian ka hun liam toh theihnghilh ka duh em em thin a rawn langthar leh uai uai mai. Naupangte ka nih laia mi ten “Tuai mawngkua” min tih a, naupang te ni mah i la ka rilru a nat thin zia te kha.
Tum khat kan thenawm pa in ‘Mami’ min tih a, tap zawih zawih chunga ina ka tlan haw a, ka nu in ka tah chhan min zawh a, ka sawi ngam miah lo te kha theihnghilh hmak ka van chak em. Kan chhungkaw ho kan han in hmuh khawm chang a, min fiam nasat bik zia te, a ruk taka ka hlim loh zia leh ka pate a te ho te pawh ka ngei ruk em em thin zia te leh tun thleng a kha huatna rilru kha a la awm tlat te hi bo tawh se ka van ti thin em.
Middle school ka han kal a, kan Sir in deu taka ka classmate te hma a min chhaih te kha tun thleng hian ka rilru ah a la cham reng nia. Ka classmate, min chhaih nawmnah thin tu te, engtin mah ka chhan ngam ngai loh a, ka box ah an hming ziak a “I hate them” tih a ka chhut zui an man chhuah a, min deu zia te kha, tun thlen in an hming thleng in ka la hre reng nia.
Khang hun lai khan class ah pawh naupang ber leh te ber ka nih vanga hrehawm ti lo va, min chhaih nawmnah vang hrim hrim a school kal ka hreh thin ka nih te kha. Khang hunlai zawng zawng khan ka nu leh ka pa te kam atanga ‘Tuai’ tih tawngkam khat pawh ka hre ngai lo khan ka nu leh pate min hmangaihzia a va ti chiang em. Ka Pa khan min chhuang a, mipa ka ni tih a hria a, mi fa te aiin ka nep chuang lo tih a hria a, min zahpui ngai bawk lo a ni. Ka nu in vawikhat pawh min sawisel ka hre lo. Min hmangaih a, ka nihna ang ang khan a mit ah chuan khawvel a fapa duhawm ber ka va han ni tak em. Amaherawh chu miin a min chhaih na te kha an hre ve thin ngei anga, an rilru lo nat ve thin dan tur chu tun ah hian ka hrethiam ve pha chauh a ni.
Kum an liam a, high school kan kal ve a, tuma hnen atanga ‘Tuai’ tih tawngkam ka dawng ta ngai miah lo ka lawm rilruk thin zia te kha aw. School kha nuam ka ti a, keimah pawh ka hlima, zak reng reng a awm kha ka nei ta hauh lo a ni. Khami atang khan tun thlen hian miin ‘Tuai’ tiin min chhaih leh tawh ngai lo. Ka chetzia a nu lo a, ka tawng kam lah a nu bawk hek lo. Bial nu ka nei a. Hlim pawh ka hlim ve thin.
Tin, tunah hei phai ah theih tawk tawka hna thawk in ka chhung te ka tanpui ve thei tawh a ni. Ka thian leh unau te min chhaih thin tu te kha tunah zawng chhung te chawmhlawm in nupui te an ru a, nu leh pa phur ti rit tu mai mai an ni zo ta. A then school kal zawm lo in, thawhchhuah nei miah lo in an rui bawk.Khawnge hmana pa tak tak te kha.
Pangngai tak in kan nung chho a. Ka pianchhuahpui, ka thisen a awm, ka nihna dik tak zawng a bo thei mawlh lo. Ka mipat pui ka thianpa, thian pangai mai nilo a ka ngaina tih ka in hriat chhuah tirh a ka rilru nat zia kha. Ka rilru a buai a, ka in hre thiam tawh lo. Keimah ka indem a, ka inhlau a, Pathian hial ka dem a nih kha.
Vawi tamtak tap zawih zawih chunga ka Pathian hnena ka mipat pui ka hmangaih tlatna rilru min tihbo sak tura ka dil thin leh ngaihdam ka dil thin te kha a thlawn in ka ring lo. Pawn lamah mi pangai ang thlap in lang mah ila, chhung ril taka ka mipat pui ka ngainat tlat maina te hi tih bo theih chu nise ka piantirh a ta kha tih bo a ni tawh ang.
Ka nihna tak ka lanchhuah pui ngam lo a, ka inthup a, a lema nun a ngai fo reng a ni. Ni lo se mi hmuhsit leh endawng mai ka ni dawn. Ka dawizep a ni tih chu ka hria. Mahse, tunah chuan dawizep nih ka la thlang zawk rih e. Bible ah kan hmu a, Pathian phal loh a ni tih pawh hre lo ka ni bik lo asin.
Piangthar ka ni a, Isua hmangaih tawh tu ka ni a, A ni pawh in min hmangaih ve a ni tiH hi kei tluk a hrechiang tu an awm lo. Ka mipat pui ka va mutpui in ka va ngaizawng pawh a ni lo tunah hian. “If this feeling is a thing which i can get rid off by my own will, it would have been done long back, so i won’t have to cry now, because it kills me so bad inside”.
Mahse ka awm dan tur Pathian chungah ka nghat a. Hun te in her se leilung dan in min phut miau si chuan khiang ka awih te pawh a la ngai ngei ang. Ka Pathian in fanau malsawmna te pawh min la pe ve ngai anga, manhi anpui te hmagaih ve lo fa minpe se tih hi ka tawngtai na a ni e. Khang hmusitna leh chhungril tahna te kha rawn tuar chho ve tur chuan a ka phal mawlh lo a ni.
Amaherawh chu keimah ang tho min pe a nih pawhin in ka nihna ang ang a Pathian min hmangaih zia ti lang tu ah ngaiin, keimah ang tho midang hi khawvel luah tu atan a la iai lo a ni tih ka pawm ang. Ka fa chu ka hmangaih anga, ka hmusit lo anga, ka zahpui hek lo anga. ka chhuang in ka hmangaih zual zel zawk ang.
Tunah hian Pherh ka ni e, ni lo e tih lam ah ka buai lo. Pherh kan tih a kan diriam tak tak te hi an huaisen ka ti a, ka lanchhuah pui ngam loh, ka chhungril nihna nisi, engkim huama an dikna hria a, chapo taka lan chhuah pui tu ah ka ngai. Tuna tawngkam mawilo tak tak leh diriam tak taka an khum tu te pawh kha, he ti taka in hua a nih chuan in fanau te leh in chhungkhat te zingah an awm ve loh nan tawngtai mawlh rawh u.
Tin, hei hi ka tawngtai pui na che u ni bawk se.Tuman mi hmuhsit, nuihsawh, diriam, leh deu sawh tura khawvel a pian ngawt zawng an thlang biklo asin. Chuti a nih loh zawng in keini a tira Pathianin hmangaih taka a duan Pherh te hi sual na nei lo,mifel leh rilru thianghlim te chuan min han deng zel teh u.
Similar Posts:
- Mipa i nih ngai chuan…
- Aizawlah Pherh An Tam!
- A der-a that/ fel (Thlirna tlangdang)
- I Nupui Bâwl rawh!
- Ka’n PHERH ve zuai!!
August 14th, 2008 at 3:54 am
imasumaq: Pathian in Adam leh Evi kha Eden huan atanga hnawhchhuah turin a siam lo asin. Pathian thil siam a a siam sual ber chu Lucifer hi a ni awm e… hemi avang hian a ni Kan lehkhabu thianghlim (Bible) ah pawh Pathian in Adama leh Evi a siam a, Adama leh Steve a siam loh kan hria… kan chhiar zel chuan…thuthlung hlui leh a thar ah Pathian in a duh loh zia leh an thisen mawh an phurh tur thlengin a sawi tlat mai. Tawngkam thiam na atanga insawi khawngaih thlak emaw ai chuan….”Pathian thu in, Pathian in hetiang a ngaihtuahna neih ngawt pawh hi sual ah sawi si chuan sim tum ila a tha ang” ti a, Pathian tanpuina dil zawk awm tak ah ka ngai.
Mihring ah hian kan nun ah dik lohna kan neih theuh ngeiin ka ring…heihi heng ho dik loh na a ni ve mai. In correct erawh mahni theuh ah Pathian tanpuina dil chungin kan mawh phurh na liau liau ah ka ngai. Kei ngat phei hi chu Zofa zing ah hian a tha lam ai mah a a chhelam kawng zawh hnem pawl ka ni hial awm e. Mahse, Pathian tanpui na leh chhungte/thiante tawngtaina a zarah… ka nun hi ka khalh ngil ve chho ta zel a ni. Insawi thiam chawp ai chuan Pathian hma a a duh anga nundan dik a nun chhoh zir zel hi a pawimawh zawk in ka ring. Chhuanlam/insawithiam angaihna chin ah hi chuan thil felhlel hi a awm chawk.
Report this comment
August 14th, 2008 at 4:14 am
Pu H.Vangchhia i soi hi a dik khop mai.
Report this comment
August 14th, 2008 at 4:21 am
H.V i soi hi a dik. Mahni a Pathian tanpui na a in correct a poimawh. I ti thei a a lawm awm e. La ti ve thei hrih lo, leh pherh te i soisel a i ten thu leh stray dog ang hial A EN I DUH LAI HIAN VAWIKHAT PAWH I TAWNGTAI SAK TAWH EM. Tun ah poh hian mahni insawithiam tum lama ziak ka ni hauhlo a sin. Ka thil tawn leh ka rilru ka rawn puang chhuak ve ami a ni e. I ten a i diraim a nih chuan ehy don’t you let it to youself. Mi dang te hmusit tur leh diriam zel tur ang hrima a encourage zawng hlir a comment kha i hun i waste mai mai a ni lo mo. Live and let live
Anyway nang chu tuai te hmusit tawk chauh in i pa a, mi pangai i ni a ka lawmpui a che. GOD bless.
Report this comment
August 14th, 2008 at 6:35 am
Tuai ho hi ka hmusit ngai lova, ka hmusit hek lovang. Nuih erawh an ti za hlawm… an han inti nu deuh hli hlei te hi. Tawngtai sak ve tawh e… ka tawngtai tam em em lo thung a, a number zawng chuan eng tham vak a ni lovang.
Report this comment
August 14th, 2008 at 10:03 am
@dark_side; Vanneihtluanga article i chhiar a lawmawm,mi te min zilhna hi a na kan tih lai tak hi kan thatpuina tur tak a lo ni thin asin.HV a coment pawh hi han chhiar nawn leh la tuai a hmusitna lam a kawk lo a, a tum ber chu tuai te pawh hian kan rilru sukthlek a pawimawh tih lam deuh a ni ang,ka mit ngei in k hmuh ka thanlen pui pawnfen feng reng mahin a nun a thlak danglam theih chuan tuai tam tak hi chuan an in siam danglam thei hrim2 tih hi ka ngaihdan a ni,mipa ka ni tih ngaihtuah tlat chuan mipa angin an awm ngei ang,ka chhungkhat hnaivai tak pawh hi a tet lai chuan kawrfual pawh a ha duh miah lo,mahse hmeichhia a ni tih hi nasa takin kan zirtir a,tunah chuan nuuuuu tak a ni tawh…….a hranpa in mi pangngai chuan tuia hi an hmusit lo tuai tam tak hi hmuhsitawmin an awm vang mai2 zawk alawm.
Report this comment
August 14th, 2008 at 10:06 am
sry tuia=tuai
Report this comment
August 14th, 2008 at 12:37 pm
Foreign a awm vanga in la enge maw deuh hi chu kan awm duh chawk a nia…muahahaha
Report this comment
August 14th, 2008 at 2:01 pm
48 comment na khi ka thlawp khop mai. Pathian hi kan bul pui ber lo ni zel se kawng engkim ah, kan mangan na leh puih kan ngaihna ah chuan min tlansan lovang.
Report this comment
August 14th, 2008 at 3:19 pm
H.vangchhia,Tuai leh mawngkawhur ka hmusit loh ti mahla website chi hrang2 ah Tuai i comment dan a tang i hmusit tih leh i hua tih chu a lang chiang khop mai,nang chuan mawngkawhur mai pohnilo Tuai ve hrim2 kha i hua tih a chiang khop mai,,,Tuai nu satliah ve mai2 an soi lai in nang chuan mawngkawhur bawk kha i ron sawi leh thin a,Tuai toh phot chu mawngkawhur tur ah i ngai a ni ber in ka hria,,Ek holh ching ka nilo i tih te khan,tumah in ek holh roh an tilo che…i lo holh reng toh poh a ni theia,ila holh miah lo poh a ni theia,,pathian in a hria lom…mahse pathian nen in in kar a nia..soi theih kan neilo..chu vang chuan Tuai/mawngkawhur leh pathian inkar ah sawitheih i neilo in ka hria,,Pathian in Adam leh Eve a siam thu poh kha mi zawng2 in kan hria,,chu vang chuan sawi deuh duah duh toh suh i hun i khawhral satliah mai mai,,,
Report this comment
August 14th, 2008 at 3:30 pm
a va sei ta duah ve….pherh chu kan lo lawm hle a nih hi…kan hmusit lo aniang…:P
Report this comment
August 17th, 2008 at 11:28 pm
Tuai, tuai mawngkua, a uih ther ther.
Pathianin mipa leh hmeichhia a siam… tuai hi mipa, patil hi hmeichhia. Mipa leh hmeichhia hi an mawngkua a hur thei ve ve nain, “mawngkawhur” kan tih chu mipa an ni tlangpui!
Sim teh u, inlanu ho kha! … mahse, ‘ni hnuhnungah chuan ţha duh hauh lo te, huai kawm bawl te’ an lo la chhuak ang.
Report this comment
August 26th, 2008 at 2:02 pm
Dark_horse in mipa a va hmangaihna ringawt hi chu sual a ni dawn ami? “Gay Sex” a indulge loh chuan.
Sual anih pawh in, tum vang pawh nilo a rilrua thlemna chi hrang2 lo kal thin te ai hian a “sual” bik chuang a mi?
Report this comment
November 30th, 2010 at 5:22 pm
Ka comment tlai khawp mai…He article hi ka lo miss anih hi… Tumah hi i inhmusit lo ang u…
Report this comment