Nimin Sept. 2 a Lunglei Venglai chhuk thla-a Sumo Chesual kha a driver kha a khawngaihthlak hle mai. Nimin thil thleng ah hian thil duhawm lo tak a awm ania. Auto Driver Zohranga hliam na tak tuar Damdawi In (Casualty)-a an va hruai khan Doctor leh Nurse Duty mumal an lo awm lova, hliam hruaitu te khan a mutna tur an thiam ang angin an siam a, chutah an mangang tihngaihna hre lovin, Doctor duty lai pawh nilo an hmuh remchan pakhat kha an va ngen a, ani chuan damdawi te chu an ziak ve nial nual a.
Damdawi an lei a, an lo kir leh pawhin nurse an awm chuang bawk si lova, Ward/Block dangah nurse duty lai chu damdawi te peksak turin an va ngen a, ani lahin “Nangni chauh hi damlo in ni hlei nem” tiin alo vin hrep mai ni awm e. Zohranga hian enkawl zui vat vat tu Doctor leh Nurse te nei ta sela a nunna hi chhan hman te pawh a ni mai thei asin mawle.
A pawi tak tak ani. He thil thleng avang hian mi thenkhat lungawilo te Hospital Superintendent Office kawtah an pungkhawm hial a ni awm e.
A enga pawh chu lo nise, he thilah hian tunge thiam lo, Kan sorkar hian Nurse leh Doctor indaih tawk hi he damdawi In ah hian a dah lo nge, kan nurse leh doctor te hi an inthlahdah?
Thuneitu ten hetiang thil hi a thlen tawh loh nan hma an lak a ngai a ni.
Disclaimer:
This is a one sided story. We cannot independently confirm it. Reader’s discretion is highly advised.
We called some folks in Lunglei. We learn, this report above is quite along the lines of what was said in the TV interview last night.
Similar Posts:
- MHIP Sub-Hqrs. in Doctor Chetdan Duh Loh Vangin Thuchhuah Siam
- Doctor-in Nau Vei Hnawtchhuak
- Aizawl-Lunglei Sumo Accident ah 2 thi
- Serchhip leh Keitum inkarah Maxi Cab a Accident Hliam na tak tak an awm
- Mizoram-ah swine flu vei 2 finfiah
September 3rd, 2008 at 9:02 pm
Lunglei chauh pawh ni lo in,Aizawl civil Hospital pawh hi an hmingchhe zing ta hle mai,sorkar hnathawk in thlahdah deuh2 ho hi ban vek rawh se.
Report this comment
September 3rd, 2008 at 9:02 pm
thil tleng i tih hian engemaw tleng le ka lo ti rilru a..rul a tleng nge? Hospital chhuat a nal em a, in han tleng vel zawk? A body kan chhu sual a nih pawn a heading tal hi chu i fimkhur ang u…A siam tha thei tu khan khawngaihin siam tha se a va tha awm em..’Thil thleng’ leh ‘Thil Tleng’ chu a kawh a dang hul hual a ni. Kan thil post reng2 te hi proof reading uluk taka kan neih hmasak zet hnuah chauh i post thian ang u..kan Mizo tawng a dazat zo ange!!!
Report this comment
September 3rd, 2008 at 9:04 pm
@rutuha: Kei poh ka lo ngaimawh deuh a,ka sawi chhuak lo mai mai
Report this comment
September 3rd, 2008 at 9:14 pm
sawi tur alawm. thank you editors!
“Kan thil post reng2 te hi proof reading uluk taka kan neih hmasak zet hnuah chauh”
you are right. we are doing the best we can do. when we go wrong, we need your help.
and thanks for being there. for example, if your comment was a part of the content we would have changed “reng2” to “reng reng”
after all to err is human
Report this comment
September 3rd, 2008 at 9:20 pm
E! in va fel liam liam ve, hetiang chuan thil post te pawh a phur awm deuh alom, han tihsual palh pawn nangni tan malsawmna, sawi tur in neih ve phahna, in lawm em???
Report this comment
September 3rd, 2008 at 9:21 pm
Supptndnt pawh khi…. sawi chhuah takah chuan
Khitiang khi ni e, Zoramah a awm ve leh zauh zauh thin, vai ram lamah te pawh hian a awm zing khawp awm asin.
Report this comment
September 3rd, 2008 at 10:01 pm
Ka awm ve reng a, chanchin an rawn ziah khi a dik ani. Ka mit leh beng ngeiin ka hmu a, ka hre bawk ani.
Report this comment
September 3rd, 2008 at 10:01 pm
“He thilah hian tunge thiam lo,” = He damdawi ina hotu ber hi a ni mai ang.
Report this comment
September 3rd, 2008 at 10:35 pm
Lunglei ah mission damdawiin a awm ve lo ami? Civil hospital a doctor leh nurse ho hi chu an treu hlar zel mai nia, Sawrkar hnathawk dang te ang bawk in. Oh well its Mizoram.
Report this comment
September 3rd, 2008 at 10:42 pm
Public service an ni tih hi an in hre lo emaw ni le…mipui rawng an bawl peih loh chuan sorkar hna hi zawm loh mai tur asin mawle…
Superintendent thiamloh chu a nih ve tho rual in emergency ward a posting nei te kha a thiam lo ber chu an ni..
A poi hle mai…khawhar chhungte Pathian in awm pui zel se!!
Report this comment
September 3rd, 2008 at 11:05 pm
Hetiang hi Aizawl Civil Hospital-ah pawh hian a thleng ngun khawp mai.
Insiamthat nan hmang hlauh teh se….
Report this comment
September 3rd, 2008 at 11:26 pm
Aryan, Christian Hospital,BCM ta a awm e,an fel khawp.Nia,chhurliana hian a sawi dik tlangpui.Mahse disclaimer a ‘one sided story’tih khi hre tel ila.TV report atang leh thil dang atang hian Civil Hospital lam thu hi kan hre lo tlat mai a,sawi tur an nei lo a ni ang e.Thawm ka hriat ve ah chuan nurse in a lo chhan dan khi an pha ve nasa,tin,Doctor an mawhphur deuh niawm alang kha theatre ah mi a zai a ni awm e.Mahse,an insawi mamna ah ka ngai.Nurse senior thenkhat thin chhe tak an awm niawmin ka hria a,sawi an hlawh khawp mai,an inenlet chu a ngai a ni.Tin,Lunglei Civil Hospital ah hian Doctor indaih lo lutuk hi a ngaimawh awm khawp mai.Aizawl lamah lem an inekbeng a,commisioner thut hmun la ni mai tur hi an hlamchhiah deuh a ni.Doctor hi dept tinah pakhat den den vel nei chauh kan ni.Ka hriat ve phakah pawh Skin lam phei chu kan nei lo chiang.Sorkar an harh a ngai a,hospital a thawkte an inenfiah a ngai hle bawk.Kan Doctor on call te pawh hi koh har tak tak an awm ni a sawi a tam hle a ni. Vanduaina tawk hi a khawngaih tak zet a ni.
Report this comment
September 3rd, 2008 at 11:33 pm
Hetianga ngaihsak an hlawh tawk loh avang hian Medical Suptd chu Auto driver-te leh midangten thil awmzia zawhchian an tum chu Police lam ten buaina thleng thei vengthawngin an phal ta lova,buaina em em a awm zui lem lo.Civil Hospital hi chu lepse deuh chu a ngai a ni,an buai ta zeuh zeuh mai.
Report this comment
September 3rd, 2008 at 11:52 pm
Mizoram Doctor leh Nurse te hi chu Hlawh ngawr ngawr hi ani deuh ber an nih na hi,Mite tan malsawmna an ni tih hi inhria seng chuan tun ang hi kan ni lo ang,Zurui chungte hian a nia an damlote an enkawl mai maini Duty chhungtal hi chuan insum ve thin se tha ngawt ang…Damlote dam dawi an pek dan…….Hei hi lo ei phawt la I that pui loh chuan adang ka lo chawh leh ang che,……..Ngaihtha deuh chuan damlo te chu an haw ve hna hna tho…ngaihthat loh theih khop mai…A tlangpui in train chhuak ni lovin rick chhuak doctor an ni tlangpui.
Aryan nge i ngaih dan?
Report this comment
September 3rd, 2008 at 11:58 pm
Mizoram chu nuam kan ti mahse a chhunga chengte hian kan zir ngang lo ani e, Apoi hle mai nunna in chhan chhuahsakte ahlut vei nen.
Lunglei ho chuan Flim tha tak te kha in chang ani si a,enge maw kan chan chhan kha ni ta le?
Report this comment
September 3rd, 2008 at 11:59 pm
Lunglei Civil Hospital mi Doctor ho hi chu an sual in an that chhe hlom lutuk, mipui an bum nasa hlom bok, damlo tan chuan bumna damdawi in ni top… Ho tu lam ho hian en chiang se tha ang. Thok tha duh lo kha chu ban leh an nihna Degree kha lak let leh te pawh poi lo ang ka ti mai kei chuan..
Report this comment
September 4th, 2008 at 1:22 am
Hetiang case hi Sawrkar hospital ah a thleng duh khawp mai a. Doctor leh Nurse te inthlahdah vang chu thuhran ni se, a bul ber chu Sawrkar hnathawk an nih avang a ni. Private Hospital chu ni se, hetiang hian a thawktu doctor leh nurse te hi an inthlah thei lovang a, an zelthel mai mai thei bawk lovang. Kan sawrkar (Central) policy leh kalphung Sawrkar system a la ni tlat a, heng department zawng zawng te hi Private sector a an dah hun hunah company anga run an ni ang a, chutih hunah chuan a thawktute inthlahdah a thiang tawh lo vang a, mi tlinglo leh thawk thalo chu company in a ban hmiah hmiah thei tawh ang a. Hei hi mi ramah pawh an tihdan a ni a. Sawrkar Damdawi In han tih tur hi a awm mang hlek tawh lo.
Doctor te hi mi mangang leh tanpui ngaite tanpui tura zirchhuak an ni a. Chumi an inhuam avanga he nihna hi zir pawh an nih a rinawm. Chutiang tlinlo mi tan doctor zir hi thil tih chi lo tawp a ni. Doctor tan, mifing leh mawl, mi hausa leh rethei, mi changkang leh changkanglo a thliar chi loh a, eng mi pawh tanpui a mamawh anga tanpui chu a tih tur (Duty) a ni. Chumi ti tur chuan Phalna a nei a, a tih ang tur ti tha lo va, mi te tana phurrit siamtu a nih chuan a licence leh nihna hial hlih theih a ni. Heng avang hian Doctor dinhmun hi thil awllo tak huaisen leh taimak ngai em em a ni a, am mawhphurhna pawh a sang hle a ni.
Lunglei Damdawi In doctor te awmdan hi kan chhiar ang a nih chuan thil nihdan tur a ni lo hrim hrim a, sawrkarin enfiahin action pawh a tul chuan a la tur a ni a. An hna an thawk tha peih lo a nih chuan, tu te emaw office kal ang mai mai a zelthel theih lohna ang chu tanpui ngai te a rang thei ang bera tanpuina dinhmun hi chu luah tawh lo hram se, mipui tan a tha zawk ngei ang.
Report this comment
September 4th, 2008 at 1:52 am
Sawi duah a, a ngai bawk a ni leh thin. Ram changkang zawk a an tih ang hian, court ah khing ve tawh rawh u. He thil hi a Kristian lo kan lo tipalh a niang e… (court a khin hi) a kristian zawk mah in kei chuan ka hria. Hna thawk tha peih lo, Pathian in a duh taka a siam mihring dam lo enkawl tura in zir chhuak an ni. An mawh phurhna an hlen lo a ni a…chu chu a tul a nih chuan, mipuiin kan siam that theih dan chu court hi a ni… (tunlai ah chuan). Court in a hrilh chat chat loh chuan Doctor ang chin, inti smart tawh ho hi chu e… ui tar trick tharlam an zirtir theih loh (you can’t teach an old dog, new trick) tih ang deuh kha an nia, an ngeng nghel nghawl hlawm teh mai ania.
Mipuiin kan mamawh tih an in hria a, an thawk tha peih lo fo bawk si… ho deuh kan nia mihring hi.
Report this comment
September 4th, 2008 at 8:23 am
Ni e, courtin hetiang doctor negligent deuh hi han chawi tir trawk mai se an mawng a kang zawt zawt mai ang ti nia lol.
Chuan aizawla doctor in ekbeng vak in tih hi Lunglei district atanga doctor zirchhuak an tlem nge an zirchhuah hnu ah Aizawlah an awm daih zel? mahni khua a thawh te chu chakve awm tak.
Inquiry angai ani, Sydney ah pawh nupakhat naunei hi i nei vat chuanglo ang pawnah lo va vei hrih rawh an tia, toiletah a sang tla zawk mai ani awm e, Hospital leh doctor/nuse ho an hming chhia, Health Minister hming chhe bawk.
Sawitur kan hre teuh ang civil hospital damlo ka kan ve tum pawn nurse nge duty nu upa lam deuh hian damlo pakhat vawt ti hian anmahni blanket a lo sin belh a, ward duty chuan a hlih tir bakah a ankhum nek a. A van in luling mai mai kalo ti rilru a.
Report this comment
September 4th, 2008 at 10:11 am
Corruption kan sawi chhen nachhan chu heng vang hi ania. Doctor (leh zirtirtu) tehian thingtlang (any place outside Aizawl) a thawh an hreh a, chung ho chuan minister emaw officer thuneitak an tilawm (bribe) a. Chutianga Aizawla thawk thei thlawt lo pawn heh tak leh phur lo takin hna an thawk thin a. Chu vanga hetiang thleng kan nnih hi. A bul tak chua corruption vang ani zel.
Report this comment
September 4th, 2008 at 12:30 pm
doctor leh nurse te hi mipui rawngbawl tur an nia,oath an la veka..mimal enge maw problem vanga lo thinchhiat palh chu a awm thei..mahse damlo chungah a thildang kalsana tanpui turin an intiama..lunglei poh nise aizawl pawh nise khawi hmunah pawh an hnathawh dan tur a inang vek..ka ngaihdan chuan doctor zir leh nurse zir te hi zawt ta ila,a tam zawk cuan mipui rawngbawla tanpui an duh leh chak vanga zir an nih ka ringlo..an tui vang ani..a dik mahse an zir a nih cuan hre reng se tanpuina a tel tlat a
Report this comment
September 4th, 2008 at 12:42 pm
Hmun kilkhawra awm hi mizoram chauh anilo, australia ah pawh an hreh ve tho . chuvang chuan thingtlang leh regional hospital a awm chuan an hlawh a sang bik thin. Tichuan mizoram sawrkar pawh hian incentive siam ve ta mai se, hetianga zokhua hnungchhawn reng mai hi chuan Thailand ang deuh khian Thingtlangin an CM an rawn thlang anga, thingtlangmi hlir a duhsak anga aizawl khawpui hi a cha der mai ang.
Tuna Thailand an buai luai luai na chhan pawh khi an sawrkar khi Thingtlang lam ho thlan lal ania, Bangkok khawpui leh intellectual ho in an duh silova, an buai ta reng mai anih khi.
Report this comment
September 4th, 2008 at 1:26 pm
thuneitu chu ni ila…. action na takin ka la ang hehe ni bok c loa
Report this comment
September 4th, 2008 at 1:29 pm
hna reng2 Aizawla thawh kan tum vek hi chu inenchiang angai. thingtlangah te leh khopui pon deuh ah te poh hian thoh hreh lo ila..chuan senior hunah khopuiah chuan promotion vang te poh in a awm leh theih tho a. kan senior officer lian te poh khi chutiang deuh vek chu anni.
Report this comment
September 4th, 2008 at 1:51 pm
Hetiang ang thil hi Sorkar damdawiin ah hian akhat tawk hian athleng deuh reng mai hi chu, thuneitu lam hian an en ngun chu a ngai ani.
He damdawiinah hian daktawr leh nurse te an in daih lo ani pawn, sorkara dil belh hunlai tak anih hmel!
Report this comment
September 4th, 2008 at 3:27 pm
Jear says – Lunglei ho chuan Flim tha tak te kha in chang ani si a,enge maw kan chan chhan kha ni ta le?
An film chan kha Private Hospital (Shalom Hospital) alawm…
#25- Thawktu indaihlo lam pawh a nih ka ring niau lo e a.. Sorkar thil reng reng hi chu tuman thawh that tlakah an ngai tawh lo pawh ni fahmiang.. A sorkar zawk hi ennawn a ngai, khaw thenkhat lah chuan MNF chauh vote tur-te an lo ti amaw ni..?
Hman deuh khan Aizawl civil hospital-ah pawh ka nu luhai kan kalpui a, casualty-ah drip an lo khaisak a, chuan doctor pakhat-in ward-ah min dah lut a, ka nu mu tur kha doctor dang a lokal a, kha nangni kha, engatinge mut in tum ringawt a rawn ti a, doctor-in min chhohtir alawm kan tih pawhin a ngaithla duh lo a, chuan casualty-ah kan chhuk leh a, ka nu chu drip nen kan la kaikawi duah a,
casualty-ah chuan doctor min dah tu chu a lo la awm, ka U a’n ang ve ta tak tak maia…h. Hetianga min thamlo dawn a nih chuan tu hnenah emaw chuan kan sawi ve thei asin, in ngaih ang ngawt chu kan ni lo ang a ti a, min hautu doctor chu a inthiamlo hle a, ka u hnenah In thinrim hle a ni maw.. a ti, Thinrim lohna chi a ni hleinem tiin a chhang.
Nurse senior deuh lo awmte pawh khan ngaihdam an dilsak ta chul a, mahse kan awm ta chuang lo. A hnu deuh-ah he doctor hi an sawn daih an ti..
a chhan pawh ka hre lo.
Tun tum chu ka va ziak thui em em
Report this comment
September 4th, 2008 at 3:55 pm
Lunglei civil Hospital chu k van hmu chak. Ka thianten a chakang, a fai, a building design a ch.k anti a. Upload thei in awm em? mobile camera mai mai nilo, digital a lak ngei. fiah deuh hlek, lian deuh. a bul vel environment tlem lang tel bok sela.
thnx.
Report this comment
September 4th, 2008 at 4:05 pm
Mak thin ngawt mai, he incident vang kherlo pawk hian, nurse leh doctor thenkhat hi chu hrual nawk2 a ben chilh nawk nawk ka chak thin ngawt mai, an hnathawh hi an hrechianglo ni berin ka hria, a then phei hi chu…….an lo induh deuh ber ber a, ka theihnghilh theih miah loh chu, a hming chu ka sawi lo a nga, Doctor pakhat, hmeichhia, chutih hunlai chuan House Officer ala ni nghe2, naupang thi tur a awm a, emergency Depttah chu Doctor chu a duty a, ka zuk ko a, chumi lai chuan hospitalah khan power a awmloh bakah, intercom a tha bok silo a, Doctor nu chu a muang em em mai a, hmanhmoh tura ka tih chuan, “Ngawirroh, thi fel phot roh se, ka buaipui peihlo” zuk ti a,mak asin, a thisen zawmpui midangin khati khan ti se engtin nge a ngaih ang aw ka ti thin. Tunthleng hian kha Doctor kha ka chhungte reng2 hi chu inentirlo tur hian ka la hrilh thin..
Report this comment
September 4th, 2008 at 4:10 pm
Kan sawi tawh angin thil tih sual palh hi a awm thei a, mahse hrem tho tur an ni. Palh leh Palh loh aiin Hremna DAN kha a pawimawh zawk a. Mahse, hremna hmasa zawk hi warning angah dah ila, Jail ah kum hnih vel tan emaw a hna atanga kum hnih vel chawlh tir emaw ni ta se la, a tisual leh a nih chuan kum khaw chawr chhuah tawh lohna khawpin hremna lian awrh ta se la, hun lo kal zel turah he hnam tan hian a that ka ring. Sap tihdan kan copy ta sa sa, fashion leh zaidan chauh nilo, an in hrem dan te pawh hi copy tel ve law law ila, kan thatpui zawk awm si a.
Report this comment
September 5th, 2008 at 12:01 pm
Om ve ilang cuan a nurse k hmu rem cang min tanpui duh lo tu cu k lo vin tuar xel ang. Mak hlom tak2 MIPUI tanpui tur te xok hi an in duh hlom tei ltk a, k tei thei thlot lo.
Report this comment
September 5th, 2008 at 12:17 pm
Damdawi in an inthlahdah ani
Report this comment
October 10th, 2008 at 5:41 pm
ngatinge doctor chauh kan blame a.24 hrs duty hnu pawn post night off pawh an nei hlei nem.sorkar hnathawk dangte pawh an vin ve tho.office dang pawh an inla in biak an har ve tho.inbihchian a tul tlang ani.
Report this comment
August 16th, 2009 at 9:26 am
Tunah ka lo chhiar ve chauh a. Lunglei Civil Hospital a Nurse duty khi senior deuh, a duty lai pawha nor ve chhak zel- an hotu te pawhin tih vak ngaihna an hriat loh kha emaw ni le…?
Report this comment
August 16th, 2009 at 11:14 am
@LN, va tlaikhawhnu tak ve? Ramhlui thil Ramtharah i lo chhiar zu nia..
Report this comment
March 9th, 2011 at 12:37 am
“Sualna nei lovin deng rawh se”
Thil reng reng hi i generalise thin lovang u khai, eng professionah pawh sawisel tur hi chu a awm vek chu chuan a zawng a za in a felhlel tih a kawk lo.
…khrum
Report this comment
May 21st, 2011 at 12:24 am
Report this comment
May 21st, 2011 at 12:42 am
Thil 1 chu maw heti hian kan sawi kan sawi a…action han lak dawn tak2 chuan mizo chu kan inphatpui leh tlat lawi hlom a, thuneitu sang tan pawh luhai thlak deuh tur ania…hengho hian sorkar hnathawk, mipui rawngbawla eizawng anni tih hi an in hre kar tur ani ringawt, nurse hote pawhin thla 13 hlawh an la tho alom…hah tur pawh anni, hlawh pawh an la tha alom….thil ti dik lo hi chu in humpui kual vel lo hian chiang kuang taka pic/audio nen lam hian point out hmak2 na chang hi hre zawk ila, kan that phah zawk ka ring khawp mai…
Report this comment
March 13th, 2012 at 1:24 am
A pawi thin mang e.
Report this comment
March 13th, 2012 at 1:39 am
Tuaia chu va rawn phawrh hlui angreng
Report this comment
March 13th, 2012 at 1:52 am
Hahaha… Hlui angreng khawp mai!
Report this comment