Rorelna langtlang awm tur a ni

January 21st, 2009 5:12 pm by father_sphinx

– Sangzuala Hmar

Aizawl, January 21: Vawiin khan PC Lalthanliana, LAD minister chuan Village Council inthlan lo awm tur thlirlawkna district hrang hranga LAD officer te a sawipui a, minister chuan chief minister Lal Thanhawla’n ‘inthlak danglamna’ a duh ang ngeiin Village Council-ah pawh rorelna langtlang a awm tur a ni, a ti.

February 24 a Mizoram district paruka Village Council inthlan lo awm tur hi State Election Commission chuan a buaipui dawn a, inthlan felfai tak neih a nih theihnan commission chuan hma a la mek a, hetih rual hian LAD pawhin he inthlan hi an chhungkua inthlanna a nih dawn avangin theihtawp chhuaha Mizoramin tualchhung inrelbawlna tha leh felfai tak neih tumin he inthlanna hi a vil reng dawn a ni.

“State Election Commission he inthlanna hi huaihawt dawn mah se VC hi keimahni ta a ni a, kan ta a nih angin pa chan kan chan a ngai a, VC chhunga sum leh pai hman dan felfai lo awm thin nia sawi awm hi kan tihtawp a ngai a, langtlang sawrkar kan tih chuan VC-ah pawh a langtlang tur a ni,” minister chuan a ti.

“A tobul atanga felfai taka ruahmanna kan siam chuan Village Council felfai tak kan nei thei ang, chief minister Pu Lal Thanhawla chuan ‘change’ a duh a, langtlang sawrkar a duh a, hei hi sawrkar office-ah chauh a ni lo, Village Council atanga a intan a ngai a ni,” tiin LAD minister PC Lalthanliana chuan a sawi.

VC inthlan lo awm tura khaw hrang hrangte sawirem ngai leh herrem ngai awm chu a rang thei ang bera hma lak a nih tur thu minister chuan sawiin LAD hnuaia officer te pawhin mipui mamawhna ang zela herrem leh sawirem dan ruahmanna siam turin a chah.

Village Council inthlan hun a hnaih tawh avangin Village Council thar din tura ruahmanna awmte chu inthlan hmaa khawih hman a harsa tawh dawna an hriat avangin meeting chuan inthlan zawh lamah VC thar din ngaite chu en nise tiin an rel.

“Village Council hnenah hian department hrang hrangin sum an pe a, khawtin leh vengtin te’n mipui leh kan khawsakna that zawk nana an hman tura duan vek a ni, hei hi LAD hian ngun taka kan enfiah a ngai a, khawi atangin nge sum an hmuh, eng atana hman tur nge tih thlengin kan hriat a ngai, VC in sum an hmang diklo tih report department in kan dawng leh a, action la turin department mipuiin an beisei a, an sum hmuhna leh a hmanna tur kan hriat a ngai a, chumi tur chuan LAD aiawh district officer te’n VC sum hmuhna leh a hmanna tur kan hriatpui lawk a ngai a ni,” minister chuan a ti.

Village Council chhunga OB te’n an hnathawh dan tur ruahman lawk anga an thawh a tul a, treasurer in a hna a thawk ang a, chutiang bawkin President leh Secretary te pawhin an chanpual zel an khawih a ngai a ni, minister chuan a ti.

Minister hian Village Council pawimawhna sawiin mipui deka hna thawk an nih avangin mipui tan dik taka hna an thawh a ngai a ni a ti a, VC thil ti diklo an awm chuan party sawi lovin huaisen taka an chunga action la ngam turin minister chuan officer te chu a fuih a ni.

LAD minister leh a officer te hian Village Council hamthatna tur ruahmanna siam a tul thu sawiin kum tin Village Council tan grant pek theih dan tur dap nise tiin an rel bawk.

23 Responses to “Rorelna langtlang awm tur a ni”

1
taia-pa Says:
January 21st, 2009 at 6:41 pm
Ka lo off topic loks
Nimin khan Windows ka setup ve e ka ti a,A sound a awm thei reng reng lo tlat mai.a chhan ka hre ve bawk si lo.Winamp a ka play dawnin “Bad sound driver,please install proper driver or select another device in configurarion.Error code:887800878” tih a in ziak.kei mimawl hi ka buai der,.aaaaaA tih dan hria chuan chipchiar deuh hlekin min lo hrilh teh u.intranpui ka ngai e.

Report this comment
2
father_sphinx Says:
January 21st, 2009 at 6:44 pm
@ taia-pa, check your email – benjos_ps@yahoo.com

Report this comment
3
funny Says:
January 21st, 2009 at 6:58 pm
@ taia-pa: a sound a awm theihloh chuan a chhung ah khan speaker dah mai rawh.

Report this comment
4
taia-pa Says:
January 21st, 2009 at 7:06 pm
Father i thil sawi khi chu ka installed tawh alawm.Ka motherboard driver a sound device kha a chhia tihna em niang ka hrethiam ve vak lo a.

Report this comment
5
funny Says:
January 21st, 2009 at 7:33 pm
sound card lei la a that mai kava ring eee…

Report this comment
6
chawnghilh Says:
January 21st, 2009 at 10:22 pm
Sound Card tih lemah sound card chhia lei suh —a tha chuang lo vang. Install lai khan a engkim mai kha tick vek la, i duh i tick-na lamah i lo hmaih palh em ni?

Report this comment
7
chawnghilh Says:
January 21st, 2009 at 10:30 pm
He Ministry tharah hian MP LAD (Rajya or Lok Sabaha) sum la rawn chhawp chhuak MP kan la nei zui zel em? MP (LS) thlan a lo ngai leh dawn a; tehfung tur atan Village Council chu a pawimawh dawn khawp a; UDA pawh kha dissolved lohvin an awm tlang phah ni te khan a lang a.

Congress-in 32/40-ah a hruai a; VC Inthlanah thil a danglam leh thei cheu —an heu nge an pung ti pawhin! Member of Parliament thlan tur chungchanga darthlalang inchhawp lawkna a ni dawn a; a pui khawp ang. VC thlang tur franchise age leh Election hrim hrima kum bituk hi a inang vek em? Political Science hi ka subject a ni lo a nia aw! Ka mawl a nia!

A ngaihnawm viau ang le! Rajya MP tur hian tunge nia an hualruk ang le?

Report this comment
8
elcee Says:
January 21st, 2009 at 10:48 pm
Engpawhnise tun tum congress sorkar hian dik tak a rorel an tum a ang khawp in ka hre ta. Pu Lalthanhawla pawh a in hmuchhuak tak tak a ang khawp mai. An sawi ang hi a nih a, felfai tak a ram an hruai a nih chuan kei chu congress-ah ka in let nghal a ni mai, policy tha an nei emaw, nei lo emaw rinawm tak leh hlemhletna tel lo va ram an hruai hi a tul hmasa ber mai.

Report this comment
9
muantea Says:
January 21st, 2009 at 11:07 pm
elcee,i dam maw? Masi leh kumtharte in zai tui em!!? Hawltea sorkar thar lawmpui turin lo zin ula..

Report this comment
10
elcee Says:
January 21st, 2009 at 11:19 pm
Muante! Kan dam e! kumin chu kan lo zin leh hman dawn lo a ang hle mai! kan hman a nih pawhin kum tawp lam a nih daih hmel.

Hawltea sorkar lawmpui em tur chuan convinced chiah ka la ni lo deuh!! an sorkar hmasa ngaihtuah in. Mahse an in sawi ang ngei a ‘rorelna langtlang’ a awm a nih erawh chuan ka la lawmpui ve zawk ang. Enge i ngaih ve dan zawk?

Report this comment
11
wonderboy Says:
January 21st, 2009 at 11:56 pm
Elcee kumthar chibai!!

Report this comment
12
wonderboy Says:
January 21st, 2009 at 11:59 pm
Babutea sawrkar, a zuan a zuang ai chuan Hawltea sawrkar kal ve bauh bauh hian lung a tih awi zawk hmel e te ka tia!!

Report this comment
13
chawnghilh Says:
January 22nd, 2009 at 12:04 am
“Transparent or Transparency” hian hliahtu thil dang an la nei thei tho … “swearing in” hun lai khan ZEP TUR CHIN vawng tlat tura intiam an nih tho kha! TRANSPARENT chi hi a awm sel tho; OPEQUE pawh a awm alawm! Zakkep thil hmuh tum talh hi kan tam tawh. Nia, Mosia pawhin a tualthah a zep hlen thei chuang lo!

Report this comment
14
grady Says:
January 22nd, 2009 at 1:36 am
langtlang sawrkar a neih theih tak tak ka ring lo ve, tupawh lal se.

Report this comment
15
elcee Says:
January 22nd, 2009 at 2:20 am
Haihawt wonderboy! Nangpawh kumthar chibai

Report this comment
16
Dinthara Says:
January 22nd, 2009 at 4:50 am
Langtlang sawrkar…wow a va ropui dawn ve.Ti thei tak2 se ka van ti em!Tun chinah rih hi chuan an that hmel hlawm khawp mai.Mahse,politician-ho hi chu a sawi lam chak an ni tlangpui thin a,lo thlir zel phawt teh ang.Vc-ah chuan congress bawk an chakin ka van ring e,rindan mai2 nih chu.

Report this comment
17
Bawngkuaivuna Says:
January 22nd, 2009 at 6:38 am
Babutea kha Thlawhbawk V.C.P. sawi awm tawk lek lek sawi khan kum 10 min vei pui der mai a, a mumang leh an Nu mumang niawm tak tak kha an sorkar policy thar sawiin a han sawi ta mai mai thin kha ani a. Dik chiah chuan Babutea pawh hi Pu Laldenga kaihhruai sorkar-a minister anih lai khan cheng khat pawh ka eiru lovang ti kha ani a…..tuna kan sorkar hian an tawng an umpha lovang tih a hlauhawm deuhin ka hria….Langtlang sorkar hi chu a duhawm thlawt alawm, mahse chengkhat pawh eirulo tura intiam sorkar in “work order” pawh thlak dawna 3% sum faia pek phawt an phuta, receipt an pe ngai chuanglo leh Bill lak tak tak dawna 15% an phut leh thin ang mai mai leh “Jerusalem lam hawia nitin vawi 3 tawngtai thin hruaitu” nei kanni ti reng chunga Mautam tanpuina tur sum(BAFFACOS) leh MIP sum vaibelchhe 250 vel a hmanna sawifiah theih chuanglo leh Mautam tuarte pakhatmahin an puar phah chuan silo ang anih hi a hlauhthawn awm deuh rih ani…..Mahse beiseina nung nen chuan lo thlir rih phawt ila

Report this comment
18
Slumdog Millionaire Says:
January 22nd, 2009 at 8:43 am
elcee says: “…tun tum congress sorkar hian dik tak a rorel an tum a ang khawp in ka hre ta. Pu Lalthanhawla pawh a in hmuchhuak tak tak a ang khawp mai”.
Tak tak ni se a va lawmawm dawn tak em. A ni lovang tih pawh a sawi theih loh. “Zoramthanga sorkar ka ngai vawng vawng,” titu hi kan tawm zawk zawk lo a ang.

Report this comment
19
Patriot Says:
January 22nd, 2009 at 9:44 am
Han thlir zel ila a hriat mai ang chu. Prejudice lo neih ngawt hi khua leh tui tha nihna a ni ngai love. Cooperative tak hian i awm phawt ang u khai ka sualpuite u. @Elcee hi nu thluak fim tak a nih ka ring e, i hmel pawh a chhe hauh lovang i hram fuh thin em mai…lol.

LOg out nghal e, class ka nei tlat.

Report this comment
20
lalrimtuii Says:
January 22nd, 2009 at 2:56 pm
kei chu elcee hi ka hria !!!

Report this comment
21
Puii Says:
January 22nd, 2009 at 3:33 pm
Mizoramah Sorkar thar bawk, USAah sorkar thar bawk…… VC thar kan la nei dawn zui….
Hmabak a va ko dawn e kan thlan lalte tan hian…..

Report this comment
22
Patriot Says:
January 22nd, 2009 at 3:56 pm
@21. Kan thenawmah Puii ve tho hmel chhe vak lo ngo hmai hlai deuh lam, a pheng phuang, nui ring thei deuh a awma, in in an duh hmel…lol

Report this comment
23
elcee Says:
January 24th, 2009 at 5:34 am
22 chu tum loh deuh a min tih nuih vak chu le
lalrimtui..min hria maw? ka va hre ve chak che!!

Report this comment