Tun tum chu he lam daih hi kan post tehang kan nula ho lawm ah. 
Ram changkang tehna ber chu economy ani kan ti theuh in a rinawma, amaherawhchu society a changkan loh chuan economy a thang tak tak theilova, economy ah sang mah ila society a changkan chuan siloh chuan awmzia a awmlo ang. India ram pawh hi kan thanmawh bawk ber pakhat chu mi hausa te tam in ram economy thang uak uak mahsela kan society hi pumpuia thlir in a thang muang em ani.
Mizoram pawh hi state dangte aiin rethei mahila kan society hi vaiho aiin a changkang kati ve tlat a, chu chuan nasa takin changkanna (economy nilo personality ah) min pe ani. Society a mimal changkan leh changkan loh kan en dawn chuan an thil thlir dan leh pawm dan hi tehna pawimawh tak ani a, chumi zinga pawimawh tak pakhat chu hmeichhia te kan en dan hi ani leh a. Vaiho chu lo dahtha ta ila Mizo Society hi ka rawn X-ray dawn ani.
Feminism kan ti deuh rup na in Patriarchal society tihvel, radical, black, post-modern feminism..etc tihvel kha ka rawn kher tum ani law. hmeichhia, minu a thlak tihvel, history leh herstory, phei chuan thil awmdan a thlak ka ring lemlo.
Kan changkan ve viau tawh rualin hmeichhia te dinhmun hi kan ngaihtuah chian hle angai ani. A hmeichhe ho tak pawh hi mahni dinhmun ngaihtuah chianglo hi 90% vel an awm niin ka hria ( mawl hlawm lutuk ). Entirnan, inngaizawng zingah hian a tlangpuiin mipa te hian an bialnu te hi an abuse a, hmeichhe ho lah hian min abuse ani tih pawh hrelo hian an awm vel mai maia, a tur ah an ngai emawni.!! mipa te pawh hian hetiang zawng hian kan ngaihtuah ngai lemlo. kan la mawl tlang ani e. hairehai.
Inngaihzawnna leh sex life hi ka ngai pawimawh hle a, hmeichhia te dinhmun bihchianna awlsam tak pawh niin ka hria. tute emaw sex clip alo leak palha, “a hmeichhia chuh..” tih ngaihtuahna ah alo lut hmasa bera.. ngaihtuah chian chuan a mipa te hi a che hmasa leh a sawmtu, a ti leak out tu anni zel ang tih a rin theih. hetiang ah hian a mipa te kan en kaan a hmeichhia te chauh anla mualpho chhung chuan kan society hian uncivilised patriarchal society kanla hnaih hle ah ka ngai.
Hman atanga kanlo chin tawh hi chu thlak thut a har hle a, naupan lai atangin hmeichhia leh mipa hian kan society ina min thlir dan kan hmachhawn hi a in ang lova, chu chu kanlo thanlen pui thin ani. hmeichhia te hi tharum leh pianphungah inferior zawk anlo nihna hi kawng engkim ah advantage ah kan la ni berin alang. chu chuan a hmeichhiate ah pawh nasa takin nghawng a neia, kan society in alo chin than thalo tak pawh hi a tur a ngaihna kan nei deuh tlat niin alang. khawvel society tin ah hian ani deuh vek a, anlo changkang zela a bo ve hret hret thina, keini society ah ve hian ala bo lo nasa angreng si a, kanla changkanglo hle tihna ani mai ang a…?
Hetiang thil han ngaihtuah chian hi chuan kan education system thalo tak nen hian a in kaihhnawih leh tlat pek a. kan zirlai (upto BA) tamtak te hian an thil zir hi an zir liam vel mai mai a, society ah an apply lo thin niin ka hria, BA pass hetiang lam ngaihtuah lemlo leh thil thlir dan mumal neilo an tam emai. A nihna tak ah chuan class-12 chin tan hi chuan rilru puitling tak put hi a hun tawha, ngaihdan rational tak neihna khawp pawh hi kan zir tawh ani.
Entirnan, Class-11 economics ah te chuan Indian economy than chhoh dante, ram economy sawinghing lawih khawp sawrkar policy ropui tak tak te a tlangpui an zira, mahse zirlaite zingah Zorama kan politician te hian eng policy finthlak mah an ngaihtuah chhuah ve ngailoh zia ngaihtuah hi an tlem viau ang.
Chuvangin hetiang zawng zawnga hma sawn tur hi chuan feminist movement tih a kawng zawh vel lam aiin, education system lam atanga hma laka, awareness tehi neih chi niin ka hria. Kan dinhmun hi kan aware angai ani. Hmeichhia te dinhmun mai bakah, kan ram politics chungchang ah te , kan society hrim hrim hian hmasawn natur ala ngah ani.
A topic ber pawh kala sawi tha hmanlo sawitur kala ngah si a, a sei lutuk chuan in chhiar peihlo ang. duhtawk rih ang. in duh leh minlo hnial vak mai teh u. Duhleh kan debate dawn nia.
Similar Posts:
- Tunlai Mizo Mipa leh Hmeichhe Dinhmun Hi
- Mizo mipa ten hna i thawk nasa ang u
- Mizo hmeichhia ten hnam an hmangaih a hun ta!
- Mipa Vs Hmeichhia
- Mipa leh Hmeichhia-II
January 25th, 2009 at 4:56 pm
Kimas, nupa inkar hi fel se, right right tih vel hi Mizoram angah chuan a awm ka ring hran lo….tlangval te pawn an hmeichhe kawm te hi mahni nuamtih zawng ang chauhin take care tum lo ila… pasal te hian nupui te hi kan servant chhawr fo ni berin ka hmu bawk. Hmeichhia te pawh hi inti no lutuk bawk lose, hmeichhia an nih avangin hmeichhe thawh awm tawk ti ang deuh zawnga rilru nei an ni furin ka hria, Mizoram angah hi chuan… Truck driver te khi an ni ve kher tur ka ti a ni lova, eizawn nan hian a hmei a pa hian hna hrawmhraw hi thawk hreh lo ila, mipa in hmeichhia dawm dan/enkawl dan thiam ila, hmeichhia lah in make up leh sam etc te ngawt nilo deuh ti ve bawrh bawrh bawk se…. rilru ah khei tu kawppui te tan pawh a tlem anga khitiang khi an tih/nawr emaw pawh angai kher lovang. Berh phung a hnathawh kan hreh chhung chu khawi mah kan thleng bawk hek lovang.
Report this comment
January 25th, 2009 at 4:56 pm
duat thiam maithei
Report this comment