I hnenah hian ngaihdam dilna tur ka va ngah em! I lawm loh zawng leh huat zawng thu tam tak ka sawi ang tih ka ring a. Kei chu tawngkam thiam lo leh zei lo ka ni tih i hriat kha.
Ka sawi awm tak, sawi ngei tur a min beisei pawh sawi chhuah loh chang tam tak ka nei ang tih ka ring. Engkim mai hi ka tan chuan ‘harsa’ a nih chang a va tam em !. Hmangaihna ‘tlan kawng’ ah hian ka tlan pai nawk nawk a. Ka ke chheh hi a dik loh vang nge ka hre lo; Pakhatna ka nih lohna hi a rei ta hle mai.
Hun hi ka ta nise, hun zawng zawng hi i tan ka hlan ang a. Mahse hun hian khawi lamah emaw min her pui tlat si a. Khawiah nge min her pui zel dawn hre lo khawpin ka hawi a mek a. Chhun ni liam la, zan khua herchhuak rawh han tih mawlh mawlh mai ka chak thin. Hringnun hi a nihna ang a hmachhawn tur a ka ni; Siamtu’n min seng hma chuan.
Kan bul tan dan pawh mawl te a ni. Thiantha te zarah inhmelhriat kan ni a. Khawvel leh a chhunga chheng te zingah hian kan tawn ang tawng an tam tawh a. Keini pawhin kan tawng a, hmangaihna hi engchiah nge maw a nih le tiin vawi tam tak kan inzawt tawh thin a nih kha. Hmangaihna hi mi pakhat atanga chhuak tur a ni lo a, a lehlam lehlam atanga chhuak tawnin intawng tur a ni e tih kha kan thutawpna a ni fo a.
Loh theih loh avangin tlang hrangah kan awm a tul a. Boruak melah pawh teh ila, mel sing chuang teh meuhin kar min dan a. Ngai em em leh thlahlel ngawih ngawih chhungin kan inthen a tul rih si a. Thinlung lam hi lo inzawm lo nise, hmangaihna khawvel hi a va ‘nunrawng’ ve aw tih vawng vawng chang kan ngah ngawt ang. Hmangaihna in kan hnarah ‘nunna thaw’ a thaw lut a. Chu chu kan tan chakna a ni tih hi i hriat loh ka hlau thin.
Enteh hei, ka bul velah hian hmana kan pahnih a kan thlalak dun kha ka la kawl asin.. khami tuma kan hlim zia kha aw.. Kan inkut suih der vel te kha a nia. A changin kan nui dun bawk a. In kutsuih tak tak ni thleng thuai thuai se tia kan nghahhleh zia te kha nang pawhin i theihnghilh thei ka ring lo. A mak ve mai mai ngawt mai. Hmangaihna awmzia inhrilhfiah tum a, tawngkam bungraw nalh leh mawi kan inchuh lai te kha.
Nang chu chhungkaw pangngai leh lehkha zir sang tih takah, lehkhabu tha chi tinreng leh internet atanga te a, hmangaihna chungchang hrilhfiah tuma, mi thiam leh mi ril tak tak te tha an lo thawh tawhna, tawngkau chheh mawi leh nalh tin reng i rawn lek chhuak a. Mahse kan hrilhfiah thiam loh avangain ‘Hmngaihna chu tawn a fiah chi’ kan ti ta khan ka hria – kan intawn tirh lamah kha chuan.
Kei chu i hriat ang in mawl te in ka nitin nun ka hmang a, khawvel thil, sum leh pai, nawmsakna leh hausakna hi ka tan chuan vana rah ang a ni a. Chhung leh khat han tawng chhan tur ka nei lo tih i hriat loh pawhin, awm ka ti khawp mai. A chhan chu, chutiang mi chu ka nei lo miau a. Kei ang bawk a tlangval, i hmelhriat leh i chhungte pawhin an hmelhriat thenkhat te kha chuan ka sawi ang hi an neih kha ti ro? Mihring nun hi mittui leh mittui inkar maiah kan lo awm reng zawk em ni ang le? Ka sawi thui lo ang.
I kiangah ka awm reng thei lo tih ka hria. Mahse ka ‘aiawh’ atan inthlahrung takin, Siamtu in duh leh duat tak a siam kan hmang teh ang. Zan a lo thlen a, van lam thlir chang i nei ve ngei ang tih ka ring, nangmah nen pawh kan thlir thin tih i hriat kha. Van dumpawl ruih kar a thla leh arsi, kan pahnih pawh a kan hmuh fo thin kha, a ngai te in an la eng ang. Thlifim, kei chuan zo thlifim kan ti deuh kher teh ang, a rawn thawt heuh heuh chang leh, thla leh arsi te an en zual chang chuan min hre chhuak ve thin dawn nia.
He lei hi a vir ngaiin a vir reng ang a, a vir kualna lamah i tan hun tha leh nawmna chu herchhuah pui se. Hlimna leh lawmna awm thei zawng zawng i tan nise ka ti. Chu zawng ai chuan hmangaihna ka duhsak ber che tih hi i hriat loh ka hlau thin. Ka hmangaihna che hi hmuh fiah tir tur che in eng thil nge ka tih ngai ang aw. Thim a bo a, eng a en zual a. Ri a reh hunah ka ding ang a,Ka kal ang a, ka petek lo vang. I tan, hetah kei ka awm tih hi i hriat loh ka hlau thin.
Similar Posts:
- K.S MIN TI MAW?
- Mipa leh Hmeichhia
- Hmangaihna (Keima Version)
- Nu hmangaihna. A va mak em!!
- Nu nge Pa!!
February 13th, 2009 at 9:11 am
cooment hmasa ber teh ang…Ava sei reuh ve a
Report this comment
February 13th, 2009 at 9:11 am
cooment hmasa ber teh ang…Ava sei reuh ve a
Report this comment
February 13th, 2009 at 9:21 am
A sei a ni.
Report this comment
February 13th, 2009 at 9:34 am
ka chhiar chhuak vek! Ka va inhmeh reuh em!
Report this comment
February 13th, 2009 at 9:49 am
AWWWWWW, a lung a lengin a va ngai awm vawng vawng ve awwwww. Ka thiam lo chuang lo che hmingsang, kei ngei pawh ina ka tawn hnu anih hi. Hmangaina hi mihring tana siam ania, mihring hi hmangaihna tana siam ani lo, mala awm hi chhuan pui tham ani. Be strong… take courage…
Report this comment
February 13th, 2009 at 10:02 am
A lungleng ve ngang a niang. Lunglen hi chu riltram vang mai mai a nia. Puar peng pongiin om ila lung a leng thei tak tak lo.
Report this comment
February 13th, 2009 at 10:24 am
Tlawng lui leh thingthlang khaw kal chakna bak in ka lung a ti leng ve lo a ang. Thla eng hian ka lung a len miahlo bawk… ram riah na a buk chhung a mahni a nghate vel han ur rep lai a… rin loh tak mai a ruah rawn sur seng seng hi a lunglen thlak duh ka ti. Mau thei ngei mai khan han khiat deuh pap ila, mei chhawm that pah khan han zai veng veng ngei mai bawk ila
Report this comment
February 13th, 2009 at 11:11 am
ka valentine tringtrang kual teh nuaih ve le aw…!!
Report this comment
February 13th, 2009 at 11:41 am
Valentines day ah hna thawh angai tut mai le hahahha ka van chawh tak.
Report this comment
February 13th, 2009 at 11:44 am
Pu HV hna thawh ngai lo ta se enge i tih ang? In nu i awm dawn em ni ang?
Report this comment
February 13th, 2009 at 11:48 am
nau awm chungin misual dawt kawm ah mi a hnial zut zut ang mo le…
Report this comment
February 13th, 2009 at 11:55 am
ziak sei reuh hle mai…V-DAY tan ni ngei tur….
Report this comment
February 13th, 2009 at 11:59 am
Patriot, ka hruai chhuak anga, restaurant phak ve tawk a tha ah, present neih phak tawk ka hlan anga, chaw tui tak… wine/champagne nen ka khilai ngei ang.
Report this comment
February 13th, 2009 at 12:06 pm
@HV a pawi ve maw le, i ai lo awh turin kan awmna a inhlat bawk sia. :). Tak takin, Mizo paah chuan nupui duat thiam pawl tak i nih ka ring. Alternative tha ve tho i siam thei ang chu.
Nupui duat awareness campaignte hi neih a tha mawle.
Report this comment
February 13th, 2009 at 12:28 pm
Patriot, thiam a tlem/zei a har phaktawk a tawi/tlem bawk si…. duhthu sam vak ila, rual awh a na bawk si…hahthlak khawp mai
thiam ang tawk hian in duat vek ila, inti thu hlur lo ila, thusawi in ngaihthlak sak ila… mi hma ah in chawmawi thiam bawk ila, a fuh a ni mai awm e a…ni em? 
Report this comment
February 13th, 2009 at 12:35 pm
Pu HV, Valentines Day hi a nihna diktak kan hlauh tawh tih hi I pawm thei em? Nang hre zau deuh min han chhang teh… Pls
Report this comment
February 13th, 2009 at 12:46 pm
Nia, lungleng mi tak tan chuan a hun lai a ni e.. Hmangaih tak ten kan hmangaih a ni tih an hriatloh chuan a tuartu tan chuan a hrehawm duh ve viau maithei a sin
Report this comment
February 13th, 2009 at 12:46 pm
https://en.wikipedia.org/wiki/Valentine's_Day
Report this comment
February 13th, 2009 at 12:50 pm
Khimi link atang khian, a chhui zawn theih tawh ang chu… Hmangaih te hnen a hmangaina lantir hun, hel lai te hnen a duhzia/in duhsak na tihlan na ni a ni ber lawm ni….
Report this comment
February 13th, 2009 at 2:34 pm
Vawin nikhua chu ruah a si seng seng a, nikhua a sexy-in wonderboy-a dan tak a chithlahna nikhua khawp mai a, he thu ziak ka chhiar chu hmanlai nun hluite min hriat chhuah tir ve tlat chu le.
Report this comment
February 13th, 2009 at 2:54 pm
I ton ang tong hi kan om ve khop mai……!!!!!!!!Hmangaihna a in lak cool hi chu nuam ka tih zong hi ani ve tho a…… achang chuan in ngaihtuah vung2 chunga mahni chauh a om a hlim laini te ngaihtuah hi thil nuam a ni…… Mahse a chang chuan a hreom thei thin hle
sei toh emmmmmm mai a chuan lehlok ziak thiam khop mai
Report this comment
February 13th, 2009 at 2:58 pm
90s chho vel khan ral khatah ngaihzawng ka nei vea, khang lai tak kha chu aw!! thil kha a hautak lutuk. South India atanga North India lama lehkha zir ve tho ka bialnu phone turin STD booth-ah intlar a ngaia, kan han inbia a sawi tur a vang leh duh si a, minute rei loteah Rs 50 a kal leh duai thin. Lehkha lah a thang rei duh bakah ka ziak taima si lova. Ka bialnu lah chu nupuiah ka la nei lo zui.
2000 hnu lamah hi chuan phone call mante a tlawm ta a, mobile phone te a lo awm ta a, internet lah a mumal tawh bawka, ral khata bialnu/bialpa neihte pawh a ziaawm deuh tawh ang chu.
Report this comment
February 13th, 2009 at 3:47 pm
Lungleng thui reuh ve a bu a chhuah lo lo chi loh mo
Report this comment
February 13th, 2009 at 4:13 pm
Lam hla deuh chas hi chu kai deuh chhalh hian han call ila a nuam ka ti ve mai mai thin, tongkam poh a thlum tha duh khop mai Lolzz
Report this comment
February 13th, 2009 at 6:33 pm
A buaithlak deuh chu a ni ralkhat inchhai chi hi chu.. Amah kan pu myself pawh hian sawi dawn se, sawi tur a hre hnem ngawt chuan ka ring a.. pu adelfos pawh a bang hauh lo ang le..:)
Report this comment
February 13th, 2009 at 8:53 pm
Helai chu inpuanna hmunpui atan in hmang hlawm a ni maw
a ziaktupa khian a ziah than hmel e 
Report this comment
February 13th, 2009 at 9:06 pm
Amanda(te) i dam maw?? In avater ang hi ka duh ve….minlo siam ve teh u pleasee
Report this comment
February 13th, 2009 at 9:06 pm
Ah!!! a lo awm ve reng a nih hi!!!!! ka thlak duh
Report this comment
February 13th, 2009 at 9:10 pm
heih…an intawng fuh leh ta chiah mai,amanda(te) vai film ang deuhin i tlanchhe vel phawt ani maw?
A topic nen a inhmeh bok shia….
Report this comment
February 13th, 2009 at 9:12 pm
Alejte-a ka awm e, i dam maw?? i va han vang ngawih2 ve
Report this comment
February 13th, 2009 at 9:13 pm
Hahaha.. irre thingbuk ka zak deuhva ka va hel zuai, 2mrw tur neuh neuh nen a boruak a dangtlats tiraw
Report this comment
February 13th, 2009 at 9:16 pm
Khonge alejte-a kha? A lo titau leh hman em ni? Han inchhai vel loks teh u,in formula a fuh viau naktukah kawr hring ha-in chuan ka apply ve ang
Report this comment
February 13th, 2009 at 9:18 pm
irre, amanda leh alej chu naktukah an ron online ring duh suh. an bo hmaks dawn!! Kan boss kanidar pawh, red roses dawrzawn 2 ka lei ang a, bedroom ah ka thehdarh vel ang a ti!!
Report this comment
February 13th, 2009 at 9:20 pm
naktuk valentine’s day chu.. nei tawh leh la neilo kan inang dawnlo hle mai
Report this comment
February 13th, 2009 at 9:22 pm
awi funnyte, min ti nui tu, i lo thleng ta maw!! nakum V-day chu malin i hmang lovang. Ka tihpui tur che khan a duh dawn over che!
awi, he post chu a thra in a sei hle mai.
Report this comment
February 13th, 2009 at 9:24 pm
awi…kanidari chuan ‘do not disturb’ sign a hmang tangkai leh ngei dawn ani maw??
Pu Myself-a pawn red rose tlawmna a hria a, lei turin a kal mek ani awm e
Report this comment
February 13th, 2009 at 9:25 pm
Pi BM naktuk hian keichu chess ka khel daih dawn. tournament tanni ania HIT lo rap
Report this comment
February 13th, 2009 at 9:27 pm
Awi Awi BMW naktuk te chu online te chu kahase ni mai, mahse maw Alejte-a hi @Zorun sawi ang deuh khi a nia, ralkhat inchhai chu a buaithlak tlats :D, ti hian min rawn enthla zeuhva a bo leh daih zel
@kanidar ang deuh khian Rose min petu kan hmuh zawh loh leh ka va leichhawp ang a, nalh deuhvin ka khawi mai ang 
Luliana, wonder leh ConstntineXX chu a bawr bawr in an pu luk luk ang chu pek tur an ngah bawk a 
Report this comment
February 13th, 2009 at 9:28 pm
Pi BM hman deuh khan maw, chhas bem ka tum ve a.. in hmuh theih siloh thiante a ph number kan dil ve ngiala, a hming ka hriat siloh avang khan a thiannu zawk kati emaw anlo tia. a thiannu kalo be char char.. a hnu ah kan hmu chiah chu.. are!!! niringawt. “i thiannu zawk kha ania” tih chi tawh der mawi silo.
Report this comment
February 13th, 2009 at 9:29 pm
Ka coment khi admin te huatthu a awm ta em ni moderate rei ang reng ve
Report this comment
February 13th, 2009 at 9:35 pm
Hett tret ngahnge Amandatei comment chu in moderate rei viau ni? Admin ho controler kan thlang mai dawn em ni?(Fiamthu) hahaha
Report this comment
February 13th, 2009 at 9:36 pm
@funny, Good luck! i champion chuan rawn in report ang che aw…ka note book ah ka lo enter leh hmaks mai ang ( ka fakna tur che khawl zel phawt ila!!)
Report this comment
February 13th, 2009 at 9:36 pm
amanda moderator ho hi an sual emai, hawh keimah min hrilh ru daih rawh. eeh
Report this comment
February 13th, 2009 at 9:40 pm
Pi BM comment 38 khi i hmulo ami. “SDO mawla” tih ang deuhin, FUNNY-MAWLA kani ringawt
chess hi chu nula bem nan a thalo lulai em alawm le
Report this comment
February 13th, 2009 at 9:41 pm
bmw-funny chanchin sawi dawn chuan ‘keite’ kha theihnghilh loh chi
Report this comment
February 13th, 2009 at 9:45 pm
Irreplaceable: Chu mai pawh ala ni hleinem JOHN TRAVOLTA hming kai lek in “THRAVAWL-A” min ti thin bawk. ka thra vaw vawl ania.
Report this comment
February 13th, 2009 at 10:57 pm
John Keats khan Fanny Browne-i a duh ve hleuh hleuh teh reng nen khan …ani Fanny-i lah khan a lo chuti-let teh lua mang si lo … thu leh hla lungrun kan ngah phah ta … a lawmawm letling e.
Duhtakte nen hian han inrunlumpui thei ta zel ila, thu leh hla chu kan nei khawro letling phianin ka ring.
Hmingsanga pawh, a vawi khat ziakna mai a ni tawh lo tih a hriat a … hlep hlep mai a! A lo dawngtu tur tan pawh mur ur urna tur lah ni! Karah harsatna a awm hian hmangaihna kan han express chhuah dante pawh hi a ngaihnawm zual thin a. Samsona leh Delilah pawh hnam intai bang thei lo JEWS leh PHILISTIAN kara inhmangaihna a ni … Romeo (Montague) leh Capulet hnam Juliet-i te pawh kha inhmelmakna kara romance an ni tho. Kuch Kuch Hota hai-ah pawh — Khan (Muslim) leh Sharma (Hindu) inkara inhmangaihna piang ngaihnawm tak a nih kha!
South India leh North India inkarte chu theihnghilh phal rawh u … thlan thim chhunga hmangaih kalta te ngaih pawh a bang thei hlei nem … dam leh damte chu inzawnchhuah ngei tur … Thangi pawh Kawl ramah Pawi ralin an hawn daih a; tlai khaw hnuah Chalthanga’n a zawngchhuak mai alawm… an hlim dun dawn ta maw tih mek laiin Tiau lui lianin Thangi a’n la bo daih mai kha … Chala hnunga khawihli huaisual, tuma deh phak loh a ni hlen ta!
Report this comment
February 14th, 2009 at 1:58 am
I’ve known her since we both were kids,
I recall the silly things we did
She would want to ride up on my back
To keep from stepping on a crack
I didn’t think of it back then
But even when she did not win
She was happy just to play
Stoney likes to live out everyday
Stoney, happy all the time
Stoney, live is summertime
The joy you find in living everyday
Stoney, how I love your simple ways
The times when no one understood
Seems that Stoney always would
We walk for hours in the sand
She would always try and hold my hand
Now I don’t recollect the time
I fell in love with this old friend of mine
Or when I first saw in her eyes
What she tried so not to hide.
Valentine’s Day atan for all of you
Report this comment
September 15th, 2010 at 4:04 pm
Avan ngeihnawm emmmm!
Ka lawm e
—LVK
Report this comment