by zetson
Khuavel sakhming leng zawng khumin a vul
Lentu a ngir; zoawi zaikung an chawi
Lengthar dawntuai I par dawnin an vul
‘Zoram zirna sutpui’ hminghlun I chawi
Chuti’n rianghlei ten par an hhuah ve na’n
Dawm kanga chawi liantu lo ni fan la
Chimhleitual’n ngur nun rengpui chan na’n
Hmatiang sawnin pheilai kan vawr dial a
Zetin par ang vulli kan sawi dim e
Thiam zir naufa’n ramdang kan ngai bil lo
Vulmawi laitual mawiin a her liai e
Sirtiang dawhrem huanin ka thlir ning lo
Mi-ze tin kimna run nuam P.U.C
Remmuanna hungin vul zel mawlh teh se.
RHYME: abab, cdcd, efef, gg
Kum 2007 a phuah a ni e.
Similar Posts:
- Chhem dam rawh
- Tunlai ka lung tileng tu hla thenkhat
- Tu’nge a thai tur chu
- Tu’nge a thai tur chu
- Damchhan
February 23rd, 2009 at 8:18 am
Zualte, i va ril ve.
Report this comment
February 23rd, 2009 at 11:04 pm
by Zetson
Khuavel sakhming leng zawng khumin a vul
Lentu a ngir; zoawi zaikung an chawi
Lengthar dawntuai I par dawnin an vul
‘Zoram zirna sutpui’ hming hlun I chawi
Chuti’n rianghleiten par an chhuah ve nan
Dawm kanga chawiliantu lo ni fan la
Chimhleitual’n ngur nun rengpui chan nan
Hmatiang sawnin pheilai kan vawr dial a
Ze tin par ang vul lai kan sawi dim e
Thiam zir naufa’n ramdang kan ngai bil lo
Vulmawi laitual mawiin a her liai e
Sirtiang dawhrem huanin ka thlir ning lo
Mi-ze tin kimna run nuam P.U.C
Rem-muanna hungin vul zel mawlh teh se.
RHYME: abab, cdcd, efef, gg
A va tha dap dap ve le … Shakespearean Sonnet thlapin i rawn ti thiam a; Octave chin leh Sestet chin ka rawn phen kau hret a nih khi! I meter
chhawpchhuah auh auh dan pawh a kawngkal reuh ngei mai!
Mrs Lapuii’n lo chhiar ve tak ang maw? Ani khi PUC-a English Department-ah a eng dinhmun ber khi nge a chelh ve tawh ang aw?
I sestet chin hi han thual lawk teh ang.
Vul-mawi | lai-tual | mawi-in | a her | liai e
Sir-tiang | dawh-rem | huan-in | ka thlir | ning lo
Mi-ze | tin kim | na run | nuam P. | U.C
Rem-muan | na hung | in vul | zel mawlh | teh se.
Tlar tin deuhthaw tawpa vowel i dah remchang thiam pawh khian a lamrik a ti-no ngaihnobei khawp mai! Khitiang dungthula Literature kan zir hun lai thang-hnih lian zet liam ve tawh kha … thinlung i rawn tithar leh khawp mai!
Zetson, a Saptawng pawhin han hung chhin teh; i namai lo reuh khawp ang le! Engatinge i hla tlar tawp lamah khian punctuation marks i dah loh? Dah phei la chu, a meaning a tithuk zualin, i dah dik loh erawh chuan —i tikhawbaw phah ngawt bawk ang. I tih chinah mah mah, i la improve thei cheu!
Report this comment
February 23rd, 2009 at 11:16 pm
Mi-ze | tin kim | na run | nuam P. | U.C
Rem-muan | na hung | in vul | zel mawlh | teh se.
He lai tlar hnih hi chu —a meter a fuh i ti zaih bikin ka ring lo; chuvangin, IMPROVE zual nan aw … Keats-a pawhin a vawi 8? ziah nawn thaichhiat ziah nawn, paih hnu chhar nawn chhar nawn hnuin “Ode to the Nightingale” a khawr pum ve chauh tho a nih kha maw le! Awithangpa, Lianchhiari, Saikuti etc., an danglam riauna chu ON THE SPUR-in, syllable inzat thlep, poetic diction dik taka chawplehchilha an han chham lawn zeih zeih mai kha … an chhuanawm hlawm teh asin!
Report this comment
February 24th, 2009 at 12:49 pm
hei zawng zualtea kut chhuak ani top lo e.ka thianpa zetsonan chhun thingpui in laia lehkha a a thai chhuah mai2 anih hi,zetson hian summer hutah poh thil alo ziak nual toh.mi ril fe fe in lo tam hle mai tih ka rn hmuchhuak e.chawngchilh nang poh hi i tihmi dawn hi.
Report this comment