He thu hi midang chhuah ah ka duh viau nang a mahse, tuman an theh luh lem loh avangin, keiman kan thehlut mai ang e.
Kar hmasa khan, Israel TV channel pakhat chuan kan Lal Isua Krista leh a nu Mari chu fiamthu ah thawh in an deusawh nasa mai a; hei hi duh lovin Kristian te chu hmun hrang hrang ah protest in officially a Kristian te hnen a ngaihdam dil turin hemi thil ti chhuak tu te hi an nawr a ni.
An deusawh na ah chuan, Mari pawh kha kum 15 a nihin, a sikul kalpui pakhat in a rai mai mai angah an sawi a. Lal Isua pawh kha naupang te a thih chhan chu, a thau lutuk a tuar lovah te sawiin an nuihsawh hle a ni. Hemi thu ah hian, Israeli Prime Minister Ehud Olmer chuan officially in ngaihdam a dil tawh nangin, tuar har ti khawvel hmun hrang hrang ah an tam hle ni a sawi a ni. Link hrang 2 pawh a awm a, a then ka han dah anga a dang chu mahni a in zawn ni mai se a tha awm e.
– aussienewsviews.blogspot.com
– presstv.ir
– news.bbc.co.uk
Similar Posts:
- Amen ti thei – Mari (Isua nu)
- Mari Magdalini
- Mizo hmeichhia ah an awm ve angem?
- Nausen pahnih
- Kristian sakhua leh Mizo hnam sakhua danglamna
February 28th, 2009 at 3:34 am
A zialo ngawt mai Pathian thu fiamthu thawh nan a hman hi chu mahse Kristian an ni lem lo ang a. Ti hian ti daih teh ang kan ram Kristian Ram ngeia Pathian thu fiamthu thawh nan an hman teivet hi engtia tih chi nge le..
February 28th, 2009 at 3:36 am
kan mizo Israel tekhan report chiang deuh an pe thei lawmi
February 28th, 2009 at 4:02 am
Fiamthu chu fiamthu, deu sawh/hnehsawh kher hi chu eng sakhaw bia pawn sakhaw dang chunga kan tih loh tawp turah ka dah.
February 28th, 2009 at 4:03 am
sakhua chu sawi loh… Kristian awm chhan, kan Lal Isua, Pathian fapa a ni, kan tih ngei an deu sawh chu ka duh lo tawp.
February 28th, 2009 at 4:36 am
An apologize a ni lomni. Ngaidam ru ngaidam ru. Mizo pawh in vaipathian te kan nuihzat thin te hi an lo duh lo va ang a tih te ngaihtuah ve ila…
February 28th, 2009 at 4:42 am
hahaha: ho emai a
Lal-aryana post ni awmtak ani
February 28th, 2009 at 4:55 am
“… him that walk’d the waves,” tih thu chiah rawn la chhuak hian Honors Class-a kan zirtirtu-pain ‘a hauhuk kai’ min zawt tawh a. Milton-a phuah a ni tih chu ka hai lo; chhan tumin ka ding ve uaih a; ka chhang thiam ta ngang lo va. Milton khan a mit a del hnuin ‘Paradise Regained’ a phuah leh a; ‘Paradise Lost’ pawh kha namai lo tham tak a ni. Theological Poems — ‘khawvel hmasa leh khawvel thar’ chungchang a lo ni reng mai!
Nazi hnuaia Holocaust —thinthawng reh thei lo chanchin awih-tha duh meuh lo English Bishop Richard Williamson-a thlavang hauhtu Pope Benedict XVI-a’n May 2009-a Israel ram tlawh a tum kaihhnawihin —Mari leh Nazareth Isua Krista chu Juda fiamthuthawh thiam Yair Shlein-a chuan a lo elsenlawk ve hlak a ni ber e. An tih awm tawk te te theuh an ti a ni ber mai!
Mitdel Milton-a khan a hlaah, ‘… him that walk’d the waves’ ti hialin a lo dah ngam a; Pathian Thu dik tak thlawpin hla a lo phuah a ni. Yair Shlein-a hian Milton-a pawh a tluk lo ve ka tihna a ni miah lo; Isua chanchin a hriat chian poh leh elsen leh diriam hi a thiam hlei hlei zawk ang chu!
Kei pawhin “Virgin Mary” a nih chin hi chu ka pawm thiam khawp. Pathian Fapa ISUA KRISTA (Yahshua ha Messiah) a hrin tawh hnu kha chuan Josefa nen khan fa dang an nei zui zel bawk a, Virgin Mary a ni zui reng ta lo a (Isua pai tur kha chuan sex nei reng reng lo, VIRGIN a ni) —Paul Benedict XVI-a chuan Catholic Thurin ngeiin VIRGIN MARY la ni reng angin a pawm dawn hrim hrim a —Juda pachal fiamthu thawhthiam tan chuan ELSEN belhchhah a nuam lehzual khawp ang.
“Tui chunga kal meuh tur chuan a thau lutuk a, taptawmin a inchhungkhung reng thin a; Galili Tuipui-ah swim-suit nen a kal ve ulh ulh,” han tih pawh chu Judaism-ho tih awm tawk lek a ni ve tho bawk.
Tui chunga a rawn kal ber mai leh thlipui-ruahpui Isuan a hau reh kha a thil tih mak tawh azawnga ropui pawl nia ka ngaih a ni ve tlat. A kamkhat leka Thlipui leh Tuifawn a han reh nghal ta duak mai kha Pathian ropui tak mi tirh Pathian Fapa a nihzia a lanna a ni —tunlai khawvela kan Source of Powers —thli tha leh tui tha hmanga kan generate chawp hi a hmu thiam chiang tan chuan heng power source zawng zawng kan neihte chunga ISUA THUNEIHNA a lo chungnun zawkzia hi fiamthu mai maia lak theih a ni lo! Thil tak tak a tling zawk a ni.
Pathian sawichhia a, Fapa lehzel pawh sawichhia chu ngaihdam theih an la nih thu leh Thlarau Thianghlim meuh erawh sawichhiate tana hmabak a ko lohzia hi Shlein-a elsenna-fiamthu atang hian zir chhuak thiam ila a tha zawk awm e.
February 28th, 2009 at 4:58 am
john milton hi chu a ngaihsanawm ngawtmai, shakespear aiin ka ngaisang daihzawk mai.
ka sawi zawmlo mai ange ka mu toh dawn mangtha u
February 28th, 2009 at 5:08 am
Fiamthu chu fiamthu mahse Pathian thu fiamthu thawh nan chuan a…ka la ti tho tho:-D
February 28th, 2009 at 5:14 am
Thangkura te fiamthu thawh dante kha a Satanic ru thei hle asin! Thiangzau Baktawng-a awmho te … zu hmun sa hmuna chetla thin te pawh!
February 28th, 2009 at 5:35 am
Isreal te chu patian ngaih ah israel an nih tawh hlei nem kei ni kan ni tawh zawk a lawm. calatia 3:27 inzing ah krista Baptisma chang a piang te chu, krista chuan in in thuam tawh sia, chutah juda mi an awm tawh lo va Greek mi paw an awm thei hek lo. kristata in nih chuan Abrahama te roluah tutur thutiam fa in niang, a ti alom. isua kan rin khan Abraham thlah kan nih daih…
February 28th, 2009 at 5:48 am
Thirkut sawi takah chuan Mizo naupang chuan ” Vai pathian zangbawng ki je” an tih thin kha
February 28th, 2009 at 5:54 am
Keini pawh hian kan hmang fo lovang maw?
February 28th, 2009 at 7:16 am
Thai hovin an Lal sawichhiat/nuihzat chu thi thu namin an duh lova, Mohammed cartoon avangin khawvel a nghing a, Kristian ramte intelkhawm leh englai pawha Israel laka ter at rengte hi tangtlangin Israel ram,ar hmai tiat lek hi an kal pah mai palh ang e! Taia_pa te ho an hawi pial than mai palh ang a!!(fiamthu). Vai pathian TV uela Mizo ten kan deusawh ka la hre lo.Khawlai ti ti leh fiamthu hi chu eng hnam pawhin an nei vek!
February 28th, 2009 at 7:21 am
Juda pa fiamthu khan thlarau khawvel indona a cheng kan nihzia a tilang chiang hle. Isua leh Setana hi Van atanga lo indo tawh thrin (Thupuan 12) an ni a, an van indona chu kan awmna lei ah an chhunzawm ta zel zawk ani. Evil eh Adama atangin lei indona an tran a, Setanan Adam leh Evi chu a lamah a hneha, keini Adama thlahte ah hian indona chu an chhunzawm ta zel a, keini hi Indona field kan ni. Isua chuan zawlnei te hmangin Isaia te Mika te hmangin hrilhlawkna ah lei a mihring anga a lo pian tur te a rawn sawi lawk a, a lo pianna Bethehem khua ngei te a sawi lawk a, Setan a chuan a lo chang ran a, Lal Heroda hmangin nausen piang chu tihhlum a lo tum tawh, mahse a tihlum lo.
An indo na hi a kal zel. Chu indona lo tawp hun tur chu Isua lokal leh hunah a ni. Eden huan atangin Mihringte history han chhui char char la, mihring te hmangin Setana hian tun thlengin Pathian mi te a bei char char a ni tih hai rual a ni lo. Midang hman a hrat hle. Heroda mai a hmang lo. Amah ngei rawn inlar ta sela kan lo hriat (recognize) mai a rin vang nge maw ni, mi dang te hmanga hna a thawh hian a hlawhtling phian zawk zel. A chang chuan i chhung te, i thrian ngei ngei te hmangin a thlem thrin ang che. Eden huanah pawh amah rawn in lar lovin rul a hmang anih kha. Chutiang zelin midang medium hmangin a la thawkfuh char char hle mai tun thlengin. Hman ni Juda pa fiamthu thawh kha chu nep te a ni.
Setana’n Pathian mi te a lo beih tawh dan zawng zawngte han thlir chuan, Ekhai aw, ti a harh uar uar tawh awm kan ni. Mahse Psychology hi a thiam khawp a, kan tlu leh rawk rawh mai thin zawng anih hi.
Mihringte hmang bawkin Setana hian Kristian te a lo ti duh dahtawh a, a la ti duhdah zel bawk a, a la tiduh dah deuh deuh dawn a ni. Christianity a lo thrang zel hi a ngaimawh a, Kristiante tih rem tumin mipui leh sawrkar, kohhran te hial hmangin a lo che vak tawh tih historyah hai rual a ni lo. A la che zel dawn, Isua lokal hun trep (kan hun hi) ah hian a vawrtawp a la thleng dawn, lo ngaichang reng mah rawh. Mahse Kristiante chu rem a hnekin an lo pung tual tual zel si le.
History ah Setana chuan “If you can’t win, join them” tih philosophy a la a, kohhran mite rilru hnehin a lamah a tan tir a, inrawlhlut (infiltrate) a ti zawk ila a dik awm e. Kristian kohhran inti te hmangin Bible chhiar te a khap tawh a, Krisitan Kohhran intite bawk hmangin Bible hi Latin chauhin in hmang tur a ni, mahni tawng (vernacular) a lehlin loh tur ti tein thuchhuah (BULL) a pe a, chung chu pawisa lo a Bible letling luitu Kristian huaisen an lo awm a, Waldenses ho leh Albigenses ho te chu nasa takin a tiduhdah a, tlangah leh pukah te an biru a, an bihrukna ah Bible an letling a, heng an bihrukna hi Italy hmar lam ramah te hian a ni, kei ngei pawhin ka tour tawh. An mahni timang vek turin kohhran sipai te an tir a, chung te chu history ah a chuang kiau kuau in chhiar duh chuan. Thlarau khawvel indo na hi chik ngun la, hman ni a Juda pa fiamthu mai mai te kha chu nep te ani tih i hre ngei ang.
February 28th, 2009 at 7:52 am
Israel tan rum rut ho tan chuan comment pek a harsat ka rin deuh. Kei leh ka chhungte chuan kan thlarau chhandamtu Lal Isua hmusita deuhsawh tu chu ka hmelma a ni. Amah tan lo tu chu Isua’n Pa hmaah a tan dawn lo.
February 28th, 2009 at 8:20 am
“Israel tan rum rut ho tan chuan comment pek a harsat ka rin deuh.
Its a freaking comedy show, whoopie doo!
February 28th, 2009 at 9:33 am
Caribou, Mathew 5:44!
February 28th, 2009 at 9:41 am
Kan zangbawng ho chu fiamthu na chi leh chi loh pawh an hrelo a nih hi. An ngaimawh zawng ah an khermei tehreng nen hian. US airport pakhat a masi thing an dah pawh… ngaimawh a, thinrim sangphiar a dahsawn tura nawr lui ngar2 duh kha an ni tlat. Khawvel ah hian zah tumah an neilo… indo lah inpeih at reng ringawt mai… heng hung hlawmhian..an lu lah hi a kir ang bep hlawm a. huh
February 28th, 2009 at 9:51 am
fiamthu
February 28th, 2009 at 9:52 am
tra l la la la
February 28th, 2009 at 10:13 am
An lo nuihzat ve a ni mai a, @wonder-a te pawn saraswati murti hnute an khawih sak mai mai a lawm
haha
Israel ho chu ni e, an va tizia lo ve aw. Hnam Thlan an nihna tawh thin ah hian ngaisang rum rut kan awm thin a, zia lo ka ti thin khawp mai, nikum sande sikul a Israel Chanchin kan han zir ringawt te kha, trul lo kan ti khawp a, mahse le, eng kan sawi theih awm hek lo, helai misual a lo phun lungawi bak.
February 28th, 2009 at 11:06 am
Virgin Mari atchilh catholic ho huat awm tawk lek ni in ka hria kei chu
February 28th, 2009 at 11:12 am
Taia pa, Israel mi tan Christian anih ve theih tho em?
February 28th, 2009 at 11:42 am
An mawl thil mai mai a nih hi. Pathian Ramin a nghin phah lo ange. Vawih tlukah pawh ka ngai lo. Fiamthu lo.
February 28th, 2009 at 12:41 pm
Israel ho hi chu Pathian hnam thlan ni si, Pathian laka hel hmang leh hnam sual tak an ni phawt mai. Kan Pathian hi thutiam sut leh ngai lo a nih hlauh avangin humhim an la ni rih mai a ang. Hnam chapo tak an nih avangin German sipai lal leh roreltu Adolf Hitler-a pawhin a suat vak a, an thenawm ram te pawhin an ngaihtheih miah loh khu. America sawrkar khuan tan tlat lo phei se chuan an ropui vakin ka ring lo.
February 28th, 2009 at 1:16 pm
A dang chuang lo chungnung ber Lal Isua!!! a khenbeh tak ngial pawh an khengbet a lawm le fiamthu vel a sawi nawmnah chu sawi loh!!!
Chuan Christian-te tan chuan ngaihdamna nun hi nei ila a tha fu ni!! Kan sakhua kal zia pawh a ni, ngaihdam kanni fo sia…….
February 28th, 2009 at 1:49 pm
Sakhuana insawih bawrhban sak hi chu tute pawhin ka duh lo a nih hi. Hman deuh a, Danish mi in Mohammad-a lem cartoon a ziak mi pawh sawisel a hlawh nasat kha.
February 28th, 2009 at 2:25 pm
Mohamed-a sawi bawrhbanna chu muslim ram te’n an do/huat rawn thin. Kan Lalpa Isua Krista sawi chhiatna hi Kristian ram te’n kan haw ngam lo thin em ni aw ka ti. Va thinrim vak lam a ni lo, media lamah duhlohna nasa taka lantir hi kn tihtur a ni ve lo maw? Tin, nasa takin duhlohna lantir ta ila, khawvel mithmuh ah pawh kan ram kan pho chhuahna hun rem chang ani thei mai ang em?
February 28th, 2009 at 2:42 pm
Kan Lal Isua kha kan zinga a awm lai ni ta se..hetiang hian lo deusawh ta se engtinnge a tih ang le? “Ka pa, ngaidam rawh, an thiltih hi an hre lo a ni ” tiin a trawngtrai sak angem tihte ka ngaihtuah mai mai. Keima mimal ngaihdanah erawh chuan kan duhlo anih chuan kan protest ve ngei tur chu a ni.
February 28th, 2009 at 3:10 pm
caribou, media i sawi takah chuan, US TV ah an tihchhuah ve pawh ka hrelo, Jew ho issue emaw chu an tichhuak fo in ka hria. US mipui thinrim an hlau pawh a ni mahna. Middle East TV a mi a ni ka hmuh daih zawk.
February 28th, 2009 at 3:12 pm
Pu.HV i photo chu kalo en kha
February 28th, 2009 at 3:16 pm
keipawn ka en fo asin
February 28th, 2009 at 3:18 pm
a reitoh hmel e
2004 vel ami daih anilo maw
February 28th, 2009 at 3:39 pm
Lal pu-eihchi-v, i va tho hma em em ve!!
February 28th, 2009 at 3:44 pm
nimin piah zing dar 5 atangin ka la mulo
duh reng vang ni hauh lovin
February 28th, 2009 at 3:45 pm
funny, nikum masi hma mai a lak anih kha
February 28th, 2009 at 3:48 pm
PuHV: e. ka rin ai daihin a hmel a naupang. kum14/15 vel lek hmel a pu in ka hrai a thlalak ah chuan. chuvang mai mai chu mawle kan guess ve ngawt
February 28th, 2009 at 4:05 pm
Pu h.v, Riltram vang aiin mut hmuh tam loh vangin a thih hma theih zawk a nia
February 28th, 2009 at 5:10 pm
wonderboy, program ah ka telh lo chutiang
February 28th, 2009 at 7:23 pm
Mi rama Isua fiamthu nana an hman mai mai te lo sawi kur nguai ai chuan kan ramah ngei fiamthu thawhnan an hman nasat ziate hi vei zawk ang u hmiang, All India Radio ah te pawh nuihza fiamthu ah an hmang a ni lawm ni. Krista tel lova kristian, simna tel lova piangthar kan va tam em…hui ha
February 28th, 2009 at 8:00 pm
Israel ho mai mai chu an va zak lo ve mawle. Nazi hovin Europe a ro an rel lai a Poland an hnehchhuh khan Juda tam tak an man khawm a, ghetto te an siamsak, tam tak an that. Auszwitch ah pawh tam tak an thawn a, tam tak an that a, sang tam tak tichimit a ni. Khatih hun laia Juda 1200 vel bawr ama sum leh himna thleng pawha thap a chhanhim tu Oskar Schindler-a kha Lal Isua Krista ringtu a ni tih hi hre nawn leh teh se. Juda ho chu engemaw chen ah ngainat ve deuh na leh kan sawi tak hun laia an tawrhna te ngaihtuahin ka khawngaih ve em em thin. Heti mai mai a kan LALPA an nuih hi chu ka pawm loh zawng tak mai a ni.
February 28th, 2009 at 8:25 pm
Ho lituk..lo deusawh ve mai mai ang hmiang. An deusawh man an la hmu anga ni mai lawm. Engnge Mizo thusawi thin thingtlang upa pakhat pawh, ISUA kha, theipui kungah te, Ni nga hnuah te a tho tir ve tho va….
….. a thusawi hma in a faten, ameizial kha GANJA in an lo thlak sak a, Isua cross a an khehbeh thu a sawi a, a nui khiah kiah mai maw le…
February 28th, 2009 at 9:55 pm
Muslim ho huat rawn an hlawh a, nakinah chuan Christian ho te’n kan la huat rawn ve mai thei (anmahni in an zir lo viau anih chuan). Lalpa indona hi thlarau lam indona chauh a ni lo, tisa takin Amah hi do vin a awm thin. Kei chu ka Lalpa Isua Krista lamah ka tang tlat dawn. Mi te’n hmusit mahse ka Lal leh Chhandamtu a ni.
February 28th, 2009 at 10:27 pm
Sakhaw hrang hrang inunauna leh religious tolerance pawimawhzia min an ngaihpawimawh laia tute sakhua emaw deusawh leh mi religious sentiment hliam zawnga khawvel mithmuha chet lo thawh hi a finthlak loh takzet a. An apologize nghal vat hi a lawmawm hle a ni.
Tu sakhua pawh nise, mi’n an thlarau lam nun innghah nana an hman a nih avangin kan indimdawih tlan a pawimawh a. Kan rinna min tawmpui ve tura kan duh a nih pawhin, an rinna sawichhiat sak leh deusawh kher lo hian hma a lak theih a ni tih te hi hriat a pawimawh hlein ka hria.
Muslim leh Hindu hote ngaihtuah chuan Kristiante hi heti lama thikthu chhe lo tak kan ni awm e. Kawng tamtakah hei hi a tha. Chutih laiin kan rinna humhalh leh humhim kawngah Kristian nih avanga duapkai reng bik tur chu kan ni lo, tharum erawh thawh ve kher lovin…
March 1st, 2009 at 7:27 am
A pawi thin, a ni tawp.
March 1st, 2009 at 9:09 pm
Cool Down, Cool down —My Christian fellow Brethren.
Hmanni chu DL Hughley-a pawhin a thianpa midum nen DEUSAWH-FIAMTHU an rawn tiri zauh va; hun ka nei lo bawk a —ka thlir hman ta lo a ni!
Bible hrilhlawkna thuin heng thute hi chu a lo sawilawk vek tho va; kan counter hman vek seng dawn lo tih pawh hre ve mai ila —rinna kan vawn tawh hi puangdarh (preach) hman lo kan nih pawhin vawnhim (defend) hi chu kan tihtura lumah dah hlawm ila —
“Hun hnuhnungah chuan Pathian ngaihsak lo lam anmahni chakna ang zela awmin, nuihsantute an lo la awm ang,” …. —Juda 1:18
“Hei hi hre hmasa ula, ni hnuhnungah te chuan nuihsantute chu anmahni chakna anga awmin, nuihsan chungin an lo kal ang …” —II Petera 3:3
A chunga reference ka rawn tarlan khi Juda leh Gentail-te tana rawn la chhuak lui ka ni deuh — Juda lehkhathawn khi Juda leh inti-Judate chhiar atan; Petera lehkhathawn khi Catholic leh Protestant-te tan pawh la ni deuh deuh se …
TV Media meuh hmangin, ngaihhnathiam a dil lehna tura fiamthu lo thawhtu thang tlawmzia hi hre chiang thiam ila ka duhsak a che u. Tihtak emah chuan Holocaust vela an thau sahbon siam nan hiala German-hovin an hmanna chhan pawh kha a bulthum tak chu kum AD 30, Abib 14 ni-a Juda mipui au hla rawva tak khan a hril lawk chiang em alawm … THISEN THIANGHLIM kha an mausam vei rawk a …
“Tichuan, Pilatan engmah a ti thei lo va, a lo buai deuh deuh zawk dawn tih a hriatin, tui a la a, mipuiho hmaah chuan a kut a sil a, “He mi fel thisenah hian ka thiang e; nangnin in tih tihin ti rawh u,” a ti a. Tin vantlang zawng zawng chuan, “A thisen chu keimahni chungah leh kan fate chungah awm rawh se,” tiin an chhang a. —Matthaia 27:24,25
“A thisen chu keimahni chungah leh kan fate chungah awm rawh se,” tia thawm neite khan German-ho kutthak an lo tuar zui ta a … chumi kal zelah chuan FIAMTHU ni satliah lo; NUIHSAWHNA THU LEH HLA a rawn irhchhuak ta a ni e.
Krista (Messia) kha Lei leh Van thar la awm lehzel tura kan beisei innghahna chhan leh kan thurin ropui foundation a ni; he khawvel hun inzial ral mek atan chauh a ni lo.
“Tun dam chhung chauhva Krista chunga beiseina kan neih chuan mi zawng zawnga khawngaihthlak ber kan lo ni ang.” —I Korinth 15:19
In thahnemngaihna a chhuanawm hlawm hle mai!
March 1st, 2009 at 10:23 pm
Kristian sakhua hi sakhaw zinga bei tawk nasa ber ani mai a ngem ?
March 2nd, 2009 at 3:44 am
karibou… kan biak ianah israel pa malakia hian thu a rawn sawi a lawm, keini hian pathian pakhat chhiah kan neia, chu chu vawin ah nangnin in biak isua hi a nia, christian pathian Pa/ Fapa/ Thlarau a hran hran ah awm ring christian chu kan trawmpui thei lova mahse pathian pakhat chauh awm ring nangni hi ka trawmpui thei che u ani ti a,Rome3:29-30 paula sawihi adik ani a ti bawk. Israel sipai Josua hun lai ah berampa ki pawh a rawn kenga kan biak in ah a ham asin…
March 3rd, 2009 at 4:29 am
@mkima : “Oneness of God” leh “Trinity” inkarah I Korinth 8:6 thu hi ngun takin lo chhiar ve teh.
#KEINI TAN ERAWH CHUAN PATHIAN PAKHAT CHAUH (PA CHU) A AWM A; AMA HNEN ATANGIN ENGKIM A CHHUAK A, KEINI PAWH AMA TANA AWM KAN NI;
#LALPA PAKHAT CHAUH (ISUA KRISTA CHU) A AWM BAWK A, AMAH AVANGIN ENGKIM A AWM A, KEINI PAWH AMAH AVANG BAWKA AWM KAN NI.”
In Biak Inah Israel pa Malakia chuan, “Keini hian Pathian pakhat chiah kan nei a, chu chu vawiinah nangnin in biak Isua hi a ni a. Christian Pathian Pa/ Fapa/ Thlarau a hran hranah awm ring Christian chu kan trawmpui thei lo va; mahse Pathian pakhat chauh awm ring nangni hi ka trawmpui thei che u a ni,” rawn ti mah se, Paula ziak I Korinth 8:6 khi Malkia hian a la chhiar ngai lo a ni zawk ang a!
“Rome 3:29-30 Paula sawi hi a dik a ni,” a ti bawk. Dik reng e, Israel-ten an Pathian chauh nia an hriat kha Jentail-te Pathian a ni hmasa zawk hlei hlei. Rome 3:29f hi Judate leh Jentail-ten PATHIAN KAN INTAWM TAWH THU a ni alawm! Buaina tur a awm lo.
Jakoba fapa 12-te atang chauhvin “Israel hnam 12″ an awm tan a; khami hma khan Jentail vek an lo ni zawk asin!
“Josua hun laia an berampa ki pawh a rawn keng a; kan biak in ah a ham asin …” JUSHUA hun laia an berampa-ki chiah a nih chu a rinawm loh deuh! Sumdawnna hi a tam a; Isua chuanna sabengtung-no ke pawh an lilam an lilam kual a … tun dinhmunah phei chuan “ke pali aiin a tam tawh zawk” an ti asin!
March 3rd, 2009 at 4:54 am
chawnghilh, i va thawh ngaihnawm reuh ve mawle
March 3rd, 2009 at 7:15 am
Chawnghilh-a sawi hi ka trawmpui khawp mai. Israel hnam kan tihte hi hnam sawm leh pahnih atang a lo chhuak chauh an ni tih hi kan theihngih loh a tha..
Juda ho hi Pathian Hnam thlan an ni kan tih fo pawh hi hrilhfiah a ngai khawp mai. Tun thlengin Pathian hnamthlan an la ni zel em? ni lo em? tih te. “A thu phelh tawh ngai lova khan, a siam che . . .” tiin khuang kan tlir tlut tlut thin anih kha maw? Juda te Pathian hnam thlan an nihna chung changah Pathianin thu a phelh leh ta em? ta lo em?
Kan hriat hmasak ber tur chu Abraham a covenant (Genesis 12) hmang a tisa lam a hnam thlan an nihna kha “conditional” a ni tih hi. Thu an awih leh awihloh a zir, conditional promise a ni.
Pathianin a awka chhuak a phelh leh theih zia (Conditional promise chung changah) chu chiang takin AMAH ngeiin tihian a ti: “Engtikah pawh hnam emaw, ram emaw chung chang thuah, ka siam anga, ka din ang” tiin lo sawi pawh ni ila, ka tawngka chhuak ngaithla lova, ka mithmuhah thil tha lo a tih chuan, a tan a thiltha tih ka tum chu ka lam let bawk ang.” (Jeremiah 18:9) tiin, he mi chang zawm i chhiar zel chuan LALPAN Juda mite leh Jerusalem a chengte an awm dan in siam tha turin a ngen a ni tih kan hmu bawk.
Adama leh Evi chung changah pawh khan en ta ila, an ni kha Conditional mortality pek an ni. Pathian thu an zawm reng chuan thih theihna (mortality) tem miah lo tur an ni. Pathianin conditional mortality neiin a siam.
Pathianin Judate hnam a thlanna chhan chu Khawvel Pathian ram tana tieng tur in a ni. Mahse Juda ho chuan Pathian tan a ram tihzau a hnekin, an eng chu mahni tan pumbil an tum ta tlat a, Jentail te chu an ngaithei lo in, an hnena eng chhit a hnekin an inkarah daidanna lian tak an siam ta a, Pathian an ti thin ur a, mahse a zahngaihna avangin kum 70 lai an sualna atanga in lamlet turin hun a pe a, an hnenah Pathianin a zawlneite a tir a, a tirh a piang te chu an lo hnawl zel bakah, an lo thatin an lo tiduh dah a, a tawpah a FAPA meuh a rawn tir a, chu pawh chu an lo reject leh tak avangin, Pathian hnam thlan an nihna ata hlihsak an ni. Abrahama thlahte chu thisen thlah ni lovin, tupawh Pathian thuzawm a piang, Abraham anga rinna avanga felna chhandamna neite apiang te hi, serh tan an ni emaw, ni lo emaw, tupawh Pathian hnam thlan an lo ni thei ta zawk a ni.
Isua zirtir te pawh khan a thih hnu enge maw lai khan he thu hi an khel nasa hle awm e. Jentail serhtan lo te te kha an pawm mai bik lo. A bikin Petera pawh kha a tirah chuan Juda hnam a nihna kha a chhuang hle mai. Mahse a ngaihdan thlak a tiletling thrak ngei their turin Pathianin inlarna powerful tak mai, ‘englo bawm, puan lian tak ang, a kil li a hlina, lei a uai thla’ a hmuh tir a (Tirhkohte bung 10), a chhungah chuan ram sa tinreng sa thiang leh thiang lo tinreng an awm a, Sa thiang leh thianglo chuan Juda leh Jentail te in en dan a kawk. Juda te chuan Jentail te chu misual bawlhhlawh, mi thianglo hnam ah an ngai. An hlim (shadow) ah pawh an kal duh lo, an kal chuan Pharisaite chuan purification rite an ti thrin tih theologian William Barclay chuan a sawi.
Tirhkohte bung 10 leh bung 11 i chhiar chuan Petera ngeiin ama Inlarna hmuh chu tihian a khaikhawmna (summary) a pe leh: “Pathianin mi duhsak bik a nei lo tih dik takin ka hria e. Amaherawh chu hnam tin zingah tupawh amah tih a fel taka ti apiang a lawmzawng mi an ni” (Tirhkohte 10:34)
Abrahama’n Pathian a ring a, a rinna chu a felna a ruat a ni . . . Abraham a anga Pathian rinna nei hnam tin zing a mi tupawh, rinna a felna a chhandam, Pathian fa, roluahtu nihna nei thei vek an nih tak zia leh, New Testament theology ah chuan serh tan emaw, tan loh emaw, Krista chuan Juda-Jentailte in daidangna chu tih bovek tawh zia kan hmu. Rom bung 2 - bung 5 te pawh chhiar tel ngei rawh.
Ka sawi tum zawk tak Trinity chung chang ka sawi ta lo . . . nakin lam atan dah tha mai teh ang.
March 3rd, 2009 at 7:19 am
“conditional immortality” tih zawk tur
March 3rd, 2009 at 6:32 pm
“kum 70 lai an sualna atanga in lamlet turin hun a pe a” tih kha “Kum 490 lai an sualna atanga in lamlet turin hun a pe a” tih zawk tur [70 weeks prophecy of Daniel = 490 years].
November 15th, 2009 at 9:09 pm
Ka lo hre ve miahlo. Tunah chuan an ching tawh lemlo a niang. Hetiang atang hian inhmuhchhuah tum ila a lawmawm ngawt ang.