Ni 27 march 2009 (zirtawp) tlai lama khan kan nau pakhat Melthuma a thiannu thlah zo chiah rawn haw chu a rawn phul hlut a, A wallet a rawn tibo chu niin. Wallet-ah chuan Driving license, ATM Card, ZDU card bakah pawisa fai cheng 5800 a awm a. A thawveng chi a ni hlauh zawk a.
A suma kha chu thuhran ni se, a Card tihbo ho chu a ui hle mai. Ka naute dang nen an va zawng kual zak zak a. Mahse vawihnih vawithum an zawn hnuah pawh beidawng bawkin an rawn haw leh thin a. Beidawn tawh hnuah Phone kan dawng ta nawlh mai. Wallet Chhar thu a ni.
A chhartupa chu tudang ni lo-in Mizo tlangval dik tak a lo ni a. Melthum Branch KTP Asst. Secretary, Lalhlimpuia, Upa Lianmawia leh Lalhlimpuii te fapa a lo ni a. Amah hi taxi driver a ni nghe nghe. Lawmthu sawi nana, kan thilpek tum pawh chu a la duh der lo leh nghal. Hetiang ang Mi rinawm leh midik hian Mizo tih an tinuam a. Mizoa kan lo piang chhuak hi inchhuanna thamah an siam fo thin.
Mizoram hmun hrang hrangah hian Mizo tlangval dik tak rinawm leh tlawmngai tak tak hi an la awm teuh a ni tih hriatna hian thla a timuang thin. Mizote hi kan rinawm lo tih tawngkam te lo awm thin mahse, Rinawmna keng nung tlat hi hmun tinah hian an la awm a ni tih a chiang thin khawp mai. Chutiang zinga miin kan thil kan thil tihbo a lo chhar kher kher hi kan tan vanneihna ropui tak a ni. Pu Lalhlimpuia hian thinlung taka kan lawmzia hi lo hre mawlh teh se.
Similar Posts:
- Purse bo thu
- A Mizo student disappeared from train in AP
- B.Lalhlimpuia, Zobawk ruang hmuh a ni
- Nikum MI leh ka Mizoram zin experience
- Credit Card vs Debit Card
March 29th, 2009 at 9:05 pm
Hriat ava nuam ve…
Report this comment
March 30th, 2009 at 2:06 am
Chhei raw,hetiang mi hi alawm kan mamawh,kan ram riangté hian. Beng a fah kher mai aa…
Report this comment
March 30th, 2009 at 2:18 am
keipawh hman deuh khan nula pakhat purse ka chhar a, kan pe let leh chu, ka nu leh pa te hming te min zawt ta luama, kei chuan a pirse ai kha chuan kha nula kha kalo sitar zawk chu ni in
Report this comment
March 30th, 2009 at 2:22 am
Mizo nih tinuam tu bawk a ni e. Hnamdang pawn an ti thin tho alawm tih lampang a nilo… Mizo kan ni a, Mizo in hetiang kan tih chuan, Mizo nih an ti nuam a ni mai.
tiang thu tha hriat hian lunglai a hlim thin si a 
Report this comment
March 30th, 2009 at 2:24 am
Pu HV keipawn ka purse chhar ka pek let thu ka ziah ve tho khi aw, ilo hmulo palh ange. hahaha
Report this comment
March 30th, 2009 at 2:31 am
Report this comment
March 30th, 2009 at 5:51 am
Kei chu ni ila a pawisa ka la anga a dang zawng ka pe kir leh anga, 2nd hand jeans ka thing nghal ang.
Report this comment
March 30th, 2009 at 10:36 am
Voiin ah hian Mizo nih a nuam…
Report this comment
March 30th, 2009 at 10:39 am
Hetiang mi hi a lawm kan ramin a mamawh chu. Thawm rimawi ber chu nilo mah se a thawm a mawi khawp mai.
Report this comment
March 30th, 2009 at 11:42 am
Mizo nih hi a nuam kan ti a, a dik. Mahse Mizo kan nih avanga rinawm kan ni chiah lovin a lang thin. Hnam dang zingah hian keini aia rinawm leh tlawmngai hi an lo awm fo mai. Mizo, rinawm lo tam tak awm tawh zinga rinawm tam tak kan la awm zel erawh hi chu a lawmawm a. Thil thalo lam kan tarlan ang bawkin thil tha lam hi hetiang hi i tarlang zel ang u.
Report this comment
March 30th, 2009 at 11:52 am
Mi thlai lo ruksak tih vel ai chuan hriat chu a nuam deuh..
Mizo mipuite zingah hian mi thra, dik leh rinawm hi tam tak hi kan la awm ee..
Report this comment
March 30th, 2009 at 12:50 pm
Tlem lai deuh khan kei pawh ka wallet ka thlauh palh a, Edenthar Taxi Stand ami taxi driver fel takin min lo chhar sak hlauh mai a, min rawn phone a, ka zu lama lawmman Rs. 300/- pek ka tum a a duh lo nasa mai a, mahse a ipte ah ka hnawh lut a, ka tlansan ta a. Khatiang ang a fel kha in tawng a, ka lawmpui che u a. Mizoram mizote hian mi rinawm, fel leh tlawmngai tam tak kan la nei a sin…
Report this comment
March 30th, 2009 at 12:59 pm
Aryan te ang hi a mi Mizo nih ti nuam lo tu an tih ziah hi?
Report this comment
March 30th, 2009 at 1:46 pm
wallet or purse ah hian mahni hming leh contact number ziah a tha khawpmai, keipoh ka thil chhar kha a neitru contact ngaihna hrelo ta ila chuan ka nei maithei ni
, ka mamawh vang leh duh vang reng pawh nilo in.
Report this comment
March 30th, 2009 at 1:57 pm
Mizote kan sual zia,kan khawtlang nun a chhiat tawh zia,kan rinawm loh zia leh thatchhiat zia uar taka sawi vak ai chuan hriat a nuamin a va tha tak em!! A tha lam hi min encourage a,that duhna rilru min pe thin.Kan chhiatna phawrh chhuak thintu ai chuan ka thatna lam hmu tlattu chuan nundan min zirtir zawk ngei ang.
Report this comment
March 30th, 2009 at 2:16 pm
Mizo Taxi driver hawihhawm leh rinawm tak tak hi an awm ve nual mai. Thil tibo ten mangang taka an awm laia taxi driver tena an va zawnchhuah a, an thil tihbo/ theihnghilh te kim taka pe thin hriat tur a awm fo mai.
Taxi driver te hi hmun kil khawr ber thlenga kal, mi chi hrang hrang, hnamdang thlenga phur thin an ni a, hnam darthlalang an ni. Taxi driver rinawm tak avang hian hnamdang te hian Mizo hnam chu ‘Hnam rinawm’ kan nihzia hi hre thei sela a lawmawm ngawt ang.
India ramah chuan a tlangpuiin Punjabi (Sardarji) taxi driver hi an rinawmin ka hria, hei hian Punjabi ho hnam a chawimawi ka ti ve tlat nia.
Report this comment
March 30th, 2009 at 4:02 pm
cooment @10 na a Zaia sawi tum khi ka sawi lawk khi a nia, comment 4 na ah khian
Report this comment
March 30th, 2009 at 4:52 pm
Kei a tawn ve chu maw… ka hma ah hian tlangval pakhat hi bike in a tlan a, pawisa Rs 300 vel intel(ka en loh avangin a zat ka hre lo) hi a ipte atrangin a rawn tla a, ka chhar a, a nin a titla tih a hre si lo, ka um char char a, thui fe kan inum hnuah ka umphak a, ka han hrilh chuan ‘e’ a tia, pawisa chu a la a, a tlan leh nghal daih mai mawle, “ka lawm e” a tih tal te kha chu ka lo phut ve deuh a nia
Report this comment
March 30th, 2009 at 4:56 pm
triplestar: a pawisa i chhar sak leh hunah chuan pe duh toh miah suh
Report this comment
March 30th, 2009 at 4:59 pm
Triplestar chu intlansiakah tel ve la i tlan thei ngawt ang, bike pawh i um tang tang a i um pha zel a nia.
Report this comment
March 30th, 2009 at 5:10 pm
Hihi sillyboy, tlan lampang hi chu ka theih ve na lam tak a nia, hlauhawm a awm te hian ka tlan hmasa ber zel
Funny, a bike number ka lo chhinchhiah lo a, mahse hmelchhe deuh, local zu rim nam tih chiah ka hria
Report this comment
March 30th, 2009 at 5:18 pm
hahaha; i sawi danah a KE a bal ngawt bawkin ka ring
Report this comment
March 30th, 2009 at 5:55 pm
A balh loh paw’n a uih fuuuu ang
Report this comment
March 30th, 2009 at 5:59 pm
@triplestar, chutianga hawihhawm lo deuh mihring, hringnun man thlawt lo chu an awm ve tlat thin. Pawi ti suh. Vanah i lawmman a awm si a
Report this comment
March 30th, 2009 at 6:26 pm
@kawnga: Nia Vanah hian lawmman hi han khawl im em phawt mai ila, van lawn hunah in neih tlem deuh chuan ka la sem ve dawn che u nia
Report this comment
March 30th, 2009 at 8:40 pm
Tunlaiah hetiang midik leh rinawm kan la nei hi a va chhuanawm tak em.
Ka awmna ram nitin an nuphung hi chu Mizo tlawmngaihna leh dikna tih vel kan sep hluah a, atak a nunpuitu awm vak hleilo tunlai kan Zonun chu sawi chhuah ve chi pawh a ni lo. An ni chuan an tawngah “tlawmngaihna” tih hi a thulmal an nei lo a atakin an nunpui hlawm a, dikna hi an ngaina a, diklohna hian hmun a chang meuh lo a ni ber mai.
Report this comment
March 30th, 2009 at 9:14 pm
Taxi, City Bus —an invawng fel tawh khawp mai, an Office-ah an Bus, taxi-a mi thil hnutchhiah an dah khawm thin bawk. Fel takin an hruaituten an lo enkawl a; lakkir leh theih thil a tam tham ve ta.
Saitual-Keifang-ah khian —a hming ka vawng ta reng lo naa —pawisa bag chhar thei tak, rinawm taka kir leh thlap thlap thin a awm bawk. Hmeithai fapa a ni. A pawisa chhar a hrawl thei riau leh nghal! Tip a la duh ngai lo bawk.
Hetianga rinawm taka tih thin hi kan la intihhmuh zual zelin ka ring. Ka naupan lai atangin ka pain “thil chhar thei tak” ni turin mi fuih ngai lo va, “thil chhar thei riau chuan dik lohna an nei,” a ti mai thin. Vawi khat pawh ka awh ve em em plastic hockey-stick hi ka chhar a; lawm takin ka hawn a. Ka pa a kawlh ta riau mai a, ka ruk-ah mi puhsak tlat a. Ka ruk a nih loh thu ka hrilh ngawih ngawih pawhin a awih duh lo ngalh ngalh hle a; “Rang takin i thil chhar nen khan tlan nghal la, i chharna laia a awm dan, a leh dan ang chiah chiahin han dah leh rawh,” a ti a. Ui tak chung chuan ka dah kir leh ta a ni. Tu ta nge tih pawh ka hre zui tawh chuang lo va; mi dangin chharin an nei ta mai ang em? tih pawh ka dawn zui chuang lo.
Chumi hnu lamah thil chhar ka neih leh pawh ka inhre meuh tawh lo. Rinawm ve deuh tur pawhin thil hi ka chhar thei lo lutuk a; rinawm lo deuh pawh ka ang lel zawk mai thei! Ka rinawmna ka tarlan ve theih nan engemaw chhar tur ka duh ve ngawt ta mai!
Report this comment
March 30th, 2009 at 9:33 pm
Kan naupan laiin ka thianpa in naia10 (10paise) a hmu a ala chhar hman bik si lova, “kei neih” ka tia ka nei daih,dangnal man ka tel
Report this comment
March 30th, 2009 at 9:40 pm
A chhartu, Melthum Branch KTP Asst. Secretary, Lalhlimpuia, Upa Lianmawia leh Lalhlimpuii te fapa chu Pathian in malsawm rawh se.
Report this comment
March 30th, 2009 at 9:40 pm
triplestar; ivan phakar zozai ve aw
Report this comment
March 30th, 2009 at 9:46 pm
hi hi
Report this comment
March 30th, 2009 at 9:50 pm
mizo ka nih avang in ka lawm a.heng Rinawmnate Tlawmngaihnate Tranpui ngai te tranpui duhna kan neih a vang te hian Mizo kan nihna hi ka chhuang hle thin.hnam dang ka thiante hnenah pawh uar tak in ka sawi thin.
kan that lohna erawh ngawi reng in ka ngawihbo pui ve mai bawk.
Report this comment
March 30th, 2009 at 10:19 pm
I rinawm leh rinawm loh entin nge ka chian ang?
Report this comment
March 30th, 2009 at 11:05 pm
I rinawm leh rinawmloh chu i bul a cheng ten an hrechiang ber.
Report this comment
March 31st, 2009 at 1:48 am
vawikhat busah ka purse ka theihnghilh a, zan mut dawnah ka bagah a awm lo tih ka hre chhuak a, ka mangang khawp a, ka thian ten ” lungngai duh suh, naktukah Bus station kan phone anga, a chhar tu in a lo dah em em ang” an ti a, an tih ang ngei chuan chengkhat pawh bo lovin ka hmu kir leh a, chuan chu lo pawh ka bazar haw In ka thleng chiah pa pakhat in min han phone a, ka purse a chhar thu leh ka phone no a check nghal thu a rawn sawi, mak ka ti lutuk, min 10 hma lawk in ka hmang si a, a chharna hmun nen a kar a hla lutuk a, ka han ngaihtuah chiang chu ka in khai bawr lutuk ka car hawng tur in purse kha car chungah ka dah a, ka la leh theihnghilh tih ka hre chhuak chauh, km 5 vel ka tlan hnuah a lo tla chu lo ni in..
chuan ka thiante pawh chuan ” MIZOLO nih hi a nuam” pawh chu an ti chuang lo va, a nih dan tur ve rengah khan an ngai mai a, kei nin mi rinawm kan hmuh leh kan hriat a kan phul ta hluaih ang deuh hian mi rinawm lo an lo awm zauh hian an phul ve hluaih zawk thin zuk nia, chu chu kan in an lohna 
chepa in @ 26 a a sawi ang deuh khi a ni ber mai..
Chuan mizo nih a nuam tih zawng pawh in ka lo ngaihtuah lem lo va, a chhar tu kha mizo a nih tlat loh avang in
Report this comment