Dear Sanga,
TV leh chanchinbu te avangin he lehkha hi ka han thawn che a ni. Kei hi, kan hnam nun tlu chhe nasa tawh lutuk siam hat dan tur ngaihtuaha theih tawka an la ve reng ka ni a. Kan hnam nun tlukchhiatna-ah hian kan politician-te hi a mawhphur hnem ber an ni chungin hruaitu tha leh ram hmangaih tak tak kan neih rih loh avanga hetia tlu chhe mek hi kan ni bawk si a. Chuvangin ram hruaitu nih tuma inbuatsaih mekte hi hruaitu tha an nih theih nana anmahni puihna tur ni pahfawma anmahni belhbul leh an kal sual thui hma-a an dinhmun an inhmuh fiah theihna tura an hma-a darthlalang hunsak tul ti thin mi ka ni a. Nang pawh Mizoram ngeia hruaitu nihna chelh tura tan la tan ni-a i lan avangin i dinhmun leh i chet dan chi hrang hrangte chiang leh fiah tha taka i inhmuh theihna turin i hma-ah darthlalang lian leh fiah tha han hunsak che hi tul hlein ka hria a ni.
Similar Posts:
- Hnam Run an “run” nge Hnam Run a “rum”
- Darthlalang kan nei tha em..?
- MZP Press Release
- Zo Revival Movement
- ENGTIKAH NGE NIANG? TUTE NGE BUL TAN ANG?
