Mizote hi hnam ’emotional’ kan nihna a lang leh fo thin. A bik takin sakhuanaah hian kan ti lang nasa. Inkhawmnaah chauh nilovin, lengkhawmnaah pawh, mittui leh lam hi kan emotion kan tarlan dan a ni tlangpui. Kan hla duh zawng pawh hi a tam zawk chu lungngaihna leh lunglenna lam a ni deuh ber. He emotion tuamvelna hian thil tamtak min hmuh tir a, ka vei ber ka’n sawi lang ve teh ang. Good Friday hi mizo tawng a nilo tih chu kan hre vek a, a awmzia pawh kan hre theuh ang. Chanchintha pathum record ah chuan Good Friday kan tih chu Isua’n kan tana a tuarna leh a thihna ni a ni a. He ni kan hman dan hian ngaihtuahna a ti thui riau thin.
Pastor Bial ka enkawl lai leh chumi hma zawnga ka lo experience tawh chu, Good Friday service, a bik takin Lalpa Zanriah inkhawmnaah hian lungngaihna mittui a luang hnem thei hle a. Thusawitu tamtak pawhin mittui nen lungchhe takin an sawi thin. Mahse, he ni hlutna ka ngaihtuah hian hlim taka hmang tur kan ni zawk em aw? tih min ngaihtuah tir tlat thin. Ka tana inpe a, thihna hial keimah avanga a tawrh chuan, thil hlimawm tak a ni dawn lawm ni? ka ti thin. Hlim taka Pathian kan biak te pawh hi zir a hun ta lo maw? Hlim tih vanga nui huah huah ni lovin, lawm vanga hlim ni zawkin…
.
Similar Posts:
- En teh Kalvari a thleng takngial dawn e
- Ka Ṭhianpa Thukhawchang
- Nuih dân chi hrang hrang te
- TAP SUH, NGAIHSAKTU I NEI
- CM mittui a tla
April 10th, 2009 at 3:00 pm
Comment hmasa ber teh ang. Emosion nei lo mihring ni ta ila,khawvel hi a ho awm! “Lawm avangin ka biangah hian mittui a luang fo thin” tih hlate pawh a awm kha. Lawm avangin alawm kan mittui a tlak thin.
Report this comment
April 10th, 2009 at 3:07 pm
I kalh zawngin kan comment tlat teh ang. Mihring hi ’emotional being’kan ni a, hlimna, lungngaihna, thinrimna, hlauhna, kan tih zawng zawngte hi ’emotional states’ vek a ni. Kan lungngaih vawrtawpah leh kan hlimna vawr tawpah kan mittui a tla a, kan tap thin. I fanu chu natna rapthlak tak tuarin, kar khat zet nikhawhre lovin a awm tawh a, i tawngtaina chu Pathianin a chhang a, a lo dam ta tlat mai le – i nuih uar uar ka ring lo, lawm avangin i hnuk a ulh ang a, i biangah mittui a luang zawih zawihin ka ring. Good Friday laia kan mittui tla tam tak hi kan lungngaih vang niin ka hre lo. Kristan kan tana a tuarna ropuizia kan ngaihtuaha, kan lawm a, lawm avangin kan biangah mittui a luang zawk niin ka hria. Pathian hmangaihna, khawngaihna leh malsawmna kei misual nung tlak lovin ka chan ka ngaihtuah chang apiangin ka biangah mittui a luang fo thin.
Report this comment
April 10th, 2009 at 3:09 pm
krista tuarna kha tuarpui tur nge lawm tur ni ang le…
Report this comment
April 10th, 2009 at 3:12 pm
Lungngaihna mittui emaw kan ti mai thrina, hlimna mittui pawh a ni mah na.Tah pawh emotion, hlim pawh emotion vang ani a,emotion kan nei hi mihring te thilsiam dang ai a kan chung chuan na ah ka ngai mai a sin.
Report this comment
April 10th, 2009 at 6:58 pm
Mizo ho enge hname emotional kan nih hran na? Mihring zawng zawng kan emotional vek nange?
Report this comment
April 10th, 2009 at 7:11 pm
ni chiah! a mizo tak hian kan huikhawm leh ngot zel a! emotional te emotional lutk lo deuh te chu kan om ang cu…. mase a personal deuh lo mo!
vai christian nilo hian Happy goodfriday mi ti ngot a! chan dan tur k hre mai silo a, sad for u kan tih leh tol pek kha! kan in nel hrim2 a le.. k hrilh fiah leh peih chuanglo!
Report this comment
April 10th, 2009 at 8:57 pm
Good friday hi kei chu hlim leh lawm taka hmang tur kan niin ka hria..happy good friday tih pawh ka ngai haw lem lo..ka ngaihtuah chian lehzual phei hi chuan ka lawm tulh tulh…tin,ka hlim avang erawh chuan ka mittui a tla thei tho,lawm vanga mittui tlak hi a awm,hlim tih tak vanga khik sung lam a ni chuang lo.Isua tuarna ka trawmpui e tih vanga tum buau pawh a ni chuang lo..
Report this comment
April 10th, 2009 at 9:00 pm
A duh chu lo inla lungngai bir ber rawh se,a pawi lem hlei nem..mahse easter sunday thleng thleng chuan a trulin ka ring lo(fiamthu).
Report this comment
April 10th, 2009 at 10:52 pm
An rawn sawi tawh ang hian emotion tel lovin engmah hi a tih tak tak theih loh ve. Phurna eng emaw chu a ngai chawk. Mahse excess of emotion lakah erawh inven thiam a ngai fo va, thlarau hnathawh leh emotion satliah thliar thiam a ngai bawk. Mihlim kalsual kan tihho hi emotion leh thlarau thliar thiam lo, emotional excess avanga buai an ni chawk reng a ni.
Ni e, Mizote tluka Isua tuarna tahpui nasa hi an awm bik kher awm lo ve. Lal Isua tuarna lo khawngaih a, lo tah chiam chu Ama duhdan pawh a nih ka ring hauh lo mai. Chutih rual chuan Lal Isua tuarna min a han hriat hian sual avanga lungngaihna avangin a tap thei a, a hmangaihna avanga lawm avangin a tap thei bawk. Tah hrim hrim hi chu thliar sin deuh loh chuan dem ngawt theih pawh a ni lo ve.
Report this comment
April 11th, 2009 at 1:53 am
Emotional sawi takah chuan American ho khu an emotional top. American idol contestant te hi next round atana an tling tih an hriat ringawt pohin an trap pur zel…. an hlim lahin an hlim over top. Nikum 2008 US Open final-ah poh, Jankovic a hneh veleh Serena Williams a zuan ul ul kha. A emotional bon top.
Kei ka ngaihdan chuan Pathian kan fak pawhin emotion tel ngeiin, sermon sawi pawhin ‘preaching with passion’, ministry pawh ‘serving with passion’ nise, a tha zawk daih lawm.
Report this comment
April 11th, 2009 at 11:55 am
Dik khawp mai. Thlir dan chihnih a awm thei ang. Pakhatnaah chuan i sawi ang hi a ni a, pahnihnaah chuan Isua tuarna tawmpui zawnga, a thihni champhaa mahni theih ang anga Atana intihhrehawm ve a ni thung.
Kan duhtakte thih champha hi kan lawm ngai lova…hei vang hiam Isua kan tana a thihna ni champha pawh hi chawngheia hmang duhte an awm a, lungngai tak leh mittui nen hiala lo hmang an awm anih pawhin an demawmna ka hmu lo.
Hetihlai vek hian a lohva luakchhuaka thiltih kan ching thin hi chu a zialo deuh. Mihlim nu thenkhat chu khawlaiah te an tap chiam chiam a. Biak Inah te pawh an tap vel vak vak a. A lem deuh hi chuan ka hre thin. Kan ti lutuk leh hrat thin.
Report this comment
April 13th, 2009 at 4:10 am
Naupan laia kan hla sak thinah kha chuan —
Engnge ka hlim chhan mi zawh chuan
ISUA ka tana thi chu …
tih a nih thin kha maw … kan hlim dan tihlan nan —eng emotion berin nge min mawlh thin zawk le? Sawi fiah zawh loh hlimna, tap lo thei lo dinhmun —lam lo thei lo dinhmun … Kan chatuan-thih ai a thi … kan nihlawhin kan vannei. Kan thawh ai a tho vang tih a hlauhawm khawp mai!
Fing takin, kan Thawhlehna Hmahruaitu niin A tho leh zawk a ni. Ni kin niah —tawtawrawt hnuhnung ber (pasarihna) rik hunah ringtute kan tho ve ang. Chu chu Kristiante BEISEI a ni. Lawm lo chi kan ni lo.
Kalhlen beram no talh trhin hun lai Thuthlung Hmasa-ah khan, tumahin beram no kha an trah chiam chiam pawhin a lang lem lo! Pathian Beram No Nazareth Isua Krista thihna kha ka thihna a ni miau a; mahni leh mahni insun hi ka la zir thiam meuh lo va; ngaihtuah ril poh leh KA LAWMNA a INBELHCHHAH deuh deuh zawk trhin.
Report this comment
April 5th, 2012 at 5:49 pm
#12
Report this comment