Kan pi leh pute atanga kan lo humhalh kan ramah ngei hnamdangte kut kan tuar a, hnam dangten min cho va, min rawk a. Ram leh hnam chhanin kawng kan zawh a, kan ram hruaitu leh politician ten vote zawn nana an khawingam kha keinin hnam chhan nan tharum nen kan umchhuak leh a.
Khua hi a var lo teh e. Mizo hnam humhalh nan nunna pawh chan huamin thalai ten ke kan pen a, tha kan thawh a, he Zoram hian hmangaihtu a va ngahin a chhunga chen hi a va nuam em!
Kan thalai leh hnam a chiang ten kan hnam nun hi a boral kan hlauva theihtawpin hnam chhan nan hma kan la a, hnam chhan nan chuan mahni thisen pawh chan huamin ke kan pen a chutih lai chuan kan hnam hi hnamdangte min la rawk fova, kan pawi an khawih leh fo mai thin hi chu ngaihtuah chian a hun ta hle mai.
Kan hnam nun chhan nana kan vaupung kan tisang chung pawha hnamdang ten min hlau lova min zuam tlat thin mai hi chu a chhan chhuichian a va hun em. Mahni ram ngeiah kan zalen lohvin khawi hmunah nge kan zalen teh lul ang ni. Hei hi kan ram a ni si a.
Central sorkar in hnam hnufualte him nan a bik takin State dangte thik tur khawpin Inner Line Permit min pe a, mahse chuti chung chuan MZP tena ILP an check nikhua a ILP neilo mi engemawzat an awm leh thin hi chu thil diklo chu a awm a ni lo maw? Central sorkar in kan hnam nun humhim nan a ILP min pe chunga he kan hnam nun a la derthawng fo mai hi chu mawhphurtu hi an awmin i ring ve lo maw? Kan ram hruaitute hi nge a chhunga cheng mipuite hi?
Kan hnam nun a boral mek a kan Zonunmawi hian mual a liam mek zel zawng anih hi. “Zonun, aw nun mawi, liam lovin la chamrih teh la aw” ti a lo au lawm lawmtu Zirsangzela awrawl hi a thlawnin kan thamral tir dawn em ni?
Keinin kan au ding zo lo anih pawhin nakinah chuan tuten emaw an la auding ngei ang, he kan hnam nun hi a boral hlen dawn lo. Zofate tan hun tha zalenna ni a la herchhuak ngei dawn e. Chutih hunah chuan Zofate hi hnam dangten min tibuai tawh lovang a, kan ramah hnamdangte an tlangnel tawh hek lovang.
Zonunmawi in Zofate nunah ro a la rel leh ang. Chumi hun thlentir tur chuan tuna Zofa Mizoram chhung leh khawvel hmun hrang hranga awmdarh zawng zawngte hi he kan Zoram hian min nghak reng asin. Together lets make a CHANGE for a better Mizoram.
Similar Posts:
- Hmangai CFL min dawn pui ve la…
- Tih ziak a ni
- Thiandun Titi
- Zonun mawi
- Zonunmawi virus Zu – MLTP Act-in delete rawh
April 20th, 2009 at 4:36 am
“Doing the right thing —in the wrong way,” hi a awm hranpa ve hian a lang; a ram-fa (sons of the soil)-te pawh hian NEITU kan nihnaah kan lo inthlahdah ve hret thei bawk a; mi dang tih turah kan lo nghat ve pawh a ni thei; chuvanga ngaihtha satliah (complacent) pawh kan awm a ni mah na —ramri pawn atanga rawn put lut rute pawh hian kan ram chhunga hamthatna leh malsawmna kan hlamchhiah hi an rawn hmu chiang ve bawk si nen —mahni hnaa rinawm lo sorkar michhawr thenkhatte nen an lo inremsiam thin hi chu thilthleng ni tin a nih a rinawm loh. Chuvangin, a mi rinawmte kan thawkmawhin kan mawng a rit hranpa viau chuan ka ring lo.
Rilru dik leh ngil nei —a ramfate hian kan la zirtir trha thei cheu turah ngai ila; CHANGE pui pui siam hi la ngai hranpa lovin; kan hnam nun mawi CHHAWM KAL MEK LAI lai hi Zofate mawhphurhnain chhuang taka a ken tel ni tin a ni.
Kan ZO hnam nun mawi tak hi phochhuak zau pawl awm se, phochhuah zau lama hmanhlelte pawhin a vawnthat/humhim (defend/preserve) lamah tha leh zung thawh phal bawk ila … hun karawl chhe tak (dark age) awm chuang miah lovin —ZONUN MAWI hi a la damin, hrisel loh zauh changte chu nei ve bawk mah se —a taka kali leh ganesh hmaa kun pawh la hmu ngai lo A FIR Zofate hi nuai sarih chuang kan la awm a rinawm.
Kan inzirtir fuh thar leh ngat chuan, mi rinawm tur leh mi rinawmsa kan la ngah tawk hle! We remain loyal to our Mizo Identities! You play the most important part —now and next! To link our past and present … it’s a privilege to have you and me! Naw naw naw, to be more precise —it is US!
Report this comment
April 20th, 2009 at 6:36 am
Mizo te hi kan hnam a la naupanzia ngaihtuah chuan Literature-ah kan sang fuin a lang. Kan thuziak mi te leh kan hla phuahthiam ten kan hnam nun hi an vei a, thu leh hla tein an au-chhuahpui thin. Amaherawhchu, John Milton-a te anga an hunlai England mipui sukthlek sawi danglam (change/transform) rum2 thei khawp kha chu an la awm lo niin a lang.
Pu KC Lalvunga ni tain ka hria, ” Hnam nunah hian khawfing chah chhung hi hun rei tak a ni.” lo titu kha? Tunah pawh hian kan khawthlang nun, mipui mimir hawiher leh ngaihtuahna a change lo thleng rum2 tura kan beisei anih chuan kan tisual deuh maithei. Engpawhnise, kan hnam nuna change lo thleng thei tur chuan kan khawtlang nun hi zawi zawia kan siamthat (reform) hmasak phawt a ngai niin ka hria.
khawvel hnam ropui kan tih te pawh hian hetiang transition period leh renaissance period an ti em ni? (History ka la ve lo’va
) an lo paltlang ve vek tawh niin a lang. A damdawi kan chawh fuh theihna turin kan hun kal tawh (past/history) te pawh chhuikir leh thin ila, kan tan hun tha a la her chhuak ve em em ang tih hi ka beisei tlat a ni.
@elldy : I ziak tha hle mai, chibai le.
Report this comment
April 20th, 2009 at 9:40 am
Keive chu Mizoram a VAI ka hmuh apiang hian ka rilru ala na ziah, kan Pi leh Pu te leh hmeichhia khati kawhpa an han nghaisa khan rilru ala na ngawih ngawih, engpawh nise, kan Sorkar hian Kut hnathawk tute hi vulh lian sela, kan ram tharchhuah ngei ei hian leh barah intodelh tum ila athat ka ring
Report this comment
April 20th, 2009 at 10:21 am
Kan hnam nun chhan nana kan vaupung kan tisang chung pawha hnamdang ten min hlau lova min zuam tlat thin mai hi chu a chhan chhuichian a va hun em.
Hemi chhanna hi chu awlsam te a ni. Ei leh bara kan intodelh loh vang leh kan mize dik tak an hriat chian em vang a ni mai. Movement eng pawh han siam ila, kan daih rei tak tak lo va. Silchar kawng a pin chuan chhuanchham mai tur kan ni bawk a. Chumi remchanga la chuan sumdawng ten an thil stock sa pawh a man an chhiar to thuai zel bawk a. Hnam dangho hi a vaua vau chhuah chi an ni lo. Awm lo se kan tih chuan an hnathawh ang kan thawh peih a, an dawhtheihna, inphahhniam theihna leh tuarchhelnate hi kan neih ve phawt a ngai.
Kan tlangval sek pui puite zing kara an la mut vum thur lai khan Vai ngalriaho chuan Hyderabad artui leh chhang khoro kawtchhuakin sum tam tak an lo hailut tawh a; tih tur hranpa nei lem lova bike-a chak tak taka an tlan fua fua lai khan hna thawh tur thawh sen loh an hmu bik a. Chhung leh khat belh tur nei miah lovin, an la chenna ngai loh ram hla takah ILP pawh nei mumal lovin, a tul apiang thawk turin an lo pen chhuak ngam tlat a ni.
Report this comment
April 20th, 2009 at 10:31 am
Kan politician te hian thil dik leh tha an tih na tur chuan kei ni mipui te hi kan pawimawh ber a, mipui te huai a dik tur chuan ei zawnna nghelnghet kan neih theuh a ngai a. Chu mi ei zawnna nghelnghet nei tur chuan a kan ram hruai tu (Politician) ten enge tih hmasak ber ngai hi an hre tur a ni.
Engkim kan kal dik loh na bul ber chu kan POLITICIAN-te hi an ni, hlau lovin I chhuah chhal ang u, an thil tih dik loh i theh lar ang u (thu dik chauh), Mizoram tan a hmasawn na tur pakhat mah an tih loh chuan I thlang tling leh tawh lovang u.
Report this comment
April 20th, 2009 at 1:36 pm
“Mizote hi hnam naupang kan ni.” hi ka ti ve chhen thin a, hnam naupang lutuk chu kan ni in ka hre lo. Ka history hi mumal tak a ka hriat tawh loh vang hian naupangah kan in ngai mai mai niin ka hria. China ramah khan BC hun atang a lo khawsa tawh ka nih hmel a, ka history leh kan thlahtute ka chhui thui theih tawhloh vang ngawt a, hnam naupang ang a, inngaih ngawt hi a dikin ka hre lo.
Report this comment
April 20th, 2009 at 3:06 pm
Nia, Mizo te hi hnam naupangah hian kan lo in chhal ve leh mai thin pawh a, Evi leh Adam-a te atanga chhut phei kha chuan upa tawh deuh a sin kan nih…lolz no offence.
Chhinlung chhuak chu kan nih ngei pawh a rinawm a, mahse i han ti teh ang, tuna kan ram (Mizoram) kan tih kan luah hma hi chuan Mizo tih hming hi kan la pu kherin a rinawm loh. Mizo tih hi ka hriatsual loh chuan Tlang mi ( Highlander) tihna mai niin ka hria a. Chuti anih chuan hnam upa ni ila, kan ram leilung pawh a upa ve tawh turah ngai ta ila, mithiamten an sawi hi a dik anih phei chuan, kan ram leilung a upat na na-na chuan a leilung hausakna (Natural resourses) pawh tel ve thei tawh tur hi kan ni ang. Mahse, hausakna tham chu sawi loh Sephung tih vel bak kan la lai chhuak lo pawh ani satliah lo ruah tlem a han tla deuh a lei a min ve chawpchilh nghal zel mai lehnghal a. Khasi ramah ringawtah pawh lei an han chingphul hleka balu tha tak2 an lai chhuak nghal chu anih si hi. Chuvangin, Hnam naupang a kan inchhiar anih pawhin a sualna em em ka hre pha hauh lo mai.
Kan mithiam Pu Chawnghilha, Epis-a, Aputea etc2 te sawifiah atan i khek rih zawk ang.
Report this comment
April 20th, 2009 at 4:46 pm
A dik khawp mai, Kan ram ngeiah hian Vai chhe ho kut kan tuar kan tuar ta chu a nia, engtin nge maw kan tih tak ang le. Phuba la in Vai ho han sawisa ve ngawt ila, Dal, Neutrela, etc……….ato nghala, kan buai leh si, chuvangin, kan Sawrkar hian kut hnathawk tute hi vulh lian sela, an thil thar te hi man man zawka an hralh theih nan tanpui sela, kan ram hi intodelh tlat ila, hnamdang ho chu kan hnawtchhuak vek thei mai lo maw? Vai sawisak ringawt chuan Bankrupcy a hlauhawm tlat a lawm le…….. tiraw Mr. Pitch…….
Report this comment
April 20th, 2009 at 9:18 pm
A herchhuak ang chung Pathian zarah
Report this comment
April 21st, 2009 at 1:53 am
Vai buhfai ltel lova nung theilo anga inngai Chief Minister kan neih chhung hi chu engmah kan ang lovang!
Hmanlai kan pi leh pu te pawh Vai tel lovin an nung thei !
Report this comment
April 21st, 2009 at 2:34 am
@Canvas, “Mizo” tih hming kan la put hma pawn mihring kan lo ni tawh hnam anginka lokhawsa tawh a, “Mizo” tih hming kan put atang choh a i inchhui chuan kan naupang viau tak ang. Mahse khawvel nihphungah chutiangin hnam an in chhui ngai pawn ka hre lo.
Tin, hnam naupang vang a, kan awmna leilung naupang ve ngawt tur a i ngai hi a fuh berin ka ring lo. Leilung naupang leh upat hi a chunga cheng mihring hnam nen hian inkungkaihna chhete mah an nei lo. Sik leh sa, lirnghing, thlipui, tuilian,etc.. vangin tlang, Mualpawng, thliarkar,etc.. te a rawn siam thin a, Pathian thil rel dan zawk a ni e.
Report this comment
April 21st, 2009 at 2:40 am
comment-4 samuelapa, sawi hi ka tawmpui khawp mai , ka ngaih ve danchiah a ni.
Vai thawh ang, thiam ang, an taimak ang, an thawh that ang,etc.. zawng hian Mizote hian ti ve vek ila, Vai thawh tur awm lek lo leh Vai aiin hnate hi thiam em em i la, hun te vawng dik ila, Vai aiin Mizote chu chhawr an hlawh a nga, Vai-in hna thawh tur an nei lo ang a, Mizoram-ah hian an awm reng paih lo ang a, hnawhchhuah ngai loin an chhuak mai ang.
Report this comment
April 21st, 2009 at 4:24 am
@karei says : “.Vai buhfai ltel lova nung theilo anga inngai Chief Minister kan neih chhung hi chu engmah kan ang lovang!
Hmanlai kan pi leh pu te pawh Vai tel lovin an nung thei !
”
Engtia rilru pu tur in nge i duhdan le? Tuna i ngaihdan ngawtkhi chuan thil fel hlel deuh a awm zawk in a va langve.
Tin a chunga Article thawhtu pa in, Kanrama Hnamdang te zalen lo tur in a duhthu a sawiah khian thiltam tak ngaihtuah tel a ngai khawp ang le. Hnamzalen na leh Democracy ramah tiang khian in khuahkhirh theih ngawt anih loh dante kan enfiah a ngaihhmel in a lang.
Kanram hmasawnna leh kan hnam leh kan ram damchhuah kan duha hmakhua kan ngai ngaitak tak anih chuan Hnamdang e dang lo ve tihah buai lo vin kan ram kan hnam tan thilthra zawk tur ramdang mithiamte chhawk lut treuh ta i la hmakan sawn zawk mai lawng maw?
ramchangkang leh hmasawnna ram a piangah ramdang a mithiamte tam thei ang ber in ruaih tum in Policy thra thra an duang ang hian duang ta i la kan ram ho hausaknan min siamsak tase ti ten ka ngaihtuah daih. Ngaihdan in ang lo threuh kan ni nge ang, kan ngaihdan leh hmuh dan kan sawi threuh ania . Engtia tih hian nge ram hma a sawn zawk? Mahnih te a inrelbawl kan tum chhung ( Policy) kan neih vaih chuan khu tak khutak kan thla zel ang. New Policy duanthiam a ramdang te nen insumdawn pawhtawn dan kawng kan dap chhuak tur ah ka ngai ve daihthung.
ILP, chungchangah erawh hlih nge tha ang hlih loh tih hi chu hun in a tawngdan a zir in kalpui thiam a thrat ka ringa ILP vanghian emni kan la tlakhniam zawk aw? Nge kan thrang chho tial tial zawk? Ti tepawn ngaihtuah fumfe te a ngai lawng maw?.
Report this comment
April 21st, 2009 at 4:59 am
flying: amen
Report this comment
April 21st, 2009 at 6:43 am
lal flying leh funny hi in ngaihdan vel in ang topz.. in hmel te poh in ang deuh reuh in ka hria :P.
Report this comment
April 21st, 2009 at 8:30 am
mizo te hi hnam ah hi chuan kan rilru a te tlat
rilru zau deuh put han sawi lah hian chimralna lama ngai tawk anlo awm ve zel bawk nen, hahthlak thei ngei..
khawvel ning khawng te pawh hi hriat ve a tha.
No offence
Report this comment
April 21st, 2009 at 12:10 pm
@funny:Hmamdang ivan hmu tai ve a, hnamdang sumdawng makpa in nei ani lo mo?
OR
MBA ini lo mo, thil hi profit ringawt a chhut tur ani ngailo!
Hnamdang chimrala changkan ai chuan chankan hrih lo mai ka thlang zawk e
Tunlai khawvel a ram thangchak leh thangduang kan tih hovah hian Indigenous people an rahbeh nasat zia te hi!
Nakinah Aizawl ngei ah hian Mizo aiin Hnamdang an tam hunah Bomb te ala puak ve anga kanla harh chhuak ve mai ang!
Report this comment
April 21st, 2009 at 12:49 pm
khua hi ava han var lo thin tak em awi karei
Report this comment
April 21st, 2009 at 3:17 pm
Haha Chepa chu i rawn thlawh fuh kher mai a, Pathian thil rel dan zawk a ni i rawn ti hi chu, Ka Amen pui thlap che.
Mahse, Leilung leh mihringte hi engtikawng zawng pawhin thren hran theih kan ni lo’va, inkungkaihna thuk tak kan nei ve tih hi chu hriat ve mai2 atan a tha khawp mai…No offence.
Pathian thil rel dan chu ni teh meuh mai, Kan historian te pawh hian Chhinlung chhuak kan ni tih bak chuan chu an sawi thei bik lo cu anih si hi, hnam upa ni ila, ziak leh chhiar kan thiamna a va la rei si lo’ve, chu pawh Sap missionary te zarah chauh. Hnam naupang kan nih lo’vin, hnam mawl em ni kan nih dawn?
funny sawi ang deuh khian, hnam mawl kan ni han inti ila, kan treu leh hlur a ni awm si a, khua a var lo em mai. Engpawhnise, hetia kan inhnial vak2 chhung hian Change hian min kal pel hman ang tih a hlauhawm em mai. Ka bang rih phawt mai ang Lolz
Report this comment
April 21st, 2009 at 3:37 pm
kei chu ka ngaih ve dan chuan hnam dang te kan hua a nih chuan kasauti tih te vai flim serial ho huat vak ai chuan kan fanu kan fapa naupang te te in a cartoon a Hanumana, Chootabeem, krishna tih vel hindu, muslim, buddah inzir tir na cartoon a an en thin hian ram hnuk a khoih zok lo mo le naupang tet a tang a an en a nih chuan an puitling hnu ah engrilru nge an put ang le mizoram kan vei a nih chuan he ti lam zawng pawh hian ngaih tuahna i siam ve chhin mai mai ang u naupang rilru thiang hlim tak hi vai ho thawnthu mai mai in kan luah khat tir mai dawn em mi nu leh pa te i tang tlang ang u
Report this comment
April 21st, 2009 at 4:03 pm
Canvas, hnam upa nih vang ngawtin ziak leh chhiar lam a changkan leh neih theih mai a ni bik hleinem. Khawvel civilization ropui lo nei hmasa pawl South America a mi Inca/Inka & Maya hote hi en la Mizo ai pawh a changkang lo leh hnam berhchiap ve tak tak a nih hlawm khi, chi then khat chu ziak leh chhiar thiam lo tam tak an la awm khi.
Tin, eng hnam pawh an chenna leilung atang a rawn chawr chhuak or lei chhung atang rawn to an nilo a, leilung naupang vang ngawt a, a mi hringate pawh naupang ve ngawt tur a ngaih hi a dik lo a ni.
Report this comment
April 21st, 2009 at 11:15 pm
In thil ziah hi a tha hlawm a, thil pawh in chik peih hle mai Mizo ho hi an lo ngaihsan awm ber ani
Report this comment
April 23rd, 2009 at 3:28 am
Ziak tha khawp mai. Bravo. Heng hi kan belh ve lok ange:
1. Kan soi fo thin angin kan thatchhia, vai ho tih ang kan ti ve peih lo.
2.Kan mipui hna thawk peihlo ho hi keimahni leh kan chhung te vek an ni.
Kan ti peih lo a, ti tur a kan convince theihloh chuan kan thiam bik lo.
3. Duh aiin kan rational mah. Mzp ten an hnawtchuak. An poisa khawn an
ring zel bawk si.
4. Mizo ah Entrepreneur kan omlo. Idea kan nei, tuman kan ti tak tak
duh lo.
5. Hmanlai mi an in todelh chhan chu mihring kan tlem lutuk, chu bakah lei
fertility achhe tulh tulh.
6. Indian kan ni tih in hriat chhian leh zual a tha. Burma ho hi kan tum tur
zawk tak chu ani lo mo.
Thanks..
Report this comment