Zakapa hi Khawhri leh Tarpho bul vel a a Lal laiin Sap sipai rual (Vai lian) kha an khua an lo lut. Nula mutpui tur an ngen a, tlem a huih deuh kha Lalin a pek tir a. Sipai lal Marliana (Murray) chuan a duh lo a. Lal nupui a ngen ta tlat mai. Lal leh upa te inrawn hnu-ah an bei ta thut maia. Sap sipai rual an tlanchhia a. Sipai lal Marliana hi an Court Martial a an ban ta a, a hnuai ami Shakespeare-an a ai a awh ta an ti. Sap sipai in an khua buh leh bal zawng zawng an hal sak vek. Zakapa te hi hmar lamah an pem phei.
Marliana an ban tak hnu hian a ai awh tu hi a hnu deuh ah Bawrhsap a rawn nih khan Zakapa te hi rawn zawng chhuakin mi huaisen thudik tan ngam tiin a duhsak hle a, an unauin Sailulak leh Leng ah hian Lalna a pe leh ta a ni.
Similar Posts:
- Ram leh hnam tâna lungin tâng hmasate
- Sub. Pakunga, Mizo lal huaisen.
- Impress Labour (Puak Phurh)
- The Lushai Brigade (Without Lushai!)
- Darpawnga (Pawngvina)
April 22nd, 2009 at 12:06 pm
A thlanlung hi humhalhin a bulah a dang lian deuh a din belh chi a nih hi,a lo huaisen em mai.
Report this comment
April 22nd, 2009 at 1:09 pm
Khati kha ni mai sin……….hmana kan Lal te chu huaisen deuh asin an nih, tunlai mi thenkhat te ve hi chu kan huai lutuk vang nge kan dawihzep lutuk vang zawk? Ruihlho kan inhneh tir tak mai mai hi
Report this comment
April 22nd, 2009 at 1:26 pm
Heti zawng hian kan thlir daih teh ang
Lal Zakapa hi a huai vang pawh a ni chiah bik em maw ni le, vai lalin nula a dil khan a pe mai a, a nupui a dil meuh chuan a nupui pek ai chuan an bei let ve ta a ni mai lawm ni. Tunge mahni nupuite mi mut pui turin pe phal ang, kei ni pawh ni ila kan nupuite humhim nan chuan eng pawh kan huam ng chu.
He a chanchin tawte in rawn ziah atang hi chuan a huaisenna leh thudik tan ngam a nihna ka hmu ve aih lo mai.
Ka lawm e
Report this comment
April 22nd, 2009 at 1:29 pm
Khawi lehkhabu a mi nge i rawn ziah chhuah ngawt pek a Lal-Aryan an ati mai tur asin !
A huai hle mai
No offence!
Report this comment
April 22nd, 2009 at 1:32 pm
tawte=tawite
Report this comment
April 22nd, 2009 at 2:07 pm
triplestar i ti dik…. huai viau chu nise nula pawh a pe duh nang.
Min thlahtu Dokulha a huai fe zawk.
Report this comment
April 22nd, 2009 at 2:43 pm
Ka ngaihdan dik takah phei chuan sipai mutpui atana a khaw nula a pe hrim hrim pawh kha dawizepthlakah ka ngai, a khualehtuite himna atan chuan a theihtawp a chhuah tur a ni dawn lawm ni, amah leh a nupui tan chauh ni lovin ka lo ti ve deuh kei misual hian.
Report this comment
April 22nd, 2009 at 3:04 pm
Kan hriat ve mai mai atan, Marliana tia Mizovin kan sawi hi a sap hming dik tak chu Charles Steward Murray a ni a, Political Officer a ni. Mizo nula Thangteii nupuiah a nei a, fapa a nei a, ama hming tho Charles Steward Murray an sa leh a, ‘Charlie’ tiin an ko thin a, Mizovin ‘Challiana’ tiin an ko ta a ni. Chhim lam Baptist Kohhrana pastor hmasa Rev. Challiana kan tih thin hi a ni. 1969-ah Serkawnah a thi a, kei pawhin a dam laiin ka hmu ve hman. Sap vuah mai a ni a, a hleitling a, a hmel pawh a tha khawp mai. Mizo tawng a thiam hle a, saptawng pawh a thiam. Mizo thu leh hlaah kuthnu a nei nual. Tun hmaa zirlai bua hman thin ‘Pipu lenlai’ leh ‘Pathian Lehkhabu Chanchin’ tih te kha a kuthnu langsar pawl a ni. Baptist Higher Secondary School, Serkawn bulah sawn a Bung (Banyan tree) phun pawh a la dam a, ‘Challiana Bung’ tih a ni.
Rev.Challiana hian fapa pathum – Zohranga Murray, Frank Biakliana Murray, Biakkunga Murray leh fanu pahnih, Thanhrangi Murray (Dr.Eric Zomawia pathologist pi, a nu nu) leh Hmingliani Murray (w/o Major R.K.Hranga) a nei. A fate zingah Pi Hmingliani hi Shillong-ah a la dam. A tute zingah Zosangliana Murray (tun hmaa Mizoram Beat Contest-a Best Vocalist te ni tawh, tuna Lunglei Chanmari-a awm mek) te, Ex-MLA Pu Andrew Lalherliana nupui Pi Zothanmawii Murray te hi kan hriat lar pawl an ni awm e. Tuna Forest lama an hotupa Lalthangliana Murray pawh hi a tupa (Biakkunga Murray fapa) a ni. ‘Murray’ tih hi Sapho chuan ‘Mu-ri’ tiin an lam daih. Marliana tu leh fate hi Mizoram chhim lamah chuan mi pawimawh hmasa an ni.
Report this comment
April 22nd, 2009 at 3:05 pm
Abrahama pawh khan anupui kha a pe ta mai ani lawm ni!Mahni nupuite chhan ngamlo hi kan tam fe tawh lawng maw?
Report this comment
April 22nd, 2009 at 3:08 pm
dik chiah, lal zakapa hi khualehtuite chhan ngam lo ania…lal dawizep tak a lo nih hi…lol
Report this comment
April 22nd, 2009 at 3:19 pm
Marliana hian a nupui Thangteii hi Sapramah hruai a tum a, Thangteii hian a duh lo. Mizo pasalah a nei leh a, fapa a nei a, “Val uang thlawn” tih phuahtu Chhuana hi a ni. Challiana leh Chhuana hi ‘half-brother’ (nu thuhmun, pa hrang) an nih chu. Mizorama mihausa J.Lianchungnunga (JL) nupui Pi Dengziki hi Pu Chhuana fanu a ni.
Report this comment
April 22nd, 2009 at 4:46 pm
E hei vang hi anih dawn chu mizo hmingtawpa murray nei an lo awm leh zoh thin. Anih leh Thangliana Philips tih a mawni kha engtia lo Philips nge ni ve thung le, Arcadia Furniture sofa siam thin te kha.
Report this comment
April 22nd, 2009 at 4:54 pm
Tarpho leh khawhri te hi ka tlawha tia an Lal Thlan hmuh tur a awm lo an khawkiangtal ah chuan awm nge ang chu maw!!!
Report this comment
April 22nd, 2009 at 9:11 pm
ZAKAPA ~LAL HUAISEN (Dokhama Fapa)
Vailen hmain kum 20 a lal a, vai a lo lian a, Borsap Marliana nen an intibuai a, Borhsap chu a um a, Culcutta an inkhing a —sap chu a tlawm ta. Chumi hnuah kum 27 buai namen lovin ro a rel. Kum 75 a tlinin a thi —28. 12. 1914-ah.
Hawrawp-puia inziak zawm vek hi UNCIAL SCRIPT an ti.
A thlan lung pangsir a khem-hek tawh aleiah cement-in an thawm trha leh khian a thuziak thenkhat a chhilh bo trhen niin a lang a —ka rawn RISK belh hret a nih khi (buai namen lovin) tih lai khi.
Zakapa hian a HUIHPHAI HRET chu a pe phal mai maw? Nula huih deuh hian chhungkhat laina leh trhiante pawh a nei ve ngei chuan a rinawm! A chhungte an lawm phian ang nge —an lawm vak lovang tih lah kan chhui pha ve tawh si lo. Murray (Mah-ree) chu lawm vak tur a ni hran lo a ni —he nula huihphai hi khur hlaa a lo inbual tawhna chin leh chin loh pawh kan hre chiang em ni? Murray-a tan hian INTHAMLOHNA-ah a ngaih theih ve ngei chuan ka ring.
Ani Murray-a lah a lo inti-MAN ve hle bawk a; retaliate ve deuh sak nan Zakapa lungdum ber a ngiat lui ve tih pawh a hriat khawp mai.
Zakapa khuaah hian nula virgin an awm ve tho chuan ka ring. Lota kha chuan a mikhual vantirhkohte hum nan khan MKH rualho kha a fanu virgin a thehchhuak phal! MKH-ho khan nula virgin an lo it lo baksak vei nen!
Mizo Lal fel tak nih record chu a hauh zui ta! A lawmpuiawm e.
J. Shakespear (Tarmita) tan hamtrhatna a lo thleng zui ve ta bawk; Lunglei Civil Hospital let-liam kham-sang-bakbahai takah sawn ‘Tarmit Khawthlir’ an tih thin; lungpui tohchhuak lurh mai hi a awm thin a; chu lungpui toh filawrah ngei chuan sakawr chunga chuang chung ngatin Tarmit-a khan tlai lam thlifim dawng pahin —khawthlang lam ram rai mar duai chu a thlir thin a —khawthian lai phei chuan Bangladesh (East Pakistan ni thin)-a Kaptai Tuikhuah pawh a hmuh theih hial. Mahse, kum 1994 vel Furpui khawchhiat chiamah khan zankhat thilthuah a lo lum bo ta daih a —hrilh a tihai phian.
Chumi kum vek chuan, Sumsuih khaw pan chhohna Midum Kham zel chho —motor kawng chho ulh tak chunglama ‘Lalruanga Lungdawh’ an tih pawh hriat loh karin a lo lum bo ve daih bawk zu nia!
Lal Zakapa’n Borhsap Murray a lo um nachhan kha SEX bawk a lo ni! A leak thang tlawm ve hle a; Court-a thiamloh channa khawp hial a ni zui! Murray hi a hlawhtling lo BOUBLE nawn awn awn hlein a lang. Hmingthat hlawh zawk Lal kan lo nei a; a lawmawm e. Bengkhuaia pasalthate pawh kha sex lamah chuan a inhlei lo hle —kan mi hmasate an lo chhuanawm hle thin a lo ni!
Hnam dang ninhlei tak tak an awm laiin; kan Mizo mi hmasate kha entawntlakin an lo nung a ni. An thlahte kan la ni lawm ni?
Report this comment
April 22nd, 2009 at 9:37 pm
Zakapa hi a fakawm khawp mai. Chawimawina nopui hlan tlak a ni a. Mizo hmeichhiate a humhalh zia a hriat theih awm e. TLemte lo belh hlek ila:
Kum 1891 February ni 10-a C.S murrey i Zakapa chhekin a hak sak hnu khan Zakapa nau Pazika chu Khawhri atangin Hmar lam Sailo lal Liankhama kianga awm turin Liankhama’n a ko phei a, Pazika chu Khawhri atangin hian In 60 vel zetin an zui phei a, Thiak leh Vakal tlangah khua a sat a, Liankhama chuan Pazika chu a latnatin a duhsak hle mai a, Liankhama khua hi In 1000 (sangkhat) vel an ni a, Pazika leh a khuate tan chuan Buh a khawn sak a, thler tin maiah hian Buhhum chhip zawn tling dawn dawnin an chhung vum hner hnur mai a ni. Liankhama hian Pazika chu Sial te a talh hial a ni. Liankhama hi Vanhnuailiana fapa a ni a. Tin, Khawdungsei/Ngopa lal Hrangchhuana pa a ni bawk.
Report this comment
April 22nd, 2009 at 9:45 pm
Comment 8-a ‘Pipu lenlai’ tih hi ‘Pipu nun’ tih tur zawk niin ka hre leh si.
Report this comment
April 22nd, 2009 at 10:20 pm
Aputea chu i hre dik hle mai – misual.com tiphuisuitu chu nangni ang hi in ni e. Zorunpuia poh i sawi hi a dik thlap mai ka source atang chuan. Shakespeara hian Zakapa leh a nau Pazika te hi Chamhpai zawla Lal turin a ti a “Heng phai bawnah te chuan enge kei leh ka khua tenkan ei ang” a ti a. An unau in Sailulak leh Leng khua hi pek an ni ta a ni.
Tunhnaiah ka han zina an chanchin leh lungphun te han hmuh chuan mizo Lal te hi an lo fakawm hle a ni.
Vai lian hian Saipai 3500 leh an behbawk nena kal an ni a hengho lo um ngam leh Court Martial hial baka hnehna chang thei Zakapa hi a fakawm alawm le. A huihphai an pek dan atang hian taktik engemaw chu a nei a ni phot mai
Report this comment
April 22nd, 2009 at 10:45 pm
@mzvision : “A huihphai an pek dan atang hian taktik engemaw chu a nei a ni phot mai,” tih thu i rawn belhchhah zauh hian mi tidam deuh … TACTIC changtlung tak a ni turah ka ngai ve thiam ta e. Chuti ni suh se, hmeichhe thlavang a hauh chiah em ni ka ti deuh va; hmeichhe pahnihna NGIATA AWM ta tlat kha LAL NUPUI a ni ta tlat si ale!
Report this comment
April 22nd, 2009 at 11:09 pm
Sipai lal in hmeichhia a ngiat tlat chuan a tha tha han theh chhuah chu a tih chi nang!Chuan a phal ber an duh loh tak ah chuan an phut chu anupui a ni ta si a,remna siam theih ni si hek lo le,cho lo chung chung in a hmangaihi tan chuan chengrang chawi a tul ta si a,dam leh tlang khatah, thih leh ruam khatah an lo ti ta anih chu.A hunlai ngaihtuahin huaisen thlak tak ah ka ngai!Mahni chan nise kan ngam ve ngut kher ange mawle!Ralthuam anin neih advance hleih awm si!!
Report this comment
April 22nd, 2009 at 11:12 pm
Zakapa hre ngai lo, mahse hmanni khan election duty in Tarpho leh Khawhri velah kal, Zakapa lal na ramah lo han kal ni reng a..:P
Report this comment
April 22nd, 2009 at 11:40 pm
Hriat tel ve mai mai atan Zakapa sawia kan hriat tel tur chu a pasaltha huaisen leh thinchhia Pawngvina hi a ni. Mizo zingah thinchhe ber record siam ve ngat kha a ni a, a ropui dangdai ve tlat bawk mai.
Report this comment
April 22nd, 2009 at 11:42 pm
@Aryan
Alo Philips nachhan ni thei chu.
fiamthu
1. A hming hi mawi a tih vang
2. Philips tape recorder a leia, a rin aia alo that/tlo tak avanga hming ah hmang mai a ni thei bok..
Report this comment
April 22nd, 2009 at 11:48 pm
Lol Lily,
A ni lo, philips taperecoder hmang in hla romantic deuh an ngaithlaak pah in an in ti a…
Report this comment
April 23rd, 2009 at 1:01 am
Lalthangliana Phillips —Adventist pachal a ni a, MNF-ah pawh khan China ram dawrtu a ni hial a. Pukpui khawchhuak a ni. Kum 1966 hma lam hret khan Lunglei High School zirtirtu a ni hman tawh a; a Dumpawl an tihte zinga mi a ni a —MNF-ah chuan a lehkhathiamte zinga mi a ni.
English hi a thiam fu nain, a thiam lehzualna tak chu MNF atanga a rawn kir leh hnuin TIHVARIN a awm ta tlat pek a; grammar pawh a man thar ngawih ngawih a ni. A ngaihna awm lo khawpin a thiam ta tlat mai. Doctorate degrees pawh chi hnih lai a dawng zui thei ta hial a; lehkhazir zel a duh avangin a kum pawh tihtlem a lo ngai ve hman hial tawh a —a fapa upa ber Thanzuala Phillips kum ai pawhin a naupang ta hial zawk e, an ti asin!
A nihlawh hle a, chhungkua pawh a din puitling hle. Thawkkhat, Vanapa Hall-a Adventist-ten Crusade ti-tih an neih laiin City Bus reckless driving avangin a vanduai palh ta a ni —ama rual hian nu pakhat pawh a boral ve ta bawk a. Lalthangliana Phillips hi pa haihawt tak a tling ve tho bawk. Pa kawmnuam leh zaidam, tawngkam dam dup mai a ni. “Pu Thanglian,” tia kotu a ngah a, “Pu Phillips” ti em chuan kan ko ngai meuh lo.
Phillips hi chu radio vang pawh a nih a rinawm loh —George, Joseph tih pawh hming atana pu hlen an tam ve tho. Charles (Challiana) Murray pawh Missionary Sap hnena rawn hruai thlengtu TUEMAW pawh ka hre chiang mai thei asin! Ka sawi lang rih lo mai ang.
Report this comment
April 23rd, 2009 at 4:33 am
bbrickbat Says:
April 22nd, 2009 at 11:12 pm
Zakapa hre ngai lo, mahse hmanni khan election duty in Tarpho leh Khawhri velah kal, Zakapa lal na ramah lo han kal ni reng a..:P”.
Kan khua leh a chheh vel i va fang der anih chu a!!!… Mahse e, tunah tak khian ZAKAPA hre lo an tam ngawt ang kei pon ka chiang lo nasa!!.. Tin ZAKAPA chanchin ziahna Lehkha Buu leitur nei in awm chuan min hriat tir thei u la ka lawm hle ang. Ka hre thawitho nan ka chiang lo nasa ania. Ka Pu min hrilh lal chu ani nge nan thawnthu angmaia hriat ani a lehkhabuu chhiar tur/leitur nei in awm chuan min han leitir thei hram u la ka lawm hle ang.
Report this comment
April 23rd, 2009 at 4:59 am
keipawh a huai kati vaklo(mahni ngaihdan kan sawi ve mai mai). mahni nupui te hum chuan thih thrak theng pawha tang ngam kan tam in ka ring.
bakah mi huih deuh alo pe mai khian ngaihtuahna ati thui, eng ang lal nge anih a, mi huih deuh pawh nise mi pawngsual tura an pek mai le…
tunge a hming kan hre thei mai rihlo, Lalpuithanglema a lema lema..” ti a kawlhnam nena lam chiam a kha a PA ka ti ve mai mai.
Report this comment
April 23rd, 2009 at 5:39 am
@funny, i pasaltha sawi hi Thawmvunga a ni e.Lalsavunga’n a hmei, Suakpuii laka a fa a ni a, hemi tum hian a pu(a pa patea)Vuttaia nen an ni e. Fanai Lal Zakapa hi a huaisen vangin a ramri pawh sawn thei khawp a ni.C.S.Murray tan hian nula zawnsak tur chu a ni ngei mai,mahse ka hriat dan chuan,mi anglo pe lovin,mikhual nula a zawnsaka chu nu hlau lah chu a tlanbo daih lehghal.Chumi avanga thinrim chuan Zakapa nupui a phut zawk a ni.Silai a chuha Murray awmah a chuktuah rep mai a,mahse a upaten an ben persak a ni. 20Feb 1891 khan Murray chuan chhek In a halsak a,Zakapate chuan lo changin sipai Holdar pahnih lu an la a,Murray te ho chu bak lengin an tlanchhia a nih kha.Zakapa hi a huaisen ngei e.
Report this comment
April 23rd, 2009 at 5:54 am
muantea: khimi thil berkher ah khi chuan a huaisenna a lang lo ka ti, thildangin a huaisen leh senloh chu a justify maithei e.
in sawi takah chuan ka hre thar leh ta e, thawmvunga kha thin butut nei ve deuh pawh ani mahna, mahse a PA ve hrim hrim. he he
Report this comment
April 23rd, 2009 at 6:12 am
Lal Zakapa hian a khaw nula hum tlatin mikhual nula a lo zawnsak zawka,ani lah chu a tlanbo daih zui. A dang zawnsak tange a ti chuang lova, Murray te lo thlena a’n zawh khan ‘a tlanbo daih’ a lo ti mai si a nih kha. Sap awma silai chuktuah ngam ngat chu a huaisen lohna ka hmu ve tlat lo mai.Hemi hnu hian Murray hote paruk an la that zui mawle!
Report this comment
April 23rd, 2009 at 6:39 am
mzvision sawi dan hian Marliana’n Zakapa nupui a ngiat takah hian bei ta thut angin a lang thei a,mahse a ni chiah lo.Marliana hote hi Zawlbukah an riak a,Marliana thinrim chuan chhekin hal thupek a chhuah a.An chhekin hal lo haw lam lo changin sipai holdar pahnih an lo that a,an lu kawng laiah an dah a.Chumi avang chuan hlau baklengin tlaklam vahchapah Marliana te ho hi an tlanchhia a.Chhek In an hal tih an hriatin khua mite chuan sipai ho riahna zawlbuk an hal a,in thenkhat pawh a kangkai nghe nghe.Hemi tum hian sipai 6 an tihlum hial a ni.
Report this comment
April 23rd, 2009 at 9:28 am
@Chawnghilh@24, Pu Thangliana Philips thih dan i sawi City Bus chil tih khi chu a dik a, reckless driving tih erawh a dik chiah lovin ka hria. Kha city bus kha amahin a rawn tawlh phut ni tain ka hria, tuma khalh laiin a ni lo. A hmuna awm ve pawh an tam kha.
Report this comment
April 23rd, 2009 at 9:36 am
muantea; ni e a post tu ziah dan khi misread a awl ve bawk em alawm le.
englekhawle mzvision hian thil a chik in a hre hnem khawpmai, kanlo ngaihtuah ngai lemloh thil tha tak tak rawn phuh chhuah tur hi a nei deuh reng mai.
thanks to mzvision
Report this comment
April 23rd, 2009 at 9:59 am
An sawi ka hre thin – Pu Lalduhawma, MLA pa pawh hi Kohhran Upa a ni a, ram buai lai khan sipaiho khan an Biak In kha awmhmun khuar nana hman an tum a, Pu Duhawma pa (a hming ka hre ta lo) chuan Biak In kawngkaah chempui nen lo dingin, “In ngam phawt chuan lo kal rawh u, ka ruang rap hmasa lo chuan tumah Biak Inah in lut hauh lovang,” tiin tan a lo khawh a, sipaiho pawh chu an lut ta bik lo a ni awm e.
Report this comment
April 23rd, 2009 at 11:26 am
Pu Muantea, i ti lawmawm e, chiang zawkin i rawn sawifiah a, ka hriat belh leh ta .
Report this comment
April 23rd, 2009 at 11:50 am
Kei pawh in han sawi zau deuh takah chuan ka lung a dam ve ta e
A post ang ngau2 khi chuan a huaisenna leh thudik tan ngam a nihna a lang lo bawk a ni, a chanchin kan lo hre thui bik si lova(chu pawh kan hriatza zim vang)
Engle khawle, a lawm awm e
Report this comment
April 23rd, 2009 at 9:46 pm
misual.com visitor ho kan han cho chhuak che u ania hre deuh hi in lo awm zel hi alawm misual.com tinuam tu leh tiphuisui tu chu le
Report this comment
April 23rd, 2009 at 10:00 pm
He chanchin chhuanawm tak ZAKAPA namai lohzia hi ka lo la hre ve ngai miah lo va; ka tan chuan hlawkpuiawm tak a tling e. A chhiar pawh ka lo la chhiar ngai miah lo hi —a mak letling e. mzvision chungah ka lawm hle. Rawn thual belhtute atangin hriat manhla tak tak ka hriat belh bawk a, nihlawh ka inti hle mai. Mi dang chanchin bengvarthlak rawn lut belh zel teh se.
Report this comment
April 23rd, 2009 at 10:05 pm
@hotshot : Handyman nge Conductor zawkin a nih kha! Mahse, Police hnena General Diary an dah luh ka hriatpui lo.
Report this comment
April 25th, 2009 at 12:18 am
Hmanlai Mizo LAL ho hi anlo ngaihsan awm, entawn tur kan ngah , Aizawl ngeiah pawh hian hnamdang Mizorama rawn sumdawn duh vanga Mizo nupui nei , hlawhtlin hnua Mizo tho Hmei/Mistress a nei kual an kat ta nuk mai, thinrim tur nge kan rilru hi kanla inla broadminded zel dawn?
Report this comment
April 25th, 2009 at 8:52 am
Ka pu Saihnuna pa Pazika u anih hi mihuaisen Zakapa hi an thlahte hi kan awm ve nual. Fanai Pakhup Lal huaisen chanchin hi sawi tur a tam mai. Zakapa fapa Thangsira pasaltha sa 150 chuang a kap, Thangsira fapa Lalsanga khadaih kha asin
Report this comment
April 25th, 2009 at 9:05 am
Pazika kan thlahtu bul fa upa ber chu Aibuani Rev Dr Zairema a ni Hmunhmeltha khaw chhuak, Marliana ho sipai lo lian an bikbo san na lama pasal va nei ta a ni thei. Pazika fapa Saihnuna hi tlang chang a ni a fapa Lalchuanga hi Union Lal ban thleng kha a lal, Leng-ah. Lal thlah royal blood ka nih ve hi hairehai
Report this comment
April 25th, 2009 at 9:27 am
Murray-a (Murraya DFO pu) hi Vailian saipai officer ten Zakapa Khawhri vela a lal laiin Marliana hian hmeichhia a ngen mi huih deuh an pe Marlianan a duh lo Zakapa nupui a ngen ta tlat mai. Hemi thu an hriat hian Zawlbuk tlangval thinrim in Marliana te hi an bei ta thut maia Zakapa leh pasaltha ho leh tlangval ho in an um a mi 6 an kaphlum. Court Martialna ah hian Zakapa hian thudik tak a sawi hmiah avangin thiam a chang Marliana hi an ban ta. Zakapa hi Lal huaisen thudik tan anih avangin Tarmita hian a duh lai ram a thlan tira Sailulak ah hian a lal ta a ni zawk e
Report this comment
April 25th, 2009 at 12:26 pm
Pu HV zoram i hawn hnu hian i induh riau mai,
i contact theina te minlo pe la mawle, i orkut a ka scrap che tekha i hmulo nge min rawn chhang bok silo….
Report this comment
April 26th, 2009 at 8:38 am
@Hotshot Bus conductor motor operate thiam lo in a lo operate a tum a mi nuna a la ta a nih kha, chu chu reckless ti duh tan chuan reckless chu a ni tho a lawm.
Report this comment
April 26th, 2009 at 8:39 am
Tin Dr. Lalthangliana Phillips (Philip nilo in) chhungte hian he conductor hi an ngaidam.
Report this comment
May 16th, 2010 at 1:51 am
[…] kha niin ka hria a, bawng an hmang daih bawk sia) an nei lai. Murray-a chanchin hi Pu MZ vision in (https://misual.life/2009/04/.....en-zakapa/) a post tawh nghe nghe. […]
Report this comment
September 16th, 2010 at 12:52 pm
[…] LINK@misual […]
Report this comment