Kan ramngaw chereu tur hi chhan nan YMA branch 800 chuang hian ram tin 3 hmun tal enkawl vek sela. A thei chuan tin 10 hmun pawh. Han enkawl ngaw khup mai sela hmuh a va nuam dawn em!
Ramngaw YMA
April 25th, 2009 9:13 am by mzvision26 Responses to “Ramngaw YMA”
Leave a Reply
You must be logged in to post a comment.
April 25th, 2009 at 12:43 pm
ram ngaw humhalh hi a tha khawpmai, mahse kan YMA tehian an peih tak tak ka ring lemlo.
khawpui chhunga politics leh sum inrawlh theihna bak hi an ti tak tak peih ngut in ka ringlo. mipui hnena hmngthat hlawh theihna awlsam deuh tenen.
SRS ho ang deuh khan ramhnuai ah, tu khaw hriatloh ah an duty peih angem aw te ka ti mai mai .
a chunga ka rawn sawi khi, kan tlawmngaihna tehian a nuam chin leh hlawkna awmthei chin te mi hmuh a hmingthat theihna chin tehi a UAR deuh ni a ka hriat avangin ka rawn sawi tel hram ani e.
post nen khian a inmil chiahlo a, bakah ramngaw humhalh hi chu YMA hi chuan a thei viau in ka ring bawk (tran an la anih chuan).
Report this comment
April 25th, 2009 at 12:59 pm
YMA hian ram tin 10 hmun vel lo humhalh dawn ta se khawi lai ramte nge an humhalh ang, ram pilril hla tak bak hi chu mimal ram deuh vek a ni tawh, mi ram enkawl sak ngawt thu lah awm si lo, buaithlak viau law’ng maw.
Ramngaw in han sawi takah chuan tun hma a ka rilrua awm thin kan sawi ve mai mai a nge: Durtlang Hospital thlang kham ro thei lutuk khi ka lo vei thin a, kum tin a kang bawk si nen, a chunglang lei a kal ral zel chuan a building tan pawh a la hlauhawm theiin ka ring. Chuvangchuan heti hian ti ila a tha ang em, Hmawng/Bung lam chi hi phun teuh ta ila, a lo thanlen hunah zung a thlak zel anga, kum tam a vei hmain a ngaw khup thei in ka ring, a kang tur kan ven theih bawk chuan.
Chutianga a ngaw khup theih hunah chuan a rah tlan sava te an lo awm anga,nungchate tan ruaipui kan buatsaih a ni ngawt mai dawn a ni, a hlim nuam leh sava hram mawi tak tak, tuna kan hriat ngai tawh loh te pawh kan hreleh thei mahna. a va nuam dawn tehlul em
Report this comment
April 25th, 2009 at 1:23 pm
Ngaihdan tha tak a ni. He khua bakah hian YMA ramngaw hi thingtlang khuaah ka hmu nual tawh asin. Tunlai khawvelah hian community forest management alar chho em em mek a. Scientist ho pawhin thingtlang mite kutah forest hi dah a, an mamawh tawk lak phal sak hi an vaw lian em em. Hnammawl zawkte puithuna thleng hian khawvel scientist ten an pawmpui tawh hial mai nia. Sacred Forest te pawh sorkar meuhin a pawmpui thlap tawh a ni.
YMA in effective taka ramngaw mai bakah Nungchate thlenga venhim kawngah hna ropui tak an thawk thei tih hmanni ka zinnaah ka hmu. S.Vanlaiphai khua YMA chuan an khua vela Sava veh an khap hmiah a, tin Lui lama sangha man an khap bur a, tuman an khawih ngam lo. Nakinah sangha tam deuh hunah khawpumin sangha chu an man (sangha tlang vak) anga, an insem mai dawn a ni. Sangha kha damlo tan damdawi tur ah duh se, YMA hruaitu hnenah an dil a, sangha man kha phal sak an ni. An mahni chauhin sangha kha la man phal sak ala ni lo fo. YMA hruaitu pakhatin a kalpui ngei tur a ni. An khua ramngaw leh nungcha humhalh an tum dan hi a fakawm hlein ka hria.
Report this comment
April 25th, 2009 at 1:30 pm
@funny Phone ka la nei lo mita te ka hawh kual rih.
YMA Aizawl Br ho tih loh hi chuan an khaw dai velah ram lian lo te te chu an enkawl fur mai. A then chuan YMA flag colour angin chinai an tat. Enkawl tha tak tak an awm nual mai. Thil uar chi ah chuan uar tur tha tak ani.
Report this comment
April 25th, 2009 at 1:35 pm
Tin, kan veng serkawn-ah hian khawchhung takah virgin forest kan nei a. Mi veng lo kal ten hmuhnawm an ti thin. Kohhran ram a nih bakah Pu Buanga leh Sap Upa te tuikhur siam a awm a, tuman an khawih ngai lo.
Kan ram forest hi sorkar chuan aveng him zo dawn lo. Community emaw thian ho a tan lak hi a hun takzet a ni. Hemi lamah movement hi kan la nei chhe em em. Tan lak hun tak a ni.
Report this comment
April 25th, 2009 at 1:46 pm
Hman lai chuan khawtinin chak lakna tur leh kangmei lak a in ven nan Reserve forest an nei a,an veng himin thing an kit mai mai ve lo.Tunah chuan a tha lai thiatin Afforetation kan buaipui a,natural forest a vang ta!Imported trees kan ngah a,kan ram lah a ro tial tial emaw ni!Tan lak chu a ngai khawp mai,A picture pawh a mawi e..
Report this comment
April 25th, 2009 at 2:11 pm
Kohran ho poh hian ka rawtna ang hian ti ve phei se chu kohran tin mai hian Bethelna kan nei a ni mai dawn a. A tihdan tur chu hetiang hian han rawt ila –
1)Mizoram Legilative Assembly ah hian dan thar siam sela – chu dan ah chuan mi ram enkawl si lo hi hetiang hian anlaksak theih ka ring. Tin 20 hmun chin nei hian kum khatah Tax Rs 1000 vel chawi sela, tin 10 aia tam an neih chuan Rs10,000 kai sela tin 20 a pelh chuan Rs 100000 tin 50 a pelhin Rs 200000 chuan tin 50 bi zelin Tax Rs 100000 lak belh zel sela. Ram chu YMA enkawl tur an surrender zung zung mai ang chu. YMA enkawl sen loh kha NLUP atan VC ten an sem thei anga. Tunah hi chuan mihausa RAM-HMANGAIH (land shark) ho hian NLUP atana hmun tha tha hi an ta a ni deuh vek maia. An neih dan poh thingtlang VC ho PHC an din sak vang te an khua zirtirtu dah belh vang te etc etc
2)Joint Forest Management Mizorama kalpui dan hi a hlawhtling lova heihi a tum ang takin her rem nise. YMA leh Kohran te thawhpui tel sela.
3)Evergreen Khing Fah Thingsia Ngiau etc etc kan rama thaduh hriatsa ho hi phun ila.
4)NLUP kaltlanga kan eizawnna kan thlak thleng pah hian chul ram tinah thing thang chak chi a thing hming ka hre mai lo. Nagaland ah Canada nen tang kawpin an phun ang chi hi phun ve thung ila. Jhum (slash & burn) hi ka titawp mai awm si law. (he artcicle hi a chhiar tlak hle https://www.zawlbuk.net/~zawlbu.....38;pid=598 )
5)Heng forent maintain nan hian Forest Dept in langtlang takin Budget ah pholang sela head leh sub-head nei hran thlapin. JFM atana an sum kum tina an dah zat kha chanchinbu-ah chhuah hmak zel sela. chuni Br YMA tan Rs ……. 2009 atan dah ani tih ang chiin in tlawn buai ngai hlek lovin.
6)Heng forest tichhe zawng a che hreman dan damchhung lungin tan theihna thlenga hrem theihna siam bawk ni sela
Aw ka nghakhlel chung hun chu
Report this comment
April 25th, 2009 at 3:26 pm
tun thleng hian thingltang hmun thenkhat ah techuan ram vak hi anla awm lehnghal a, hengte pawh hi engtin emaw han thruai deuh chu a chakawm khawpmai. sawrkar hi kan han dem thin takna a mipui te bawk hi a humhalh thiamlo chu kanlo ni leh a.
han ngaihtuah chian poh leh thahnemngaih a zual ani ee. kan tih chhiat vek hnu ah, pipu te tual lenna zoram nuam ngaihlai ka bang lawnge..
kan tih leh chauh si chuan se bo hnu a se kawng khar ang ani ang.
Report this comment
April 25th, 2009 at 3:38 pm
funny min thruai ve ang tih va hlauhom ve
ka haw chang chuan sangha kan la man ziah a sin chinai in …
ramvah pawh hi ka hrat ve thin ltk.. ka phur toh loh vang mai2.
NOI
Report this comment
April 25th, 2009 at 4:32 pm
Kum sawmhnih kaltaah khan patling pakhat nen kan zin dun a. Ngaw dur khup mai kan hmu a, ral atang pawhin ka la thlir vawng vawng a. Hmuhnawm ti taka ka thlir lai chuan ka zinpui pa chuan, “Hrei tha ver vawr nen han thiah siah siah mai a va chakawm ve le!” a ti a. Kei chuan kih chereu chu ka ui zawng tak a nih thu ka sawi a. Ngaw dur tha tak mai kan en dan atangin Generation gap a lo awm theih hle a ni.
Report this comment
April 25th, 2009 at 5:53 pm
Kan veng chuan 1995 bawr chho vel atang khan hma kan la tawh, YMA ramah Section YMA in chan kan insem leh a, kan inthlawhfai siak a, thingphun enkawl that lamah kan in el nasa mai bawk
Report this comment
April 25th, 2009 at 8:56 pm
leitan kham thla, synod hospital kham….kha leh chen anlo zuah ngaw toh kut hlei vanga an han ti kang ta mai kha chuh! a haltupa kha a kiu ah vawi 70 pen sak fawk2 ka chak…. saza vel tlat tir a,durtlawng kawng atanga en theih tura tih an tum vei nen khanin!
Report this comment
April 26th, 2009 at 2:04 am
@mzvison sawi ang chuan kan va chawihnem dawn ve!!! lolzz.. Land Tax sang lutuk leh kan tharchhuah a in milleh si loh chuan Farmer te tan a va harsa awmve!!. Kan tharchhuah zirzel zawk in mawle!!. Tundinhmun ah chuan a chung ang ngawtkhi chuan thilharsa tak tur ah ka ngai deih. Ram neih en kawlsen loh pawh tam viaumahse dan ang a neite chu nawrchep an harsa ngawt ang. Thingtlanglam Lo neimi ten an Lo hi Parnament Cultivation ang in siam thei in ram dang dang kumtin in thriat tawh lo zawkse kan ram hi a ngaw leh thei mai ang. Chutiang zawnga inzir tur in sorgar hian hma la jung2 maise la atihchi jok long maw?
Report this comment
April 26th, 2009 at 7:08 am
@dultea in veng min hrilh thei em? a hmun ngeia han kal a han belhchian ka va duh em.
@flying tin 10 chin-ah Rs 1000 hi chu sang lem em ni? NLUP hian Permanent Cultivation i tih lo-hmun-nghet a siam hi tum zinga pakhat a ni. Tuna Ru Hawla sawrkar hmalakna hi a ni reng a ni. Sum-chang-thlai an chin fuh erawh a ngai ang.
Ramngaw chereu mek hian CHHANTU KAN NGAI tiin min au lawm lawm a ni. Zo-la-nu-val rual te hi kan puan ven sawi chhingin chhan turin kan fehchhuak thei ang em le
Report this comment
April 26th, 2009 at 10:58 pm
mzvision asked: dultea in veng min hrilh thei em?
Dultea chuan a awmna veng a la ron soi na nge? Aizawl khaw pawn hreta awm an nia, power supply an nei lo a ni mai thei; a bb connection a chhe leh toh a ni mai thei bok
I hriat duh tak2 chuan mi ron call mai roh. Chiang beng bawngin ka lo hrilh ang che
Report this comment
April 26th, 2009 at 11:13 pm
@mzvison: NLUP in Parnament Cultivation siam an tum chuan ka thlawp khawp mai chu bak bak a thra awm in ka hre lo.
Land Tax chungchang kha:
“Tin 20 hmun chin nei hian kum khatah Tax Rs 1000 vel chawi sela, tin 10 aia tam an neih chuan Rs10,000 kai sela tin 20 a pelh chuan Rs 100000 tin 50 a pelhin Rs 200000 chuan tin 50 bi zelin Tax Rs 100000 lak belh zel sela.”. Ti hian i sawisi a, a hnuai lamah
“.@flying tin 10 chin-ah Rs 1000 hi chu sang lem em ni?”. Ti hian i tileh sia ka lo bo deuh a lawm le.
Tin 10 hmuna Rs 1000 chu to vak lo nan kha Tin sawmhmun ah khan mi ten eizawnnan an hman lehsi loh chuan pek tur an nei zo dawn em ni!!.. LOL
Report this comment
April 26th, 2009 at 11:31 pm
@flying Rs 1000 pethei lo chuan a chan mai ang chu “thawk lo chuan ei poh ei suh se” tih anih kha mi nuai 2 hi mirethei zual tin 10 hmun pek ngai an awm chhiah tling hi nuai 2000 chu chu Rs 20 Cr daih asin. mihausa tin 20/30 nei ho hi 10000 vel chu an awm ngei ang nuai 1000 tax a lut ang chu chu Rs 100 Cr an pek loh chuan an ram kha an chan mai ang mawle chuan mirethei ho pek leh jeih mai tur
Report this comment
April 26th, 2009 at 11:32 pm
nuai 10000 (sing) 0 pakhat belh ngai
Report this comment
April 27th, 2009 at 12:25 am
Chu ai chuan nuai 10 eiru thei chin hian nuai 1 tax a pek tur, nuai 100 eiru thei chin chuan nuai 10 tax a pek tur ti zawk teh u!! Kuthnathawk a eizawng eiruk ve tur nei chuang lo ho hi min sawr fu vek tawh hi, sawr tlak kan awm tawh lo!!
Report this comment
April 27th, 2009 at 8:29 am
Mihausa ram nei zau ho kha alawm tax vak kan rawt. mirethei ram tin 10 nei hnuai lam hi a hming chauhin Rs1000 tax ve nise tyih han duhthusam na a ni. Tax pek hian neitu chan min chantir ka beisei
Report this comment
April 27th, 2009 at 8:56 am
Thingsul leh Tlungvel inkar Highway kam maia YMA Park anih hi, a bulah zun ram thiarna felfai tak an dah
Report this comment
April 28th, 2009 at 12:55 am
@samuelapa Ramngaw siam belh dan kan rawt aiin DI lam hi a hit nachhan chu misual kan nih vang em ni ang?
Report this comment
April 28th, 2009 at 1:35 am
Chalfilh tlangah khan Hotel ropui tak an sa dawn ta em? Tennis Court pawh siam an tum em ni kha le? Chalhfilh mawina kha a bo ta riau … motor kawng an lai chho khan a tirang mawi lo zo vek tawhin ka hria.
Ram kang chanchin leh tawrhna rapthlak —lusunna chenin kan lo chhiar ve thin a; rilru a khawih duh khawp mai!
Heng kan awmnaah te hi chuan FOREST COMMUNITY an awm hial a —ngaw humhalh mai ni lovin, duatin an enkawl pung telh telh zawk thin. An ngaw hnuaiah te hian he thu hi an lo tar hial a,
“Pause at the information stops and awaken your senses of sight, sound, touch and smell. You are surrounded by plants and animals that live together and depend on each other,”
ti tein … hetiang hoarding hi tar ta lo se, kei mimawl phei chu ka kal mawl ngut ngut mai thei asin!
Thing ding ro ringawt pawh hi an han humhalhin —an han fakmawi thiam khawp a; hetiang hi an lo tar leh ut mai bawk a,
“Standing dead trees, sometimes called snags, are important to the forest. Wood-eating insects and fungi soften the wood and turn the tree into humus, a dark rich layer of soil. Nesting holes made by the woodpeckers serve as homes for other wildlife. Can you think of two animals that might live in woodpeckers’ holes?
tiin. Thing ro ding mai mai chanchin a duhawm zawng tak maia han chhiar zawh chiah chuan Tuklo chi khatga chan ve mai ka nap rum rum!
Thingtuluang mawih deuh pawh an humhalh tha hle, a kiang lawkah he thu hi an lo tar leh pek a,
“Logs on the forest floor provide moisture and protection for worms, salamanders and the small creatures. As logs decompose they enrich soil, helping new plants to grow,”
tiin. Pasi, pasawntlung vela chan mai ka nap thut thut maw le!
Nia le, ka ziak thui viau tawh nain ka inthlahrung duh lo — Ngaw hi hetiang hian i hrethiam kura kuar teh ang u. Thingkung sang tak tak chhip buk hi CANOPY tiin an sawi a; chuta cheng chi nungcha an awm hranpa ve a; thingkung pangngai ve tak buk hi a awm hranpa ve leh a, chu chu UNDERSTORY tiin an sawi a; chunga cheng duh bik riau nungcha an awm hranpa ve leh bawk a. Tin, mihirng chen emaw lek leh mihring pawh chen mang lo thingbuk lih leih awm ve leh hi SHRUB LAYER an ti a; chutianga cheng chi mi rannung an awm hranpa ve leh bawk thin; an trona leichhuat hi FLOOR tiin an sawi a. Ngaw chinchang mitthla thiam tur chuan he thuziak hi han chhiar ve leh teh,
“Like forests all over the world, (this YMA woodland) provides layers of living space for many kinds of animals. Some animals live in the tops, or CANOPY, of the tallest trees, while others prefer the smaller trees of the UNDERSTORY. Woodpeckers and flying-squirrels move up and down the trunks of trees. Chipmunks spend most of their time in the SHRUB-LAYER or on the forest FLOOR.
How many layers can you see in this part of the YMA woods? If you were a forest animal, which layer would you like to live in?”
tih thu angte hi Zoological cum Botanical Garden kan neihah te, kan khaw-daia kan RESERVED FORESTS-ah te —tlan paha chhiar theih khawpin han tarlang chhuak ila. YMA Branch Meeting-ah a khat mawi tawkin inzirtir belh zel bawk ila, YMA Bulletin-ah te chuang chiai chuai mai sela chuan … kan la inzir harh rang leh khawpin ka ring. Hei hi chu Pollution lam hotupa Duhawma te pawhin an mamawh ve thovin ka hria a; Forest & Wildlife phei phei chuan thehdarh uar se … kan ram hi hring hnup mai sela, ramsate nawm tih mai bakah —mipui tan hlei hlei pawh a nuam ang.
Report this comment
April 28th, 2009 at 2:41 am
Maubuang-ah leh an khaw daiah Chawmzil an phun uar hle. An phuntirh chuan ngaw a nih mai theih an ring lo tlang hlawm hle a; an khaw tlangval lengrei Malsawma huaihawt vel a nih vang khan, an phunhlima ni sensa hnuaia Chawmzil zik chul-uai hnip hnep te chu, “Mala Ngaw” an tiel hial thin! Mahse, kum 15 chhung lekin, a hring bit ta khup mai le —Ngaw hlim nuam tak a tling ta reng mai, a rahte lah sirva hramthiamten an tlan duh nasa mai bawk si! Dai hnai leh a khua hrim hrim tihring nuamtu a ni tawh thung.
YMA Park pawh khi hmalakna engemaw tak zawng kan neih thin kha maw le! A kawn vel khi a mawi a; lungphun te pawh kha ka mitthlaah a la cham reng thin.
Tunhma khan dai hnaiah Mau-Hak a awm ziah thin kha maw le … a la awm ngei turah chuan ka ngai asin!
Mak ve mai maia ka hriat chu, kawmthlang lawka sah phakin mau a kur suau suau va; kan in bang dap lah hi a awng ang diar duar a —taima leh deuh hret ila chu chenna in nuam leh thawleng lo deuhvah kan lutin kan chhuak ve ngei awm si ale! Inzirtirna emaw entawn tur tuemaw hi chu awm nalh thei ila, kan intihhmuh awlsam vei nen!
Report this comment
April 28th, 2009 at 3:43 am
ASEP an ti em ni —nungcha humhalh pawlho kha? Ngaw leh chuta chengte tan tran an khawh thei. Hmanni lawka ramsa pakhat ram lama chhuah tura an tih ai khan, Zoo-ah pe se ka lo ti ve mai mai a!
Report this comment
April 28th, 2009 at 8:31 am
@chawnghilh tlemin mi i chhawk e. misual tam ber hi faceless hma ah thuhnem kan ni a kan hawi vak chhuak tlem anih ka ring. Kan ram hi han vah zau hi chuan a chereu nasat ziakan hmu a, thahnem ngaih a na duh hle, tihrtheih lah a tlem si. movement/revolution hlawhtling siam thei kan mamawh a nih hi.
Mi ramah chuan thintuluang poh hi paihbo an phal lo reng a ni.keini lah in aihnai ami chu a tang ro nen lam kan phur chhuak zel si tuah atan.
ASEP ho poh an la bei tang tang e.kei mi vei beidawn hnu a vei ve hian kan kurpui ve zel ang e.
Report this comment