MUANNA :- Muanna kan tih hi kum 1980 chho vel kha chuan khawvela ri tam ber a ni a. Khawvela remna a lo awm theihna turin an tawngtai a. Inkhawmpui tam berah leh thil thar danglam deuh rengah pawh hian remna leh muanna a awm theihna turin an bei vek a ni.
Khawvela remna tawngtaiin, tih hi Japan ram atanga lo intanin remna duh entirna inthlan chu khawvel hmun hrang hrangah an in tih hmuh a, World-Wide Fund of nature, sakhaw rawng inbawl sak tawn ho tan an rua hman naah chuan, rindan hrang hrangte, chhimbal hmanga inremna Pathian, mitin leh chitin rengte nen, tih chu an siam bawk a ni. Poppe John Paul-a chu ‘remna Lalpa’ tiin an vuah bawk. (Remna leh muanna an tih lai takin, an chungah chhiatna alo thleng thut ang. II Thesalonika 5:3)
ROCK MUSIC :- Rimawi tum thiam takte hi thenkhat chu Setana hnung zuitute an hlawm a, an Cassette album-te hi Setana hnena malsawmna an dawn theih nan an hlan fel hmasa phawt thin a ni. Ramhuai thlarau in hriat rawn thihn turin an ngben bawk thin. Rock lam hla thu thenkhsate pheinhi chu a ngial ngan khawp thin mai. Venam Group ho hla a tanga lak chhuah pakhat chu: “ Lusifera hnena inthawina, ka hotu, sakrament no hasn keng reng la, Chermte phawi chhuak la, Ka inthawina hi lo lawm ang che, a awmah chemte thiat bur la kan ngen teh ang che. Inthawina ramhnuai hlim rawh, inthawina, inthawina, a man chhiar nghal rawh le…..” tiin
AC/DC Rock pawl chuan an hla pakhatah chuan, chapo zet mai hian,”Hremhmun lam\huamah awmin ka ding mek a ni” zu han ti a! Heavy Metal Rock hla te hian rawltharte a in tih hlum tir tam hle tawh a, reporter sai dan chuan, ‘Rock star OZZY Osaterne’s suicide solation( intihhlum thawidam dan ) tih hla hian rawltharte mahni nunna han lak mai ati itawm hle a ni’ a ti.
Kum 1988.Oct. thla khan Cable T.V-ah U.S. Army hovin an bultum Rock Concert ropui zet mai chu tih lan a ni a, mipuiin ‘thih kan duh ti a an lo zawm dual dual laiin Rock star Cooper chuan lu tan chhumna khawlah chuan ring rawlh ula hmeichhe daithiam anga inchiuin’. Cooper-a lu tanna tura thil hriamin hmai9 lama a han chhilh thlakhnu chuan a han chawikanga an fawpin an liak bawk a ni.
Drugs eitam luat avanga thi ta, Rock Star pakhat chuan, “mipuite chu dawi a in a dawi mu thin a, an chhiat ber hun lai, rilru chanve an put laiin, i hrilh duh chu i hrilh thin bawk a ni”, a ti. “An tual thah leh an dawi hmante chu an sim hek lo va, an sualna leh ruk rukte pawh an sim hek lo”.(Thupuan 2:21)
SETANA ZUITUTE :- U.K ah chuan Setana hnungzuiute chet dan, ram pumah a hluar hle mai a, naupang lam hi a khawih deuh ber a. Hmeichhia chu an sual li a, nau titla turin an i lar leh bawk a. Pum chhunga naute dam lai reng mai chu Setana hnena inhlan nan an hlan thin bawk a ni.
Rawlhar ho hi High Schoolan kal laiin Setana lawm zawng takin mithi tawhte thlarau biak dan an zirtir-a an biak tir thin. New York-a Setana beu pakhat Police ten an hmuhchhuah pakha chu, Km 16 chhung teh meuh mai Setana hnena inthawi nan leh naupangte tiamin mi 75 vel a that tawh niin hriat a ni bawk. Rhodethliarkar(U.S) a awm daithiamte chuan sakhaw dik tak dangt ang bawkin chhiah chawian awl ve bawk. Australia-a dawithiamte pawhin Sorkarah dawithiamna hi sakhaw dik pangai ang a pawm a Kohhran dangte nena dikna inang lang nei turin an ngen bawk a ni. Dawithiam zirna hawngtu pawl pakhat chuan, chutiang zir chak mi tam tak New Zealand a mite an awm thu a sawi lang tel nghal bak. (“Nimahsela, nakin hunah chuan mi thenkhatte chu, mi dawtheite vervekna avangin hruaibona thlaraute leh ramhuaite zirtirna thu ngaihsakin rinna chu an la bansan ang tih Thlarau chuan chiang takin a sawi a. Chung mi dawtheite chu anmahni chhia leh tha hriatna ngeia thir linga deh ang an ni a”,tiin (I Timothea 4:1,2) lo en la.)
PAWL DANGA UIRE :- Kristian rama hruaitu pakhat chuan ti hian a sawi, “ringtu chu ‘Pathian’ an ni” tiin a zirtir a. TV a thusawi thin Evangelist pakhat chuan chutiang lam hawi deuh ho chuan, “nangmahni chhungah Pathian a cheng lo vem ni? pum khat in ni si a”, a ti. Pathianin mihring hi Pathianah a siam tih hi ka ring a , Pathian anga siam inni si a, a i bak. Chutiang thu chu tunlai hrilhfiahna, Pathian chu ‘mahni ah’ tih nen a in ang tlang awm hle mai. Setana’n Eden huana, Pathian ang inlo ni dan anih chu, ti a a sawi nen khan a in mil awm hle.(Genesis 3:5)
Kir lehna, Dominion Theology nena in ang hi ‘siamthat lehna’ a ni a, a zirtir bur a zawk chu leia rorelna Pathian siam hi a ni. Thuthlung hlui a dante bekchhana Pathian miten an tih ngheh chu a nio. Entir nan Gray Bahren-a siamthar lehna tih buaipuituted zinga hruaitu pakhat chuan, tihian a sawia, “ tun hun atanga krista lo lan leh hma zawg hi chuan, Kristiante hian dan chhunhan mawlte pawh hi awmze neiin an ngai a ni”, a ti. U.K a Durhan Bishop pakhat pawhin, “thlarau thianghlim tih fo pawh hi9 ka tuipui zawng a ni ve lo”, tiin sakhaw lam zirlaite hnenah a sawi lang bawk. Sakhaw dang zinga zirtir tam tak, Krista thisen a tlenfai lohte pawh hian, Pathian khawngaihna avangin vhatuan nunna an chang ang”,tiin Dr. Eugene Stockwell-a, W.C.C-a COMMISSION ON WORLD MISSION and Evangelism inkhawm hawnna a a thusawina ah a sawi. Pawl dang a uirena reng reng hi kohhran hian tunah chuan a dawh hram hram a ni. (Thlarau thianghl9m chuan, ni hnuhnungah chuan thenkhatte chuan rinna chu an pawm anga, thlarau bumhmang lam an hawi ang tiin chiang takin a sawi. ITimothea 4:1)
Kan Zoram pawh hian Pathian thinurna kan tawngbaw mek a rindan diklo leh sakaw in relbawl dan dik tak tawhlo kohhran leh chhungkua kan khawtlang mimal nun thlengin a chhe sawtin kan kal dan pawh hi Lalpa ngaihin mihring a rawngbawl leh tisa maia rawngbawl, inti Pathian thuawih leh ring inti em em kan tam ta hle a ni. Khavel hi chenna tlak a ni tah lova, a tenawmin a bawlhhlawh tawh em em a, Lalpa lo kalna ni hi ahnai tawh si a, tia akn ram hruaitu leh political pary mi leh sate pawh hian Pathian thu tak pawhlo, hlimhlpawp rawngbawlna ngai pawimawh zawkin eirukna nen zu nen duhamna nen ram an kai hruaiin diklo takin thil an ti ta. Kohhran leh chhungkaw mimal nunah khawtlang nun thlengin Pahian in hmun a chang ta lo va, hun khirh tak chu a tawng mek a ni. Aw Zoram, harh chhuak rawh, Lalpa tan i nun hlan rawh tiin sima a hnen pana kan kir hi anga tawh tak zetin ka hria a ni.
Bible hrilhlawkna hi athleng dik zela, ala thleng dik zel dawn bawk a ni. Mihringa rinna leh sawi chu awih loh tur, Lal Isua thusawi hi ringin awih ila kan tan a him ber. Historian-te leh mi thil hre zualte chuan kum 2012 hi khawvel tawp hun tura an hrilh lawkna chu a ni a, mahse a diklo! vana vantirhkohte pawhin an hrelo angin fapa pawhin a hrelo tih a nih kha, kan thih hun darkar hi kan khawvel tawp hun chu a ni mai, chuvangin khawngaihna hun\ha hun lawmawm kan neih lai leh he khawvela nunga kan awm chhung hian inring renga amah kan Pathian tawk tur leh a hnena kan chenve theihna turin i in buatsaih thar leh \heuh ang u.
Similar Posts:
- Politics- Pathian thil nge khawvel thil.
- Eng Tirhkoh (Anti-Christ)
- A ram leh a felna zawng hmasa la engkim a pe ang che.
- The Oneness of God
- Tunlai ka mutmawh hnarmawh.
April 28th, 2009 at 6:36 am
A bengvar thlak thin hle mai. Nia, khawvel hi a chakna te chawpin a boral mek a ni, hun a tlem ta, khawvel rualin i boral ve lul lovang u
Report this comment
April 28th, 2009 at 8:09 am
Sualna a la tlem em mai, khawvel a la tawp hrih kher lovang. Sualna a tam tih tum talh ho hi an rilru a chhe deuh in ka hria. Khawvel mihring hi an fel hlawm em..
Report this comment
April 28th, 2009 at 8:57 am
Khawvel tawp hun hi tumah in an hre lo lei mihring te hian, Pathian chauhlo chuan tuman an hre lo, tin, Kapu Thirkut…. sualna a la tlem ema i ti maw? ram dang chu thlir lo ila, kan Zoram ngei pawh hi han thlir teh, sualna atlem kanti ngam dawn em ni?
Hun chu a hmawr tawh chiang a lawm, khawvel tawp dawna thleng tur an sawi zawng zawng hi a thleng kim vek tawh, han chhut mah teh u,
Report this comment
April 28th, 2009 at 10:33 am
Hei chu chawnghilh leh mzvision te bial him a ni leh ta tlat mai, sawi ve lo mai te’ng.
Report this comment
April 28th, 2009 at 11:38 am
Thihna hi kan khawvel tawp na chu a ni mai e…..
last paragraph hi k thlawp
Report this comment
April 28th, 2009 at 11:55 pm
‘Khawvel tawp (end of the world)’ tih hi a bulthum tak zawkah chuan ‘end of age’ tih a ni —Remna leh muanna an tih lai takin, an chungah chhiatna a lo thleng thut ang —II Thessalonika 5:3
Muslim Worlds-a hak zauh hi tunlai chhanah chuan remna leh muanna siam dan kawng ni ber awma ngaih a nih hmel e … hetih lai taka min rawn barakhaih thutna hi thleng thei a ni ang em?
“Nova dam laia thil awmzia” kha hriat chian ngai hlein ka hria … Mihring Fapa lokal lehna tur nena tehkhin a ni nghet tlat si a. PUANLAWK vek thil a ni; a duhin awih a, a duh lovin awih loh … mahse, THUT-in thil a thleng ta kha a ni si a, damkhawchhuak 8, a bak zawng chu Bible tawngkam takin LAK BO VEK an ni —chumi awmzia chu THI VEK an ni.
Tuilet (deluge) awm ngai tawh lo tur thuthlung CHHIMBAL a awm a; a thuthlung hlui em mai tiin kan iai lo khawp mai! Petera sawi danin TUILET ni tawh lovin, MEI-in he lei hi thenfai a ni tawh zawk dawn a ni.
“Thihna hi khawvel tawp …” tih ngaihdan hi chu … ka pawm ve lo mai ang e, van thar leh lei thar rawn thleng ngei ngei tur ka nghak a; chu chu ka thlan he lei atang vekin ka nghakchhuak mawlh ang. Krista Thawhlehna ang tho kha ringtuten thawhlehna kan beisei —kan innghahna a ni miau si. Krista a thih pawh khan —khawvel kha a tan khan a tawp bik chuang lo tlat! Ni 40 chhung a chamkhawfual leh ngei a nih kha!
The night is far spent … zan hi hmanral a ni thui tawh hle … khua a var dawn ta e … chu chu nghakhlel takin dingdihlipin ringtute chuan kan nghak.
Krista lokal lehna chungchangah chuan … Historicist leh Futurist rion dan leh beisei dan insual a awm a … a khawi zawk nge Bible nena inlarmar zawk tih zir tawn ve ve ula, a pakhat zawk chauh thlir lovin, khaikhin ngei ula —in nihlawh ka ring.
Matthaia 24-ah hian TAWPNA (end) hi chi hnih lai a awm thu hi thliar hrang thiam ila; TELOS (5056) tih thumal leh SUNTELEIA (4930) te hi zir chian a nuam hret ang.
Krista lo kal lehna chungchanga LO KAL tih thumal Grik tawnga chi ruk lai awmte hi hriat chian an ngai hlawm khawp mai —PAROUSIA (Jakoba 5:7); APOKALUPSIS (II Thessalonika 1:7); EPIPHANEIA (I Timothea 6:14); PHANEROO (I Johana 3:2); ERCHOMAI (Luka 19:13; HEKO (Thu Puan 2:25) te hi —hun khat thuhmun vek sawina a ni.
Mi thenkhatin Krista lokal lehna hi chhawng hnih PAROUSIA phawtin, chumi hnuah APOKALUPSIS-in an ti ngawt thin … Parousia leh Apokalupsis hi hun thuhmun tho an ni tih lantirna chiang tak i tarlang teh ang :
Matthaia 24:37 leh Luka 17:26, 30 hi thu thuhmun, hellenistic glossary erawh chu chi hnih hman a ni —-
Matthaia 24:37 “Tin, Nova dam lai ang bawk kha Mihring Fapa LOKAL (parousia) lehna chu a ni ang.
Luka 17:26 “Nova dam laia thil awmzia ang khan, Mihring Fapa a LOKAL (parousia) leh nite chuan a awm bawk ang. 17:27 Nova lawnga a luh a, tui a lo let a, an zaa a tihhlum tak vek ni kha a thlen hma loh zawng, an eiin an bar a, nupui pasal an innei thin a. 17:28 “Chutiang bawkin Lota dam laiin a lo awm; an eiin an bar a, an leiin an hralh a, an chingin an sa thin a; 17:29 nimahsela Sodom khua ata Lota a chhuah ni chuan van atangin mei leh kat a sur a, an zain a tihlum ta vek a. 17:30 Chutiang bawkin Mihring Fapa hi a rawn INLAR (apokalupsis) ni chuan a awm ang.
PAROUSIA leh APOKALUPSIS hi Luka 17:26-ah leh 30-ah a hmang kawp ve ve — hun thuhmun sawi nan a hmang. Tunlai theologian thenkhatten a lokal chhawng khatna parousia, chhawng hnihna apokalupsis an tih hi chu a TUNLAI JAW JAW tawh deuh! Kum 1830 hnu lama Theology-te hi zir chian ngun a ngai tawh khawp mai!
Zir chiang duhte tan Grik thumal number Strong’s Concordance milin ka’n hung chhuak ang e:
PAROUSIA (Strong * —3952) ::: Jakoba 5:7
APOKALUPSIS (* 602) ::: II Thessalonika 1:7
EPIPHANEIA (*2015) ::: I Timothea 6:14
PHANEROO (*5319) ::: I Johana 3:2
ERCHOMAI (*2064) ::: Luka 19:13
HEKO (*2240) ::: Thu Puan 2:25
Report this comment
April 29th, 2009 at 3:37 am
@chawnghilh, a bengvarthlak hle mai. Uluk takin i comment hi i ziak tih a hriat a, i inpeknaah lawmthu ka hrilh a che. Mawlmang taka pawm dan ka nei ve a, ka han tarlang ve ang e.
“Keimah hi Kawng leh Thutak leh Nunna ka ni” (Johana 14:6) tiin Lal Isuan a sawi a. Chuvangin, keini ringtute (Kohhran) hlimthla chu Isua Krista kha a ni tih hi ka pawm dan a ni. Heti hian han thensawm ta ila:
1. Isua kha a pian hlimah Herodan tihhlum a tum. Chutiang bawkin, Kohhran piang tir te kha Juda Sakhua leh Rom Sorkar-in tihhlum a tum.
2. Isua khan kum 3 leh a chanve vel rawng a bawl. He khawvela Kohhranin rawng kan bawl hun chhung “symbolic/numerical language” angin chuan – 3 and half years / 1260 days / 42 months – tiin Bible-in a dah niin ka hria. Tunah pawh hian “3½ years” period chhungah kan la awm mek a ni.
3. Isua kha a hun tawp dawn lamah tuarna hlirin a hmuak a, krawsa khenbeh a ni a, a tisa nunna pawh tihhlum a ni. Kohhran pawhin hun tawp dawnah hian tuarna nasa tak kan hmachhawn dawn a, thihna hmangin khawvelin min tlawm dawn a ni.
4. Ni thum niin Isua kha thihna hnehin a tho leh. Chutiang bawkin, Kohhran pawh hi hun tawpah chuan thihna hnehin kan tho leh dawn a ni. Krista lo kal lehnaah hian mitthi tawhte an lo tho leh ang a, amah rawn tawiawm an awm ang a, khawvela nungdama la awmin taksa thar nen van chhum zingah an hmuak ang a, a hovin leiah hian an rawn chhuk mup mup dawn a ni. A lo kal lehna hi chhawng hnih a ni dawn lo a nih chu.
5. A thawhleh hnuin Isua kha vanah a lawn nghal mai lova, khawvelah hian ni 40 zet, taksa danglam tak neiin a la cham. Chutiang bawkin, Kohhran pawh hi he leiah hian tho leh taksa puin a la cham dawn a ni. Ringlotute chungah ro an rel ang a, tho leh taksa nen lei leh van an kar tawn zut thei ang a, second khat lekah America ram atangin Mizoramah an rawn insuan nelh nelh thei ang. Ringlotute chuan mihring taksa pangngai an put dawn avangin an thei ve lo vang.
6. Ni 40 hnuah Isua kha vanah a lawn tih kan hria. Chutiang bawkin, Kohhran pawh, Isua hova leiah ro an rel hrep hnuah, Isuan kan tan vana hmun a buatsaihah a chho vang vang tawh ang a. Ringlotute chu chatuan atan Hremhmunah an kal tawh ang.
Hetiang hi ka hmuh fiah ve dan a ni. Greek tawng atangin ka chhut hran lova, Isua hi Kohhran nihna laimu – essence of the Church -ah ka pawm a, Isua hniakah chat chat a kal dawn tih hi ka pawm dan a ni. Tuna Kohhran chhunga cheng pawh hi Isua Krista tho a ni. Buh chi mal angin a lo kal a, tunah chuan Kohhran (ringtu hrang hrangah), chu buhchi chu a lo tiak ta a, Kohhran chu Isua Krista extension a lo ni ta a ni. Thuthlung Thara Isua kalna kawng thovah khan Kohhran (Isua Taksa) pawh hi a kal ang tih hi ka pawm dan a ni e. I sawi nen pawh hian a inzul viauvin ka hria.
Report this comment
April 29th, 2009 at 12:59 pm
@KL Bible sawi dan chuan mithianghlim ho thihna ata an thawh khan dama awm mi thianghlim ho kha tihdanglamin an awm dawna, vanah a arualin lakchhoh an ni dawn ngal a ni.. ( 1 thesalonika 4:16,17) chhiar rawh nguntak khan. mithite an thawhhnuah vanah cho hrih loin Krista ho in lei ro an rel phawt dawn i tia.. engro nge an rel dawn?
Bible in min zirtir danah Isua lokal hun chuan misuaksualho zawng zawng an thi vek anga, mithianghlim muhilho chu an tho ve leh anga, nungdama awm mi thianghlimho nen a rualin vanah Lal Isua turin chhumin a hruai cho ang Isua hnenah.. Isuan Lei a rap tawhdawnlo a ni a lokalin.
Rorel tih awm zia chu Misuaksualho tan rorel tur a ni mai.Kum 1000 rorel. chu chu vanah a ni zawk..rorel hnuah misuaksualho an tho ve chauh ang.
Tin, Jerusamlem Khawpui thar a chhungah mi thianghlim ho awm chung chuan van atang leiah a lo chhuk a nga, misuaksualho zawng zawng Hitlera-a pawh a tel ang.. an thihna ata an tho leh vek a nga, Setanan a finna hmangin chungho chu a hruai khawm ang Jerusalem Khawpui thar beiturin. a tawi zawngin sawi ila Jerusalem thar an hual laiin van atang LaLPAN mei leh kat van atang a surtir a nga.. chutiangchuan misualho chu a tiboral dawn a ni.
Isua leia a lokala a awm dan, thih dan, thawh dan leh van a lawn dan zong zong nena in ang kher turin kan awm ang tih hi chu ka pawm lemlo a ni.
Heng ka sawidan hi khawvela bible mithiamho a tam zawkin a pawm dan ani.. Bible zirtirna nen pawh a in hnaih ber an ti a ni.. Ka rawn hrilh chhawngve leh mai che u a ni..
Hrilhlawkna sawi teuh pawhhi a tha em em lo.. inhnial a ti tam mai mai a ni.. Kan Sawi teuh tha zawk chu chatuan nunna hlut zia hi kan sawi tam zawk tur a ni.. Pakhat leh pakhat kan in hnem thin tur a ni chu Jerusalem thar ka luahtheihna tur chuan. tichuan kan ni tin nun a hlim thei a nga, Pathian fak hi nuam kan ti telh telh dawn a ni..
Report this comment
April 29th, 2009 at 5:12 pm
@laysia:
1 Thessalonika 4:16, 17 chu ka chhiar e. Ka chhiar fo tawh thin alawm. ‘…boruakah Lalpa hmuak turin….’ tih hi Mizo tawnga kan dah dan hi a dik thlap. English Bible tam takah chuan ‘Lalpa tawk turin’ (to meet the Lord) tiin dah a ni. Saptawnga ‘to meet’ tia an dah, Mizo Bible-a ‘hmuak turin’ tia kan dah hi Greek tawngah chuan ‘apantesis’ tih a ni a, Thuthlung Tharah vawi hnih hman a ni. Pakhat chu kan en lai mek hi a ni a, pakhat dang chu Tirhkohte Thiltih 28:15-16-ah kan hmu, hetiangin:
“Tin, unauten kan chanchin an hriat veleh chuta tang chuan Appia Dawr leh Khualbuk Pathum chinah min hmuak turin an lo kal a…..” Heta Paula te hmuak tura lo kalte hi Paula te rualin khuaah an lut leh tho.
A awmzia chu Lungleiah Chief Minister a rawn kal dawn a, Zobawk daiah Lunglei DC hovin kan lo hmuak …. tih ang hi a ni. Zobawk daiah kan intawk a, CM rualin Lungleiah a hmuaktute chu kan kir leh vek a ni. 1 Thess 4:17-ah pawh hian Isua Krista lo kal mek chu van chhum zingah hmuak turin kan chho dawn a, a rualin leiah hian kan chhuk nghal dawn tihna a ni. A chiang em? ‘Hmuak’ (apantesis) tih hi a pawimawh reuh khawp asin. Khawvela ringtu nungdama la awm, vawi leh khata tihdanglama awmte chuan chhum zingah an han hmuak dawn a nih chu. Tichuan, Lalpa hovin leiah an rawn chhuk bung bung ang a, Zakaria 14:4 hi a thleng dik nghal dawn a ni.
Isua hova leia ro kan rel tur chungchang ka sawi hi Thupuan bung 20 ami hi a ni e. He kum 1000 chhung hian tuna ringlotute nuna thawk mek Setana hi phuarin a awm rih dawn a ni. Mahse, kum 1000 lalram tawpah reilote chhuah a ni leh ang. He kum sang lalramah hian khawvel pawh a nuam hle dawn a ni. Misual pawh an awm lo vang. A chhan chu misualte misuala siamtu Setana ber kha engmah ti thei lovin phuar a ni tlat dawn a ni. Isaia 11:1-9 hi khawvel awm dan tur chu a ni mai. He hrilhlawkna hi a la thleng lova, chuvangin kum sang lalramah hian a thleng dawn niin ka ngai.
He kum sang lalramah hian misual (ringlotu) thi tawh an la tho leh rih lo. Kum 1000 a vei hma loh chuan an la nung rih lo (20:5). Isua neitute (Isua hriattirna thu avang leh Pathian thu avanga lu tante thlarau leh Sakawlh leh a lem chibai buk duhlo tute), ringtu thi tawh zawng zawng – an lo nung leh ang a, kum sangkhat atan Krista nen rorelin an awm dawn a ni (20:4).
Chuan, Thupuan 20:7-a kan hmuh ang hian kum 1000 a vei hnuah chuan, Setana kha an rawn chhuah leh dawn a ni. Tichuan, Van atanga Isua lo kal hunlaia ringlotu nungdama la awm leh an thlahte kha a rawn bum leh dawn a, Setana hian lamtang tam tak a nei leh dawn a ni. Tichuan, Isua leh ringtuhote chenna hmun chu tihchhiat vek tumin a siruk lain an thawk mup mup dawn a ni. Van atangin mei a lo tla ang a, anni chu a kang ral ang. Tichuan, hemi hnuah hian Final Judgment chu a awm dawn chauh a ni (Thupuan 20:11-14).
“Isua leia a lokala a awm dan, thih dan, thawh dan leh van a lawn dan zong zong nena in ang kher turin kan awm ang tih hi chu ka pawm lemlo a ni.” – tia i sawi hi lo ngaihtuah nawn leh teh. Mathaia 10:24-25 te, 1 Petera 2:21 te, Johana 14:6 te hi ngun takin lo chhut la. kan Hotupa kal kawng bak hi kawng dang zawh tur kan nei lo. A tuarna tawmpui tura koh kan ni e.
“Krista chu keimahah a nung tawh zawk a ni” tih hi ringtu piangthar dik tak testimony a ni tur a ni. Mahse, keimahnia nung KRISTA hi a inang lo viau niin a lang. Ringtu hmasaten Isua tuarna tawmpui tura an inzirtir laiin, tunlai kristian tam tak hi chuan Isua tuarna tawmpui kher lo tura inngaihna kan nei lian viau reng a ni. Krista der (false Christ) hi a lo chhuak sup sup dawn reng a (Math 24:24). Setana hi ‘eng tirhkoh’-ah a insiam chawp tlat thin vang a ni (2 Korinth 11:14), keimahnia Krista emaw kan tih hi thlarau dik lo, Krista lem, Setana thlarau a ni mai palh ang tih hi hlauhawm tak a ni. Ringtu dik takte chuan Isua Krista Thlarau tho kha alawm kan chan. Rilru dang – Isua rilru bak – a neih ring duh suh. Kawng danglam takah a hruai che ring duh suh. Isua Krista a lo hruai tawhna kawng, kraws kawng bawkah khan a hruai dawn che a ni.
Inhnialna a tam tih vang ngawtin Hun tawp chungchang hi kan kal kan ngawt tur a ni lo vang. Tunah phei chuan Theological circle-ah ngei ngei pawh, Bible hi Pathian thu a ni em? Isua kha a tho leh tak tak em? Isua chauh lo hi Pathian hnen thlen theihna kawng dang a awm… tih vel zirtirna a tam tawh. Chuvangin, tawngtaina nen Bible hi ngun taka kan zir a ngaiin ka hria. Isua hi Thutak a nih ang takin kei chu, Bible ka zirnaah pawh, Isua zirtirna a ni em? Isua nunah a thleng em? tih hi ka tehna a ni. Isua hniak awmna chiah chiaha kal hi ka duh ber a ni.
Report this comment
April 30th, 2009 at 1:28 pm
@KL Isua hian lei a rawn rah leh hi i ring a mi? Hmuak tih chu a ni renga, Mahse khawvelah kan letleh dawn tih Bible ah i hmu em ni? A Greek lam zawng chuan ka en lemlo a mahse, Isua leia a lokala a awm dan, thih dan, thawh dan leh van a lawn dan zong zong nena in ang kher turin kan awm ang tihhi chu ka pawm lemlo a ni.. evangnge tih chuan mithianghlimho thi an awm ang bawk in nungdam thihna tem velo mithianghlimho an awm dawn a ni.. Thesalonika 4:17 hi nguntakin chhiar rawh ka ti che a lawm..
Nungdama Isua hmuak an awm dawn a ni ka tihna a ni.. Isua ang kherin kan thivek dawnlo a chuvang chuan a ni ka pawm loh..
Setana phuar a ni ang tih awm zia hi.. misuaksualho zawng zawng kha Isua a lokal kha an thi vek tawh anga… chuvang chuan Setanan thlemtur a hmuh tawh dawnlo a ni.. chu chu phuar a ni tihna a ni mai.. phuarbeta khuarkhurum tawp neiloah thlak tur a ngaih kher tur a nilo…
Heihi ka pawm dan a ni mai…
Report this comment
June 3rd, 2009 at 12:33 am
He movie hi minti en chak hle mai….. 2012 tunkum November 19th a release tur chu.
https://www.hulu.com/watch/4466.....ilers-2012
Report this comment
June 3rd, 2009 at 1:35 am
@KL says : Saptawnga ‘to meet’ tia an dah, Mizo Bible-a ‘hmuak turin’ tia kan dah hi Greek tawngah chuan ‘apantesis’ tih a ni a, Thuthlung Tharah vawi hnih hman a ni. Pakhat chu kan en lai mek hi a ni a, pakhat dang chu Tirhkohte Thiltih 28:15-16-ah kan hmu …
Apantesis a lanna dang sawi belh ka chak tlat —KL, i sawi bakah hian …
Matthaia 25:1&6-ah trum hnih dang a awm bawk alawm! Lal Isua hmuaka kan kal chhohna tur hi van a ni lo va; ‘boruakah … chhum zingahte khian’ tih a ni zawk bawk.
Report this comment