A ram leh a felna zawng hmasa la engkim a pe ang che.

June 17th, 2012 11:30 am by cotdarz

“Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan. “

Pathianin hmangaihna in min zawng chhuak a, tisa a piang mai hi chuan vanram a lut zo tawhlo. Thlarau ah kan pian angai a ni. Enge kan tih tak ang? Tihtur kan neilo Lal Isuan min tlanna famkim min thawh zoh sak tawh tih kan rin hi damna a ni. Puithiam chuan inthawina beram chauh a enfiah tawh zawk si. Chumi zarah Pathian Fa a vuahin kan awm a, a Fa ang tak a kan nun hi Hmangaihtu Pathian chuan a duh a ni. Tisa thanlenna beisei a kan fate kan thlithlai reng ang hian Pathian pawhin thlarau ah kan thanglian em tih min en reng thin. Chaw tha Bible, thanlenna atana hmun tha Inkhawmna In min pe a, min hrilhfiaha min kaihruaiturin Thlarau Thianghlim min pe bawk. Mi fing leh Mi a te pawh, hausa leh retheite pawh thihna a tawp vek tur kan ni. Duham chintawk a awm lova, Lungawi chin a awm hek lo. In haivur hian a aia nasa riltamna min pe a. Mihring lo piang tawh tan a hlawkber chu Pathian thu awih hi a ni.

“PA chu keimahah a awm, keimah pawh PA ah ka awm”

ti tu kha keimahni ah pawh a awm, amahah pawh kan awm.

Pa nen Pakhat an nih sawitu khan mihringte nen

pakhat kan nih nan a tawngtai a, nupa chu tisa pakhat an nih thu Thlarau Thianghlim kaltlangin min hrilh

Kei hmu chu Pa hmu in ni ti tu hnungzuitute chu

Keimahni ah Krista an hmu thin.

13 Responses to “A ram leh a felna zawng hmasa la engkim a pe ang che.”

1
lhpa Says:
June 17th, 2012 at 11:37 am
A va han tha in ava han tawifel fun kim tak em ka first lehnghal.keuh

Report this comment
2
sheldon Says:
June 17th, 2012 at 11:58 am
Good post

Report this comment
3
nezz Says:
June 17th, 2012 at 12:15 pm
a tha khawp mai..

Report this comment
4
PKfanai Says:
June 17th, 2012 at 1:42 pm
A sawi tum a chiang tha e.

Report this comment
5
TuaiSialA Says:
June 17th, 2012 at 2:03 pm
A va tha em!

Report this comment
6
Borat Says:
June 17th, 2012 at 2:07 pm
I ziak tha khawp mai. Mahse a headline (A ram leh a felna zawng hmasa rawh u) tih hi i discuss ta lo reng reng a ang.

He chang awmzia chu priority dah dik lam ani. Hemi chang hrethiam kan tlem em em tih fiahna chu mi tawngtai ngaithla ula dilna hlir, dilna hlir anih thin hi. Malsawmna (leh dilna) in zawk hmain a ram leh a felna dil hmasa rawh u, an ti lawm lawm chungin. Tute emaw dilna tel miah lo tawngtai in ngaithla tawh em? Chu chu ram leh felna zawng hmasa awmzia chu ani. Malsawmna dil hmuhnung zawk rawh u. Dil pawl dil miah lo ula a ram leh a felna in zawn dik chuan in dawng tho vang, a tihna.

Report this comment
7
cotdarz Says:
June 17th, 2012 at 2:27 pm
#6 Ka post ka’n chhan ve lawk. A ram leh a felna chungchang chu a nih khi. Lalpa chawimawina leh Fakna, lawmthu sawina etc chauhva tawngtai kha ka pawm thove. Mahse dil chu a phut ania

Report this comment
8
lrpa Says:
June 17th, 2012 at 2:31 pm
‘Engkim’ tih tak hi engchin chiah nge ni ang le ?

Report this comment
9
cotdarz Says:
June 17th, 2012 at 2:51 pm
Sailova hla ka rilru a awm atangin a thupui ka hman hi ania. Engkim tihah kan tan a tha tur chauh aniang chu

Report this comment
10
lrpa Says:
June 17th, 2012 at 2:59 pm
Pathian, engkim siamtu, engkim hmutu hian A mite a hlamchhiah ngai lo tihna lam ani mai thei e..

Report this comment
11
malsta27 Says:
June 17th, 2012 at 3:42 pm
ISua ahmasa bera dah hi pawimawh a nia…………

Report this comment
12
manunpuii.mch Says:
June 17th, 2012 at 7:40 pm
A tha khawp mai.a zawm lam hi a har thin mai pawh a.

Report this comment
13
vakul Says:
June 17th, 2012 at 8:35 pm
i post tha e. han ti zel rawh khai.

Report this comment