Lei hringnun a tawp hun a kan zal na tur THLANMUAL hi Mizo te hian engtik a tang khan nge kan lo neih tih ka hre hauh lo!Mahse khawpuiah chuan thlanmual in min daihlo tan a ni ta reng mai!
A fing hmasa Ramhlun ho chuan hmun zau deuh hla zawkah an nei a, nakin lawk ah chuan a ai a hla kan la zawng ve suau suau mai thei e. Thlanlai tur hlawhfa a lak mai a harsa lo maithei, mahse thlanmual tur hmun a vang ta. Engtinnge kan tih ang? Common cemetary nge niang, inhal lampang te hi kan society hian a pawm thei ang em? A lo kal leh hunah thlan a tang a tho tur kan nih hmel bawk si!!
Similar Posts:
- Thlanmual
- Thlan laih Privatise ang
- Kan inphum zel dawn em ni ang – Engtin nge thlanmual?
- Republic Vengin ruhro phawrh an remti
- Hnathawh hi
April 28th, 2009 at 7:51 pm
common cemetry chu thil tha tak niin ka hria.inhal hi chu kan society hian a accept theih loh hmel si a…..hmun a awm chuan veng bik ni loin veng 2/3 te pon in tawm ta se…te ka tia
Report this comment
April 28th, 2009 at 8:17 pm
Thlanmual lam han sawi tak ah chuan… hman ni lawk a Sangau a thil thleng mak tak!! Naupang (kut zungpui tiat lek) thi ta kha…. an la dah tha reng nia. Mithi a ni ta tho a, an phum tur ah ka ngai ve mai a, an phum lo.
Report this comment
April 28th, 2009 at 9:25 pm
Thlan laih Privatise ang tih kha ka la tanna chu zu ni deuh tho a. Thlanmual tur chu ramruak a la tam mai. Electric a inhal ral mai poh tha ka ti tho. Lei taksa hi vanah kan chhawm dawn lo tih hi ka rindan a ni e. Van ram chu tawih thei tisa leh thisen hian a luah dawn lo.
Nge kan la Racial viau tho hian kan ring chhungkhat te te hian kan la awm te em ni kan rin aw
Report this comment
April 28th, 2009 at 9:47 pm
https://business.rediff.com/rep.....-dying.htm
thih man chu an va ti to mai mai Xtian nih hi a lo tha hle mai
Report this comment
April 28th, 2009 at 10:22 pm
Churchyard tiin, Biak In kawtkaia inphum thin European mingo, Kohhran miho an awm tawhna a rei tawh —Mizo-te khan kan thawnthu-ah Chhura fa, zamphera zial hnan —puka a va rawlh thu kan nei a; chu pawh — kawnglakah a lo thlauh daih chu niin! Hisap zui ve tawh mai ula.
Tianhrang thlan tih te chu kan nei nameuh mai, Treasury Square-ah pawh an laichhuah kha … tin, kan naupan lai chuan KHAUKHURH —thingtuai kan pu thin; chumi hnuah dai hnaia thingtuai a van tak avangin lung kan pu leh a … kan Mizo inphum danah khaukhurh kan hman laia che ve ngat ka ni.
Mizo Thlanmual chanchin ka chhiar hun lai kha kum 30 ai chuan a tam tawh ang; thlan chu kan nei ngei thin a; mahse, THLANMUAL kan neih tanna chu a la rei lo va; Mission Veng-ah THLANMUAL neih hmasak a nih thu khawilai emaw lehkhabu-ah ka chhiar chiang tawh hle a ni. Mission veng han tih chuan puithiam veng a nih ber chu … Sapho min bawlphawn hnu —anni khan min lo thliar hrang hlawm hle a; Babu Tlanga awm pha chin babu, Rahsi Veng tih nen chuan an cadre a insan hleih khawp mai! Mirawng Veng tih ek paih —hniam chem chem tak a ni! Kan Mizo Society-a inthliarna, awmthei leh chanhaite inkar hi British-ho duanchhuah vek a ni. Mimir leh Sailo lal-ho pawh Politics kalphungin kan lo inmihran leh a; Presbyterian leh Baptist-a mimir an luh hum hum lai khan, Sailo lal bangho khan mimirho nena inang pet peta awm ai khan a fal deuhva khawsak an lo duh leh ta a; zu leh sa hmun khuang ri ni em tawh lo mah se, UPC lamah an han lawi lut ngat bawk a. NOI.
A awlsam dan bera ka ngaihah chuan Mizoram-a thlanmual-ah thlan lungphun hmasa lamte atangin thlanmual kan neih hun lai chanchin a dating azirin a MINIMIZE chhuah theih ka ring khawp mai.
Bible thu chuan “thawhlehna hmasaa thote chu an engthawl …” a ti; thawhlehna hnuhnung zawk pawh a awm dawn thu Thu Puan-ah kan hmu chiang hle. Mitthi zawng zawngte kaihthawh an ni vek dawn hrim hrim a; tuifinriat pawhin a mitthi-te a chhuah dawn hrim hrim. Nimin piah lawka Pi Lianpuii kan chan tak pawh khan Buai Kuma Mizoram-a chuangchhuak zawk, MNF-in an lo thah, a pasal ruang awmna chin a hre reng reng lo; tumahin an hre zui lo. Vanneihtluanga pa pawh khawnge? … Mahse, thawhlehna awm tur Bible-a sawi chi hnihah, a engemaw zawk zawkah kaihthawh an ni dawn hrim hrim. Ringtu kang ral —thlawhnaa chesual an ruang hlawm tur awm lote pawh …Hindu-ho pawh Lalthutphah Var Ropui Rorelna hmachhawn turin an tho ve dawn khawp mai! Halral an nih avanga ngaihtrhat lohna tur a awm chuang lo. Pathianin a hre chiang ber a nia!
Jewish Law chuan inhalral hi a khap. Genesis 3:19 changchawiin, vut chu vuta kir tur tih thupuia neihin leia inphum ngei an ngaihlu. An ngaihdanah chuan inhal chuan leia kir tur ber leiah a kir lo an ti deuh ni awm a ni. The Jewsih Book of Why by Alfred J. Kolatch, p. 57-naah chiang takin a inziak.
Inphum hi a heksak fu; inhal hi senso a tlem zawk tura ngaih a ni. ka thianpa vai, a nu thihin ka tawiawm tluanchhuak zak a, an senso a turu tham viau —thingfak leh thingtum, giu tin emaw zat lai … neuh neuh a tam … mahse, electric hmang erawh chuan senso a tlem zawk … hmun a heh lo … Wall sang pui, granite-a mawi taka siamah an hming leh address mawi takin an ker zui leh mai a … a mawi lutuk bawk.
Kum 1994 lai vel khan Aizawl Dinthar leh Khatla Thlanmual a tawlh chiam tawh … thlan kan laih hi inhnaih te te a ni a; kan thlan hmun a chhengchhe si a; tuitai put ru reng bawk nen, thlan vung inchhilh leh a keng khawngtu kha thlan leh thlan inkara solid wall derdep leh pan tak kha a ni tawh thin si a; cigarette kawr hun tlar, a sir ber nemthlukin a dang a delh thlu ta zel ang hi a ni tawh mai si … thlan laih a inhnaih poh leh kan thlante a nghet lo … a ramthlengin min daih tawh bawk si lo; kan duh emaw duh lo emaw … engemaw tal —thlanmual hla tak emaw inhalralna thangtharten chu kan la nei dawn hrim hrim.
“Celebrating her/his life” tiin mitthi vui/condolence-ah American-ho chuan hun an hmang thin. KL-a rawn ziak tawh angin, thih hnua inchawimawina pawh hi chhungte tan lungchhiat lusunna kara kaltate chanchin lungkuai leh ngaihnawm lawi si a ni e.
Report this comment
April 29th, 2009 at 12:09 am
Thlanmual indaihloh tih vel hi chu kan la tawn loh vang maia buai kan ni e. Veng pakhatah ram ruak a awm tawh miah lovin, an thlanmual lah chu a khat tawh bawk si ta se, veng khat ve lem chuan thlanmual tur an veng chhungah kher lo pawh a dap ve thei tur a ni. Mizoramah hian ram ruak a la tam em mai. Common Cemetary pawh Sorkar lam atangin a tih theih lutuk. Buaina a tling love. Riangvai Thlanmual pawh a tul vangin a awm mai a ni lawm ni? A hun a lo thlen phawta buaina chinfel mai theih a la hun loh vanga buaina ni-a lang tam tak hi a awm ve zu nia. Buan a hma hian lo kherh lawk vak lo teh ang u.
Report this comment
April 29th, 2009 at 12:48 am
a hala inhal em hi chu ka la ti lo deuh…privatise kha ka thlawp,hmun chu awm ve zel turah ngai ang…
Report this comment
April 29th, 2009 at 2:06 am
@XaiA : Aging awm chi i han tiuk deuhte hi … art lamah pawh i meng fim khawp mai; nuam ti takin tizui zel ang che. I truly appreciate your shot and framing.
Report this comment
April 29th, 2009 at 2:11 am
Chawnghilh comment 5, ‘Churchyard’ tih khi han comment belh ve mai mai ila. Ka hriat sual loh chuan, ‘Biak In Thlanmual’ (Churchyard) hian philosophy a nei ve tlat. Khawthlan sapho hian Biak In compound-ah thlanmual an nei deuh fur mai a, a chhan nia an sawi chu, Kohhran leh Thlanmual hi a inthenawm tur a ni, an ti.
An sawi zel dan chuan, he khawvelah hian mihringte hi kan kumhlun dawn lova, pulpita thusawitu pawh, a thu ngaithlatu pawh, naktuk lawka vui liam mai theih, Biak In kawt thlanmuala phum mai theih an ni. Chuvangin, thusawitu chuan, thi mai thei kan ni tih hriain, thi mai turin a mamawh thuchah a sawi thin tur a ni, tih kha ‘Churchyard philosophy’ a ni awm e.
Tin, hnaivai taka lusun an awm phei chuan, an inthlamuanna tur chu Biak In kha a ni a. Thlanmual mamawh chhanna chu Biak Inah khan a awm tur a ni tih hi Churchyard philosophy a ni bawk. A lo ril riau.
Keini mihringte hi ‘thihna fa’ kan lo ni tlat mai a. Chuvangin, Biak Inah hian thihna avanga lusun te, lungngai te, lungleng tak taka awm te mamawh thuchah hi kan puan chhuah fo a pawimawh khawpin ka hria.
Report this comment
April 29th, 2009 at 2:17 am
‘Khawhar chhungte pual’ tih hi a tha tihna riau ka nei tawh. A thi kha keimah ang rual a nih phei chuan, thil thui tak min ngaihtuahtir thin. Thi thei kan ni tih hi kan inhre theuh. Mahse, thi mai tura inpeih reng erawh a har khawp mai. Chuvangin, khawhar chhungte pual program hian thi mai thei kan ni tih min hriatchhuahtir thin a, a tha ka ti.
Tha tih vak loh erawh ka nei. Mitthi thla kan tarlan hian, an thih dawn hnaih, natna avanga an hmel hmuh tlak tawh mang loh, cher em em, chau em em lai thla chena kan tarlang thin hi chu, a thia kha ka lo lainat deuh thin. An that lai thla tarlan mai hi a tawkin ka hria. Oxygen an pe lai thla kan han tilang ngat phei hi chu en nuam ka ti lo. An tlawm lai ber thla hi chu tihlan loh ni se ka lo ti ve mai mai thin. An thih tawh hnu thla phei hi chu pho lan chiam a tul ber em aw?
Report this comment
April 29th, 2009 at 2:28 am
Thihna hi thil sawi nuam a ni lo. Thi tur vek kan ni a, thi tur atan kan inphal si lo. Thihna dar hi ringtu tan chuan hlimna dar ri ni mai tur a ni. Mahse, kan lungngai tlat tho si. Thi thei lo kan lo ni lo hi lawmna a ni leh tho bawk si. Helai bawr vel thil hi Pathian kutchhuaka thil ropui ber pawl a ni mai lo maw?
Report this comment
April 29th, 2009 at 2:45 am
Khawhar Chhungte Pual-ah hian a mitthi ber thlalak hi Group photo-ah chuan thal (arrow)-in an kawhtir deuh kher thin; pa pakhat pawh —a vawkpui nen chauhva thla an lak dun kha a chhungten an rawn tilang a; arrow-in an la rawn kawhtir fan zu nia! Mi fimkhur ve te!
Report this comment
April 29th, 2009 at 11:02 am
Mitthi puala kan thiltih zawng zawng hi a la dam, mitthi chhungte rilru nawmna tur leh thlamuanna tur thil deuh hlir a ni a. Inhalral hi a expensive bakah kan Mizo rilru hi chuan pawm harsa a la ti ngawt ang.
Thlanmual hmun hi a buaithlak ta hle. Thlan laitute pawh a tlawmngai fal panngai hi an ni deuh reng. Kan Mizo tihdan phung kalsan chu kan harsat fu laiin nu leh pa ten an fate thlan lai turin an tirchhuak thei ta mang lo, nachang hre lo hrim2 an awm bawk. Tlangval thlan lai rual, laih loha zak miah lo tam tak an awm bawk a. Chu aia tam mah chu, mahni hna lam avanga lai hman lo an awm bawk.
Chuvangin, thlan laitu leh thlanmuan enkawltu tha tak neih mai hi kan hlat tawh lo niin a lang. Kan duh vang ni hauh lovin, a hunin a hril tan niin ka hria.
Report this comment
April 29th, 2009 at 11:39 am
Chawnghilha hi i thil sawi a bengvar thlak thin ngawt mai. Khaukhurh hi enge ka lo hre ngai reng reng lo nia!! Vanneihtluang pa hi Shillong-ah a bo daih an ti bawk.
mzvision-a vision, thlan laih privatise hi tun atanga rei lote ah a bikin Aizawlah chuan an la practice ngei ngei ang. Tunah pawh veng thenkhat, thlan lai tur hlawhfaa lak duh an awm nual mai. A ti hmasatu nih an hreh deuh ni tur a ni.
Thlanmual sawi takah chuan, thufing pakhatah chuan thlan hung tangkai lohzia a a sawi a. “A chhunga awm a rawn chhuak thei si lo, a dama te lah thlan chhunga awm kan chak bawk si lo,” tiin a sawi. A ni ngawt mai.
Mizote hian Thlan lungah hian thu ziak kan duhthawh thin ngawt mai. Kan hmingthatna te hi ziah vek kan tum a maw ni?
Report this comment
April 29th, 2009 at 5:12 pm
Tlem kan off topic lawk. Human rights thil chhuah ah khan Aizawla Chin ho thi chu Riangvai Thlanmual ah an phum thin tih kha an ziaka, kha tia sawi anih hma chuan a ‘OK’ viau in a lang ,mahse ngaihthah anga kan lan dawn chuan Vantlang Thlanmual ‘Public Cemetery’ te ti ila a tha mai lo maw? Politically correctness hi kan ngai pawi mawh ta hle mai si a.
Report this comment