MZP Hqrs Serchhip te chuan an Headquarters huam chhunga Non-Mizo awmte chhin chhiahna felfai tak record neih a nih theih nan hmalak ni rawh se tiin an rel.
Vawiin May 6 a Serchhip Press Club a MZP Hqrs Serchhip ten rorel inkhawm an neihah he thu hi an passed a, an thu passed dang te zingah -Competitive exam-ah kan District huamchhung a thalai a tam thei ang ber an tlin theih nan hmalak ni rawh se;
Serchhip District chhungah Commerce subject HSS ah leh College ah zirna a awm theihnan hmalak ni rawh se, Serchhip District chhunga Private Company lo lut leh lo lut tur te uluk taka en zui thin ni rawh se, ILP check hi a rual khaiin Headquarters huam chhungah neih ni tawh rawh se tih te leh Millenium High School Chhiahtlang Managing Board chu VC tel lohna anih avangin managing board thar din turin sawrkar ah ngen nise tih te a tel a ni.
MZP Hqrs Serchhip te hian 7 May hian Serchhip Town Hall ah HSLC leh HSSLC a Serchhip District chhunga zirlai titha te chawimawina hun an hmang bawk dawn a ni. He hunah hian Pu PC Zoramsangliana, Minister chu khuallian a ni ang.
Similar Posts:
- Serchhip MZP-in chawimawi tum
- YMA Mamit Sub – Hqrs. Conference neih a ni
- Kolasib Group YMA in CYMA zawmna titawp
- Non-Tribal-ten kan Tribal Quota min eisak hnem tawh
- T. Romama Nite Serchhip ah
May 7th, 2009 at 1:22 am
“Kei pawh non-Mizo ni ve ta,” tia trap hlep hlep pawh an chhinchhiah tel turah ngai ta ila! Sakhaw lam thilah pawh ke pen zel se.
Serchhip MZP chetchhuah hun hi a tlai chhe lo nain, Champhai mipuite ngaihtuah chuan che tlai tawh tak zawng an ni —Champhai khi 1980s khan ka leng chho zauh zauh thin a; an lo uanthuanna ber pawh, “Vaiho rawn sumdawng hi chu an thil zawrh hi kan eisak vek a, a man kan pe duh der si lo va; a thlawnin min chawm rei peih lo,” an ti mai! Vaiho chu an haw kir leh nge nge thin a ni ber.
Mahse, Champhai-ho pawh khi —vaiho chiah an melh thip a —anmahni chimpiltu —hlet dang atanga rawn lut hmu chiang thiam turin an mit a pual leh lawi si … myopia hi chi hrang hrangin a lo vei theih ni ber awm a ni!
Report this comment
May 7th, 2009 at 3:08 am
Non-Mizo tih lai tak hi tunge mizo a, tunge mizo lo tih hi buaithlak ka ti..Mizoram chhung mi diktak ni lo tih ni ta zawk se a tha angem?
Mizo pawh hmun hrang hrangah an awm tawh a, (non-reseident Mizo)….heng ho hian mizoram an hmangaih vek kher lo mai thei. tlema politically correct deuh hi zawn a hun fuin ka hria. Ethnic identity hi eng chiah nge maw ni le?
Report this comment
May 7th, 2009 at 3:49 am
Census ang reng neih kha chu thil pawi pawh a ni lo. Legal taka awm leh awm lo fiahna a ni maia. an chhiar dan tur Format poh hi uluk tak chuan an duang ngei anga – chi hran hrana thliar chu a ngai ang le. eg – 1) Foreigner an citizen neihna country leh engtia awm nge puantah nge lo zin zawk nge sumdawng nghet nge Burma thlangra rawn zuar nge, a tam thei ang. 2) India mi diktak dan anga hnathawk aawm te danlova lo lut mistiri leh chhang zuar leh workshop mechanic etc, ILP fel tak neia inhlawh a awm Vai, Manipur lam kan unau leh unau chiah lo te. Trader awmnghet Mizo nupui nei leh Midum labour Mizo nupui nei, Vai dawr nghak leh Cachar leh Tripura lam mi awmpui. Roman Cathlic school leh biakina thawk te Sipai ho telin
An census result hriat a chakawm. Mahse Vai chauh hi an chhiar mai angah
Report this comment
May 7th, 2009 at 4:47 am
Non-mizo chhungah Mizo nge nge pawh Sakhuana ah an lawisia engtin tak ni ang maw!?
Mizo nitho si, mizoram a piang si lo mizo te pawh kan tam tawhsia? Hei hi engtin nge ni ta ang? Ti in, Citizenship chungchang sawina ah khawilai maw meeting naah zawhna ka siamtawha! Chhan dan thiam mumal tak leh Dan Law angin mi an chhangtheita si loa, Mizoram Sorgar mawhphurhna ah nghat dawnta i la, Israel mi ten an vuang leh vang an hauh in an zawn kual lai in keini hnamte zawkte chu kan vuangleh vau in zawn a hnek in kan in thekdarh dan tur kawng kan ngaihtuah chhen hian kan Hnam min tei te nau in kan te tial tial dawn in a lang.!!
Report this comment
May 7th, 2009 at 5:48 am
Khitiang ang khian Mizo state danga awm te khi vaiho hian tive mai che u sela racism, discrimination ti nawng nawng tur an van tam tak em. ILP check khi chu ka thlawp.
Report this comment
May 7th, 2009 at 8:39 am
@aryan.. tun tum chu i sawi dik ka ti tlat. Chhinchhiah han tih vel. Vairam chawm kan ni a, kan ti duh anih pawhin lang lutuk lo in ti ta ila…..vairam leh vai tel lo in mizoram leh mizo te kan awm thei lo tih hi i hre thar leh ang u. Danin kan hnam inhumhim nana ILP min siamsak te hi tha takin kengkawh ila. MZP ten mob rule ang hrim a, ka chhinchhiah e an han ti vel zawng encourage lutuk chi a ni lo ang.
Report this comment
May 7th, 2009 at 9:28 am
Khasi ho kan va ang sawt ve. Khasi ho pawh hian, an ram chhunga hnam dang In neia awm te pawh, an In a chhiat pawhin repair an phal lova, an hralh dawn pawhin Khasi hnenah chauh lo chuan hralh an phal lo. Tunah phei chuan Bathroom siam that dawn pawhin an Gaubura te phalna lak te te a ngai tawh, an ti. Meghalaya chhungah chuan Khasi tan lo chuan in leh lo neih theih a ni tawh lo tluk a ni.
Ka thinrim deuh chang chuan India ram state tin-ah hian Khasi reng rengin hmun an nei thei lovang tiin khap bur ila te ka ti rum rum thin. Aryan sawi ang deuh hian, India ram state dang hian Mizorama kan tih ang chiah hian ti ve ta se, kan duh ang em?
Tunlai chhanah chuan thil thleng (incident) hi khawvel pumah a darh zung zung tawh a. Tuna Mizorama kan thiltih tam tak pawh hi nakin lawkah chuuan India ram pumah an la hre zung zung dawn a ni. Kan fimkhur loh chuan, keimahni Mizo te hi India ram hmun dangah kan inti chep tawlh tawlh tawlh thei tih i hria ang u.
Report this comment
May 7th, 2009 at 9:41 am
Apute a nge nge sawi tha thin mange.
Report this comment
May 7th, 2009 at 10:01 am
Millenium High School Chhiahtlang Managing Board chu VC tel lohna anih avangin managing board thar din turin sawrkar ah ngen nise
VC tel kher chu eng nge a trulna???
Report this comment
May 7th, 2009 at 10:15 am
Non-Mizo chhinchhiah chu, an duh lo lo nei ang hmiang, engnge a pawina vak tur? An hnawtchhuak vek dawn tih pawh ni hlei lo. ILP nei lote phei chu thuneitute hnenah hriattir se, thawnkir vek se a tha ang chu. Kan ramah hian, mahni hnam hmangaihna chang pawh hrelo, mahni tanghma hai avanga Zoram chhiat pawh pawisa lo, ILP nei lova Vai lo chhawr lui ngar ngar hi thahnem tak an awm. Hengho hi hnam hmelma an ni.
An tel lovin kan awm thei lo nameuh mai, anni pawh kan tel lo hian an nung thei bik chuang lo.
Report this comment
May 7th, 2009 at 10:38 am
Nia… Zaia sawi ang hi a ni e… Vawikhat chu Lunglei-ah tum khat MZP-in ILP an check a. Ka la hre reng….. Tlema mi awmthei deuh (an hming soi lo mai ila) ho khan an vai chhawr, an ILP thi tawh la tihnun hman si loh ho kha an inah an thukru a. Ual-au leh langsâr tak chuan MZP thiltih chu an support hmel hle mai a. A nihna takah chuan MZP tan chuan mi tenawm tak an ni zawk si a….. Hetiang thil hi a inzep tel zel avang hian kei chu hetiang check leh tih velah pawh hian ka phûr tawh lohna a rei fu a ni…
Report this comment
May 7th, 2009 at 11:06 am
Serchhip MZP 100% in ka thlawp e. Hmanni deuh khan Office-a kan thawhpui pakhat chuan a inluahtu atana a duh vang ngawtin vai sponsor a tuma ka ngaihdan a ni baulo, ka ankhum tak hrep kha! Hnam ah i chiang ang u.Dadum, vai thlah i nilo maw? ILP kengkawh tha tur chuan chhinchhiah an ngai a ni mahna..!!
Report this comment
May 7th, 2009 at 11:21 am
Hmarcha thak mizo 100% ka ni e. Mahse vai zinga tlache thang, vai ho hlau ve lem lo ka ni.
Vai hi hnam tawi tak an ni a, mizoramah leh mizo vai rama awm te hian kan pawng tawng hlauh ta thin a, kan hlauh avang chuan provoke vak pawh tul lo in , vai huat te kan in zirtir chiam thin a. India ram mi kan ni lo thei si lo a, india ram in dan a siam a, chu chu ILP instrument hmangin ken kawh a ni a, lang sar lutuk leh ual au lutuk a… ka chhinchhiah e lo tih vel kha ka nuih an ti za. Serchhip pel se ngawi duk leh si tur…….. a dawizep hna em mai ka lo ti ve mai mai a ni
Report this comment
May 7th, 2009 at 11:49 am
Tutenge maw vai huat lo inzirtir thin le aw..huat an tul pawh ka ti lo. Mahse min chimral kan hlauh avangin mamawh hle mah ila a tlem thei ang ber Mizoram ah hian lo kal se tih hi ka duh dan a ni. Rilru zau tak pua kan lo welcome-a, kan ngaimawh loh chuan reilote ah min chimral hlauh dah ange. 1994 kuma vai dawr suasam te kha pawisawilo mi engemawzat in tuar mahse, kei chuan tha ka’n ti veng2 khawpa! kha thil kha thleng lo sela chuan sumdawnna kawngah min chimral thawthang tawh ang chu. ILP kenkawh kan duh, mahse dan ang thlapa kengkawng utr ten an kenkawh zawhloh avangin NGO anlo inrawlh ve thin te pawh hi tha ka ti khawp mai.. 1999 kuma Agartala a Youth Convention kan neih tumin Tripuri Zirlai hruaitu pakhat chuan tap zawih2 chungin hnam dangin an chimral dan a sawia mitthla ah ala cham reng mai..aaa ka dawih viau pawh chu a niange!
Report this comment
May 7th, 2009 at 12:12 pm
Mizo te hi vai chim ral theih chi kan ni tawh lo. Vai ho zawk hian hawiher ah leh chetzia ah te hian min tluk lo em em a, an entawn tur kan la ni thuai dawn a ni. Tripuri ho nen chuan in tehkhin lo teh ang. Ngaihmawh awmber a ka hriat zawk chu civilised lo lutuka hmalak kan ching hi a ni. Kan do duh a nih chuan do ang u hmiang, mahse civilised deuh in, midang vai leh sap te hnen pawh a sawichhawn leh hun pawha in defend dan awm ve tur zawng in. Chutia vai dawr suasam te kan lo support mai zawngin miten kan hnam hi min hmusit dah ange
Report this comment
May 7th, 2009 at 12:45 pm
Chuan census la tur in sorkar hnathawk an in daih lova, sorkar in MZP a outsource em ni??
Registration system neih te chu thil tha ania, ka awmna ramah pawh vengtin in Magistrate office kan nei a, kan in register vek alawm. Census lak tih hi chu sorkar hna a ni si a, te tiin ka lo sep a.
Aryan i chham tha khawp mai.
Report this comment
May 7th, 2009 at 12:46 pm
Engtiang chiah in nge “Non-mizo” chhinchhiah an tih hi an kal pui dawn phei chu ka hrelova, mahse ILP kenkawhna kawngah chuan hetia non-mizo han hriat chu a tul ngeiin kei chuan ka ring.
“Vairam chawm kan ni a” tih hi chuan ngaihtuahna a ti thui khawp mai. Kei chuan India ram hi vairam a nih bik em em na pawh ka hrelo. India mi ka ni a, ka ram a ni tih ka chiang. Vai tam zawk in, Vaiho roreltu ni mahse, ka ram a nihna a bo lo va. Tin, India sawrkar enkawlna hnuaia thatna kan lo dawnte hi kan phu ve reng niah ka ngai. Ram leilung fate kan nih avangin. Chuvangin, “Vai ho tellovin kan awm theilo va” tih chhuanlam hi zawng kan chenna leh kan pianna humhalhnan a kan hmalakna ti thuanawp tu ani turah ka ngailo. Chumai piah lamah, keini mizo te chauh nilo, vai kan tih ngei te pawh telin, India ramchhunga kan chenna leh keimahni mipui theuh enkawl leh humhalh hi kan mawhphurna a ni a. Chuvangin ILP kenkawhnan a chhinchhiah leh hriat chianna hnathawh a nih chuan a pawina tur ka hre tlat pek lo.
Chutihlaiin hnamdang huatna hrimhrim avang a kalpui tur ang anih erawh chuan thil tha ber ani hauh lovang. Aryan (comment 5.) sawi angin, mizo tamtak, zirlaite leh lailote ho hi chutiang a min ti anih chuan kan phun nasa nawng nawng viau ang. Tunah mai pawh thil hote alo thlenin discrimination a tam lutuk kan ti tlangpui hlawm a ni si.
Chuvangin, kan kalpui dan tur leh a chhan chiang tak a ngaihtuahin, ruah hmanna tha tak nen a kalpui a ngai ngei ang le
Report this comment
May 7th, 2009 at 3:40 pm
Ka thlawp e.ILP nei lo an tam lutuk ringawt poh hi vei tham.Mizo chu kan rilru leh suangtuahna hi a thui lo.Chuvangin hetianga vai tih thaih zeuh zeuh hi a ngai.Khasi ho ang khuan thikthu ti chhia ila ka ti.Helamah chuan ka rilru hi a zim ve na tak.Hnam thil ah chuan MZP hi an huai ber.
Report this comment
May 7th, 2009 at 4:04 pm
@burgerstud2005:
Khasi ramah kum 5 vel tal han awm la, Khasi ho movement i ngaihdan ka hre chak khawp mai. Exam tul lai taka ‘Black out’ an han ti a, mombati bak chhit an han phal tlat lo mai te chu, thin a rim duh khawp asin. Ka chhungte Bathroom kan siam tha dawn a, kawtah cement kan chawk kawi nasa mai a, chutah Khasi rawlthar te te an rawn kal a, pawr em emin min han khap a, “Khasi ram a ni a, in duh duhin in chenna in insiam tha thei lo” an han ti vei khang khang mai chu, thin a tawt alh alh mai a ni. Khasi movement vang hian Khasi mipa kan hmuh dan hi a inthlak nasa a, Khasi ram chhunga hnam dang laka an inlulin nasat poh leh, hnam dang thinlungah an chep ve tawlh tawlh mai a ni.
Hmanni chu India ram mai ni lo, Khawvel huapa mithiam tling chin Professor putar pakhat nen kan inkawm a, “When we stop questioning and examining our actions, we tend to become more like animals than human” tiin a sawi a, ka ngaihtuahna a tithui khawp mai. Mahni kan inbih chian fo loh chuan, Burma sorkar ang mai khian kan chawlawl thei a ni.
Report this comment
May 7th, 2009 at 4:12 pm
Nia, Khasi hovin Mizo te an mahni in ngei chei that an phallo te leh in lei min khap sak hi chu ka haw ngawt mai. Dan ka hre ve lem lo nanga, democracy ram ah citizen kan nih chuan tian hi dan in khap awm tak ka ti! Bengali ho an ngam tawh lova, Mizo te ah chance la nei ah an inngai te pawh a ni mahna le.
Report this comment
May 7th, 2009 at 4:15 pm
Nia..a dik tho mai.Mahse MZP ho chet dan hi chu vai lakah chuan a tha ber chu ka ti lo a,hetianga vai ho rilru a hlauhna tuh hi a tha ka ti.
a dik tak chuan in chim ral tih mai mai chu hnam thatchhiat vang a ni pakhat a.rinawmna nei ila chu chimral theih kan ni lo ang.
election observer pakhat garo nu ias a ni a.mizorama thil tha ka hmuh chu cs leh dgp te,secy rual z. deuh thaw mizo ka hmu hi in hnam ttan a tha a ti.
Report this comment
May 7th, 2009 at 6:29 pm
good job…better late than never an tih kha maw
Report this comment
May 8th, 2009 at 4:24 am
Chhinchhiah mawlh rawh u, in chhinchhiah dan chin erawh kan hre thuk pha rih lo —kawngro chu a su nual ngei ang. Leilung-fate ngaihtrha (complacent)-in kan trhuthluang mai mai tur a ni lo. Mizo number two, number three thlengin melh kim vek rawh u. Mahse, THU BER leh inluling berin khawsa suh u. A dik tak chuan MZP hna a ni lo … in tlawmngai ta sa sa — in thil tum hi a dik zawngin hmang ang che u. Hnek a trul chuan ka kuttum ka rawn thawh phal ang.
Report this comment
May 8th, 2009 at 12:51 pm
then tana SSA (Sum Siamna Awlsam) pawh a ni mai thei a sin……..
Report this comment